ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๒ ภาษาบาลี อักษรไทย พระสุตตันตปิฎกเล่มที่ ๑๔ สุตฺต. องฺ. (๓): ปญฺจก-ฉกฺกนิปาตา
     [๓๑๖]   ๔๕  ทฬิทฺทิยํ  ๑- ภิกฺขเว ทุกฺขํ โลกสฺมึ กามโภคิโนติ เอวํ
ภนฺเต  ฯ  ยมฺปิ  ภิกฺขเว  ทฬิทฺโท  ๒- อสฺสโก อนทฺธิโก ๓- อิณํ อาทิยติ
อิณาทานมฺปิ   ภิกฺขเว   ทุกฺขํ   โลกสฺมึ  กามโภคิโนติ  เอวํ  ภนฺเต  ฯ
ยมฺปิ   ภิกฺขเว   ทฬิทฺโท   อสฺสโก   อนทฺธิโก   อิณํ  อาทิยิตฺวา  วฑฺฒึ
ปฏิสฺสุณาติ   วฑฺฒิปิ   ภิกฺขเว   ทุกฺขา   โลกสฺมึ   กามโภคิโนติ   เอวํ
ภนฺเต  ฯ  ยมฺปิ  ภิกฺขเว  ทฬิทฺโท  อสฺสโก  อนทฺธิโก  วฑฺฒึ ปฏิสฺสุณิตฺวา
กาลาภตํ   วฑฺฒึ   น   เทติ  โจเทนฺติปิ  นํ  โจทนาปิ  ภิกฺขเว  ทุกฺขา
โลกสฺมึ   กามโภคิโนติ   เอวํ   ภนฺเต   ฯ   ยมฺปิ   ภิกฺขเว  ทฬิทฺโท
อสฺสโก   อนทฺธิโก   โจทิยมาโน   น  เทติ  อนุจรนฺติปิ  นํ  อนุจริยาปิ
ภิกฺขเว  ทุกฺขา  โลกสฺมึ  กามโภคิโนติ  เอวํ  ภนฺเต  ฯ  ยมฺปิ  ภิกฺขเว
ทฬิทฺโท   อสฺสโก   อนทฺธิโก   อนุจริยมาโน   น   เทติ  พนฺธนฺติปิ  นํ
พนฺธนมฺปิ ภิกฺขเว ทุกฺขํ โลกสฺมึ กามโภคิโนติ เอวํ ภนฺเต ฯ
     {๓๑๖.๑}   อิติ  โข  ภิกฺขเว  ทฬิทฺทิยมฺปิ ทุกฺขํ โลกสฺมึ กามโภคิโน
อิณาทานมฺปิ   ทุกฺขํ   โลกสฺมึ   กามโภคิโน   วฑฺฒิปิ   ทุกฺขา   โลกสฺมึ
กามโภคิโน   โจทนาปิ  ทุกฺขา  โลกสฺมึ  กามโภคิโน  อนุจริยาปิ  ทุกฺขา
โลกสฺมึ  กามโภคิโน  พนฺธนมฺปิ  ทุกฺขํ  โลกสฺมึ  กามโภคิโน เอวเมว โข
@เชิงอรรถ:  ม. ยุ. ทาลิทฺทิยํ ฯ   ม. ยุ. ทลิทฺโท ฯ   โป. ยุ. อนาฬิโก ฯ ม. อนาฬฺหิโก ฯ

--------------------------------------------------------------------------------------------- หน้าที่ ๓๙๔.

ภิกฺขเว ยสฺส กสฺสจิ สทฺธา นตฺถิ กุสเลสุ ธมฺเมสุ หิริ นตฺถิ กุสเลสุ ธมฺเมสุ โอตฺตปฺปํ นตฺถิ กุสเลสุ ธมฺเมสุ วิริยํ นตฺถิ กุสเลสุ ธมฺเมสุ ปญฺา นตฺถิ กุสเลสุ ธมฺเมสุ อยํ วุจฺจติ ภิกฺขเว อริยสฺส วินเย ทฬิทฺโท อสฺสโก อนทฺธิโก {๓๑๖.๒} สโข โส ภิกฺขเว ทฬิทฺโท อสฺสโก อนทฺธิโก สทฺธาย อสติ กุสเลสุ ธมฺเมสุ หิริยา อสติ กุสเลสุ ธมฺเมสุ โอตฺตปฺเป อสติ กุสเลสุ ธมฺเมสุ วิริเย อสติ กุสเลสุ ธมฺเมสุ ปญฺาย อสติ กุสเลสุ ธมฺเมสุ กาเยน ทุจฺจริตํ จรติ วาจาย ทุจฺจริตํ จรติ มนสา ทุจฺจริตํ จรติ อิทมสฺส อิณาทานมฺหิ วทามิ โส ตสฺส กายทุจฺจริตสฺส ปฏิจฺฉาทนเหตุ ปาปิกํ อิจฺฉํ ปณิทหติ มา มํ ชญฺูติ อิจฺฉติ มา มํ ชญฺูติ สงฺกปฺเปติ มา มํ ชญฺูติ วาจํ ภาสติ มา มํ ชญฺูติ กาเยน ปรกฺกมติ โส ตสฺส วจีทุจฺจริตสฺส ปฏิฉาทนเหตุ ฯเปฯ โส ตสฺส มโนทุจฺจริตสฺส ปฏิจฺฉาทนเหตุ ปาปิกํ อิจฺฉํ ปณิทหติ มา มํ ชญฺูติ อิจฺฉติ มา มํ ชญฺูติ สงฺกปฺเปติ มา มํ ชญฺูติ วาจํ ภาสติ มา มํ ชญฺูติ กาเยน ปรกฺกมติ อิทมสฺส วฑฺฒิยา วทามิ {๓๑๖.๓} ตเมนํ เปสลา สพฺรหฺมจารี เอวมาหํสุ อยญฺจ โส อายสฺมา เอวํการี เอวํสมาจาโรติ อิทมสฺส โจทนาย วทามิ ตเมนํ อรญฺคตํ วา รุกฺขมูลคตํ วา สุญฺาคารคตํ วา วิปฺปฏิสารสหคตา ปาปกา อกุสลวิตกฺกา สมุทาจรนฺติ อิทมสฺส

--------------------------------------------------------------------------------------------- หน้าที่ ๓๙๕.

อนุจริยาย วทามิ สโข โส ภิกฺขเว ทฬิทฺโท อสฺสโก อนทฺธิโก กาเยน ทุจฺจริตํ จริตฺวา วาจาย ทุจฺจริตํ จริตฺวา มนสา ทุจฺจริตํ จริตฺวา กายสฺส เภทา ปรมฺมรณา นิรยพนฺธเน วา พชฺฌติ ติรจฺฉานโยนิพนฺธเน วา นาหํ ภิกฺขเว อญฺ เอกํ พนฺธนํ สมนุปสฺสามิ เอวํทารุณํ เอวํทุกฺขํ ๑- เอวํอนฺตรายกรํ อนุตฺตรสฺส โยคกฺเขมสฺส อธิคมาย ยถยิทํ ภิกฺขเว นิรยพนฺธนํ วา ติรจฺฉานโยนิพนฺธนํ วาติ ฯ ทฬิทฺทิยํ ทุกฺขํ โลเก อิณาทานญฺจ วุจฺจติ ทฬิทฺโท อิณมาทาย ภุญฺชมาโน วิหญฺติ ตโต อนุจรนฺติ นํ พนฺธนมฺปิ นิคจฺฉติ เอตญฺหิ พนฺธนํ ทุกฺขํ กามลาภาภิชปฺปินํ ฯ ตเถว อริยวินเย สทฺธา ยสฺส น วิชฺชติ อหิริโก อโนตฺตปฺปี ปาปกมฺมํ วินิพฺพโย ๒- กายทุจฺจริตํ กตฺวา วจีทุจฺจริตานิ จ มโนทุจฺจริตํ กตฺวา มา มํ ชญฺูติ อิจฺฉติ โส สํสปฺปติ กาเยน วาจาย อุท เจตสา ปาปกมฺมํ ปวฑฺเฒนฺโต ตตฺถ ตตฺถ ปุนปฺปุนํ ฯ โส ปาปกมฺโม ทุมฺเมโธ ชานํ ทุกฺกฏมตฺตโน ทฬิทฺโท อิณมาทาย ภุญฺชมาโน วิหญฺติ ฯ ตโต อนุจรนฺติ นํ สงฺกปฺปา มานสา ทุกฺขา @เชิงอรรถ: ม. ยุ. เอวํ กฏุกํ ฯ ยุ. ปาปกมฺมวินิจฺฉโย ฯ

--------------------------------------------------------------------------------------------- หน้าที่ ๓๙๖.

คาเม วา ยทิวา รญฺเ ยสฺส วิปฺปฏิสารชา ฯ โส ปาปกมฺโม ทุมฺเมโธ ชานํ ทุกฺกฏมตฺตโน โยนิมญฺตรํ คนฺตฺวา นิรเย วาปิ พชฺฌติ เอตญฺหิ พนฺธนํ ทุกฺขํ ยมฺหา ธีโร ปมุจฺจติ ฯ ธมฺมลทฺเธหิ โภเคหิ ททํ จิตฺตํ ปสาทยํ อุภยตฺถ กฏคฺคาโห สทฺธสฺส ฆรเมสิโน ทิฏฺธมฺมหิตตฺถาย สมฺปราย สุขาย จ เอวเมตํ คหฏฺานํ จาโค ปุญฺ ปวฑฺฒติ ฯ ตเถว อริยวินเย สทฺธา ยสฺส ปติฏฺิตา หิริมโน จ โอตฺตปฺปี ปญฺวา สีลสํวุโต เอโส โข อริยวินเย สุขํ ชีวีติ ๑- วุจฺจติ ฯ นิรามิสํ สุขํ ลทฺธา อุเปกฺขํ อธิติฏฺติ ปญฺจ นีวรเณ หิตฺวา นิจฺจํ อารทฺธวิริโย ฌานานิ อุปสมฺปชฺช เอโกทิ นิปโก สโต เอตํ ๒- ตฺวา ยถาภูตํ สพฺพสญฺโชนกฺขเย สพฺพโส อนุปาทาย สมฺมา จิตฺตํ วิมุจฺจติ ฯ ตสฺส สมฺมาวิมุตฺตสฺส าณํ เจ โหติ ตาทิโน อกุปฺปา เม วิมุตฺตีติ ภวสญฺโชนกฺขเย ฯ เอตํ โข ปรมํ าณํ เอตํ สุขมนุตฺตรํ อโสกํ วิรชํ เขมํ เอตํ อาณณฺยา มุตฺตมนฺติ ฯ @เชิงอรรถ: ม. ยุ. สุขชีวีติ ฯ ม. ยุ. เอวํ ฯ ม. ยุ. อาณณฺยมุตฺตมนฺติ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๒๒ หน้าที่ ๓๙๓-๓๙๖. http://84000.org/tipitaka/pali/pali_item_s.php?book=22&item=316&items=1&pagebreak=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=22&item=316&items=1&pagebreak=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=22&item=316&items=1&pagebreak=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=22&item=316&items=1&pagebreak=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=22&i=316              The Pali Atthakatha in Thai :- http://84000.org/tipitaka/atthapali/read_th.php?B=16&A=2843              The Pali Atthakatha in Roman :- http://84000.org/tipitaka/atthapali/read_rm.php?B=16&A=2843              สารบัญพระไตรปิฎกเล่มที่ ๒๒ http://84000.org/tipitaka/read/?index_22

อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :