บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
เตตฺตึโส อุมฺมาปุปฺผิยวคฺโค ปมํ อุมฺมาปุปฺผิยตฺเถราปทานํ (๓๒๑) [๓๒๓] |๓๒๓.๑| สมาหิตํ สมาปนฺนํ สิทฺธตฺถมปราชิตํ สมาธินา อุปวิฏฺ อทฺทสาสึ ๑- นรุตฺตมํ ฯ |๓๒๓.๒| อุมฺมาปุปฺผํ คเหตฺวาน พุทฺธสฺส อภิปูชยึ ๒- สพฺเพ ปุปฺผา เอกสีสา อุทฺธํวณฺฏา อโธมุขา ฯ |๓๒๓.๓| สุจิตฺตา วิย ติฏฺนฺเต อากาเส ปุปฺผสนฺถรา เตน จิตฺตปฺปสาเทน ตุสิตํ อุปปชฺชหํ ฯ |๓๒๓.๔| จตุนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๒๓.๕| ปญฺจปญฺาสิโต กปฺเป เอโก อาสิ มหีปติ สมนฺตฉทโน นาม จกฺกวตฺติ มหพฺพโล ฯ |๓๒๓.๖| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุมฺมาปุปฺผิโย เถโร อิมา คาถาโย อภาสิตฺถาติ ฯ อุมฺมาปุปฺผิยตฺเถรสฺส อปทานํ สมตฺตํ ฯ @เชิงอรรถ: ๑ ม. อทฺทสาหํ ฯ ๒ ม. ยุ. อภิโรปยึ ฯ ทุติยํ ปุฬินปูชกตฺเถราปทานํ (๓๒๒) [๓๒๔] |๓๒๔.๗| กกุธํ วิลสนฺตํว นิสภาชานิยํ ยถา โอสธีว วิโรจนฺตํ โอภาสนฺตํ นราสภํ ฯ |๓๒๔.๘| อญฺชลึ ปคฺคเหตฺวาน อวนฺทึ สตฺถุโน อหํ สตฺถารํ ปริวณฺเณสึ สกกมฺเมน โตสยึ ๑- ฯ |๓๒๔.๙| สุสุทฺธํ ปุฬินํ คยฺหํ ๒- คตมคฺเค สโมกิรึ อุจฺฉงฺเคน คเหตฺวาน วิปสฺสิสฺส มเหสิโน ฯ |๓๒๔.๑๐| ตโต อุปฑฺฒปุฬินํ วิปฺปสนฺเนน เจตสา ทิวาวิหาเร โอสิญฺจึ ทิปทินฺทสฺส ตาทิโน ฯ |๓๒๔.๑๑| เอกนวุเต อิโต กปฺเป ปุฬินํ ยํ อสิญฺจิหํ ทุคฺคตึ นาภิชานามิ ปุฬินสฺส อิทํ ผลํ ฯ |๓๒๔.๑๒| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปุฬินปูชโก เถโร อิมา คาถาโย อภาสิตฺถาติ ฯ ปุฬินปูชกตฺเถรสฺส อปทานํ สมตฺตํ ฯ ตติยํ หาสชนกตฺเถราปทานํ (๓๒๓) [๓๒๕] |๓๒๕.๑๓| ทุมคฺเค ปํสุกูลิกํ ๓- ลคฺคํ ทิสฺวาน สตฺถุโน อญฺชลึ ปคฺคเหตฺวาน ภิยฺโย อุจฺจาริตํ มยา ฯ @เชิงอรรถ: ๑ ยุ. โตสิโต ฯ ๒ ม. ยุ. คยฺห ฯ ๓ ม. ปํสุกูลกํ ฯ |๓๒๕.๑๔| ทูรโต ปฏิทิสฺวาน ๑- หาโส เม อุปปชฺชถ อญฺชลึ ปคฺคเหตฺวาน ภิยฺโย จิตฺตํ ปสาทยึ ฯ |๓๒๕.๑๕| เอกนวุเต อิโต กปฺเป ยํ สญฺมลภึ ตทา ทุคฺคตึ นาภิชานามิ พุทฺธสญฺายิทํ ผลํ ฯ |๓๒๕.๑๖| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา หาสชนโก เถโร อิมา คาถาโย อภาสิตฺถาติ ฯ หาสชนกตฺเถรสฺส อปทานํ สมตฺตํ ฯ จตุตฺถํ ยญฺสามิกตฺเถราปทานํ (๓๒๔) [๓๒๖] |๓๒๖.๑๗| ชาติยา สตฺตวสฺโสหํ อโหสึ มนฺตปารคู กุลวํสํ ๒- อธาเรสึ ยญฺโ อุสฺสาปิโต ๓- มยา ฯ |๓๒๖.๑๘| จุลฺลาสีติสหสฺสานิ ปสู หญฺนฺติ เม ตทา สารสฺมึ ๔- หิ อุปนีตานิ ยญฺตฺถาย อุปฏฺิตา ฯ |๓๒๖.๑๙| อุกฺกามุโข ปหฏฺโว ๕- ขทิรงฺคารสนฺนิโภ อุทยนฺโตว สุริโย ปุณฺณมาเยว จนฺทิมา ฯ |๓๒๖.๒๐| สิทฺธตฺโถ สพฺพสิทฺธตฺโถ ติโลกมหิโตหิโต อุปคนฺตฺวาน สมฺพุทฺโธ อิทํ วจนมพฺรวิ ฯ @เชิงอรรถ: ๑ ม. ทูรโต ปน ทิสฺวาน ฯ ๒ ม. กุลวตฺตํ ฯ ๓ ม. ยุ. อุสฺสาหิโต ฯ @๔ ม. ยุ. สารถมฺภุปนีตานิ ฯ ๕ ยุ. ปหโต ว ฯ |๓๒๖.๒๑| อหึสา สพฺพปาณานํ ๑- กุมาร มม รุจฺจติ เถยฺยา จ อติจารา จ มชฺชปานา จ อารติ ฯ |๓๒๖.๒๒| รติ จ สมจริยาย พาหุสจฺจํ กตญฺุตา ทิฏฺเ ธมฺเม ปรตฺถ จ ธมฺมา เอเต ปสํสิยา ฯ |๓๒๖.๒๓| เอเต ธมฺเม ภาวยิตฺวา สพฺพสตฺตหิเต รโต พุทฺเธ จิตฺตํ ปสาเทตฺวา ภาเวหิ มคฺคมุตฺตมํ ฯ |๓๒๖.๒๔| อิทํ วตฺวาน สพฺพญฺู โลกเชฏฺโ นราสโภ มเมวํ อนุสาสิตฺวา เวหาสํ อุคฺคโต คโต ฯ |๓๒๖.๒๕| ปุพฺเพ จิตฺตํ วิโสเธตฺวา ปจฺฉา จิตฺตํ ปสาทยึ เตน จิตฺตปฺปสาเทน ตุสิตํ อุปปชฺชหํ ฯ |๓๒๖.๒๖| จตุนวุเต อิโต กปฺเป ยทา จิตฺตํ ปสาทยึ ทุคฺคตึ นาภิชานามิ พุทฺธสญฺายิทํ ผลํ ฯ |๓๒๖.๒๗| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ยญฺสามิโก เถโร อิมา คาถาโย อภาสิตฺถาติ ฯ ยญฺสามิกตฺเถรสฺส อปทานํ สมตฺตํ ฯ ปญฺจมํ นิมิตฺตสญฺกตฺเถราปทานํ (๓๒๕) [๓๒๗] |๓๒๗.๒๘| จนฺทภาคานทีตีเร วสามิ อสฺสเม อหํ สุวณฺณมิคมทฺทกฺขึ จรนฺตํ วิวเน ๒- อหํ ฯ @เชิงอรรถ: ๑ ม. สพฺพปาณีนํ ฯ ๒ ม. ยุ. วิปิเน ฯ |๓๒๗.๒๙| มิเค จิตฺตํ ปสาเทตฺวา โลกเชฏฺ อนุสฺสรึ เตน จิตฺตปฺปสาเทน อญฺเ พุทฺเธ อนุสฺสรึ ฯ |๓๒๗.๓๐| อพฺภตีตา จ เย พุทฺธา วตฺตมานา อนาคตา ๑- เอวเมว วิโรจนฺติ มิคราชาว เต ๒- ตโย ฯ |๓๒๗.๓๑| จตุนวุเต อิโต กปฺเป ยํ สญฺมลภึ ตทา ทุคฺคตึ นาภิชานามิ พุทฺธสญฺายิทํ ผลํ ฯ |๓๒๗.๓๒| สตฺตวีเส อิโต กปฺเป เอโก อาสิ มหีปติ อรญฺสตฺโต นาเมน จกฺกวตฺติ มหพฺพโล ฯ |๓๒๗.๓๓| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา นิมิตฺตสญฺโก เถโร อิมา คาถาโย อภาสิตฺถาติ ฯ นิมิตฺตสญฺกตฺเถรสฺส อปทานํ สมตฺตํ ฯ ฉฏฺ อนฺนสํสาวกตฺเถราปทานํ (๓๒๖) [๓๒๘] |๓๒๘.๓๔| สุวณฺณวณฺณํ สมฺพุทฺธํ คจฺฉนฺตํ อนฺตราปเณ กญฺจนคฺฆิยสงฺกาสํ พตฺตึสวรลกฺขณํ ฯ |๓๒๘.๓๕| สิทฺธตฺถํ สพฺพสิทฺธตฺถํ อเนญฺชํ อปราชิตํ สมฺพุทฺธํ อตินาเมตฺวา โภชยึ ตํ มหามุนึ ฯ @เชิงอรรถ: ๑ ยุ. ตถาคตา ฯ ๒ ยุ. เจตโส ฯ |๓๒๘.๓๖| มุนิ การุณิโก โลเก โอภาสยิ มมํ ตทา พุทฺเธ จิตฺตํ ปสาเทตฺวา กปฺปํ สคฺคมฺหิ โมทหํ ฯ |๓๒๘.๓๗| จตุนวุเต อิโต กปฺเป ยํ ทานมททึ ตทา ทุคฺคตึ นาภิชานามิ ภิกฺขทานสฺสิทํ ผลํ ฯ |๓๒๘.๓๘| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อนฺนสํสาวโก เถโร อิมา คาถาโย อภาสิตฺถาติ ฯ อนฺนสํสาวกตฺเถรสฺส อปทานํ สมตฺตํ ฯเนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๓๙๗-๔๐๒. http://84000.org/tipitaka/pali/pali_item_s.php?book=32&item=323&items=6 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=32&item=323&items=6&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=323&items=6 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=323&items=6 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=323 The Pali Atthakatha in Thai :- http://84000.org/tipitaka/atthapali/read_th.php?B=50&A=5210 The Pali Atthakatha in Roman :- http://84000.org/tipitaka/atthapali/read_rm.php?B=50&A=5210 สารบัญพระไตรปิฎกเล่มที่ ๓๒ http://84000.org/tipitaka/read/?index_32
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]