ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๓ ภาษาบาลี อักษรไทย พระสุตตันตปิฎกเล่มที่ ๑๕ สุตฺต. องฺ. (๔): สตฺตก-อฏฺฐก-นวกนิปาตา
     [๔๔]   เอกํ  สมยํ  ภควา สาวตฺถิยํ วิหรติ เชตวเน อนาถปิณฺฑิกสฺส
อาราเม   ฯ   เตน   โข   ปน   สมเยน  อุคฺคตสรีรสฺส  พฺราหฺมณสฺส
มหายญฺโ     อุปกฺขโฏ     โหติ    ปญฺจ    อุสภสตานิ    ถูณูปนีตานิ
โหนฺติ       ยญฺตฺถาย      ปญฺจ      วจฺฉตรสตานิ      ถูณูปนีตานิ
โหนฺติ     ยญฺตฺถาย    ปญฺจ    วจฺฉตริสตานิ    ถูณูปนีตานิ    โหนฺติ
ยญฺตฺถาย     ปญฺจ    อชสตานิ    ถูณูปนีตานิ    โหนฺติ    ยญฺตฺถาย
ปญฺจ     อุรพฺภสตานิ     ถูณูปนีตานิ    โหนฺติ    ยญฺตฺถาย    อถโข
อุคฺคตสรีโร    พฺราหฺมโณ   เยน   ภควา   เตนุปสงฺกมิ   อุปสงฺกมิตฺวา
@เชิงอรรถ:  ม. สมฺมาสมาธิ ฯ
ภควตา   สทฺธึ   สมฺโมทิ   สมฺโมทนียํ   กถํ   สาราณียํ   วีติสาเรตฺวา
เอกมนฺตํ   นิสีทิ   เอกมนฺตํ   นิสินฺโน   โข   อุคฺคตสรีโร   พฺราหฺมโณ
ภควนฺตํ เอตทโวจ
     {๔๔.๑}   สุตํ  เมตํ  โภ  โคตม  อคฺคิสฺส  อาธานํ  ๑-  ยูปสฺส
อุสฺสาปนํ    มหปฺผลํ    โหติ   มหานิสํสนฺติ   ฯ   มยาปิ   โข   เอตํ
พฺราหฺมณ   สุตํ   อคฺคิสฺส   อาธานํ   ยูปสฺส   อุสฺสาปนํ  มหปฺผลํ  โหติ
มหานิสํสนฺติ   ฯ   ทุติยมฺปิ   โข   ฯเปฯ   ตติยมฺปิ   โข  อุคฺคตสรีโร
พฺราหฺมโณ   ภควนฺตํ   เอตทโวจ   สุตํ   เมตํ   โภ   โคตม  อคฺคิสฺส
อาธานํ    ยูปสฺส    อุสฺสาปนํ    มหปฺผลํ    โหติ    มหานิสํสนฺติ   ฯ
มยาปิ    โข    เอตํ    พฺราหฺมณ   สุตํ   อคฺคิสฺส   อาธานํ   ยูปสฺส
อุสฺสาปนํ    มหปฺผลํ    โหติ   มหานิสํสนฺติ   ฯ   ตยิทํ   โภ   โคตม
สเมติ โภโตเจว โคตมสฺส อมฺหากญฺจ ยทิทํ สพฺเพน สพฺพนฺติ ๒- ฯ
     {๔๔.๒}   เอวํ  วุตฺเต  อายสฺมา  อานนฺโท  อุคฺคตสรีรํ  พฺราหฺมณํ
เอตทโวจ  น  โข  พฺราหฺมณ  ตถาคตา  เอวํ  ปุจฺฉิตพฺพา  สุตํ เมตํ โภ
โคตม   อคฺคิสฺส  อาธานํ  ยูปสฺส  อุสฺสาปนํ  มหปฺผลํ  โหติ  มหานิสํสนฺติ
เอวญฺจ  ๓-  โข  พฺราหฺมณ  ตถาคตา  ปุจฺฉิตพฺพา  อหญฺหิ  ภนฺเต  อคฺคึ
อาธาตุกาโม   ๔-   ยูปํ   อุสฺสาเปตุกาโม  โอวทตุ  มํ  ภนฺเต  ภควา
อนุสาสตุ มํ ภนฺเต ภควา ยํ มม อสฺส ทีฆรตฺตํ หิตาย สุขายาติ ฯ
     {๔๔.๓}   อถโข   อุคฺคตสรีโร   พฺราหฺมโณ  ภควนฺตํ  เอตทโวจ
อหญฺหิ    โภ    โคตม   อคฺคึ   อาธาตุกาโม   ยูปํ   อุสฺสาเปตุกาโม
โอวทตุ   มํ   ภวํ  โคตโม  อนุสาสตุ  มํ  ภวํ  โคตโม  ยํ  มม  อสฺส
ทีฆรตฺตํ   หิตาย   สุขายาติ   ฯ   อคฺคึ   พฺราหฺมณ   อาเธนฺโต   ๕-
@เชิงอรรถ:  ม. อาทานํ ฯ เอวมุปริปิ ฯ   ม. อิติสทฺโท นตฺถิ ฯ    ม. จสทฺโท นตฺถิ ฯ
@ ม. อาทาตุกาโม ฯ เอวมุปริปิ ฯ    ม. อาเทนฺโต ฯ เอวมุปริปิ ฯ
ยูปํ   อุสฺสาเปนฺโต   ปุพฺเพว   ยญฺเ   ๑-   ตีณิ  สตฺถานิ  อุสฺสาเปติ
อกุสลานิ   ทุกฺขุทฺรยานิ   ทุกฺขวิปากานิ   ฯ   กตมานิ   ตีณิ   กายสตฺถํ
วจีสตฺถํ   มโนสตฺถํ   อคฺคึ   พฺราหฺมณ   อาเธนฺโต   ยูปํ  อุสฺสาเปนฺโต
ปุพฺเพว   ยญฺเ   เอวํ   จิตฺตํ   อุปฺปาเทติ  เอตฺตกา  อุสภา  หญฺนฺตุ
ยญฺตฺถาย    เอตฺตกา    วจฺฉตรา    หญฺนฺตุ   ยญฺตฺถาย   เอตฺตกา
วจฺฉตริโย     หญฺนฺตุ     ยญฺตฺถาย    เอตฺตกา    อชา    หญฺนฺตุ
ยญฺตฺถาย     เอตฺตกา    อุรพฺภา    หญฺนฺตุ    ยญฺตฺถายาติ    โส
ปุญฺ   กโรมีติ   อปุญฺ  กโรติ  กุสลํ  กโรมีติ  อกุสลํ  กโรติ  สุคติยา
มคฺคํ    ปริเยสามีติ    ทุคฺคติยา   มคฺคํ   ปริเยสติ   อคฺคึ   พฺราหฺมณ
อาเธนฺโต   ยูปํ   อุสฺสาเปนฺโต   ปุพฺเพว  ยญฺเ  อิทํ  ปมํ  มโนสตฺถํ
อุสฺสาเปติ อกุสลํ ทุกฺขุทฺรยํ ทุกฺขวิปากํ ฯ
     {๔๔.๔}   ปุน  จปรํ  พฺราหฺมณ  อคฺคึ  อาเธนฺโต ยูปํ อุสฺสาเปนฺโต
ปุพฺเพว   ยญฺเ   เอวํ   วาจํ   ภาสติ   เอตฺตกา   อุสภา   หญฺนฺตุ
ยญฺตฺถาย    เอตฺตกา    วจฺฉตรา    หญฺนฺตุ   ยญฺตฺถาย   เอตฺตกา
วจฺฉตริโย     หญฺนฺตุ     ยญฺตฺถาย    เอตฺตกา    อชา    หญฺนฺตุ
ยญฺตฺถาย     เอตฺตกา    อุรพฺภา    หญฺนฺตุ    ยญฺตฺถายาติ    โส
ปุญฺ   กโรมีติ   อปุญฺ  กโรติ  กุสลํ  กโรมีติ  อกุสลํ  กโรติ  สุคติยา
มคฺคํ    ปริเยสามีติ    ทุคฺคติยา   มคฺคํ   ปริเยสติ   อคฺคึ   พฺราหฺมณ
อาเธนฺโต   ยูปํ   อุสฺสาเปนฺโต   ปุพฺเพว   ยญฺเ  อิทํ  ทุติยํ  วจีสตฺถํ
อุสฺสาเปติ อกุสลํ ทุกฺขุทฺรยํ ทุกฺขวิปากํ ฯ
     {๔๔.๕}   ปุน    จปรํ    พฺราหฺมณ   อคฺคึ   อาเธนฺโต   ยูปํ
อุสฺสาเปนฺโต    ปุพฺเพว    ยญฺเ    สยํ    ปมํ    สมารภติ    ๒-
@เชิงอรรถ:  ม. ยญฺา ฯ เอวมุปริปิ ฯ    สี. สมารพฺภติ ฯ ม. สมารมฺภติ ฯ เอวมุปริปิ ฯ
อุสภา    หญฺนฺตุ    ยญฺตฺถาย    สยํ    ปมํ   สมารภติ   วจฺฉตรา
หญฺนฺตุ    ยญฺตฺถาย    สยํ   ปมํ   สมารภติ   วจฺฉตริโย   หญฺนฺตุ
ยญฺตฺถาย   สยํ   ปมํ   สมารภติ   อชา   หญฺนฺตุ   หญฺตฺถาย  สยํ
ปมํ    สมารภติ    อุรพฺภา    หญฺนฺตุ    ยญฺตฺถายาติ   โส   ปุญฺ
กโรมีติ   อปุญฺ   กโรติ   กุสลํ   กโรมีติ   อกุสลํ   กโรติ   สุคติยา
มคฺคํ    ปริเยสามีติ    ทุคฺคติยา   มคฺคํ   ปริเยสติ   อคฺคึ   พฺราหฺมณ
อาเธนฺโต   ยูปํ   อุสฺสาเปนฺโต   ปุพฺเพว  ยญฺเ  อิทํ  ตติยํ  กายสตฺถํ
อุสฺสาเปติ   อกุสลํ   ทุกฺขุทฺรยํ   ทุกฺขวิปากํ  อคฺคึ  พฺราหฺมณ  อาเธนฺโต
ยูปํ   อุสฺสาเปนฺโต   ปุพฺเพว   ยญฺเ  อิมานิ  ตีณิ  สตฺถานิ  อุสฺสาเปติ
อกุสลานิ ทุกฺขุทฺรยานิ ทุกฺขวิปากานิ ฯ
     {๔๔.๖}   ตโยเม   พฺราหฺมณ   อคฺคี  ปหาตพฺพา  ปริวชฺเชตพฺพา
น เสวิตพฺพา ฯ กตเม ตโย ราคคฺคิ โทสคฺคิ โมหคฺคิ ฯ
     {๔๔.๗}   กสฺมา  จายํ  พฺราหฺมณ ราคคฺคิ ปหาตพฺโพ ปริวชฺเชตพฺโพ
น  เสวิตพฺโพ  รตฺโต  โข  พฺราหฺมณ  ราเคน  อภิภูโต  ปริยาทินฺนจิตฺโต
กาเยน  ทุจฺจริตํ  จรติ  วาจาย  ทุจฺจริตํ  จรติ  มนสา ทุจฺจริตํ จรติ โส
กาเยน  ทุจฺจริตํ  จริตฺวา  วาจาย ทุจฺจริตํ จริตฺวา มนสา ทุจฺจริตํ จริตฺวา
กายสฺส   เภทา   ปรมฺมรณา   อปายํ  ทุคฺคตึ  วินิปาตํ  นิรยํ  อุปปชฺชติ
ตสฺมา จายํ ๑- ราคคฺคิ ปหาตพฺโพ ปริวชฺเชตพฺโพ น เสวิตพฺโพ ฯ
     {๔๔.๘}   กสฺมา    จายํ    พฺราหฺมณ    โทสคฺคิ   ปหาตพฺโพ
ปริวชฺเชตพฺโพ    น    เสวิตพฺโพ   ทุฏฺโ   โข   พฺราหฺมณ   โทเสน
อภิภูโต     ปริยาทินฺนจิตฺโต    กาเยน    ทุจฺจริตํ    จรติ    วาจาย
@เชิงอรรถ:  ม. ตสฺมายํ ฯ เอวมุปริปิ ฯ
ทุจฺจริตํ   จรติ   มนสา  ทุจฺจริตํ  จรติ  โส  กาเยน  ทุจฺจริตํ  จริตฺวา
วาจาย   ทุจฺจริตํ   จริตฺวา   มนสา  ทุจฺจริตํ  จริตฺวา  กายสฺส  เภทา
ปรมฺมรณา   อปายํ   ทุคฺคตึ   วินิปาตํ   นิรยํ   อุปปชฺชติ  ตสฺมา  จายํ
โทสคฺคิ ปหาตพฺโพ ปริวชฺเชตพฺโพ น เสวิตพฺโพ ฯ
     {๔๔.๙}   กสฺมา  จายํ  พฺราหฺมณ โมหคฺคิ ปหาตพฺโพ ปริวชฺเชตพฺโพ
น  เสวิตพฺโพ  มูโฬฺห  โข  พฺราหฺมณ  โมเหน  อภิภูโต  ปริยาทินฺนจิตฺโต
กาเยน  ทุจฺจริตํ  จรติ  วาจาย  ทุจฺจริตํ  จรติ  มนสา ทุจฺจริตํ จรติ โส
กาเยน  ทุจฺจริตํ  จริตฺวา  วาจาย ทุจฺจริตํ จริตฺวา มนสา ทุจฺจริตํ จริตฺวา
กายสฺส   เภทา   ปรมฺมรณา   อปายํ  ทุคฺคตึ  วินิปาตํ  นิรยํ  อุปปชฺชติ
ตสฺมา  จายํ  โมหคฺคิ  ปหาตพฺโพ  ปริวชฺเชตพฺโพ  น  เสวิตพฺโพ ฯ อิเม
โข พฺราหฺมณ ตโย อคฺคี ปหาตพฺพา ปริชฺเชตพฺพา น เสวิตพฺพา ฯ
     {๔๔.๑๐}   ตโยเม  พฺราหฺมณ  อคฺคี  สกฺกตฺวา ครุกตฺวา มาเนตฺวา
ปูเชตฺวา   สมฺมา   สุขํ   ปริหาตพฺพา   ฯ  กตเม  ตโย  อาหุเนยฺยคฺคิ
คหปตคฺคิ ทกฺขิเณยฺยคฺคิ ฯ
     {๔๔.๑๑}   กตโม  จ  พฺราหฺมณ  อาหุเนยฺยคฺคิ  อิธ พฺราหฺมณ ยสฺส
เต  โหนฺติ  มาตาติ  วา  ปิตาติ  วา  อยํ วุจฺจติ พฺราหฺมณ อาหุเนยฺยคฺคิ
ตํ  กิสฺส  เหตุ  อโตหายํ  ๑-  พฺราหฺมณ  อาหุโต  สมฺภูโต  ตสฺมา จายํ
อาหุเนยฺยคฺคิ   สกฺกตฺวา   ครุกตฺวา   มาเนตฺวา  ปูเชตฺวา  สมฺมา  สุขํ
ปริหาตพฺโพ ฯ
     {๔๔.๑๒}   กตโม  จ  พฺราหฺมณ  คหปตคฺคิ  อิธ พฺราหฺมณ ยสฺส เต
โหนฺติ  ปุตฺตาติ วา ทาราติ วา ทาสาติ วา เปสฺสาติ วา [๒]- อยํ วุจฺจติ
@เชิงอรรถ:  ม. อโตหยํ ฯ    ม. กมฺมกราติ วา ฯ
พฺราหฺมณ   คหปตคฺคิ   ตสฺมา   จายํ   คหปตคฺคิ   สกฺกตฺวา   ครุกตฺวา
มาเนตฺวา ปูเชตฺวา สมฺมา สุขํ ปริหาตพฺโพ ฯ
     {๔๔.๑๓}   กตโม  จ  พฺราหฺมณ  ทกฺขิเณยฺยคฺคิ  อิธ  พฺราหฺมณ เย
เต   สมณพฺราหฺมณา  มทปฺปมาทา  ๑-  ปฏิวิรตา  ขนฺติโสรจฺเจ  นิวิฏฺา
เอกมตฺตานํ   ทเมนฺติ  เอกมตฺตานํ  สเมนฺติ  เอกมตฺตานํ  ปรินิพฺพาเปนฺติ
อยํ  วุจฺจติ  พฺราหฺมณ  ทกฺขิเณยฺยคฺคิ  ตสฺมา  จายํ ทกฺขิเณยฺยคฺคิ สกฺกตฺวา
ครุกตฺวา  มาเนตฺวา ปูเชตฺวา สมฺมา สุขํ ปริหาตพฺโพ ฯ อิเม โข พฺราหฺมณ
ตโย อคฺคี สกฺกตฺวา ครุกตฺวา มาเนตฺวา ปูเชตฺวา สมฺมา สุขํ ปริหาตพฺพา ฯ
     {๔๔.๑๔}   อยํ โข ปน พฺราหฺมณ กฏฺคฺคิ กาเลน กาลํ อุชฺชเลตพฺโพ
กาเลน    กาลํ    อชฺฌุเปกฺขิตพฺโพ    กาเลน   กาลํ   นิพฺพาเปตพฺโพ
กาเลน   กาลํ  นิกฺขิปิตพฺโพติ  ฯ  เอวํ  วุตฺเต  อุคฺคตสรีโร  พฺราหฺมโณ
ภควนฺตํ   เอตทโวจ   อภิกฺกนฺตํ   โภ   โคตม   ฯเปฯ   อุปาสกํ   มํ
ภวํ  โคตโม  ธาเรตุ  อชฺชตคฺเค  ปาณุเปตํ  สรณํ  คตํ  ๒- เอสาหํ โภ
โคตโม   ปญฺจ   อุสภสตานิ   มุญฺจามิ  ชีวิตํ  เทมิ  ปญฺจ  วจฺฉตรสตานิ
มุญฺจามิ   ชีวิตํ   เทมิ  ปญฺจ  วจฺฉตริสตานิ  มุญฺจามิ  ชีวิตํ  เทมิ  ปญฺจ
อชสตานิ   มุญฺจามิ   ชีวิตํ   เทมิ   ปญฺจ   อุรพฺภสตานิ  มุญฺจามิ  ชีวิตํ
เทมิ  หริตานิ  เจว  ติณานิ  ขาทนฺตุ  สีตานิ  จ  ปานิยานิ  ปิวนฺตุ สีโต
จ เนสํ วาโต อุปวายตูติ ๓-


             เนื้อความพระไตรปิฎกฉบับภาษาบาลีอักษรไทย เล่มที่ ๒๓ หน้าที่ ๔๒-๔๗. http://84000.org/tipitaka/pali/pali_item_s.php?book=23&item=44&items=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=23&item=44&items=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=23&item=44&items=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=23&item=44&items=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=23&i=44              The Pali Atthakatha in Thai :- http://84000.org/tipitaka/atthapali/read_th.php?B=16&A=4082              The Pali Atthakatha in Roman :- http://84000.org/tipitaka/atthapali/read_rm.php?B=16&A=4082              สารบัญพระไตรปิฎกเล่มที่ ๒๓ http://84000.org/tipitaka/read/?index_23

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :