บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๕ โสมทตฺตชาตกํ [๑๐๗๒] โย มํ ปุเร ปจฺจุเทติ ^๓- อรญฺเญ ทูรมายโต ^๔- โส น ทิสฺสติ มาตงฺโค โสมทตฺโต กุหึ คโต ฯ [๑๐๗๓] อยํ วา โส มโต เสติ อลฺลปิตํว วิจฺฉิโต ^๕- ภูมฺยา นิปติโต เสติ อมรา วต กุญฺชโร ฯ [๑๐๗๔] อนคาริยุเปตสฺส วิปฺปมุตฺตสฺส เต สโต สมณสฺส น ตํ สาธุ ยํ เปตมนุโสจติ ฯ [๑๐๗๕] สํวาเสน หเว สกฺก มนุสฺสสฺส มิคสฺส วา @เชิงอรรถ: ^๑ ยุ. ตถาหิ ฯ ^๒ ม. ภทฺทนฺเต ฯ ^๓ ม. ปจฺจุฑฺเฑติ ฯ ^๔ สี. ทูรมาคโต ฯ @^๕ ม. อลฺลสิงฺคํว วจฺฉิโต ฯ สี. ยุ. อลฺลปึกํว ฉิชฺชิโต ฯ

--------------------------------------------------------------------------------------------- หน้าที่ ๒๒๙.

หทเย ชายตี เปมํ น ตํ สกฺกา อโสจิตุํ ฯ [๑๐๗๖] มตํ มริสฺสํ โรทนฺติ เย รุทนฺติ ลปนฺติ จ ตสฺมา ตฺวํ อิสิ มา โรทิ โรทิตํ โมฆมาหุ สนฺโต ฯ [๑๐๗๗] กนฺทิเตน หเว พฺรหฺเม มโต เปโต สมุฏฺฐเห สพฺเพ สงฺคมฺม โรทาม อญฺญมญฺญสฺส ญาตเก ฯ [๑๐๗๘] อาทิตฺตํ วต มํ สนฺตํ ฆตสิตฺตํว ปาวกํ วารินา วิย โอสิญฺจิ ^๑- สพฺพํ นิพฺพาปเย ทรํ ฯ อพฺพูฬฺหํ ^๒- วต เม สลฺลํ ยมาสิ หทยสฺสิตํ โย เม โสกปเรตสฺส ปุตฺตโสกํ อปานุทิ ฯ โสหํ อพฺพูฬฺหสลฺโลสฺมิ วีตโสโก อนาวิโล น โสจามิ น โรทามิ ตว สุตฺวาน วาสวาติ ฯ โสมทตฺตชาตกํ ปญฺจมํ ฯ ---------

เนื้อความพระไตรปิฎกฉบับภาษาบาลีอักษรไทย เล่มที่ ๒๗ หน้าที่ ๒๒๘-๒๒๙. http://84000.org/tipitaka/pali/pali_item_s.php?book=27&item=1072&items=7&pagebreak=1&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=27&item=1072&items=7&pagebreak=1&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=27&item=1072&items=7&pagebreak=1&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=27&item=1072&items=7&pagebreak=1&modeTY=2 ศึกษาอรรถกถาชาดกนี้ได้ที่ :- http://84000.org/tipitaka/attha/attha.php?b=27&i=1072 The Pali Atthakatha in Thai :- http://84000.org/tipitaka/atthapali/read_th.php?B=39&A=4285 The Pali Atthakatha in Roman :- http://84000.org/tipitaka/atthapali/read_rm.php?B=39&A=4285 สารบัญพระไตรปิฎกเล่มที่ ๒๗ http://84000.org/tipitaka/read/?index_27