พระไตรปิฎกเล่มที่ ๔๒ ภาษาบาลี อักษรไทย
พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                                 โลกิยทุกํ
                                ปฏิจฺจวาโร
     [๒๙๐]   โลกิยํ   ธมฺมํ   ปฏิจฺจ   โลกิโย   ธมฺโม   อุปฺปชฺชติ
เหตุปจฺจยา:  โลกิยํ  เอกํ  ขนฺธํ  ปฏิจฺจ  ตโย  ขนฺธา  จิตฺตสมุฏฺฐานญฺจ
รูปํ     เทฺว     ขนฺเธ    ...    ปฏิสนฺธิกฺขเณ    ขนฺเธ    ปฏิจฺจ
วตฺถุ   วตฺถุํ   ปฏิจฺจ   ขนฺธา   เอกํ  มหาภูตํ  ...  มหาภูเต  ปฏิจฺจ
จิตฺตสมุฏฺฐานํ    รูปํ    กฏตฺตารูปํ   อุปาทารูปํ   ฯ   โลกุตฺตรํ   ธมฺมํ
ปฏิจฺจ   โลกุตฺตโร   ธมฺโม   อุปฺปชฺชติ   เหตุปจฺจยา:  โลกุตฺตรํ  เอกํ
ขนฺธํ   ปฏิจฺจ   ตโย   ขนฺธา  เทฺว  ขนฺเธ  ...  ฯ  โลกุตฺตรํ  ธมฺมํ
ปฏิจฺจ   โลกิโย   ธมฺโม   อุปฺปชฺชติ   เหตุปจฺจยา:  โลกุตฺตเร  ขนฺเธ
ปฏิจฺจ   จิตฺตสมุฏฺฐานํ   รูปํ   ฯ   โลกุตฺตรํ  ธมฺมํ  ปฏิจฺจ  โลกิโย  จ
โลกุตฺตโร   จ   ธมฺมา   อุปฺปชฺชนฺติ   เหตุปจฺจยา:   โลกุตฺตรํ   เอกํ
ขนฺธํ  ปฏิจฺจ  ตโย  ขนฺธา  จิตฺตสมุฏฺฐานญฺจ  รูปํ  เทฺว  ขนฺเธ  ... ฯ
โลกิยญฺจ    โลกุตฺตรญฺจ   ธมฺมํ   ปฏิจฺจ   โลกิโย   ธมฺโม   อุปฺปชฺชติ
เหตุปจฺจยา:  โลกุตฺตเร  ขนฺเธ  จ  มหาภูเต  จ  ปฏิจฺจ  จิตฺตสมุฏฺฐานํ
รูปํ ฯ สงฺขิตฺตํ ฯ
     [๒๙๑]   เหตุยา   ปญฺจ   อารมฺมเณ   เทฺว   อธิปติยา   ปญฺจ
อนนฺตเร    เทฺว    สมนนฺตเร   เทฺว   สหชาเต   ปญฺจ   อญฺญมญฺเญ
เทฺว    นิสฺสเย    ปญฺจ    อุปนิสฺสเย    เทฺว    ปุเรชาเต    เทฺว
อาเสวเน   เทฺว   กมฺเม   ปญฺจ   วิปาเก   ปญฺจ   อาหาเร   ปญฺจ
อินฺทฺริเย     ปญฺจ    ฌาเน    ปญฺจ    มคฺเค    ปญฺจ    สมฺปยุตฺเต
เทฺว    วิปฺปยุตฺเต   ปญฺจ   อตฺถิยา   ปญฺจ   นตฺถิยา   เทฺว   วิคเต
เทฺว อวิคเต ปญฺจ ฯ
                            อนุโลมํ นิฏฺฐิตํ ฯ
     [๒๙๒]   โลกิยํ   ธมฺมํ   ปฏิจฺจ   โลกิโย   ธมฺโม   อุปฺปชฺชติ
นเหตุปจฺจยา:   อเหตุกํ   โลกิยํ   เอกํ   ขนฺธํ   ปฏิจฺจ  ตโย  ขนฺธา
จิตฺตสมุฏฺฐานญฺจ    รูปํ   เทฺว   ขนฺเธ   ...   อเหตุกปฏิสนฺธิ   ยาว
อสญฺญสตฺตา     วิจิกิจฺฉาสหคเต     อุทฺธจฺจสหคเต    ขนฺเธ    ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ สงฺขิตฺตํ ฯ
     [๒๙๓]   นเหตุยา   เอกํ   นอารมฺมเณ   ตีณิ  นอธิปติยา  เทฺว
นอนนฺตเร      ตีณิ     นสมนนฺตเร     ตีณิ     นอญฺญมญฺเญ     ตีณิ
นอุปนิสฺสเย    ตีณิ    นปุเรชาเต    จตฺตาริ    นปจฺฉาชาเต    ปญฺจ
นอาเสวเน   ปญฺจ   ฯ   นอาเสวนมูลเก   โลกุตฺตเร  สุทฺธเก  อรูเป
วิปาโกติ   นิยาเมตพฺพํ   อวเสสา   ปกติกาเยว   ฯ   นกมฺเม   เทฺว
นวิปาเก    ปญฺจ    นอาหาเร    เอกํ   นอินฺทฺริเย   เอกํ   นฌาเน
เอกํ    นมคฺเค    เอกํ    นสมฺปยุตฺเต    ตีณิ    นวิปฺปยุตฺเต   เทฺว
โนนตฺถิยา ตีณิ โนวิคเต ตีณิ ฯ
                           ปจฺจนียํ นิฏฺฐิตํ ฯ
     [๒๙๔]   เหตุปจฺจยา   นอารมฺมเณ  ตีณิ  ...  นอธิปติยา  เทฺว
นอนนฺตรปทาทิ    ปจฺจนียสทิสา   ...   นวิปาเก   ปญฺจ   นสมฺปยุตฺเต
ตีณิ นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
                       อนุโลมปจฺจนียํ นิฏฺฐิตํ ฯ
     [๒๙๕]   นเหตุปจฺจยา  อารมฺมเณ  เอกํ  ...  อนนฺตเร  เอกํ ฯ
สงฺขิตฺตํ ฯ ... อวิคเต เอกํ ฯ
                        ปจฺจนียานุโลมํ นิฏฺฐิตํ ฯ
                     สหชาตวาโร ปฏิจฺจวารสทิโส ฯ
                                 ปจฺจยวาโร
     [๒๙๖]   โลกิยํ   ธมฺมํ   ปจฺจยา   โลกิโย   ธมฺโม   อุปฺปชฺชติ
เหตุปจฺจยา:   โลกิยํ   เอกํ   ขนฺธํ   ปจฺจยา   ฯ  สงฺขิตฺตํ  ฯ  เอกํ
มหาภูตํ   ...   มหาภูเต   ปจฺจยา   จิตฺตสมุฏฺฐานํ   รูปํ   กฏตฺตารูปํ
อุปาทารูปํ   วตฺถุํ   ปจฺจยา  โลกิยา  ขนฺธา  ฯ  โลกิยํ  ธมฺมํ  ปจฺจยา
โลกุตฺตโร   ธมฺโม   อุปฺปชฺชติ  เหตุปจฺจยา:  วตฺถุํ  ปจฺจยา  โลกุตฺตรา
ขนฺธา   ฯ   โลกิยํ  ธมฺมํ  ปจฺจยา  โลกิโย  จ  โลกุตฺตโร  จ  ธมฺมา
อุปฺปชฺชนฺติ    เหตุปจฺจยา:    วตฺถุํ    ปจฺจยา    โลกุตฺตรา    ขนฺธา
มหาภูเต   ปจฺจยา   จิตฺตสมุฏฺฐานํ   รูปํ   ฯ  โลกุตฺตรํ  ธมฺมํ  ปจฺจยา
โลกุตฺตโร ธมฺโม อุปฺปชฺชติ เหตุปจฺจยา: ตีณิ ฯ
     {๒๙๖.๑}   โลกิยญฺจ  โลกุตฺตรญฺจ  ธมฺมํ  ปจฺจยา  โลกิโย  ธมฺโม
อุปฺปชฺชติ   เหตุปจฺจยา:   โลกุตฺตเร  ขนฺเธ  จ  มหาภูเต  จ  ปจฺจยา
จิตฺตสมุฏฺฐานํ  รูปํ  ฯ  โลกิยญฺจ  โลกุตฺตรญฺจ  ธมฺมํ  ปจฺจยา  โลกุตฺตโร
ธมฺโม   อุปฺปชฺชติ   เหตุปจฺจยา:   โลกุตฺตรํ   เอกํ   ขนฺธญฺจ  วตฺถุญฺจ
ปจฺจยา  ตโย  ขนฺธา  เทฺว  ขนฺเธ  ...  ฯ โลกิยญฺจ โลกุตฺตรญฺจ ธมฺมํ
ปจฺจยา   โลกิโย   จ  โลกุตฺตโร  จ  ธมฺมา  อุปฺปชฺชนฺติ  เหตุปจฺจยา:
โลกุตฺตรํ  เอกํ  ขนฺธญฺจ  วตฺถุญฺจ  ปจฺจยา  ตโย ขนฺธา เทฺว ขนฺเธ ...
โลกุตฺตเร ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ
                                สงฺขิตฺตํ ฯ
     [๒๙๗]   เหตุยา   นว   อารมฺมเณ   จตฺตาริ   อธิปติยา   นว
อนนฺตเร     จตฺตาริ     สมนนฺตเร     จตฺตาริ     สหชาเต    นว
อญฺญมญฺเญ   จตฺตาริ   นิสฺสเย   นว   อุปนิสฺสเย   จตฺตาริ  ปุเรชาเต
จตฺตาริ  อาเสวเน  จตฺตาริ  กมฺเม  นว  วิปาเก  นว  ฯ  สงฺขิตฺตํ  ฯ
มคฺเค   นว   สมฺปยุตฺเต   จตฺตาริ   วิปฺปยุตฺเต   นว   อตฺถิยา   นว
นตฺถิยา จตฺตาริ วิคเต จตฺตาริ อวิคเต นว ฯ
                            อนุโลมํ นิฏฺฐิตํ ฯ
     [๒๙๘]   โลกิยํ ธมฺมํ ปจฺจยา โลกิโย ธมฺโม อุปฺปชฺชติ นเหตุปจฺจยา:
อเหตุกํ  โลกิยํ  เอกํ  ขนฺธํ  ...  ยาว  อสญฺญสตฺตา จกฺขายตนํ ปจฺจยา
จกฺขุวิญฺญาณํ    กายายตนํ    ปจฺจยา    กายวิญฺญาณํ    วตฺถุํ   ปจฺจยา
อเหตุกา   โลกิยา   ขนฺธา  วิจิกิจฺฉาสหคเต  อุทฺธจฺจสหคเต  ขนฺเธ  จ
วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห ฯ สงฺขิตฺตํ ฯ
     [๒๙๙]   นเหตุยา    เอกํ    นอารมฺมเณ    ตีณิ   นอธิปติยา
จตฺตาริ    นอนนฺตเร    ตีณิ    ฯ   สงฺขิตฺตํ   ฯ   นอุปนิสฺสเย   ตีณิ
นปุเรชาเต    จตฺตาริ    นปจฺฉาชาเต   นว   นอาเสวเน   นว   ฯ
โลกุตฺตเร    อรูเป   วิปากนฺติ   นิยาเมตพฺพํ   ฯ   นกมฺเม   จตฺตาริ
นวิปาเก   นว   นอาหาเร   เอกํ   นอินฺทฺริเย   เอกํ  นฌาเน  เอกํ
นมคฺเค    เอกํ   นสมฺปยุตฺเต   ตีณิ   นวิปฺปยุตฺเต   เทฺว   โนนตฺถิยา
ตีณิ โนวิคเต ตีณิ ฯ
                            ปจฺจนียํ นิฏฺฐิตํ ฯ
     [๓๐๐]   เหตุปจฺจยา  นอารมฺมเณ  ตีณิ  ...  นอธิปติยา  จตฺตาริ
นอนนฺตรปทาทิ   ปจฺจนียสทิสา   ...   นวิปาเก  นว  นสมฺปยุตฺเต  ตีณิ
นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
                        อนุโลมปจฺจนียํ นิฏฺฐิตํ ฯ
     [๓๐๑]   นเหตุปจฺจยา   อารมฺมเณ  เอกํ  ...  อนนฺตเร  เอกํ
อวิคเต เอกํ ฯ
                         ปจฺจนียานุโลมํ นิฏฺฐิตํ ฯ
                                 สํสฏฺฐวาโร
     [๓๐๒]   โลกิยํ   ธมฺมํ   สํสฏฺโฐ   โลกิโย   ธมฺโม   อุปฺปชฺชติ
เหตุปจฺจยา:  โลกิยํ  เอกํ  ขนฺธํ  สํสฏฺฐา  ตโย ขนฺธา เทฺว ขนฺเธ ...
ปฏิสนฺธิกฺขเณ   ...   ฯ   โลกุตฺตรํ  ธมฺมํ  สํสฏฺโฐ  โลกุตฺตโร  ธมฺโม
อุปฺปชฺชติ    เหตุปจฺจยา:    โลกุตฺตรํ   เอกํ   ขนฺธํ   สํสฏฺฐา   ตโย
ขนฺธา   เทฺว  ขนฺเธ  ...  ฯ  สํสฏฺฐวาโร  เอวํ  วิตฺถาเรตพฺโพ  สห
คณนาหิ เทฺว ปญฺหา ฯ
                  สมฺปยุตฺตวาโร สํสฏฺฐวารสทิโส ฯ
                               ปญฺหาวาโร
     [๓๐๓]   โลกิโย   ธมฺโม   โลกิยสฺส   ธมฺมสฺส   เหตุปจฺจเยน
ปจฺจโย:   โลกิยา   เหตู   สมฺปยุตฺตกานํ   ขนฺธานํ  จิตฺตสมุฏฺฐานานญฺจ
รูปานํ   เหตุปจฺจเยน   ปจฺจโย   ปฏิสนฺธิกฺขเณ   ...   ฯ  โลกุตฺตโร
ธมฺโม โลกุตฺตรสฺส ธมฺมสฺส เหตุปจฺจเยน ปจฺจโย: ตีณิ ฯ
     [๓๐๔]   โลกิโย   ธมฺโม   โลกิยสฺส  ธมฺมสฺส  อารมฺมณปจฺจเยน
ปจฺจโย:   ทานํ  ...  สีลํ  ...  อุโปสถกมฺมํ  กตฺวา  ตํ  ปจฺจเวกฺขติ
ปุพฺเพ    สุจิณฺณานิ    ปจฺจเวกฺขติ    ฌานา   ...   อริยา   โคตฺรภุํ
ปจฺจเวกฺขนฺติ   โวทานํ   ปจฺจเวกฺขนฺติ   ปหีเน   กิเลเส  ปจฺจเวกฺขนฺติ
วิกฺขมฺภิเต    กิเลเส    ปจฺจเวกฺขนฺติ   ปุพฺเพ   สมุทาจิณฺเณ   กิเลเส
ชานนฺติ  จกฺขุํ  ...  วตฺถุํ  ...  โลกิเย ขนฺเธ อนิจฺจโต ... โทมนสฺสํ
อุปฺปชฺชติ    ทิพฺเพน    จกฺขุนา   รูปํ   ปสฺสติ   ทิพฺพาย   โสตธาตุยา
สทฺทํ     สุณาติ     เจโตปริยญาเณน     โลกิยจิตฺตสมงฺคิสฺส     จิตฺตํ
ชานาติ     อากาสานญฺจายตนํ    วิญฺญาณญฺจายตนสฺส    อากิญฺจญฺญายตนํ
เนวสญฺญานาสญฺญายตนสฺส           รูปายตนํ          จกฺขุวิญฺญาณสฺส
โผฏฺฐพฺพายตนํ    กายวิญฺญาณสฺส    โลกิยา    ขนฺธา    อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     {๓๐๔.๑}   โลกุตฺตโร     ธมฺโม     โลกุตฺตรสฺส    ธมฺมสฺส
อารมฺมณปจฺจเยน      ปจฺจโย:      นิพฺพานํ      มคฺคสฺส     ผลสฺส
อารมฺมณปจฺจเยน    ปจฺจโย    ฯ    โลกุตฺตโร    ธมฺโม    โลกิยสฺส
ธมฺมสฺส    อารมฺมณปจฺจเยน    ปจฺจโย:   อริยา   มคฺคา   วุฏฺฐหิตฺวา
มคฺคํ    ปจฺจเวกฺขนฺติ    ผลํ    ปจฺจเวกฺขนฺติ   นิพฺพานํ   ปจฺจเวกฺขนฺติ
นิพฺพานํ    โคตฺรภุสฺส    โวทานสฺส    อาวชฺชนาย    อารมฺมณปจฺจเยน
ปจฺจโย    อริยา    เจโตปริยญาเณน    โลกุตฺตรจิตฺตสมงฺคิสฺส    จิตฺตํ
ชานนฺติ   โลกุตฺตรา  ขนฺธา  เจโตปริยญาณสฺส  ปุพฺเพนิวาสานุสฺสติญาณสฺส
อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ
     [๓๐๕]   โลกิโย   ธมฺโม   โลกิยสฺส   ธมฺมสฺส   อธิปติปจฺจเยน
ปจฺจโย:     อารมฺมณาธิปติ     สหชาตาธิปติ    ฯ    อารมฺมณาธิปติ:
ทานํ  ทตฺวา  สีลํ  ... อุโปสถกมฺมํ ... ปุพฺเพ ... ฌานา ... เสกฺขา
โคตฺรภุํ  ครุํ  กตฺวา  ...  โวทานํ  ครุํ  กตฺวา ปจฺจเวกฺขนฺติ จกฺขุํ ...
วตฺถุํ  ...  โลกิเย  ขนฺเธ  ครุํ  กตฺวา  อสฺสาเทติ  อภินนฺทติ  ตํ  ครุํ
กตฺวา  ราโค  อุปฺปชฺชติ  ทิฏฺฐิ  อุปฺปชฺชติ  ฯ  สหชาตาธิปติ: โลกิยาธิปติ
สมฺปยุตฺตกานํ    ขนฺธานํ    จิตฺตสมุฏฺฐานานญฺจ   รูปานํ   อธิปติปจฺจเยน
ปจฺจโย ฯ
     {๓๐๕.๑}   โลกุตฺตโร  ธมฺโม  โลกุตฺตรสฺส  ธมฺมสฺส อธิปติปจฺจเยน
ปจฺจโย:   อารมฺมณาธิปติ   สหชาตาธิปติ   ฯ  อารมฺมณาธิปติ:  นิพฺพานํ
มคฺคสฺส  ผลสฺส  อธิปติปจฺจเยน  ปจฺจโย  ฯ สหชาตาธิปติ: โลกุตฺตราธิปติ
สมฺปยุตฺตกานํ   ขนฺธานํ   อธิปติปจฺจเยน  ปจฺจโย  ฯ  โลกุตฺตโร  ธมฺโม
โลกิยสฺส     ธมฺมสฺส     อธิปติปจฺจเยน    ปจฺจโย:    อารมฺมณาธิปติ
สหชาตาธิปติ   ฯ   อารมฺมณาธิปติ:   อริยา   มคฺคา  วุฏฺฐหิตฺวา  มคฺคํ
ครุํ  ... ผลํ ครุํ ... นิพฺพานํ ครุํ กตฺวา ปจฺจเวกฺขนฺติ นิพฺพานํ โคตฺรภุสฺส
โวทานสฺส   อธิปติปจฺจเยน   ปจฺจโย  ฯ  สหชาตาธิปติ:  โลกุตฺตราธิปติ
จิตฺตสมุฏฺฐานานํ    รูปานํ    อธิปติปจฺจเยน   ปจฺจโย   ฯ   โลกุตฺตโร
ธมฺโม  โลกิยสฺส  จ  โลกุตฺตรสฺส  จ  ธมฺมสฺส  อธิปติปจฺจเยน  ปจฺจโย:
สหชาตาธิปติ:  โลกุตฺตราธิปติ  สมฺปยุตฺตกานํ  ขนฺธานํ  จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     [๓๐๖]   โลกิโย   ธมฺโม   โลกิยสฺส   ธมฺมสฺส  อนนฺตรปจฺจเยน
ปจฺจโย:    ปุริมา    ปุริมา   โลกิยา   ขนฺธา   ปจฺฉิมานํ   ปจฺฉิมานํ
โลกิยานํ   ขนฺธานํ   ...   อนุโลมํ   โคตฺรภุสฺส   อนุโลมํ  โวทานสฺส
อนนฺตรปจฺจเยน   ปจฺจโย   ฯ   โลกิโย   ธมฺโม  โลกุตฺตรสฺส  ธมฺมสฺส
อนนฺตรปจฺจเยน    ปจฺจโย:    โคตฺรภุ    มคฺคสฺส   โวทานํ   มคฺคสฺส
อนุโลมํ   ผลสมาปตฺติยา   นิโรธา   วุฏฺฐหนฺตสฺส  เนวสญฺญานาสญฺญายตนํ
ผลสมาปตฺติยา อนนฺตรปจฺจเยน ปจฺจโย ฯ
     {๓๐๖.๑}   โลกุตฺตโร  ธมฺโม  โลกุตฺตรสฺส ธมฺมสฺส อนนฺตรปจฺจเยน
ปจฺจโย:  ปุริมา  ปุริมา  โลกุตฺตรา ขนฺธา ปจฺฉิมานํ ปจฺฉิมานํ โลกุตฺตรานํ
ขนฺธานํ    อนนฺตรปจฺจเยน   ปจฺจโย:   มคฺโค   ผลสฺส   ผลํ   ผลสฺส
อนนฺตรปจฺจเยน   ปจฺจโย:   ฯ   โลกุตฺตโร  ธมฺโม  โลกิยสฺส  ธมฺมสฺส
อนนฺตรปจฺจเยน  ปจฺจโย:  ผลํ  วุฏฺฐานสฺส  อนนฺตรปจฺจเยน  ปจฺจโย  ฯ
โลกิโย   ธมฺโม   โลกิยสฺส   ธมฺมสฺส   สมนนฺตรปจฺจเยน  ปจฺจโย:  ฯ
สหชาตปจฺจเยน    ปจฺจโย:    ปญฺจ    ปญฺหา    ฆฏนา    นตฺถิ   ฯ
อญฺญมญฺญปจฺจเยน ปจฺจโย: เทฺว ฯ นิสฺสยปจฺจเยน ปจฺจโย: สตฺต ฯ
     [๓๐๗]   โลกิโย   ธมฺโม   โลกิยสฺส  ธมฺมสฺส  อุปนิสฺสยปจฺจเยน
ปจฺจโย:      อารมฺมณูปนิสฺสโย      อนนฺตรูปนิสฺสโย     ปกตูปนิสฺสโย
ฯเปฯ   ปกตูปนิสฺสโย:   โลกิยํ   สทฺธํ  อุปนิสฺสาย  ทานํ  เทติ  ฯเปฯ
วิปสฺสนํ   อุปฺปาเทติ   อภิญฺญํ   อุปฺปาเทติ   สมาปตฺตึ  อุปฺปาเทติ  มานํ
ชปฺเปติ  ทิฏฺฐึ  คณฺหาติ  โลกิยํ  สีลํ  ...  ฯเปฯ  เสนาสนํ  อุปนิสฺสาย
ทานํ   เทติ   ฯเปฯ   สงฺฆํ  ภินฺทติ  โลกิยา  สทฺธา  ฯเปฯ  เสนาสนํ
โลกิยาย    สทฺธาย    ฯเปฯ   กายิกสฺส   ทุกฺขสฺส   อุปนิสฺสยปจฺจเยน
ปจฺจโย กุสลากุสลํ กมฺมํ วิปากสฺส อุปนิสฺสยปจฺจเยน ปจฺจโย ฯ
     {๓๐๗.๑}   โลกิโย  ธมฺโม  โลกุตฺตรสฺส  ธมฺมสฺส อุปนิสฺสยปจฺจเยน
ปจฺจโย:    อนนฺตรูปนิสฺสโย    ปกตูปนิสฺสโย    ฯเปฯ   ปกตูปนิสฺสโย:
ปฐมสฺส    มคฺคสฺส    ปริกมฺมํ    ปฐมสฺส   มคฺคสฺส   อุปนิสฺสยปจฺจเยน
ปจฺจโย    ฯเปฯ   จตุตฺถสฺส   มคฺคสฺส   ปริกมฺมํ   จตุตฺถสฺส   มคฺคสฺส
อุปนิสฺสยปจฺจเยน  ปจฺจโย:  ฯ  โลกุตฺตโร  ธมฺโม  โลกุตฺตรสฺส  ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:  ปฐโม  มคฺโค  ทุติยสฺส  มคฺคสฺส
อุปนิสฺสยปจฺจเยน    ปจฺจโย    ตติโย    มคฺโค    จตุตฺถสฺส   มคฺคสฺส
อุปนิสฺสยปจฺจเยน ปจฺจโย ฯ
     {๓๐๗.๒}   โลกุตฺตโร  ธมฺโม  โลกิยสฺส  ธมฺมสฺส อุปนิสฺสยปจฺจเยน
ปจฺจโย:    อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:    อริยา    มคฺคํ    อุปนิสฺสาย    อนุปฺปนฺนํ   สมาปตฺตึ
อุปฺปาเทนฺติ    อุปฺปนฺนํ    สมาปชฺชนฺติ   สงฺขาเร   อนิจฺจโต   ทุกฺขโต
อนตฺตโต    วิปสฺสนฺติ    เตสํ    มคฺโค   ฯเปฯ   ฐานาฐานโกสลฺลสฺส
อุปนิสฺสยปจฺจเยน     ปจฺจโย     ผลสมาปตฺติ     กายิกสฺส     สุขสฺส
อุปนิสฺสยปจฺจเยน ปจฺจโย ฯ
     [๓๐๘]   โลกิโย   ธมฺโม   โลกิยสฺส  ธมฺมสฺส  ปุเรชาตปจฺจเยน
ปจฺจโย:    อารมฺมณปุเรชาตํ    วตฺถุปุเรชาตํ   ฯ   อารมฺมณปุเรชาตํ:
จกฺขุํ  ...  วตฺถุํ  อนิจฺจโต  ทุกฺขโต  อนตฺตโต  ... โทมนสฺสํ อุปฺปชฺชติ
ทิพฺเพน   จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ
รูปายตนํ     จกฺขุวิญฺญาณสฺส     โผฏฺฐพฺพายตนํ    กายวิญฺญาณสฺส    ฯ
วตฺถุปุเรชาตํ:   จกฺขายตนํ   จกฺขุวิญฺญาณสฺส   กายายตนํ  กายวิญฺญาณสฺส
วตฺถุ  โลกิยานํ  ขนฺธานํ  ปุเรชาตปจฺจเยน  ปจฺจโย  ฯ  โลกิโย  ธมฺโม
โลกุตฺตรสฺส   ธมฺมสฺส  ปุเรชาตปจฺจเยน  ปจฺจโย:  วตฺถุปุเรชาตํ:  วตฺถุ
โลกุตฺตรานํ ขนฺธานํ ปุเรชาตปจฺจเยน ปจฺจโย ฯ
     [๓๐๙]   โลกิโย   ธมฺโม  โลกิยสฺส  ธมฺมสฺส  ปจฺฉาชาตปจฺจเยน
ปจฺจโย:   ปจฺฉาชาตา   โลกิยา   ขนฺธา  ปุเรชาตสฺส  อิมสฺส  กายสฺส
ปจฺฉาชาตปจฺจเยน   ปจฺจโย   ฯ  โลกุตฺตโร  ธมฺโม  โลกิยสฺส  ธมฺมสฺส
ปจฺฉาชาตปจฺจเยน     ปจฺจโย:    ปจฺฉาชาตา    โลกุตฺตรา    ขนฺธา
ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๑๕๖-๑๖๖.
https://84000.org/tipitaka/read/pali_item.php?book=42&item=290&items=20
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=290&items=20&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=290&items=20
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=290&items=20
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=290
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42