พระไตรปิฎกเล่มที่ ๔๓ ภาษาบาลี อักษรไทย
พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ 

                                      ปจฺจยวาโร
     [๓๑๐]   อุปาทา   ธมฺมํ   ปจฺจยา   โนอุปาทา   ธมฺโม อุปฺปชฺชติ
เหตุปจฺจยา:   วตฺถุํ    ปจฺจยา    โนอุปาทา    ขนฺธา   ปฏิสนฺธิกฺขเณ
ฯเปฯ    โนอุปาทา    ธมฺมํ   ปจฺจยา   โนอุปาทา   ธมฺโม  อุปฺปชฺชติ
เหตุปจฺจยา:     ตีณิ    ฯ    โนอุปาทามูลเก    ตีณิปิ    ปฏิจฺจสทิสา
นินฺนานากรณา  ฯ  อุปาทา  จ  โนอุปาทา  จ  ธมฺมํ  ปจฺจยา โนอุปาทา
ธมฺโม   อุปฺปชฺชติ   เหตุปจฺจยา:   โนอุปาทา   เอกํ  ขนฺธญฺจ  วตฺถุญฺจ
ปจฺจยา ตโย ขนฺธา เทฺว ขนฺเธ ... ปฏิสนฺธิ ฯ
     [๓๑๑]   อุปาทา   ธมฺมํ   ปจฺจยา   โนอุปาทา  ธมฺโม  อุปฺปชฺชติ
อารมฺมณปจฺจยา:    จกฺขายตนํ    ปจฺจยา    จกฺขุวิญฺญาณํ    กายายตนํ
ปจฺจยา   กายวิญฺญาณํ   วตฺถุํ   ปจฺจยา  โนอุปาทา  ขนฺธา  ปฏิสนฺธิ  ฯ
โนอุปาทา     ธมฺมํ     ปจฺจยา     โนอุปาทา    ธมฺโม    อุปฺปชฺชติ
อารมฺมณปจฺจยา:   เอกํ   ปฏิจฺจสทิสํ   ฯ   อุปาทา  จ  โนอุปาทา  จ
ธมฺมํ    ปจฺจยา    โนอุปาทา    ธมฺโม   อุปฺปชฺชติ   อารมฺมณปจฺจยา:
จกฺขุวิญฺญาณสหคตํ    เอกํ    ขนฺธญฺจ    จกฺขายตนญฺจ   ปจฺจยา   ตโย
ขนฺธา   เทฺว   ขนฺเธ  ...  กายวิญฺญาณสหคตํ  ...  โนอุปาทา  เอกํ
ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... ปฏิสนฺธิ ฯ
                                      สงฺขิตฺตํ ฯ
     [๓๑๒]   เหตุยา    ปญฺจ    อารมฺมเณ   ตีณิ   อธิปติยา  ปญฺจ
อนนฺตเร     ตีณิ    สมนนฺตเร    ตีณิ   สหชาเต   ปญฺจ   อญฺญมญฺเญ
ปญฺจ   นิสฺสเย   ปญฺจ   อุปนิสฺสเย   ตีณิ   ปุเรชาเต  ตีณิ  อาเสวเน
ตีณิ กมฺเม ปญฺจ ฯ เอวํ คเณตพฺพํ ฯ อวิคเต ปญฺจ ฯ
     [๓๑๓]   อุปาทา   ธมฺมํ   ปจฺจยา   โนอุปาทา   ธมฺโม อุปฺปชฺชติ
นเหตุปจฺจยา:     จกฺขายตนํ     ปจฺจยา    จกฺขุวิญฺญาณํ    กายายตนํ
ปจฺจยา   กายวิญฺญาณํ  วตฺถุํ   ปจฺจยา   อเหตุกา   โนอุปาทา   ขนฺธา
อเหตุกปฏิสนฺธิกฺขเณ    วตฺถุํ    ปจฺจยา    วิจิกิจฺฉาสหคโต    อุทฺธจฺจ-
สหคโต   โมโห   ฯ   โนอุปาทา   ธมฺมํ  ปจฺจยา  โนอุปาทา  ธมฺโม
อุปฺปชฺชติ   นเหตุปจฺจยา:   อเหตุกํ   โนอุปาทา   เอกํ  ขนฺธํ  ปจฺจยา
ตโย  ขนฺธา  โนอุปาทา  จ  จิตฺตสมุฏฺฐานํ รูปํ เทฺว ขนฺเธ ... อเหตุก-
ปฏิสนฺธิกฺขเณ   เอกํ   มหาภูตํ   ยาว   อสญฺญสตฺตา   วิจิกิจฺฉาสหคเต
อุทฺธจฺจสหคเต    ขนฺเธ    ปจฺจยา    วิจิกิจฺฉาสหคโต   อุทฺธจฺจสหคโต
โมโห ฯ
     {๓๑๓.๑}   ตีณิปิ   ปฏิจฺจสทิสา   นินฺนานากรณํ   ฯ   อุปาทา  จ
โนอุปาทา  จ  ธมฺมํ  ปจฺจยา  โนอุปาทา  ธมฺโม อุปฺปชฺชติ นเหตุปจฺจยา:
จกฺขุวิญฺญาณสหคตํ   เอกํ   ขนฺธญฺจ  จกฺขายตนญฺจ  ปจฺจยา  ตโย  ขนฺธา
เทฺว   ขนฺเธ  ...   กายวิญฺญาณสหคตํ   ...  โนอุปาทา เอกํ ขนฺธญฺจ
วตฺถุญฺจ   ปจฺจยา   ตโย   ขนฺธา   เทฺว   ขนฺเธ   ... ปฏิสนฺธิกฺขเณ
วิจิกิจฺฉาสหคเต    อุทฺธจฺจสหคเต    ขนฺเธ    จ    วตฺถุญฺจ   ปจฺจยา
วิจิกิจฺฉาสหคโต   อุทฺธจฺจสหคโต   โมโห   ฯ  ...  นอารมฺมณปจฺจยา:
ตีณิ นอาเสวนปจฺจยา: ปญฺจ ฯ
     [๓๑๔]   อุปาทา   ธมฺมํ   ปจฺจยา   โนอุปาทา  ธมฺโม  อุปฺปชฺชติ
นกมฺมปจฺจยา:  วตฺถุํ  ปจฺจยา  โนอุปาทา  เจตนา  ฯ  โนอุปาทา  ธมฺมํ
ปจฺจยา   โนอุปาทา    ธมฺโม    อุปฺปชฺชติ  นกมฺมปจฺจยา:   โนอุปาทา
ขนฺเธ  ปจฺจยา  สมฺปยุตฺตกา  เจตนา  พาหิรํ  ... อาหารสมุฏฺฐานํ ...
อุตุสมุฏฺฐานํ  ...  เทฺว  มหาภูเต  ปจฺจยา  เทฺว มหาภูตา ฯ โนอุปาทา
ธมฺมํ  ปจฺจยา  อุปาทา  ธมฺโม  อุปฺปชฺชติ  นกมฺมปจฺจยา:  พาหิเร  ...
อาหารสมุฏฺฐาเน  ...  อุตุสมุฏฺฐาเน  มหาภูเต  ปจฺจยา  อุปาทารูปํ  ฯ
โนอุปาทา  ธมฺมํ  ปจฺจยา  อุปาทา  จ  โนอุปาทา  จ  ธมฺมา อุปฺปชฺชนฺติ
นกมฺมปจฺจยา:   พาหิรํ  ...   อาหารสมุฏฺฐานํ  ...  อุตุสมุฏฺฐานํ เอกํ
มหาภูตํ  ปจฺจยา  ตโย  มหาภูตา  อุปาทา  จ  รูปํ เทฺว ... ฯ อุปาทา
จ   โนอุปาทา   จ   ธมฺมํ   ปจฺจยา   โนอุปาทา   ธมฺโม   อุปฺปชฺชติ
นกมฺมปจฺจยา:   โนอุปาทา   ขนฺเธ   จ   วตฺถุญฺจ  ปจฺจยา  โนอุปาทา
เจตนา   ฯ   ...   นวิปากปจฺจยา:   ปญฺจ   นอาหารปจฺจยา:   ตีณิ
นอินฺทฺริยปจฺจยา: ตีณิ ฯ
     [๓๑๕]   อุปาทา   ธมฺมํ   ปจฺจยา  โนอุปาทา  ธมฺโม  อุปฺปชฺชติ
นฌานปจฺจยา:     จกฺขายตนํ     ปจฺจยา    จกฺขุวิญฺญาณํ    กายายตนํ
ปจฺจยา    กายวิญฺญาณํ   ฯ   โนอุปาทา   ธมฺมํ   ปจฺจยา   โนอุปาทา
ธมฺโม     อุปฺปชฺชติ     นฌานปจฺจยา:     ปญฺจวิญฺญาณสหคตํ     เอกํ
ขนฺธํ  ปจฺจยา  ตโย  ขนฺธา เทฺว ขนฺเธ ... พาหิรํ ... อาหารสมุฏฺฐานํ
...   อุตุสมุฏฺฐานํ  ...  อสญฺญสตฺตานํ  เทฺว  มหาภูเต  ปจฺจยา  เทฺว
มหาภูตา   ฯ   โนอุปาทา   ธมฺมํ   ปจฺจยา  อุปาทา  ธมฺโม  อุปฺปชฺชติ
นฌานปจฺจยา:  พาหิเร  ...  อาหารสมุฏฺฐาเน  ... อุตุสมุฏฺฐาเน ...
อสญฺญสตฺตานํ มหาภูเต ปจฺจยา อุปาทา กฏตฺตารูปํ ฯ
     {๓๑๕.๑}   โนอุปาทา  ธมฺมํ  ปจฺจยา  อุปาทา  จ  โนอุปาทา  จ
ธมฺมา   อุปฺปชฺชนฺติ  นฌานปจฺจยา:  พาหิรํ  ...  อาหารสมุฏฺฐานํ  ...
อุตุสมุฏฺฐานํ  ...  อสญฺญสตฺตานํ  เอกํ  มหาภูตํ  ปจฺจยา  ตโย มหาภูตา
อุปาทา  จ  กฏตฺตารูปํ เทฺว ... ฯ อุปาทา จ โนอุปาทา จ ธมฺมํ ปจฺจยา
โนอุปาทา    ธมฺโม    อุปฺปชฺชติ    นฌานปจฺจยา:    จกฺขุวิญฺญาณสหคตํ
เอกํ  ขนฺธญฺจ  จกฺขายตนญฺจ  ปจฺจยา  ตโย  ขนฺธา  เทฺว ขนฺเธ ... ฯ
...   นมคฺคปจฺจยา:  ปญฺจ  นสมฺปยุตฺตปจฺจยา:  ตีณิ  นวิปฺปยุตฺตปจฺจยา:
ตีณิ โนนตฺถิปจฺจยา: ตีณิ โนวิคตปจฺจยา: ตีณิ ฯ
     [๓๑๖]   นเหตุยา    ปญฺจ    นอารมฺมเณ    ตีณิ   นอธิปติยา
ปญฺจ     นกมฺเม     ปญฺจ    นวิปาเก    ปญฺจ    นอาหาเร    ตีณิ
นอินฺทฺริเย    ตีณิ    นฌาเน    ปญฺจ    นมคฺเค   ปญฺจ   นสมฺปยุตฺเต
ตีณิ    นวิปฺปยุตฺเต    ตีณิ    โนนตฺถิยา    ตีณิ   โนวิคเต   ตีณิ   ฯ
              เอวํ อิตเร เทฺว คณนาปิ นิสฺสยวาโรปิ กาตพฺพา ฯ
                                     สํสฏฺฐวาโร
     [๓๑๗]   โนอุปาทา  ธมฺมํ  สํสฏฺโฐ  โนอุปาทา  ธมฺโม  อุปฺปชฺชติ
เหตุปจฺจยา:  โนอุปาทา  เอกํ  ขนฺธํ  สํสฏฺฐา  ตโย  ขนฺธา เทฺว ขนฺเธ
สํสฏฺฐา เทฺว ขนฺธา ปฏิสนฺธิกฺขเณ ฯเปฯ สงฺขิตฺตํ ฯ
     [๓๑๘]   เหตุยา  เอกํ อารมฺมเณ เอกํ อธิปติยา เอกํ สพฺพตฺถ เอกํ
อวิคเต เอกํ ฯ
     [๓๑๙]   โนอุปาทา  ธมฺมํ  สํสฏฺโฐ  โนอุปาทา  ธมฺโม  อุปฺปชฺชติ
นเหตุปจฺจยา:   อเหตุกํ  โนอุปาทา  เอกํ  ขนฺธํ  สํสฏฺฐา  ตโย  ขนฺธา
เทฺว  ขนฺเธ  ...  อเหตุกปฏิสนฺธิกฺขเณ  วิจิกิจฺฉาสหคเต  อุทฺธจฺจสหคเต
ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห ฯ สงฺขิตฺตํ ฯ
     [๓๒๐]   นเหตุยา  เอกํ นอธิปติยา เอกํ นปุเรชาเต เอกํ นปจฺฉา-
ชาเต  เอกํ  นอาเสวเน  เอกํ  นกมฺเม  เอกํ นวิปาเก  เอกํ นฌาเน
เอกํ   นมคฺเค   เอกํ  นวิปฺปยุตฺเต  เอกํ ฯ  เอวํ  อิตเร เทฺว คณนาปิ
สมฺปยุตฺตวาโรปิ กาตพฺพา ฯ
                                    ปญฺหาวาโร
     [๓๒๑]   โนอุปาทา   ธมฺโม   โนอุปาทา  ธมฺมสฺส  เหตุปจฺจเยน
ปจฺจโย:   โนอุปาทา    เหตู    สมฺปยุตฺตกานํ  ขนฺธานํ  โนอุปาทา  จ
จิตฺตสมุฏฺฐานานํ     รูปานํ     เหตุปจฺจเยน    ปจฺจโย   ปฏิสนฺธิกฺขเณ
ฯเปฯ   โนอุปาทา   ธมฺโม   อุปาทา  ธมฺมสฺส  เหตุปจฺจเยน  ปจฺจโย:
โนอุปาทา    เหตู   อุปาทา   จิตฺตสมุฏฺฐานานํ   รูปานํ   เหตุปจฺจเยน
ปจฺจโย    ปฏิสนฺธิกฺขเณ    ฯเปฯ    โนอุปาทา   ธมฺโม   อุปาทา  จ
โนอุปาทา   จ   ธมฺมสฺส   เหตุปจฺจเยน  ปจฺจโย:   โนอุปาทา   เหตู
สมฺปยุตฺตกานํ   ขนฺธานํ   อุปาทา   จ   โนอุปาทา  จ  จิตฺตสมุฏฺฐานานํ
รูปานํ เหตุปจฺจเยน ปจฺจโย ปฏิสนฺธิกฺขเณ ฯเปฯ
     [๓๒๒]   อุปาทา   ธมฺโม  โนอุปาทา  ธมฺมสฺส  อารมฺมณปจฺจเยน
ปจฺจโย:  จกฺขุํ  ... กายํ รูเป รเส ... วตฺถุํ อนิจฺจโต ฯเปฯ โทมนสฺสํ
อุปฺปชฺชติ   ทิพฺเพน   จกฺขุนา   รูปํ  ปสฺสติ  ทิพฺพาย  โสตธาตุยา  สทฺทํ
สุณาติ     รูปายตนํ     จกฺขุวิญฺญาณสฺส    รสายตนํ    ชิวฺหาวิญฺญาณสฺส
อารมฺมณปจฺจเยน   ปจฺจโย   อุปาทา   ขนฺธา  อิทฺธิวิธญาณสฺส   ปุพฺเพ-
นิวาสานุสฺสติญาณสฺส     อนาคตํสญาณสฺส    อาวชฺชนาย     อารมฺมณ-
ปจฺจเยน ปจฺจโย ฯ
     {๓๒๒.๑}   โนอุปาทา   ธมฺโม   โนอุปาทา  ธมฺมสฺส  อารมฺมณ-
ปจฺจเยน  ปจฺจโย: ทานํ ... สีลํ ... อุโปสถกมฺมํ กตฺวา ตํ ปจฺจเวกฺขติ
อสฺสาเทติ   อภินนฺทติ   ตํ  อารพฺภ  ราโค  อุปฺปชฺชติ  ฯเปฯ  โทมนสฺสํ
อุปฺปชฺชติ  ปุพฺเพ  ฯเปฯ  ฌานา  ฯเปฯ  อริยา  มคฺคา  วุฏฺฐหิตฺวา มคฺคํ
ปจฺจเวกฺขนฺติ   ผลํ   ...  นิพฺพานํ  ... นิพฺพานํ โคตฺรภุสฺส  โวทานสฺส
มคฺคสฺส  ผลสฺส  อาวชฺชนาย  อารมฺมณปจฺจเยน  ปจฺจโย   อริยา  ปหีเน
กิเลเส ปจฺจเวกฺขนฺติ วิกฺขมฺภิเต กิเลเส ... ปุพฺเพ ฯเปฯ โผฏฺฐพฺเพ ...
โนอุปาทา  ขนฺเธ  อนิจฺจโต  ฯเปฯ  โทมนสฺสํ อุปฺปชฺชติ เจโตปริยญาเณน
โนอุปาทาจิตฺตสมงฺคิสฺส      จิตฺตํ      ชานาติ      อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
โผฏฺฐพฺพายตนํ      กายวิญฺญาณสฺส      อารมฺมณปจฺจเยน      ปจฺจโย
โนอุปาทา     ขนฺธา    อิทฺธิวิธญาณสฺส    เจโตปริยญาณสฺส    ปุพฺเพ-
นิวาสานุสฺสติญาณสฺส        ยถากมฺมุปคญาณสฺส        อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     [๓๒๓]   อุปาทา   ธมฺโม   โนอุปาทา   ธมฺมสฺส   อธิปติปจฺจเยน
ปจฺจโย: อารมฺมณาธิปติ: จกฺขุํ ... กายํ รูเป รเส ... วตฺถุํ  ครุํ กตฺวา
อสฺสาเทติ  อภินนฺทติ  ตํ  ครุํ  กตฺวา  ราโค  อุปฺปชฺชติ ทิฏฺฐิ อุปฺปชฺชติ ฯ
โนอุปาทา   ธมฺโม   โนอุปาทา   ธมฺมสฺส    อธิปติปจฺจเยน   ปจฺจโย:
อารมฺมณาธิปติ  สหชาตาธิปติ  ฯ   อารมฺมณาธิปติ:  ทานํ ...  สีลํ ...
อุโปสถกมฺมํ   กตฺวา   ตํ  ครุํ   กตฺวา  ปจฺจเวกฺขติ อสฺสาเทติ อภินนฺทติ
ตํ  ครุํ  กตฺวา   ราโค  อุปฺปชฺชติ  ทิฏฺฐิ อุปฺปชฺชติ ปุพฺเพ  สุจิณฺณานิ ...
ฌานา   วุฏฺฐหิตฺวา  ฌานํ  ... อริยา มคฺคา วุฏฺฐหิตฺวา มคฺคํ ครุํ  กตฺวา
...  ผลํ  ...  นิพฺพานํ ...  นิพฺพานํ  โคตฺรภุสฺส  โวทานสฺส  มคฺคสฺส
ผลสฺส   อธิปติปจฺจเยน   ปจฺจโย  โผฏฺฐพฺเพ ... โนอุปาทา  ขนฺเธ ครุํ
กตฺวา อสฺสาเทติ  อภินนฺทติ ตํ ครุํ กตฺวา ราโค อุปฺปชฺชติ  ทิฏฺฐิ อุปฺปชฺชติ ฯ
สหชาตาธิปติ:   โนอุปาทา   อธิปติ สมฺปยุตฺตกานํ  ขนฺธานํ โนอุปาทา  จ
จิตฺตสมุฏฺฐานานํ  รูปานํ   อธิปติปจฺจเยน  ปจฺจโย  ฯ   โนอุปาทา ธมฺโม
อุปาทา   ธมฺมสฺส   อธิปติปจฺจเยน  ปจฺจโย:  สหชาตาธิปติ:  โนอุปาทา
อธิปติ   อุปาทา   จิตฺตสมุฏฺฐานานํ   รูปานํ  อธิปติปจฺจเยน  ปจฺจโย  ฯ
โนอุปาทา   ธมฺโม  อุปาทา  จ  โนอุปาทา  จ  ธมฺมสฺส  อธิปติปจฺจเยน
ปจฺจโย:   สหชาตาธิปติ:   โนอุปาทา   อธิปติ   สมฺปยุตฺตกานํ  ขนฺธานํ
อุปาทา   จ   โนอุปาทา   จ   จิตฺตสมุฏฺฐานานํ  รูปานํ  อธิปติปจฺจเยน
ปจฺจโย ฯ
     [๓๒๔]   โนอุปาทา  ธมฺโม  โนอุปาทา  ธมฺมสฺส  อนนฺตรปจฺจเยน
ปจฺจโย:   ปุริมา   ปุริมา   โนอุปาทา   ขนฺธา   ปจฺฉิมานํ   ปจฺฉิมานํ
โนอุปาทา   ขนฺธานํ   อนนฺตรปจฺจเยน   ปจฺจโย    อนุโลมํ  โคตฺรภุสฺส
ผลสมาปตฺติยา   อนนฺตรปจฺจเยน   ปจฺจโย   ฯ  ...  สมนนฺตรปจฺจเยน
ปจฺจโย:   สหชาตปจฺจเยน   ปจฺจโย:  ปฏิจฺจสทิสํ  ฯ  ...  อญฺญมญฺญ-
ปจฺจเยน ปจฺจโย: ปฏิจฺจสทิสํ ฯ ... นิสฺสยปจฺจเยน ปจฺจโย: ปจฺจยวาเร
นิสฺสยสทิสํ ฯ
     [๓๒๕]   อุปาทา  ธมฺโม  โนอุปาทา   ธมฺมสฺส   อุปนิสฺสยปจฺจเยน
ปจฺจโย:    อารมฺมณูปนิสฺสโย    ปกตูปนิสฺสโย   ฯเปฯ   ปกตูปนิสฺสโย:
จกฺขุสมฺปทํ   ...    กายสมฺปทํ  วณฺณสมฺปทํ  คนฺธสมฺปทํ  รสสมฺปทํ  ...
โภชนํ   อุปนิสฺสาย  ทานํ   เทติ  ฯเปฯ  สงฺฆํ  ภินฺทติ จกฺขุสมฺปทา ...
กายสมฺปทา    วณฺณสมฺปทา    คนฺธสมฺปทา   รสสมฺปทา   ...   โภชนํ
สทฺธาย    ผลสมาปตฺติยา    อุปนิสฺสยปจฺจเยน  ปจฺจโย   ฯ  โนอุปาทา
ธมฺโม  โนอุปาทา  ธมฺมสฺส  อุปนิสฺสยปจฺจเยน  ปจฺจโย: อารมฺมณูปนิสฺสโย
อนนฺตรูปนิสฺสโย     ปกตูปนิสฺสโย     ฯเปฯ     ปกตูปนิสฺสโย:   สทฺธํ
อุปนิสฺสาย   ทานํ  เทติ  ฯเปฯ   สมาปตฺตึ  อุปฺปาเทติ  มานํ   ชปฺเปติ
ทิฏฺฐึ  คณฺหาติ  สีลํ  ...  สทฺธํ  ฯเปฯ   ปตฺถนํ  กายิกํ สุขํ กายิกํ ทุกฺขํ
อุตุํ  ...  เสนาสนํ  อุปนิสฺสาย  ทานํ  เทติ  ฯเปฯ  สงฺฆํ ภินฺทติ สทฺธา
ฯเปฯ   เสนาสนํ   สทฺธาย   ฯเปฯ   ผลสมาปตฺติยา  อุปนิสฺสยปจฺจเยน
ปจฺจโย ฯ
     [๓๒๖]   อุปาทา   ธมฺโม  โนอุปาทา  ธมฺมสฺส  ปุเรชาตปจฺจเยน
ปจฺจโย:    อารมฺมณปุเรชาตํ    วตฺถุปุเรชาตํ   ฯ   อารมฺมณปุเรชาตํ:
จกฺขุํ   ฯเปฯ   วตฺถุํ   อนิจฺจโต   ฯเปฯ  โทมนสฺสํ  อุปฺปชฺชติ  ทิพฺเพน
จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ  รูปายตนํ
จกฺขุวิญฺญาณสฺส     รสายตนํ    ชิวฺหาวิญฺญาณสฺส    ฯ    วตฺถุปุเรชาตํ:
จกฺขายตนํ   จกฺขุวิญฺญาณสฺส  กายายตนํ  ...  วตฺถุ  โนอุปาทา  ขนฺธานํ
ปุเรชาตปจฺจเยน   ปจฺจโย   ฯ  โนอุปาทา  ธมฺโม  โนอุปาทา  ธมฺมสฺส
ปุเรชาตปจฺจเยน   ปจฺจโย:   อารมฺมณปุเรชาตํ:   โผฏฺฐพฺเพ  อนิจฺจโต
ฯเปฯ     โทมนสฺสํ     อุปฺปชฺชติ    โผฏฺฐพฺพายตนํ     กายวิญฺญาณสฺส
ปุเรชาตปจฺจเยน   ปจฺจโย   ฯ   อุปาทา   จ   โนอุปาทา  จ  ธมฺมา
โนอุปาทา    ธมฺมสฺส   ปุเรชาตปจฺจเยน   ปจฺจโย:   อารมฺมณปุเรชาตํ
วตฺถุปุเรชาตํ   ฯ   โผฏฺฐพฺพายตนญฺจ   วตฺถุ   จ   โนอุปาทา  ขนฺธานํ
ปุเรชาตปจฺจเยน      ปจฺจโย      โผฏฺฐพฺพายตนญฺจ     กายายตนญฺจ
กายวิญฺญาณสฺส ปุเรชาตปจฺจเยน ปจฺจโย ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๓ หน้าที่ ๑๘๘-๑๙๖.
https://84000.org/tipitaka/read/pali_item.php?book=43&item=310&items=17
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=43&item=310&items=17&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=43&item=310&items=17
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=43&item=310&items=17
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=43&i=310
             สารบัญพระไตรปิฎกเล่มที่ ๔๓
https://84000.org/tipitaka/read/?index_43
https://84000.org/tipitaka/english/?index_43