พระไตรปิฎกเล่มที่ ๒๓ ภาษาบาลี อักษรไทย
พระสุตตันตปิฎกเล่มที่ ๑๕ สุตฺต. องฺ. (๔): สตฺตก-อฏฺฐก-นวกนิปาตา

     [๕๐]   เอกํ   สมยํ  ภควา  อายสฺมา  จ  สารีปุตฺโต  อายสฺมา
จ   มหาโมคฺคลฺลาโน  ทกฺขิณาคิริสฺมึ  จาริกํ  จรนฺติ  มหตา  ภิกฺขุสงฺเฆน
สทฺธึ  ฯ  เตน  โข  ปน  สมเยน  เวฬุกณฺฏกี  ๑-  นนฺทมาตา อุปาสิกา
รตฺติยา  ปจฺจูสสมยํ  ปจฺจุฏฺาย  ปารายนํ  สเรน  ภาสติ  ฯ  เตน  โข
ปน  สมเยน  เวสฺสวณฺโณ  ๒-  มหาราชา  อุตฺตราย  ทิสาย  ทกฺขิณํ ทิสํ
คจฺฉติ   เกนจิเทว   กรณีเยน   อสฺโสสิ   โข  เวสฺสวณฺโณ  มหาราชา
นนฺทมาตาย    อุปาสิกาย    ปารายนํ    สเรน    ภาสนฺติยา   สุตฺวา
กถาปริโยสานํ   อาคมยมาโน  อฏฺาสิ  ฯ  อถโข  นนฺทมาตา  อุปาสิกา
ปารายนํ  สเรน  ภาสิตฺวา  ตุณฺหี  อโหสิ ฯ อถโข เวสฺสวณฺโณ มหาราชา
นนฺทมาตาย     อุปาสิกาย    กถาปริโยสานํ    วิทิตฺวา    อพฺภานุโมทิ
สาธุ   ภคินิ   สาธุ   ภคินีติ  ฯ  โก  ปเนโส  ภทฺรมุขาติ  ฯ  อหนฺเต
ภคินิ   ภาตา  เวสฺสวณฺโณ  มหาราชาติ  ฯ  สาธุ  ภทฺรมุข  เตน  หีโย
เม  อยํ  ธมฺมปริยาโย  ภณิโต  อิทํ  เต  โหตุ  อาติเถยฺยนฺติ  ฯ  สาธุ
ภคินิ  เอตญฺเจว  เม  โหตุ  อาติเถยฺยํ  เสฺวว สารีปุตฺตโมคลฺลานปฺปมุโข
@เชิงอรรถ: ๑ ม. เวฬุกณฺฑกี ฯ เอวมุปริปิ ฯ   ๒ เวสฺสวโณติปิ ฯ
ภิกฺขุสงฺโฆ   อกตปาตราโส   เวฬุกณฺฏกํ   อาคมิสฺสติ   ตญฺจ   ภิกฺขุสงฺฆํ
ปริวิสิตฺวา   มม   ทกฺขิณํ   อาทิเสยฺยาสิ   เอวญฺจ   ๑-  เม  ภวิสฺสติ
อาติเถยฺยนฺติ ฯ
     {๕๐.๑}   อถโข  นนฺทมาตา  อุปาสิกา  อญฺตรํ  ปุริสํ  ๒- ตสฺสา
รตฺติยา  อจฺจเยน  สเก  นิเวสเน  ปณีตํ ขาทนียํ โภชนียํ ปฏิยาทาเปสิ ฯ
อถโข   สารีปุตฺตโมคฺคลฺลานปฺปมุโข   ภิกฺขุสงฺโฆ   อกตปาตราโส   เยน
เวฬุกณฺฏกํ   ตทวสริ   ฯ   อถโข  นนฺทมาตา  อุปาสิกา  อญฺตรํ  ปุริสํ
อามนฺเตสิ   เอหิ   ตฺวํ   อมฺโภ   ปุริส  อารามํ  คนฺตฺวา  ภิกฺขุสงฺฆสฺส
กาลํ  อาโรเจหิ  กาโล  ภนฺเต  อยฺยาย นนฺทมาตาย ๓- นิเวสเน นิฏฺิตํ
ภตฺตนฺติ   ฯ   เอวํ  อยฺเยติ  โข  โส  ปุริโส  นนฺทมาตาย  อุปาสิกาย
ปฏิสฺสุณิตฺวา   อารามํ   คนฺตฺวา   ภิกฺขุสงฺฆสฺส  กาลํ  อาโรเจสิ  กาโล
ภนฺเต  อยฺยาย  นนฺทมาตาย  ๓-  นิเวสเน  นิฏฺิตํ  ภตฺตนฺติ  ฯ  อถโข
สารีปุตฺตโมคฺคลฺลานปฺปมุโข     ภิกฺขุสงฺโฆ    ปุพฺพณฺหสมยํ    นิวาเสตฺวา
ปตฺตจีวรมาทาย   เยน   นนฺทมาตาย   อุปาสิกาย  นิเวสนํ  เตนุปสงฺกมิ
อุปสงฺกมิตฺวา ปญฺตฺเต อาสเน นิสีทิ ฯ
     {๕๐.๒}   อถโข  นนฺทมาตา  อุปาสิกา  สารีปุตฺตโมคฺคลฺลานปฺปมุขํ
ภิกฺขุสงฺฆํ  ปณีเตน  ขาทนีเยน  โภชนีเยน  สหตฺถา สนฺตปฺเปสิ สมฺปวาเรสิ
อถโข  นนฺทมาตา  อุปาสิกา  อายสฺมนฺตํ  สารีปุตฺตํ ภุตฺตาวึ โอนีตปตฺตปาณึ
เอกมนฺตํ นิสีทิ ฯ เอกมนฺตํ นิสินฺนํ โข นนฺทมาตรํ อุปาสิกํ อายสฺมา สารีปุตฺโต
เอตทโวจ โก ปน เต นนฺทมาเต ภิกฺขุสงฺฆสฺส อพฺภาคมนํ อาโรเจสีติ ฯ อิธาหํ
@เชิงอรรถ: ๑ ม. เอตญฺเจว ฯ เอวมุปริปิ ฯ  ๒ อิทํ ปาทฺวยํ นตฺถิ ฯ   ๓ ม. นนฺทมาตุยา ฯ
ภนฺเต   รตฺติยา   ปจฺจูสสมยํ   ปจฺจุฏฺาย   ปารายนํ  สเรน  ภาสิตฺวา
ตุณฺหี  อโหสึ  อถโข  ภนฺเต  เวสฺสวณฺโณ  มหาราชา  มม กถาปริโยสานํ
วิทิตฺวา  อพฺภานุโมทิ  สาธุ  ภคินิ  สาธุ  ภคินีติ  โก  ปเนโส ภทฺรมุขาติ
อหนฺเต   ภคินิ   ภาตา  เวสฺสวณฺโณ  มหาราชาติ  สาธุ  ภทฺรมุข  เตน
หีโย  เม  อยํ  ธมฺมปริยาโย  ภณิโต  อิทนฺเต  โหตุ  อาติเถยฺยนฺติ สาธุ
ภคินิ  เอตญฺเจว  เม  โหตุ  อาติเถยฺยํ เสฺวว สารีปุตฺตโมคฺคลฺลานปฺปมุโข
ภิกฺขุสงฺโฆ   อกตปาตราโส   เวฬุกณฺฏกํ   อาคมิสฺสติ   ตญฺจ   ภิกฺขุสงฺฆํ
ปริวิสิตฺวา  มม  ทกฺขิณํ  อาทิเสยฺยาสิ  เอวญฺจ  เม ภวิสฺสติ อาติเถยฺยนฺติ
ยทิทํ   ภนฺเต   ทาเน  ปุญฺ  ปุญฺมหิตํ  ๑-  เวสฺสวณฺณสฺส  มหาราชสฺส
สุขาย โหตูติ ฯ
     {๕๐.๓}   อจฺฉริยํ  นนฺทมาเต  อพฺภุตํ  นนฺทมาเต  ยตฺร  หิ  นาม
เวสฺสวณฺเณน   มหาราเชน  เอวํมหิทฺธิเกน  เอวํมเหสกฺเขน  เทวปุตฺเตน
สมฺมุขา  สลฺลปิสฺสสีติ  ฯ  น  โข  เม  ภนฺเต  เอเสว อจฺฉริโย อพฺภุโต
ธมฺโม  อตฺถิ  เม  อญฺโปิ  อจฺฉริโย  อพฺภุโต  ธมฺโม  อิธ  เม  ภนฺเต
นนฺโท   นาม   เอกปุตฺตโก   ปิโย  มนาโป  ตํ  ราชาโน  กิสฺมิญฺจิเทว
การเณ   ๒-   โอกฺกสฺส  ปสยฺห  ชีวิตา  โวโรเปสุํ  ตสฺมึ  โข  ปนาหํ
ภนฺเต  ทารเก  คหิเต  วา  คยฺหมาเน  วา  วเธ  วา  วชฺฌมาเน วา
หเต วา หญฺมาเน วา นาภิชานามิ จิตฺตสฺส อญฺถตฺตนฺติ ฯ
     {๕๐.๔}   อจฺฉริยํ  นนฺทมาเต  อพฺภุตํ  นนฺทมาเต  ยตฺร  หิ  นาม
จิตฺตุปฺปาทมตฺตมฺปิ  ๓- ปริโสเธสฺสสีติ ฯ น โข เม ภนฺเต เอเสว อจฺฉริโย
@เชิงอรรถ: ๑ สี. ปุญฺ หิ ตํ ฯ ม. ปุญฺญฺจ ปุญฺมหีจ ตํ ฯ ยุ. ปุญฺ วา ปุญฺมหํ วา ฯ
@๒ ม. ปกรเณ ฯ  ๓ ม. จิตฺตุปฺปาทมฺปิ ฯ เอวมุปริปิ ฯ
อพฺภุโต   ธมฺโม   อตฺถิ   เม  อญฺโปิ  อจฺฉริโย  อพฺภุโต  ธมฺโม  อิธ
เม   ภนฺเต  สามิโก  กาลกโต  อญฺตรํ  ยกฺขโยนึ  อุปปนฺโน  โส  เม
เตเนว   ปุริเมน   อตฺตภาเวน   อุทฺทสฺเสสิ   น   โข  ปนาหํ  ภนฺเต
อภิชานามิ ตโต นิทานํ จิตฺตสฺส อญฺถตฺตนฺติ ฯ
     {๕๐.๕}   อจฺฉริยํ  นนฺทมาเต  อพฺภุตํ  นนฺทมาเต  ยตฺร  หิ  นาม
จิตฺตุปฺปาทมตฺตมฺปิ  ปริโสเธสฺสสีติ  ฯ  น  โข เม ภนฺเต เอเสว อจฺฉริโย
อพฺภุโต  ธมฺโม  อตฺถิ  เม  อญฺโปิ อจฺฉริโย อพฺภุโต ธมฺโม ยโตหํ ภนฺเต
สามิกสฺส  ทหรสฺเสว ทหรา อานีตา นาภิชานามิ [๑]- มนสาปิ อติจริตุํ ๒-
กุโต  ปน  กาเยนาติ  ฯ  อจฺฉริยํ  นนฺทมาเต  อพฺภุตํ นนฺทมาเต ยตฺร หิ
นาม จิตฺตุปฺปาทมตฺตมฺปิ ปริโสเธสฺสสีติ ฯ
     {๕๐.๖}   น โข เม ภนฺเต เอเสว อจฺฉริโย อพฺภุโต ธมฺโม อตฺถิ เม
อญฺโปิ  อจฺฉริโย  อพฺภุโต  ธมฺโม  ยทาหํ  ภนฺเต  อุปาสิกา  ปฏิเทสิตา
นาภิชานามิ    กิญฺจิ   สิกฺขาปทํ   สญฺจิจฺจ   วีติกฺกมิตาติ   ฯ   อจฺฉริยํ
นนฺทมาเต อพฺภุตํ นนฺทมาเตติ ฯ
     {๕๐.๗}   น  โข  เม  ภนฺเต  เอเสว  อจฺฉริโย  อพฺภุโต ธมฺโม
อตฺถิ    เม   อญฺโปิ   อจฺฉริโย   อพฺภุโต   ธมฺโม   อิธาหํ   ภนฺเต
ยาวเทว   อากงฺขามิ   วิวิจฺเจว   กาเมหิ   วิวิจฺจ  อกุสเลหิ  ธมฺเมหิ
สวิตกฺกํ   สวิจารํ   วิเวกชํ   ปีติสุขํ   ปมํ  ฌานํ  อุปสมฺปชฺช  วิหรามิ
วิตกฺกวิจารานํ   วูปสมา   อชฺฌตฺตํ   สมฺปสาทนํ   เจตโส   เอโกทิภาวํ
อวิตกฺกํ  อวิจารํ  สมาธิชํ  ๓-  ปีติสุขํ  ทุติยํ  ฌานํ  อุปสมฺปชฺช  วิหรามิ
ปีติยา   จ   วิราคา   อุเปกฺขิกา   จ   วิหรามิ  สตา  จ  สมฺปชานา
@เชิงอรรถ: ๑ ม. สามิกํ ฯ  ๒ ม. อติจริตา ฯ   ๓ ม. วิเวกชํ ฯ
สุขญฺจ   กาเยน   ปฏิสํเวเทมิ   ยนฺตํ   อริยา   อาจิกฺขนฺติ  อุเปกฺขโก
สติมา   สุขวิหารีติ   ตติยํ   ฌานํ   อุปสมฺปชฺช   วิหรามิ   สุขสฺส   จ
ปหานา   ทุกฺขสฺส  จ  ปหานา  ปุพฺเพว  โสมนสฺสโทมนสฺสานํ  อตฺถงฺคมา
อทุกฺขมสุขํ   อุเปกฺขาสติปาริสุทฺธึ  จตุตฺถํ  ฌานํ  อุปสมฺปชฺช  วิหรามีติ  ฯ
อจฺฉริยํ นนฺทมาเต อพฺภุตํ นนฺทมาเตติ ฯ
     {๕๐.๘}   น โข เม ภนฺเต เอเสว อจฺฉริโย อพฺภุโต ธมฺโม อตฺถิ เม
อญฺโปิ  อจฺฉริโย  อพฺภุโต  ธมฺโม  ยานีมานิ  ภนฺเต  ภควตา  เทสิตานิ
ปญฺโจรมฺภาคิยานิ    สญฺโชนานิ   นาหนฺเตสํ   กิญฺจิ   อตฺตนิ   อปฺปหีนํ
สมนุปสฺสามีติ   ฯ   อจฺฉริยํ  นนฺทมาเต  อพฺภุตํ  นนฺทมาเตติ  ฯ  อถโข
อายสฺมา  สารีปุตฺโต  นนฺทมาตรํ  อุปาสิกํ  ธมฺมิยา  กถาย  สนฺทสฺเสตฺวา
สมาทเปตฺวา สมุตฺเตเชตฺวา สมฺปหํเสตฺวา อุฏฺายาสนา ปกฺกามีติ ฯ
                   มหายญฺวคฺโค ปญฺจโม ฯ
                        ตสฺสุทฺทานํ
         จิตฺตปริกฺขารํ เทฺวอคฺคิ     สญฺา อปรา ทุเว
         เมถุนา จ สญฺโโค         ทานํ มาตาย เต ทสาติ ฯ
                    ปณฺณาสโก สมตฺโต ฯ
                     -------------


             เนื้อความพระไตรปิฎกฉบับภาษาบาลีอักษรไทย เล่มที่ ๒๓ หน้าที่ ๖๔-๖๘.
http://84000.org/tipitaka/pali/pali_item_s.php?book=23&item=50&items=1&bgc=whitesmoke
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pali/pali_item_s.php?book=23&item=50&items=1&bgc=whitesmoke&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=23&item=50&items=1&bgc=whitesmoke
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=23&item=50&items=1&bgc=whitesmoke
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=23&i=50&bgc=whitesmoke
             The Pali Atthakatha in Thai :-
http://84000.org/tipitaka/atthapali/read_th.php?B=16&A=4158
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=4158
             สารบัญพระไตรปิฎกเล่มที่ ๒๓
http://84000.org/tipitaka/read/?index_23