[๗๑๕] ปรามาสสมฺปยุตฺโต ธมฺโม ปรามาสสมฺปยุตฺตสฺส ธมฺมสฺส
อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯเปฯ ปกตูปนิสฺสโย: ปรามาสสมฺปยุตฺโต ราโค ...
โมโห ... ปตฺถนา ปรามาสสมฺปยุตฺตสฺส ราคสฺส โมหสฺส ปตฺถนาย
อุปนิสฺสยปจฺจเยน ปจฺจโย ฯ
{๗๑๕.๑} ปรามาสสมฺปยุตฺโต ธมฺโม ปรามาสวิปฺปยุตฺตสฺส
ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
ปรามาสสมฺปยุตฺตํ ราคํ อุปนิสฺสาย ทานํ เทติ ฯเปฯ สมาปตฺตึ
อุปฺปาเทติ มานํ ชปฺเปติ ฯเปฯ ปรามาสสมฺปยุตฺตํ โมหํ ...
ปตฺถนํ อุปนิสฺสาย ทานํ เทติ สมาปตฺตึ อุปฺปาเทติ มานํ ชปฺเปติ
ปาณํ หนติ ฯเปฯ สงฺฆํ ภินฺทติ ปรามาสสมฺปยุตฺโต ราโค
โมโห ปตฺถนา สทฺธาย ฯเปฯ ปญฺญาย ราคสฺส โทสสฺส
โมหสฺส มานสฺส ปตฺถนาย กายิกสฺส สุขสฺส ผลสมาปตฺติยา
อุปนิสฺสยปจฺจเยน ปจฺจโย ฯ
{๗๑๕.๒} ปรามาสวิปฺปยุตฺโต ธมฺโม
ปรามาสวิปฺปยุตฺตสฺส ธมฺมสฺส อุปนิสฺสยปจฺจเยน ปจฺจโย:
อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯเปฯ
ปกตูปนิสฺสโย: สทฺธํ อุปนิสฺสาย ทานํ เทติ ฯเปฯ สมาปตฺตึ
อุปฺปาเทติ มานํ ชปฺเปติ สีลํ ... ฯเปฯ ปญฺญํ ราคํ มานํ ...
ปตฺถนํ อุปนิสฺสาย ทานํ เทติ ฯเปฯ สมาปตฺตึ อุปฺปาเทติ
ปาณํ หนติ ฯเปฯ สงฺฆํ ภินฺทติ กายิกํ สุขํ ... เสนาสนํ
อุปนิสฺสาย ทานํ เทติ ฯเปฯ สงฺฆํ ภินฺทติ สทฺธา ฯเปฯ
ปญฺญา ราโค มาโน ปตฺถนา กายิกํ สุขํ เสนาสนํ สทฺธาย
ปญฺญาย ราคสฺส มานสฺส ปตฺถนาย กายิกสฺส สุขสฺส ผลสมาปตฺติยา
อุปนิสฺสยปจฺจเยน ปจฺจโย ฯ
{๗๑๕.๓} ปรามาสวิปฺปยุตฺโต ธมฺโม ปรามาสสมฺปยุตฺตสฺส
ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯเปฯ ปกตูปนิสฺสโย: สทฺธํ อุปนิสฺสาย ราโค อุปฺปชฺชติ
สีลํ ฯเปฯ เสนาสนํ อุปนิสฺสาย ปตฺถนา สทฺธา ฯเปฯ เสนาสนํ
ปรามาสสมฺปยุตฺตสฺส ราคสฺส ปตฺถนาย อุปนิสฺสยปจฺจเยน ปจฺจโย ฯ
[๗๑๖] ปรามาสวิปฺปยุตฺโต ธมฺโม ปรามาสวิปฺปยุตฺตสฺส ธมฺมสฺส
ปุเรชาตปจฺจเยน ปจฺจโย: อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ ... วตฺถุํ อนิจฺจโต ... วิปสฺสติ อสฺสาเทติ
อภินนฺทติ ตํ อารพฺภ ปรามาสวิปฺปยุตฺโต ราโค วิจิกิจฺฉา อุทฺธจฺจํ
โทมนสฺสํ อุปฺปชฺชติ ทิพฺเพน จกฺขุนา รูปํ ปสฺสติ ทิพฺพาย โสตธาตุยา
สทฺทํ สุณาติ รูปายตนํ จกฺขุวิญฺญาณสฺส โผฏฺฐพฺพายตนํ
กายวิญฺญาณสฺส ปุเรชาตปจฺจเยน ปจฺจโย ฯ วตฺถุปุเรชาตํ:
จกฺขายตนํ จกฺขุวิญฺญาณสฺส กายายตนํ กายวิญฺญาณสฺส วตฺถุ
ปรามาสวิปฺปยุตฺตานํ ขนฺธานํ ปุเรชาตปจฺจเยน ปจฺจโย ฯ
ปรามาสวิปฺปยุตฺโต ธมฺโม ปรามาสสมฺปยุตฺตสฺส ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ:
จกฺขุํ ... วตฺถุํ อสฺสาเทติ อภินนฺทติ ตํ อารพฺภ ปรามาสสมฺปยุตฺโต
ราโค อุปฺปชฺชติ ฯ วตฺถุปุเรชาตํ: วตฺถุ ปรามาสสมฺปยุตฺตานํ
ขนฺธานํ ปุเรชาตปจฺจเยน ปจฺจโย ฯ
[๗๑๗] ปรามาสสมฺปยุตฺโต ธมฺโม ปรามาสวิปฺปยุตฺตสฺส ธมฺมสฺส
ปจฺฉาชาตปจฺจเยน ปจฺจโย: ฯ สงฺขิตฺตํ ฯ ปรามาสวิปฺปยุตฺโต
ธมฺโม ปรามาสวิปฺปยุตฺตสฺส ธมฺมสฺส ปจฺฉาชาตปจฺจเยน ปจฺจโย: ฯ
สงฺขิตฺตํ ฯ
[๗๑๘] ปรามาสสมฺปยุตฺโต ธมฺโม ปรามาสสมฺปยุตฺตสฺส ธมฺมสฺส
อาเสวนปจฺจเยน ปจฺจโย: เทฺว ฯ
[๗๑๙] ปรามาสสมฺปยุตฺโต ธมฺโม ปรามาสสมฺปยุตฺตสฺส ธมฺมสฺส
กมฺมปจฺจเยน ปจฺจโย: ปรามาสสมฺปยุตฺตา เจตนา สมฺปยุตฺตกานํ
ขนฺธานํ กมฺมปจฺจเยน ปจฺจโย ฯ ปรามาสสมฺปยุตฺโต ธมฺโม
ปรามาสวิปฺปยุตฺตสฺส ธมฺมสฺส กมฺมปจฺจเยน ปจฺจโย: สหชาตา
นานาขณิกา ฯ สหชาตา: ปรามาสสมฺปยุตฺตา เจตนา จิตฺตสมุฏฺฐานานํ
รูปานํ กมฺมปจฺจเยน ปจฺจโย ฯ นานาขณิกา: ปรามาสสมฺปยุตฺตา
เจตนา วิปากานํ ขนฺธานํ กฏตฺตา จ รูปานํ
กมฺมปจฺจเยน ปจฺจโย ฯ มูลํ ปุจฺฉิตพฺพํ ปรามาสสมฺปยุตฺตา
เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน
ปจฺจโย ฯ
{๗๑๙.๑} ปรามาสวิปฺปยุตฺโต ธมฺโม ปรามาสวิปฺปยุตฺตสฺส
ธมฺมสฺส กมฺมปจฺจเยน ปจฺจโย: สหชาตา นานาขณิกา ฯ
สหชาตา: ปรามาสวิปฺปยุตฺตา เจตนา สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ
นานาขณิกา: ปรามาสวิปฺปยุตฺตา เจตนา วิปากานํ ขนฺธานํ กฏตฺตา จ
รูปานํ กมฺมปจฺจเยน ปจฺจโย ฯ วิปากปจฺจเยน ปจฺจโย: เอกํ ฯ
อาหารปจฺจเยน ปจฺจโย: จตฺตาริ ฯ อินฺทฺริยปจฺจเยน ปจฺจโย:
จตฺตาริ ฯ ฌานปจฺจเยน ปจฺจโย: จตฺตาริ ฯ มคฺคปจฺจเยน
ปจฺจโย: จตฺตาริ ฯ สมฺปยุตฺตปจฺจเยน ปจฺจโย: เทฺว ฯ
[๗๒๐] ปรามาสสมฺปยุตฺโต ธมฺโม ปรามาสวิปฺปยุตฺตสฺส ธมฺมสฺส
วิปฺปยุตฺตปจฺจเยน ปจฺจโย: สหชาตํ ปจฺฉาชาตํ ฯ สงฺขิตฺตํ ฯ
ปรามาสวิปฺปยุตฺโต ธมฺโม ปรามาสวิปฺปยุตฺตสฺส ธมฺมสฺส
วิปฺปยุตฺตปจฺจเยน ปจฺจโย: สหชาตํ ปุเรชาตํ ปจฺฉาชาตํ ฯ
สงฺขิตฺตํ ฯ ปรามาสวิปฺปยุตฺโต ธมฺโม ปรามาสสมฺปยุตฺตสฺส
ธมฺมสฺส วิปฺปยุตฺตปจฺจเยน ปจฺจโย: ปุเรชาตํ: วตฺถุ ปรามาสสมฺปยุตฺตานํ
ขนฺธานํ วิปฺปยุตฺตปจฺจเยน ปจฺจโย ฯ
[๗๒๑] ปรามาสสมฺปยุตฺโต ธมฺโม ปรามาสสมฺปยุตฺตสฺส ธมฺมสฺส
อตฺถิปจฺจเยน ปจฺจโย: ปรามาสสมฺปยุตฺโต เอโก ขนฺโธ ติณฺณนฺนํ
ขนฺธานํ อตฺถิปจฺจเยน ปจฺจโย: เทฺว ขนฺธา ... ฯ ปรามาสสมฺปยุตฺโต
ธมฺโม ปรามาสวิปฺปยุตฺตสฺส ธมฺมสฺส อตฺถิปจฺจเยน
ปจฺจโย: ปรามาสสมฺปยุตฺตา ขนฺธา จิตฺตสมุฏฺฐานานํ รูปานํ อตฺถิปจฺจเยน
ปจฺจโย ฯ มูลํ กาตพฺพํ ปรามาสสมฺปยุตฺโต ธมฺโม
ปรามาสสมฺปยุตฺตสฺส จ ปรามาสวิปฺปยุตฺตสฺส จ ธมฺมสฺส อตฺถิปจฺจเยน
ปจฺจโย: ปรามาสสมฺปยุตฺโต เอโก ขนฺโธ ติณฺณนฺนํ
ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย ฯ
{๗๒๑.๑} ปรามาสวิปฺปยุตฺโต ธมฺโม ปรามาสวิปฺปยุตฺตสฺส
ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ปจฺฉาชาตํ อาหารํ
อินฺทฺริยํ ฯ สงฺขิตฺตํ ฯ ปรามาสวิปฺปยุตฺโต ธมฺโม ปรามาสสมฺปยุตฺตสฺส
ธมฺมสฺส อตฺถิปจฺจเยน ปจฺจโย: ปุเรชาตํ: จกฺขุํ ... วตฺถุํ อสฺสาเทติ
อภินนฺทติ ตํ อารพฺภ ราโค ทิฏฺฐิ อุปฺปชฺชติ วตฺถุ ปรามาสสมฺปยุตฺตานํ
ขนฺธานํ อตฺถิปจฺจเยน ปจฺจโย ฯ ปรามาสสมฺปยุตฺโต
จ ปรามาสวิปฺปยุตฺโต จ ธมฺมา ปรามาสสมฺปยุตฺตสฺส
ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ฯ สหชาโต:
ปรามาสสมฺปยุตฺโต เอโก ขนฺโธ จ วตฺถุ จ ติณฺณนฺนํ ขนฺธานํ
อตฺถิปจฺจเยน ปจฺจโย เทฺว ขนฺธา ... ฯ
{๗๒๑.๒} ปรามาสสมฺปยุตฺโต จ ปรามาสวิปฺปยุตฺโต
จ ธมฺมา ปรามาสวิปฺปยุตฺตสฺส ธมฺมสฺส
อตฺถิปจฺจเยน ปจฺจโย: สหชาตํ ปจฺฉาชาตํ อาหารํ อินฺทฺริยํ ฯ
สหชาตา: ปรามาสสมฺปยุตฺตา ขนฺธา จ มหาภูตา จ จิตฺตสมุฏฺฐานานํ
รูปานํ อตฺถิปจฺจเยน ปจฺจโย ฯ ปจฺฉาชาตา: ปรามาสสมฺปยุตฺตา
ขนฺธา จ กฬฬึกาโร อาหาโร จ อิมสฺส กายสฺส อตฺถิปจฺจเยน
ปจฺจโย ปจฺฉาชาตา: ปรามาสมฺปยุตฺตา ขนฺธา จ
รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ
[๗๒๒] เหตุยา จตฺตาริ อารมฺมเณ จตฺตาริ อธิปติยา
ปญฺจ อนนฺตเร จตฺตาริ สมนนฺตเร จตฺตาริ สหชาเต ปญฺจ
อญฺญมญฺเญ เทฺว นิสฺสเย สตฺต อุปนิสฺสเย จตฺตาริ ปุเรชาเต
เทฺว ปจฺฉาชาเต เทฺว อาเสวเน เทฺว กมฺเม จตฺตาริ
วิปาเก เอกํ อาหาเร จตฺตาริ อินฺทฺริเย จตฺตาริ ฌาเน
จตฺตาริ มคฺเค จตฺตาริ สมฺปยุตฺเต เทฺว วิปฺปยุตฺเต ตีณิ
อตฺถิยา สตฺต นตฺถิยา จตฺตาริ วิคเต จตฺตาริ อวิคเต สตฺต ฯ
[๗๒๓] ปรามาสสมฺปยุตฺโต ธมฺโม ปรามาสสมฺปยุตฺตสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ฯ ปรามาสสมฺปยุตฺโต ธมฺโม ปรามาสวิปฺปยุตฺตสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ปจฺฉาชาตปจฺจเยน
ปจฺจโย: กมฺมปจฺจเยน ปจฺจโย: ฯ ปรามาสสมฺปยุตฺโต
ธมฺโม ปรามาสสมฺปยุตฺตสฺส จ ปรามาสวิปฺปยุตฺตสฺส จ ธมฺมสฺส
สหชาตปจฺจเยน ปจฺจโย: ฯ
{๗๒๓.๑} ปรามาสวิปฺปยุตฺโต ธมฺโม ปรามาสวิปฺปยุตฺตสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ปุเรชาตปจฺจเยน
ปจฺจโย: ปจฺฉาชาตปจฺจเยน ปจฺจโย: กมฺมปจฺจเยน
ปจฺจโย: อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
ปรามาสวิปฺปยุตฺโต ธมฺโม ปรามาสสมฺปยุตฺตสฺส ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ปุเรชาตปจฺจเยน ปจฺจโย: ฯ
{๗๒๓.๒} ปรามาสสมฺปยุตฺโต จ ปรามาสวิปฺปยุตฺโต จ ธมฺมา
ปรามาสสมฺปยุตฺตสฺส ธมฺมสฺส สหชาตปจฺจเยน ปจฺจโย:
ปุเรชาตปจฺจเยน ปจฺจโย: ปรามาสสมฺปยุตฺโต จ
ปรามาสวิปฺปยุตฺโต จ ธมฺมา ปรามาสวิปฺปยุตฺตสฺส
ธมฺมสฺส สหชาตปจฺจเยน ปจฺจโย: ปจฺฉาชาตปจฺจเยน ปจฺจโย:
อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
[๗๒๔] นเหตุยา สตฺต นอารมฺมเณ สตฺต นอธิปติยา
สตฺต นอนนฺตเร สตฺต นสมนนฺตเร สตฺต นสหชาเต ปญฺจ
นอญฺญมญฺเญ ปญฺจ นนิสฺสเย ปญฺจ นอุปนิสฺสเย สตฺต
นปุเรชาเต ฉ นปจฺฉาชาเต สตฺต สพฺพตฺถ สตฺต นมคฺเค
สตฺต นสมฺปยุตฺเต ปญฺจ นวิปฺปยุตฺเต จตฺตาริ โนอตฺถิยา
จตฺตาริ โนนตฺถิยา สตฺต โนวิคเต สตฺต โนอวิคเต จตฺตาริ ฯ
[๗๒๕] เหตุปจฺจยา นอารมฺมเณ จตฺตาริ ... นอธิปติยา จตฺตาริ
นอนนฺตเร จตฺตาริ นสมนนฺตเร จตฺตาริ นมญฺญมญฺเญ เทฺว นอุปนิสฺสเย
จตฺตาริ สพฺพตฺถ จตฺตาริ นมคฺเค จตฺตาริ นสมฺปยุตฺเต
เทฺว นวิปฺปยุตฺเต เทฺว โนนตฺถิยา จตฺตาริ โนวิคเต จตฺตาริ ฯ
[๗๒๖] นเหตุปจฺจยา อารมฺมเณ จตฺตาริ ... อธิปติยา ปญฺจ
อนุโลมมาติกา กาตพฺพา ... อวิคเต สตฺต ฯ
ปรามาสสมฺปยุตฺตทุกํ นิฏฺฐิตํ ฯ
-----------
ปรามาสปรามฏฺฐทุกํ
ปฏิจฺจวาโร
[๗๒๗] ปรามาสญฺเจวปรามฏฺฐญฺจ ธมฺมํ ปฏิจฺจ
ปรามฏฺโฐเจวโนจปรามาโส ธมฺโม อุปฺปชฺชติ เหตุปจฺจยา: ปรามาสํ ปฏิจฺจ
สมฺปยุตฺตกา ขนฺธา จิตฺตสมุฏฺฐานญฺจ รูปํ ฯ ปรามฏฺฐญฺเจวโนจปรามาสํ
ธมฺมํ ปฏิจฺจ ปรามฏฺโฐเจวโนจปรามาโส ธมฺโม
อุปฺปชฺชติ เหตุปจฺจยา: ปรามฏฺฐญฺเจวโนจปรามาสํ เอกํ ขนฺธํ
ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ
ยาว อชฺฌตฺติกา มหาภูตา ฯ ปรามฏฺฐญฺเจวโนจปรามาสํ
ธมฺมํ ปฏิจฺจ ปรามาโสเจวปรามฏฺโฐจ ธมฺโม อุปฺปชฺชติ
เหตุปจฺจยา: ปรามฏฺเฐเจวโนจปรามาเส ขนฺเธ ปฏิจฺจ ปรามาโส ฯ
{๗๒๗.๑} ปรามฏฺฐญฺเจวโนจปรามาสํ ธมฺมํ ปฏิจฺจ
ปรามาโสเจวปรามฏฺโฐจ ปรามฏฺโฐเจวโนจปรามาโส
จ ธมฺมา อุปฺปชฺชนฺติ เหตุปจฺจยา:
ปรามฏฺฐญฺเจวโนจปรามาสํ เอกํ ขนฺธํ ปฏิจฺจ ตโย ขนฺธา ปรามาโส
จ จิตฺตสมุฏฺฐานญฺจ รูปํ เทฺว ขนฺเธ ... ฯ ปรามาสญฺเจวปรามฏฺฐญฺจ
ปรามฏฺฐญฺเจวโนจปรามาสญฺจ ธมฺมํ ปฏิจฺจ
ปรามฏฺโฐเจวโนจปรามาโส ธมฺโม อุปฺปชฺชติ เหตุปจฺจยา:
ปรามฏฺฐญฺเจวโนจปรามาสํ เอกํ ขนฺธญฺจ ปรามาสญฺจ ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ฯ สงฺขิตฺตํ ฯ
สพฺเพ วารา ยถา ปรามาสทุกํ เอวํ กาตพฺพํ นินฺนานากรณํ ฯ
ปญฺหาวาโร
[๗๒๘] ปรามฏฺโฐเจวโนจปรามาโส ธมฺโม ปรามฏฺฐสฺสเจว-
โนจปรามาสสฺส ธมฺมสฺส เหตุปจฺจเยน ปจฺจโย: ปรามฏฺฐาเจว-
โนจปรามาสา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ปฏิสนฺธิ ฯ ปรามฏฺโฐเจวโนจปรามาโส
ธมฺโม ปรามาสสฺสเจวปรามฏฺฐสฺสจ ธมฺมสฺส เหตุปจฺจเยน
ปจฺจโย: ปรามฏฺฐาเจวโนจปรามาสา เหตู ปรามาสสฺส
เหตุปจฺจเยน ปจฺจโย ฯ ปรามฏฺโฐเจวโนจปรามาโส ธมฺโม
ปรามาสสฺสเจวปรามฏฺฐสฺสจ ปรามฏฺฐสฺสเจวโนจปรามาสสฺส จ
ธมฺมสฺส เหตุปจฺจเยน ปจฺจโย: ปรามฏฺฐาเจวโนจปรามาสา เหตู
สมฺปยุตฺตกานํ ขนฺธานํ ปรามาสสฺส จ จิตฺตสมุฏฺฐานานญฺจ รูปานํ
เหตุปจฺจเยน ปจฺจโย ฯ
[๗๒๙] ปรามาโสเจวปรามฏฺโฐจ ธมฺโม ปรามาสสฺสเจวปรามฏฺฐสฺสจ
ธมฺมสฺส อารมฺมณปจฺจเยน ปจฺจโย: ตีณิ อารพฺภ
กาตพฺพา ปรามาสทุกสทิสา ฯ ปรามฏฺโฐเจวโนจปรามาโส
ธมฺโม ปรามฏฺฐสฺสเจวโนจปรามาสสฺส ธมฺมสฺส อารมฺมณปจฺจเยน
ปจฺจโย: ทานํ ... สีลํ ... อุโปสถกมฺมํ กตฺวา ตํ ปจฺจเวกฺขติ
อสฺสาเทติ อภินนฺทติ ตํ อารพฺภ ราโค วิจิกิจฺฉา อุทฺธจฺจํ
โทมนสฺสํ อุปฺปชฺชติ ปุพฺเพ ... ฌานา ... อริยา โคตฺรภุํ ปจฺจเวกฺขนฺติ
โวทานํ ปจฺจเวกฺขนฺติ ปหีเน กิเลเส ... วิกฺขมฺภิเต
กิเลเส ... ปุพฺเพ ... จกฺขุํ ... วตฺถุํ ... ปรามฏฺเฐเจวโนจปรามาเส
ขนฺเธ อนิจฺจโต ... โทมนสฺสํ อุปฺปชฺชติ ทิพฺเพน จกฺขุนา รูปํ
ปสฺสติ ยาว อาวชฺชนาย สพฺพํ กาตพฺพํ ฯ
{๗๒๙.๑} ปรามฏฺโฐเจวโนจปรามาโส ธมฺโม ปรามาสสฺสเจว-
ปรามฏฺฐสฺสจ ธมฺมสฺส อารมฺมณปจฺจเยน ปจฺจโย: ทานํ ... สีลํ ...
อุโปสถกมฺมํ ... ปุพฺเพ ... ฌานา ... จกฺขุํ ... วตฺถุํ ... ปรามฏฺเฐเจว-
โนจปรามาเส ขนฺเธ อสฺสาเทติ อภินนฺทติ ตํ อารพฺภ ทิฏฺฐิ ... ฯ
ปรามฏฺโฐเจวโนจปรามาโส ธมฺโม ปรามาสสฺสเจวปรามฏฺฐสฺสจ
ปรามฏฺฐสฺสเจวโนจปรามาสสฺส จ ธมฺมสฺส อารมฺมณปจฺจเยน
ปจฺจโย: ทานํ ... สีลํ ... อุโปสถกมฺมํ ... ปุพฺเพ ... ฌานา ...
จกฺขุํ ... วตฺถุํ ... ปรามฏฺเฐเจวโนจปรามาเส ขนฺเธ อนิจฺจโต
... วิปสฺสติ อสฺสาเทติ อภินนฺทติ ตํ อารพฺภ ปรามาโส
จ สมฺปยุตฺตกา จ ขนฺธา อุปฺปชฺชนฺติ ฯ เอวํ อิตเรปิ ตีณิ
อารพฺภ กาตพฺพา ฯ อิมํ ทุกํ ปรามาสทุกสทิสํ ฯ
โลกุตฺตรํ ยมฺหิ น ลพฺภติ ตมฺหิ น กาตพฺพํ ฯ
ปรามาสปรามฏฺฐทุกํ นิฏฺฐิตํ ฯ
-------------
ปรามาสวิปฺปยุตฺตปรามฏฺฐทุกํ
ปฏิจฺจวาโร
[๗๓๐] ปรามาสวิปฺปยุตฺตํปรามฏฺฐํ ธมฺมํ ปฏิจฺจ
ปรามาสวิปฺปยุตฺโตปรามฏฺโฐ ธมฺโม อุปฺปชฺชติ เหตุปจฺจยา:
ปรามาสวิปฺปยุตฺตํปรามฏฺฐํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ... ฯ ปรามาสวิปฺปยุตฺตํอปรามฏฺฐํ
ธมฺมํ ปฏิจฺจ ปรามาสวิปฺปยุตฺโตอปรามฏฺโฐ ธมฺโม อุปฺปชฺชติ
เหตุปจฺจยา: ฯ
สงฺขิตฺตํ ฯ
ยถา จูฬนฺตรทุเก โลกิยทุกํ เอวํ กาตพฺพํ นินฺนานากรณํ ฯ
ปรามาสวิปฺปยุตฺตปรามฏฺฐทุกํ นิฏฺฐิตํ ฯ
อนุโลมทุกปฏฺฐานํ ปุริมํ
เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๔๑๘-๔๒๘.
https://84000.org/tipitaka/read/pali_item.php?book=42&item=715&items=16
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=715&items=16&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=715&items=16
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=715&items=16
ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=715
สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
