[๒๒๑๗] อนิทสฺสนอปฺปฏิโฆ ธมฺโม อนิทสฺสนสปฺปฏิฆสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: สทฺธํ อุปนิสฺสาย ทานํ เทติ สีลํ
... อุโปสถกมฺมํ ... ฌานํ ... สมาปตฺตึ ... มานํ ชปฺเปติ ทิฏฺฐึ คณฺหาติ
สีลํ ... ปญฺญํ ราคํ ปตฺถนํ กายิกํ สุขํ กายิกํ ทุกฺขํ โภชนํ อุปนิสฺสาย
ทานํ เทติ ... สงฺฆํ ภินฺทติ อนิทสฺสนอปฺปฏิฆา ขนฺธา ... สทฺธา
ปญฺญา ราโค ปตฺถนา กายิกํ สุขํ กายิกํ ทุกฺขํ ... โภชนํ สทฺธาย
ปญฺญาย ฯ สงฺขิตฺตํ ฯ มคฺคสฺส ผลสมาปตฺติยา อุปนิสฺสยปจฺจเยน
ปจฺจโย ฯ
[๒๒๑๘] สนิทสฺสนสปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส ปุเรชาตปจฺจเยน ปจฺจโย ฯ อารมฺมณปุเรชาตํ: ทิพฺเพน
จกฺขุนา ... รูปายตนํ จกฺขุวิญฺญาณสฺส ปุเรชาตปจฺจเยน ปจฺจโย ฯ
[๒๒๑๙] อนิทสฺสนสปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส ปุเรชาตปจฺจเยน ปจฺจโย อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ ... กายํ ... สทฺเท ... โผฏฺฐพฺเพ ...
อนิจฺจโต ... โทมนสฺสํ อุปฺปชฺชติ ทิพฺพาย โสตธาตุยา สทฺทํ สุณาติ
สทฺทายตนํ โสตวิญฺญาณสฺส ฯเปฯ โผฏฺฐพฺพายตนํ กายวิญฺญาณสฺส
ปุเรชาตปจฺจเยน ปจฺจโย ฯ วตฺถุปุเรชาตํ: จกฺขายตนํ จกฺขุวิญฺญาณสฺส
กายายตนํ กายวิญฺญาณสฺส ปุเรชาตปจฺจเยน ปจฺจโย ฯ
[๒๒๒๐] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส ปุเรชาตปจฺจเยน ปจฺจโย อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: วตฺถุํ ... อิตฺถินฺทฺริยํ ปุริสินฺทฺริยํ ชีวิตินฺทฺริยํ
อาโปธาตุํ กพฬึการํ อาหารํ อนิจฺจโต ... โทมนสฺสํ อุปฺปชฺชติ ฯ
วตฺถุปุเรชาตํ: วตฺถุ อนิทสฺสนอปฺปฏิฆานํ ขนฺธานํ ปุเรชาตปจฺจเยน
ปจฺจโย ฯ
[๒๒๒๑] สนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส ปุเรชาตปจฺจเยน ปจฺจโย อารมฺมณปุเรชาตํ
วตฺถุปุเรชาตํ: รูปายตนญฺจ วตฺถุ จ อนิทสฺสนอปฺปฏิฆานํ ขนฺธานํ
ปุเรชาตปจฺจเยน ปจฺจโย ฯ
[๒๒๒๒] อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส ปุเรชาตปจฺจเยน ปจฺจโย อารมฺมณปุเรชาตํ
วตฺถุปุเรชาตํ จกฺขายตนญฺจ วตฺถุ จ ...
โผฏฺฐพฺพายตนญฺจ วตฺถุ จ อนิทสฺสนอปฺปฏิฆานํ ขนฺธานํ
ปุเรชาตปจฺจเยน ปจฺจโย ฯ
[๒๒๒๓] สนิทสฺสนสปฺปฏิโฆ จ อนิทสฺสนสปฺปฏิโฆ จ
ธมฺมา อนิทสฺสนอปฺปฏิฆสฺส ธมฺมสฺส ปุเรชาตปจฺจเยน ปจฺจโย
อารมฺมณปุเรชาตํ วตฺถุปุเรชาตํ: รูปายตนญฺจ จกฺขายตนญฺจ
จกฺขุวิญฺญาณสฺส ปุเรชาตปจฺจเยน ปจฺจโย ฯ
[๒๒๒๔] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส ปจฺฉาชาตปจฺจเยน ปจฺจโย ฯ ปจฺฉาชาตา: อนิทสฺสน-
อปฺปฏิฆา ขนฺธา ปุเรชาตสฺส อิมสฺส อนิทสฺสนอปฺปฏิฆสฺส
กายสฺส ปจฺฉาชาตปจฺจเยน ปจฺจโย ฯ
[๒๒๒๕] อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส
ธมฺมสฺส ปจฺฉาชาตปจฺจเยน ปจฺจโย ฯ ปจฺฉาชาตา: อนิทสฺสน-
อปฺปฏิฆา ขนฺธา ปุเรชาตสฺส อิมสฺส สนิทสฺสนสปฺปฏิฆสฺส
กายสฺส ปจฺฉาชาตปจฺจเยน ปจฺจโย เอวํ สตฺต ปญฺหา วิภชิตพฺพา
ติวิธรูปสงฺคโห ฯ
[๒๒๒๖] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อาเสวนปจฺจเยน ปจฺจโย ปุริมา ปุริมา อนิทสฺสนอปฺปฏิฆา
ขนฺธา ปจฺฉิมานํ ปจฺฉิมานํ อนิทสฺสนอปฺปฏิฆานํ ขนฺธานํ
อาเสวนปจฺจเยน ปจฺจโย อนุโลมํ โคตฺรภุสฺส อนุโลมํ โวทานสฺส
โคตฺรภุ มคฺคสฺส โวทานํ มคฺคสฺส อาเสวนปจฺจเยน ปจฺจโย ฯ
[๒๒๒๗] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส กมฺมปจฺจเยน ปจฺจโย สหชาตา นานาขณิกา ฯ
สหชาตา: อนิทสฺสนอปฺปฏิฆา เจตนา สมฺปยุตฺตกานํ ขนฺธานํ
อนิทสฺสนอปฺปฏิฆานญฺจ จิตฺตสมุฏฺฐานานํ รูปานํ กมฺมปจฺจเยน
ปจฺจโย ฯ นานาขณิกา: อนิทสฺสนอปฺปฏิฆา เจตนา วิปากานํ ขนฺธานํ
อนิทสฺสนอปฺปฏิฆานญฺจ กฏตฺตารูปานํ กมฺมปจฺจเยน ปจฺจโย ฯ
[๒๒๒๘] อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส
ธมฺมสฺส กมฺมปจฺจเยน ปจฺจโย สหชาตา นานาขณิกา ฯ สหชาตา:
อนิทสฺสนอปฺปฏิฆา เจตนา สนิทสฺสนสปฺปฏิฆานํ จิตฺตสมุฏฺฐานานํ
รูปานํ กมฺมปจฺจเยน ปจฺจโย ฯ นานาขณิกา: อนิทสฺสนอปฺปฏิฆา
เจตนา สนิทสฺสนสปฺปฏิฆานํ กฏตฺตารูปานํ กมฺมปจฺจเยน ปจฺจโย
เอวํ สตฺต ปญฺหา สหชาตา นานาขณิกา อิมินา การเณน
วิภชิตพฺพา ติวิธรูปสงฺคโห ฯ
[๒๒๒๙] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส วิปากปจฺจเยน ปจฺจโย วิปาโก อนิทสฺสนอปฺปฏิโฆ เอโก
ขนฺโธ ติณฺณนฺนํ ขนฺธานํ อนิทสฺสนอปฺปฏิฆานํ จิตฺตสมุฏฺฐานานญฺจ
รูปานํ วิปากปจฺจเยน ปจฺจโย เทฺว ขนฺธา ... ปฏิสนฺธิกฺขเณ
อนิทสฺสนอปฺปฏิโฆ เอโก ขนฺโธ ติณฺณนฺนํ ขนฺธานํ อนิทสฺสน-
อปฺปฏิฆานญฺจ กฏตฺตารูปานํ วิปากปจฺจเยน ปจฺจโย ขนฺธา
วตฺถุสฺส วิปากปจฺจเยน ปจฺจโย ฯ
[๒๒๓๐] อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส
ธมฺมสฺส วิปากปจฺจเยน ปจฺจโย วิปากา อนิทสฺสนอปฺปฏิฆา ขนฺธา
สนิทสฺสนสปฺปฏิฆานํ จิตฺตสมุฏฺฐานานํ รูปานํ วิปากปจฺจเยน ปจฺจโย
ปฏิสนฺธิกฺขเณ อนิทสฺสนอปฺปฏิฆา ขนฺธา สนิทสฺสนสปฺปฏิฆานํ
กฏตฺตารูปานํ วิปากปจฺจเยน ปจฺจโย เอวํ สตฺต ปญฺหา
วิตฺถาเรตพฺพา ปวตฺติ ปฏิสนฺธิ ฯ
[๒๒๓๑] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อาหารปจฺจเยน ปจฺจโย อนิทสฺสนอปฺปฏิฆา อาหารา
สมฺปยุตฺตกานํ ขนฺธานํ อนิทสฺสนอปฺปฏิฆานญฺจ จิตฺตสมุฏฺฐานานํ รูปานํ
อาหารปจฺจเยน ปจฺจโย ปฏิสนฺธิกฺขเณ อนิทสฺสนอปฺปฏิฆา อาหารา
สมฺปยุตฺตกานํ ขนฺธานํ อนิทสฺสนอปฺปฏิฆานญฺจ กฏตฺตารูปานํ
อาหารปจฺจเยน ปจฺจโย กพฬึกาโร อาหาโร อิมสฺส อนิทสฺสน-
อปฺปฏิฆสฺส กายสฺส อาหารปจฺจเยน ปจฺจโย ฯ
[๒๒๓๒] อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส
ธมฺมสฺส อาหารปจฺจเยน ปจฺจโย อนิทสฺสนอปฺปฏิฆา อาหารา
สนิทสฺสนสปฺปฏิฆานํ จิตฺตสมุฏฺฐานานํ รูปานํ อาหารปจฺจเยน ปจฺจโย
ปฏิสนฺธิกฺขเณ อนิทสฺสนอปฺปฏิฆา อาหารา สนิทสฺสนสปฺปฏิฆานํ
กฏตฺตารูปานํ อาหารปจฺจเยน ปจฺจโย กพฬึกาโร อาหาโร อิมสฺส
สนิทสฺสนสปฺปฏิฆสฺส กายสฺส อาหารปจฺจเยน ปจฺจโย เอวํ สตฺต
ปญฺหา ปวตฺติ ปฏิสนฺธิ วิภชิตพฺพา สตฺตสุปิ กพฬึกาโร อาหาโร
กาตพฺโพ ฯ
[๒๒๓๓] อนิทสฺสนสปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อินฺทฺริยปจฺจเยน ปจฺจโย จกฺขุนฺทฺริยํ จกฺขุวิญฺญาณสฺส
กายินฺทฺริยํ กายวิญฺญาณสฺส อินฺทฺริยปจฺจเยน ปจฺจโย ฯ
[๒๒๓๔] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อินฺทฺริยปจฺจเยน ปจฺจโย อนิทสฺสนอปฺปฏิฆา อินฺทฺริยา
สมฺปยุตฺตกานํ ขนฺธานํ อนิทสฺสนอปฺปฏิฆานํ จิตฺตสมุฏฺฐานานญฺจ
รูปานํ อินฺทฺริยปจฺจเยน ปจฺจโย ปฏิสนฺธิกฺขเณ อนิทสฺสนอปฺปฏิฆา
อินฺทฺริยา สมฺปยุตฺตกานํ ขนฺธานํ อนิทสฺสนสปฺปฏิฆานญฺจ
กฏตฺตารูปานํ อินฺทฺริยปจฺจเยน ปจฺจโย รูปชีวิตินฺทฺริยํ
อนิทสฺสนอปฺปฏิฆานํ กฏตฺตารูปานํ อินฺทฺริยปจฺจเยน ปจฺจโย ฯ
[๒๒๓๕] อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส
ธมฺมสฺส อินฺทฺริยปจฺจเยน ปจฺจโย อนิทสฺสนอปฺปฏิฆา อินฺทฺริยา
สนิทสฺสนสปฺปฏิฆานํ จิตฺตสมุฏฺฐานานํ รูปานํ อินฺทฺริยปจฺจเยน ปจฺจโย
ปฏิสนฺธิกฺขเณ อนิทสฺสนอปฺปฏิฆา อินฺทฺริยา สนิทสฺสนสปฺปฏิฆานํ
กฏตฺตารูปานํ อินฺทฺริยปจฺจเยน ปจฺจโย รูปชีวิตินฺทฺริยํ สนิทสฺสนสปฺปฏิฆานํ
กฏตฺตารูปานํ อินฺทฺริยปจฺจเยน ปจฺจโย เอวํ ปวตฺติ ปฏิสนฺธิ สตฺต
ปญฺหา วิภชิตพฺพา รูปชีวิตินฺทฺริยญฺจ อนฺเต อนฺเต ฯ
[๒๒๓๖] อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส อินฺทฺริยปจฺจเยน ปจฺจโย
จกฺขุนฺทฺริยญฺจ จกฺขุวิญฺญาณญฺจ จกฺขุวิญฺญาณสหคตานํ ขนฺธานํ
อินฺทฺริยปจฺจเยน ปจฺจโย ฯ สงฺขิตฺตํ ฯ กายินฺทฺริยญฺจ กายวิญฺญาณญฺจ
กายวิญฺญาณสหคตานํ ขนฺธานํ อินฺทฺริยปจฺจเยน ปจฺจโย ฯ
[๒๒๓๗] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส ฌานปจฺจเยน ปจฺจโย มคฺคปจฺจเยน ปจฺจโย
สมฺปยุตฺตปจฺจเยน ปจฺจโย อนิทสฺสนอปฺปฏิโฆ เอโก ขนฺโธ ติณฺณนฺนํ
ขนฺธานํ สมฺปยุตฺตปจฺจเยน ปจฺจโย เทฺว ขนฺธา ... ปฏิสนฺธิกฺขเณ ... ฯ
[๒๒๓๘] อนิทสฺสนสปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส วิปฺปยุตฺตปจฺจเยน ปจฺจโย ฯ ปุเรชาตํ: จกฺขายตนํ
จกฺขุวิญฺญาณสฺส กายายตนํ กายวิญฺญาณสฺส วิปฺปยุตฺตปจฺจเยน
ปจฺจโย ฯ
[๒๒๓๙] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปุเรชาตํ ปจฺฉาชาตํ ฯ
สหชาตา: อนิทสฺสนอปฺปฏิฆา ขนฺธา อนิทสฺสนอปฺปฏิฆานํ
จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย ปฏิสนฺธิกฺขเณ
อนิทสฺสนอปฺปฏิฆา ขนฺธา อนิทสฺสนอปฺปฏิฆานํ กฏตฺตารูปานํ
วิปฺปยุตฺตปจฺจเยน ปจฺจโย ขนฺธา วตฺถุสฺส วิปฺปยุตฺตปจฺจเยน
ปจฺจโย วตฺถุ ขนฺธานํ วิปฺปยุตฺตปจฺจเยน ปจฺจโย ฯ ปุเรชาตํ: วตฺถุ
อนิทสฺสนอปฺปฏิฆานํ ขนฺธานํ วิปฺปยุตฺตปจฺจเยน ปจฺจโย ฯ ปจฺฉาชาตา:
อนิทสฺสนอปฺปฏิฆา ขนฺธา ปุเรชาตสฺส อิมสฺส อนิทสฺสนอปฺปฏิฆสฺส
กายสฺส วิปฺปยุตฺตปจฺจเยน ปจฺจโย ฯ
[๒๒๔๐] อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปจฺฉาชาตํ ฯ สหชาตา:
อนิทสฺสนอปฺปฏิฆา ขนฺธา สนิทสฺสนสปฺปฏิฆานํ จิตฺตสมุฏฺฐานานํ
รูปานํ วิปฺปยุตฺตปจฺจเยน ปจฺจโย ปฏิสนฺธิกฺขเณ อนิทสฺสนอปฺปฏิฆา
ขนฺธา สนิทสฺสนสปฺปฏิฆานํ กฏตฺตารูปานํ วิปฺปยุตฺตปจฺจเยน
ปจฺจโย ฯ ปจฺฉาชาตา: อนิทสฺสนอปฺปฏิฆา ขนฺธา ปุเรชาตสฺส
อิมสฺส สนิทสฺสนสปฺปฏิฆสฺส กายสฺส วิปฺปยุตฺตปจฺจเยน ปจฺจโย
อวเสสา ปญฺจ ปญฺหา เอวํ วิตฺถาเรตพฺพา สหชาตา ปจฺฉาชาตา ฯ
[๒๒๔๑] สนิทสฺสนสปฺปฏิโฆ ธมฺโม อนิทสฺสนสปฺปฏิฆสฺส
ธมฺมสฺส อตฺถิปจฺจเยน ปจฺจโย ฯ ปุเรชาตํ: รูเป อนิจฺจโต ...
โทมนสฺสํ อุปฺปชฺชติ ทิพฺเพน จกฺขุนา รูปํ ... รูปายตนํ
จกฺขุวิญฺญาณสฺส อตฺถิปจฺจเยน ปจฺจโย ฯ
[๒๒๔๒] อนิทสฺสนสปฺปฏิโฆ ธมฺโม อนิทสฺสนสปฺปฏิฆสฺส
ธมฺมสฺส อตฺถิปจฺจเยน ปจฺจโย อนิทสฺสนสปฺปฏิฆํ เอกํ มหาภูตํ
ทฺวินฺนํ มหาภูตานํ อตฺถิปจฺจเยน ปจฺจโย เทฺว มหาภูตา เอกสฺส
มหาภูตสฺส อตฺถิปจฺจเยน ปจฺจโย อนิทสฺสนสปฺปฏิฆา มหาภูตา
อนิทสฺสนสปฺปฏิฆานํ จิตฺตสมุฏฺฐานานํ รูปานํ กฏตฺตารูปานํ
อุปาทารูปานํ อตฺถิปจฺจเยน ปจฺจโย โผฏฺฐพฺพายตนํ จกฺขายตนสฺส
รสายตนสฺส อตฺถิปจฺจเยน ปจฺจโย พาหิรํ ... อาหารสมุฏฺฐานํ ...
อุตุสมุฏฺฐานํ เอกํ มหาภูตํ ทฺวินฺนํ มหาภูตานํ อตฺถิปจฺจเยน
ปจฺจโย เทฺว มหาภูตา เอกสฺส มหาภูตสฺส อตฺถิปจฺจเยน ปจฺจโย
อุตุสมุฏฺฐานา มหาภูตา อนิทสฺสนสปฺปฏิฆานํ อุปาทารูปานํ
อตฺถิปจฺจเยน ปจฺจโย อสญฺญสตฺตานํ อนิทสฺสนสปฺปฏิฆํ เอกํ มหาภูตํ
ทฺวินฺนํ มหาภูตานํ อตฺถิปจฺจเยน ปจฺจโย เทฺว มหาภูตา ... ฯ
[๒๒๔๓] อนิทสฺสนสปฺปฏิโฆ ธมฺโม สนิทสฺสนสปฺปฏิฆสฺส
ธมฺมสฺส อตฺถิปจฺจเยน ปจฺจโย: ปฏิจฺจวาเร นิสฺสยสทิสํ ฯ
[๒๒๔๔] อนิทสฺสนสปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อตฺถิปจฺจเยน ปจฺจโย สหชาตํ ปุเรชาตํ ฯ สหชาตา:
อนิทสฺสนสปฺปฏิฆา มหาภูตา อนิทสฺสนอปฺปฏิฆานํ จิตฺตสมุฏฺฐนานํ
รูปานํ กฏตฺตารูปานํ อุปาทารูปานํ อตฺถิปจฺจเยน ปจฺจโย ยาว
อสญฺญสตฺตา วิตฺถาเรตพฺพา ฯ ปุเรชาตํ: จกฺขุํ ... กายํ ... สทฺเท ...
โผฏฺฐพฺเพ อนิจฺจโต ... โทมนสฺสํ อุปฺปชฺชติ จกฺขายตนํ
จกฺขุวิญฺญาณสฺส โผฏฺฐพฺพายตนํ กายวิญฺญาณสฺส อตฺถิปจฺจเยน
ปจฺจโย อวเสสา จตฺตาโร ปญฺหา วิตฺถาเรตพฺพา ปฏิจฺจวาเร
สหชาตสทิสา นินฺนานากรณา ฯ
[๒๒๔๕] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อตฺถิปจฺจเยน ปจฺจโย สหชาตํ ปจฺฉาชาตํ อาหารํ
อินฺทฺริยํ ฯ สหชาโต: อนิทสฺสนอปฺปฏิโฆ เอโก ขนฺโธ ติณฺณนฺนํ
ขนฺธานํ อนิทสฺสนอปฺปฏิฆานํ จิตฺตสมุฏฺฐานานญฺจ รูปานํ
อตฺถิปจฺจเยน ปจฺจโย เทฺว ขนฺธา ... ปฏิสนฺธิกฺขเณ อาโปธาตุ
อนิทสฺสนอปฺปฏิฆานํ จิตฺตสมุฏฺฐานานํ รูปานํ กฏตฺตารูปานํ
อุปาทารูปานํ อาโปธาตุ อินฺทฺริยสฺส กพฬึการาหารสฺส จ
อตฺถิปจฺจเยน ปจฺจโย พาหิรํ ... อาหารสมุฏฺฐานํ ... อุตุสมุฏฺฐานํ ...
อสญฺญสตฺตานํ อาโปธาตุ อนิทสฺสนอปฺปฏิฆานํ กฏตฺตารูปานํ ฯ
{๒๒๔๕.๑} ปุเรชาตํ: วตฺถุํ ... อิตฺถินฺทฺริยํ ปุริสินฺทฺริยํ ชีวิตินฺทฺริยํ
อาโปธาตุํ ... กพฬึการํ อาหารํ อนิจฺจโต ... โทมนสฺสํ อุปฺปชฺชติ วตฺถุ
อนิทสฺสนอปฺปฏิฆานํ ขนฺธานํ อตฺถิปจฺจเยน ปจฺจโย ฯ ปจฺฉาชาตา:
อนิทสฺสนอปฺปฏิฆา ขนฺธา ปุเรชาตสฺส อิมสฺส อนิทสฺสนอปฺปฏิฆสฺส
กายสฺส อตฺถิปจฺจเยน ปจฺจโย ฯ กพฬึกาโร อาหาโร อิมสฺส
อนิทสฺสนอปฺปฏิฆสฺส กายสฺส อตฺถิปจฺจเยน ปจฺจโย ฯ
รูปชีวิตินฺทฺริยํ อนิทสฺสนอปฺปฏิฆานํ กฏตฺตารูปานํ อตฺถิปจฺจเยน
ปจฺจโย เอวํ อวเสสา ฉ ปญฺหา วิภชิตพฺพา สหชาตํ ปจฺฉาชาตํ
อาหารํ อินฺทฺริยมฺปิ กาตพฺพา ฯ
[๒๒๔๖] สนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส อตฺถิปจฺจเยน ปจฺจโย ฯ ปุเรชาตํ:
รูปายตนญฺจ วตฺถุ จ อนิทสฺสนอปฺปฏิฆานํ ขนฺธานํ อตฺถิปจฺจเยน
ปจฺจโย ฯ
[๒๒๔๗] อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
สนิทสฺสนสปฺปฏิฆสฺส ธมฺมสฺส อตฺถิปจฺจเยน ปจฺจโย
อนิทสฺสนอปฺปฏิฆา ขนฺธา จ มหาภูตา จ สนิทสฺสนสปฺปฏิฆานํ
จิตฺตสมุฏฺฐานานํ รูปานํ อตฺถิปจฺจเยน ปจฺจโย ปฏิสนฺธิกฺขเณ ... ฯ
สงฺขิตฺตํ ฯ อสญฺญสตฺตานญฺจ กาตพฺพา ฯ
[๒๒๔๘] อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
อนิทสฺสนสปฺปฏิฆสฺส ธมฺมสฺส ... ฯ สงฺขิตฺตํ ฯ
[๒๒๔๙] อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส อตฺถิปจฺจเยน ปจฺจโย สหชาตํ
ปุเรชาตํ ฯ สหชาตา: อนิทสฺสนอปฺปฏิฆา ขนฺธา จ มหาภูตา จ
อนิทสฺสนอปฺปฏิฆานํ จิตฺตสมุฏฺฐานานํ รูปานํ ยาว อสญฺญสตฺตา
กาตพฺพา ฯ ปุเรชาตํ: จกฺขายตนญฺจ วตฺถุ จ ... โผฏฺฐพฺพายตนญฺจ
วตฺถุ จ อนิทสฺสนอปฺปฏิฆานํ ขนฺธานํ อตฺถิปจฺจเยน ปจฺจโย
อวเสสา ปญฺหา วิภชิตพฺพา ฯ
[๒๒๕๐] สนิทสฺสนสปฺปฏิโฆ จ อนิทสฺสนสปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส อตฺถิปจฺจเยน ปจฺจโย ฯ ปุเรชาตํ:
รูปายตนญฺจ จกฺขายตนญฺจ จกฺขุวิญฺญาณสฺส อตฺถิปจฺจเยน
ปจฺจโย ฯ
[๒๒๕๑] สนิทสฺสนสปฺปฏิโฆ จ อนิทสฺสนสปฺปฏิโฆ จ อนิทสฺสนอปฺปฏิโฆ
จ ธมฺมา อนิทสฺสนอปฺปฏิฆสฺส ธมฺมสฺส อตฺถิปจฺจเยน
ปจฺจโย สหชาตํ ปุเรชาตํ: รูปายตนญฺจ จกฺขายตนญฺจ
จกฺขุวิญฺญาณญฺจ จกฺขุวิญฺญาณสหคตานํ ขนฺธานํ อตฺถิปจฺจเยน
ปจฺจโย ฯ
นตฺถิวิคตปจฺจยํ อนนฺตรสทิสํ ฯ
อวิคตปจฺจยํ อตฺถิสทิสํ ฯ
[๒๒๕๒] เหตุยา สตฺต อารมฺมเณ ตีณิ อธิปติยา นว
อนนฺตเร เอกํ สมนนฺตเร เอกํ สหชาเต เอกวีส อญฺญมญฺเญ
ฉ นิสฺสเย เอกวีส อุปนิสฺสเย ตีณิ ปุเรชาเต ฉ
ปจฺฉาชาเต สตฺต อาเสวเน เอกํ กมฺเม สตฺต วิปาเก สตฺต
อาหาเร สตฺต อินฺทฺริเย นว ฌาเน สตฺต มคฺเค สตฺต
สมฺปยุตฺเต เอกํ วิปฺปยุตฺเต อฏฺฐ อตฺถิยา ปญฺจวีส นตฺถิยา
เอกํ วิคเต เอกํ อวิคเต ปญฺจวีส ฯ
[๒๒๕๓] เหตุปจฺจยา อธิปติยา สตฺต ... สหชาเต สตฺต
อญฺญมญฺเญ เอกํ นิสฺสเย สตฺต วิปาเก สตฺต อินฺทฺริเย สตฺต
มคฺเค สตฺต สมฺปยุตฺเต เอกํ วิปฺปยุตฺเต สตฺต อตฺถิยา
สตฺต อวิคเต สตฺต ฯ
[๒๒๕๔] เหตุสหชาตนิสฺสยอตฺถิอวิคตนฺติ สตฺต ฯ
เหตุสหชาตอญฺญมญฺญนิสฺสยอตฺถิอวิคตนฺติ เอกํ ฯ
เหตุสหชาตอญฺญมญฺญนิสฺสยสมฺปยุตฺตอตฺถิอวิคตนฺติ เอกํ ฯ
เหตุสหชาตนิสฺสยวิปฺปยุตฺตอตฺถิอวิคตนฺติ สตฺต ฯ
เหตุสหชาตนิสฺสยวิปากอตฺถิอวิคตนฺติ
สตฺต ฯ เหตุสหชาตอญฺญมญฺญนิสฺสยวิปากอตฺถิอวิคตนฺติ เอกํ ฯ
เหตุสหชาตอญฺญมญฺญนิสฺสยวิปากสมฺปยุตฺตอตฺถิอวิคตนฺติ เอกํ ฯ
เหตุสหชาตนิสฺสยวิปากวิปฺปยุตฺตอตฺถิอวิคตนฺติ สตฺต ฯ
เหตุสหชาตอญฺญมญฺญนิสฺสยวิปากวิปฺปยุตฺตอตฺถิอวิคตนฺติ เอกํ ฯ
เอวํ สพฺโพ คณนวาโร คเณตพฺโพ ฯ
อนุโลมํ ฯ
[๒๒๕๕] สนิทสฺสนสปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อารมฺมณปจฺจเยน ปจฺจโย อุปนิสฺสยปจฺจเยน ปจฺจโย
ปุเรชาตปจฺจเยน ปจฺจโย ฯ
[๒๒๕๖] อนิทสฺสนสปฺปฏิโฆ ธมฺโม อนิทสฺสนสปฺปฏิฆสฺส
ธมฺมสฺส สหชาตปจฺจเยน ปจฺจโย ฯ อนิทสฺสนสปฺปฏิโฆ ธมฺโม
สนิทสฺสนสปฺปฏิฆสฺส ธมฺมสฺส สหชาตปจฺจเยน ปจฺจโย ฯ
อนิทสฺสนสปฺปฏิโฆ ธมฺโม อนิทสฺสนอปฺปฏิฆสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปุเรชาตปจฺจเยน ปจฺจโย ฯ อนิทสฺสนสปฺปฏิโฆ ธมฺโม
สนิทสฺสนสปฺปฏิฆสฺส จ อนิทสฺสนอปฺปฏิฆสฺส จ ธมฺมสฺส
สหชาตปจฺจเยน ปจฺจโย ฯ อนิทสฺสนสปฺปฏิโฆ ธมฺโม
อนิทสฺสนสปฺปฏิฆสฺส จ อนิทสฺสนอปฺปฏิฆสฺส จ ธมฺมสฺส
สหชาตปจฺจเยน ปจฺจโย ฯ อนิทสฺสนสปฺปฏิโฆ ธมฺโม
สนิทสฺสนสปฺปฏิฆสฺส จ อนิทสฺสนสปฺปฏิฆสฺส
จ ธมฺมสฺส สหชาตปจฺจเยน ปจฺจโย ฯ อนิทสฺสนสปฺปฏิโฆ
ธมฺโม สนิทสฺสนสปฺปฏิฆสฺส จ อนิทสฺสนสปฺปฏิฆสฺส จ
อนิทสฺสนอปฺปฏิฆสฺส จ ธมฺมสฺส สหชาตปจฺจเยน ปจฺจโย ฯ
[๒๒๕๗] อนิทสฺสนอปฺปฏิโฆ ธมฺโม อนิทสฺสนอปฺปฏิฆสฺส
ธมฺมสฺส อารมฺมณปจฺจเยน ปจฺจโย สหชาตปจฺจเยน ปจฺจโย
อุปนิสฺสยปจฺจเยน ปจฺจโย ปุเรชาตปจฺจเยน ปจฺจโย
ปจฺฉาชาตปจฺจเยน ปจฺจโย กมฺมปจฺจเยน ปจฺจโย อาหารปจฺจเยน
ปจฺจโย อินฺทฺริยปจฺจเยน ปจฺจโย ฯ อนิทสฺสนอปฺปฏิโฆ ธมฺโม
สนิทสฺสนสปฺปฏิฆสฺส ธมฺมสฺส สหชาตปจฺจเยน ปจฺจโย
ปจฺฉาชาตปจฺจเยน ปจฺจโย กมฺมปจฺจเยน ปจฺจโย อาหารปจฺจเยน
ปจฺจโย อินฺทฺริยปจฺจเยน ปจฺจโย ฯ
{๒๒๕๗.๑} อนิทสฺสนอปฺปฏิโฆ ธมฺโม อนิทสฺสนสปฺปฏิฆสฺส
ธมฺมสฺส สหชาตปจฺจเยน ปจฺจโย ปจฺฉาชาตปจฺจเยน ปจฺจโย
กมฺมปจฺจเยน ปจฺจโย อาหารปจฺจเยน ปจฺจโย อินฺทฺริยปจฺจเยน
ปจฺจโย ฯ อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส จ
อนิทสฺสนอปฺปฏิฆสฺส จ ธมฺมสฺส สหชาตปจฺจเยน ปจฺจโย
ปจฺฉาชาตปจฺจเยน ปจฺจโย กมฺมปจฺจเยน ปจฺจโย อาหารปจฺจเยน
ปจฺจโย อินฺทฺริยปจฺจเยน ปจฺจโย ฯ
{๒๒๕๗.๒} อนิทสฺสนอปฺปฏิโฆ ธมฺโม อนิทสฺสนสปฺปฏิฆสฺส จ
อนิทสฺสนอปฺปฏิฆสฺส จ ธมฺมสฺส สหชาตปจฺจเยน ปจฺจโย ปจฺฉาชาต-
ปจฺจเยน ปจฺจโย กมฺมปจฺจเยน ปจฺจโย อาหารปจฺจเยน ปจฺจโย
อินฺทฺริยปจฺจเยน ปจฺจโย ฯ อนิทสฺสนอปฺปฏิโฆ ธมฺโม
อนิทสฺสนสปฺปฏิฆสฺส จ อนิทสฺสนอปฺปฏิฆสฺส จ ธมฺมสฺส
สหชาตปจฺจเยน ปจฺจโย กมฺมปจฺจเยน ปจฺจโย อาหารปจฺจเยน
ปจฺจโย อินฺทฺริยปจฺจเยน ปจฺจโย ฯ อนิทสฺสนอปฺปฏิโฆ ธมฺโม
สนิทสฺสนสปฺปฏิฆสฺส จ อนิทสฺสนสปฺปฏิฆสฺส จ ธมฺมสฺส
สหชาตปจฺจเยน ปจฺจโย ปจฺฉาชาตปจฺจเยน ปจฺจโย กมฺมปจฺจเยน
ปจฺจโย อาหารปจฺจเยน ปจฺจโย อินฺทฺริยปจฺจเยน ปจฺจโย ฯ
{๒๒๕๗.๓} อนิทสฺสนอปฺปฏิโฆ ธมฺโม สนิทสฺสนสปฺปฏิฆสฺส
จ อนิทสฺสนสปฺปฏิฆสฺส จ อนิทสฺสนอปฺปฏิฆสฺส จ ธมฺมสฺส
สหชาตปจฺจเยน ปจฺจโย ปจฺฉาชาตปจฺจเยน ปจฺจโย กมฺมปจฺจเยน
ปจฺจโย อาหารปจฺจเยน ปจฺจโย อินฺทฺริยปจฺจเยน ปจฺจโย ฯ
[๒๒๕๘] สนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส ... ปุเรชาตํ ฯ
[๒๒๕๙] อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
สนิทสฺสนสปฺปฏิฆสฺส ธมฺมสฺส สหชาตปจฺจเยน ปจฺจโย ฯ
อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อนิทสฺสน-
สปฺปฏิฆสฺส ธมฺมสฺส สหชาตปจฺจเยน ปจฺจโย ฯ อนิทสฺสนสปฺปฏิโฆ
จ อนิทสฺสนอปฺปฏิโฆ จ ธมฺมา อนิทสฺสนอปฺปฏิฆสฺส ธมฺมสฺส
... สหชาตํ ปุเรชาตํ ฯ
{๒๒๕๙.๑} อนิทสฺสนสปฺปฏิโฆ จ อนิทสฺสนอปฺปฏิโฆ จ
ธมฺมา สนิทสฺสนสปฺปฏิฆสฺส จ อนิทสฺสนอปฺปฏิฆสฺส
จ ธมฺมสฺส สหชาตปจฺจเยน ปจฺจโย ฯ อนิทสฺสนสปฺปฏิโฆ จ
อนิทสฺสนอปฺปฏิโฆ จ ธมฺมา อนิทสฺสนสปฺปฏิฆสฺส จ อนิทสฺสน-
อปฺปฏิฆสฺส จ ธมฺมสฺส สหชาตปจฺจเยน ปจฺจโย ฯ อนิทสฺสน-
สปฺปฏิโฆ จ อนิทสฺสนอปฺปฏิโฆ จ ธมฺมา สนิทสฺสนสปฺปฏิฆสฺส
จ อนิทสฺสนสปฺปฏิฆสฺส จ ธมฺมสฺส สหชาตปจฺจเยน ปจฺจโย ฯ
{๒๒๕๙.๒} อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา
สนิทสฺสนสปฺปฏิฆสฺส จ อนิทสฺสนสปฺปฏิฆสฺส จ อนิทสฺสนอปฺปฏิฆสฺส
จ ธมฺมสฺส สหชาตปจฺจเยน ปจฺจโย ฯ
[๒๒๖๐] สนิทสฺสนสปฺปฏิโฆ จ อนิทสฺสนสปฺปฏิโฆ จ ธมฺมา
อนิทสฺสนอปฺปฏิฆสฺส ธมฺมสฺส ... ปุเรชาตํ ฯ
[๒๒๖๑] สนิทสฺสนสปฺปฏิโฆ จ อนิทสฺสนสปฺปฏิโฆ จ
อนิทสฺสนอปฺปฏิโฆ จ ธมฺมา อนิทสฺสนอปฺปฏิฆสฺส ธมฺมสฺส
สหชาตปจฺจเยน ปจฺจโย ปุเรชาตปจฺจเยน ปจฺจโย ฯ
[๒๒๖๒] นเหตุยา ปญฺจวีส นอารมฺมเณ ทฺวาวีส นอธิปติยา
ปญฺจวีส นอนนฺตเร ปญฺจวีส นสมนนฺตเร ปญฺจวีส นสหชาเต
ทฺวาทส นอญฺญมญฺเญ จตุวีส นนิสฺสเย นว นอุปนิสฺสเย ปญฺจวีส
นปุเรชาเต พาวีส นปจฺฉาชาเต ปญฺจวีส นอาเสวเน ปญฺจวีส
นกมฺเม ปญฺจวีส นวิปาเก จตุวีส นอาหาเร ปญฺจวีส นอินฺทฺริเย
เตวีส นฌาเน ปญฺจวีส นมคฺเค ปญฺจวีส นสมฺปยุตฺเต จตุวีส
นวิปฺปยุตฺเต พาวีส
โนอตฺถิยา นว โนนตฺถิยา ปญฺจวีส โนวิคเต ปญฺจวีส โนอวิคเต นว ฯ
[๒๒๖๓] นเหตุปจฺจยา นอารมฺมเณ พาวีส ปฐมคมนสทิสํ ฯ
... โนอวิคเต นว ฯ
[๒๒๖๔] นเหตุปจฺจยา นอารมฺมณปจฺจยา นอธิปติยา พาวีส
... นอนนฺตเร พาวีส นสมนนฺตเร พาวีส นสหชาเต นว
นอญฺญมญฺเญ พาวีส นนิสฺสเย นว นอุปนิสฺสเย เอกวีส นปุเรชาเต
พาวีส นปจฺฉาชาเต พาวีส ฯ สงฺขิตฺตํ ฯ นสมฺปยุตฺเต พาวีส
นวิปฺปยุตฺเต พาวีส โนอตฺถิยา นว โนนตฺถิยา พาวีส โนวิคเต
พาวีส โนอวิคเต นว ฯ เอวํ คเณตพฺพํ ฯ
ปจฺจนียํ ฯ
[๒๒๖๕] เหตุปจฺจยา นอารมฺมเณ สตฺต ... นอธิปติยา สตฺต
นอนนฺตเร สตฺต นสมนนฺตเร สตฺต นอญฺญมญฺเญ สตฺต นอุปนิสฺสเย
สตฺต นปุเรชาเต สตฺต นปจฺฉาชาเต สตฺต ฯ สงฺขิตฺตํ ฯ
สพฺพตฺถ สตฺต ฯ นสมฺปยุตฺเต สตฺต นวิปฺปยุตฺเต เอกํ โนนตฺถิยา
สตฺต โนวิคเต สตฺต ฯ
[๒๒๖๖] เหตุ สหชาต นิสฺสย อตฺถิ อวิคตนฺติ นอารมฺมเณ สตฺต
... นอนนฺตเร สตฺต นสมนนฺตเร สตฺต นอญฺญมญฺเญ สตฺต ฯ
อิธาปิ สงฺขิตฺตํ ฯ นสมฺปยุตฺเต สตฺต นวิปฺปยุตฺเต เอกํ โนนตฺถิยา
สตฺต โนวิคเต สตฺต ฯ
[๒๒๖๗] เหตุสหชาตอญฺญมญฺญนิสฺสยอตฺถิอวิคตนฺติ นอารมฺมเณ
เอกํ สพฺพตฺถ เอกํ ... โนวิคเต เอกํ ฯ เอวํ คเณตพฺพํ ฯ
อนุโลมปจฺจนียํ ฯ
[๒๒๖๘] นเหตุปจฺจยา อารมฺมเณ ตีณิ ... อธิปติยา นว
อนนฺตเร เอกํ สมนนฺตเร เอกํ สหชาเต เอกวีส อญฺญมญฺเญ ฉ
นิสฺสเย เอกวีส อุปนิสฺสเย ตีณิ ปุเรชาเต ฉ ปจฺฉาชาเต สตฺต
อาเสวเน เอกํ กมฺเม สตฺต วิปาเก สตฺต อาหาเร สตฺต อินฺทฺริเย
นว ฌาเน สตฺต มคฺเค สตฺต สมฺปยุตฺเต เอกํ วิปฺปยุตฺเต อฏฺฐ
อตฺถิยา ปญฺจวีส นตฺถิยา เอกํ วิคเต เอกํ อวิคเต ปญฺจวีส ฯ
เอวํ คเณตพฺพํ ฯ
ปจฺจนียานุโลมํ ฯ
ปญฺหาวาโร นิฏฺฐิโต ฯ
สนิทสฺสนสปฺปฏิฆตฺติกํ พาวีสติมํ
นิฏฺฐิตํ ฯ
อนุโลมติกปฏฺฐานํ ปจฺฉิมํ
นิฏฺฐิตํ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๖๓๐-๖๔๗.
https://84000.org/tipitaka/read/pali_item.php?book=41&item=2217&items=52
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=2217&items=52&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=2217&items=52
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=2217&items=52
ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=2217
สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
