บาลีพระไตรปิฎกเล่มที่ ๒๒ - พระสุตตันตปิฎกเล่มที่ ๑๔

คิลานวคฺโค ตติโย [๑๒๑] เอกํ สมยํ ภควา เวสาลิยํ วิหรติ มหาวเน กูฏาคารสาลายํ ฯ อถโข ภควา สายณฺหสมยํ ปฏิสลฺลานา วุฏฺิโต เยน คิลานสาลา เตนุปสงฺกมิ อทฺทสา โข ภควา อญฺตรํ ภิกฺขุํ ทุพฺพลํ คิลานกํ ทิสฺวา ปญฺตฺเต อาสเน นิสีทิ นิสชฺช โข ภควา ภิกฺขู อามนฺเตสิ ยงฺกญฺจิ ^๔- ภิกฺขเว ทุพฺพลํ คิลานกํ ปญฺจ ธมฺมา น วิชหนฺติ ตสฺเสตํ ปาฏิกงฺขํ นจิรสฺเสว อาสวานํ ขยา อนาสวํ เจโตวิมุตฺตึ ปญฺาวิมุตฺตึ ทิฏฺเว ธมฺเม สยํ อภิญฺา สจฺฉิกตฺวา อุปสมฺปชฺช วิหริสฺสติ ^๕- กตเม ปญฺจ อิธ ภิกฺขเว @เชิงอรรถ: ^๑ ม. ยุ. สมฺมาสตินี ฯ ^๒ ม. ยุ. จสทโท น ทิสฺสติ ฯ ^๓ ม. ยุ. วายมาติ ฯ @^๔ ม. ยุ. ยงฺกิญฺจิ ฯ ^๕ ม. วิหริสฺสตีติ ฯ ภิกฺขุ อสุภานุปสฺสี กาเย วิหรติ อาหาเร ปฏิกฺกูลสญฺี สพฺพโลเก อนภิรตสญฺี สพฺพสงฺขาเรสุ อนิจฺจานุปสฺสี มรณสญฺา โข ปนสฺส อชฺฌตฺตํ สุปฏฺิตา โหติ ยงฺกญฺจิ ภิกฺขเว ทุพฺพลํ คิลานกํ อิเม ปญฺจ ธมฺมา น วิชหนฺติ ตสฺเสตํ ปาฏิกงฺขํ นจิรสฺเสว อาสวานํ ขยา ฯเปฯ สจฺฉิกตฺวา อุปสมฺปชฺช วิหริสฺสตีติ ฯ [๑๒๒] โย หิ โกจิ ภิกฺขเว ภิกฺขุ วา ภิกฺขุนี วา ปญฺจ ธมฺเม ภาเวติ ปญฺจ ธมฺเม พหุลีกโรติ ตสฺส ทฺวินฺนํ ผลานํ อญฺตรํ ผลํ ปาฏิกงฺขํ ทิฏฺเว ธมฺเม อญฺา สติ วา อุปาทิเสเส อนาคามิตา กตเม ปญฺจ อิธ ภิกฺขเว ภิกฺขุโน อชฺฌตฺตญฺเว สติ สุปฏฺิตา โหติ ธมฺมานํ อุทยตฺถคามินิยา ปญฺาย อสุภานุปสฺสี กาเย วิหรติ อาหาเร ปฏิกฺกูลสญฺี สพฺพโลเก อนภิรตสญฺี สพฺพสงฺขาเรสุ อนิจฺจานุปสฺสี โย หิ โกจิ ภิกฺขเว ภิกฺขุ วา ภิกฺขุนี วา อิเม ปญฺจ ธมฺเม ภาเวติ อิเม ปญฺจ ธมฺเม พหุลีกโรติ ตสฺส ทฺวินฺนํ ผลานํ อญฺตรํ ผลํ ปาฏิกงฺขํ ทิฏฺเว ธมฺเม อญฺา สติ วา อุปาทิเสเส อนาคามิตาติ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๒๒ หน้าที่ ๑๖๐-๑๖๑. http://84000.org/tipitaka/pali/pali_item_s.php?book=22&item=121&items=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=22&item=121&items=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=22&item=121&items=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=22&item=121&items=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=22&i=121 สารบัญพระไตรปิฎกเล่มที่ ๒๒ http://84000.org/tipitaka/read/?index_22