ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๘ ภาษาบาลี อักษรไทย พระอภิธรรมปิฎกเล่มที่ ๕ อภิ. ยมกํ (๑)
                                          นิทฺเทสวาโร
     [๘๐๓]   จกฺขุ    จกฺขุธาตูติ:    ทิพฺพจกฺขุ    ปญฺญาจกฺขุ   จกฺขุ
น   จกฺขุธาตุ   จกฺขุธาตุ   จกฺขุ   เจว   จกฺขุธาตุ   จ  ฯ  จกฺขุธาตุ
จกฺขูติ:    อามนฺตา   ฯ   โสตํ   โสตธาตูติ:   ทิพฺพโสตํ   ตณฺหาโสตํ
โสตํ   น   โสตธาตุ  โสตธาตุ  โสตญฺเจว  โสตธาตุ  จ  ฯ  โสตธาตุ
โสตนฺติ:   อามนฺตา   ฯ   ฆานํ   ฆานธาตูติ:  อามนฺตา  ฯ  ฆานธาตุ
ฆานนฺติ:    อามนฺตา    ฯ     ชิวฺหาปิ   ฆานธาตุสทิสา   ฯ   กาโย
กายธาตูติ: กายธาตุํ ฐเปตฺวา อวเสโส กาโย กาโย น กายธาตุ กายธาตุ
กาโย   เจว   กายธาตุ   จ   ฯ   กายธาตุ  กาโยติ:  อามนฺตา  ฯ
รูปํ   รูปธาตูติ:   รูปธาตุํ   ฐเปตฺวา   อวเสสํ  รูปํ  รูปํ  น  รูปธาตุ
รูปธาตุ   รูปญฺเจว   รูปธาตุ   จ   ฯ  รูปธาตุ  รูปนฺติ:  อามนฺตา  ฯ
สทฺโท   ฆานสทิโส   ฯ   คนฺโธ   คนฺธธาตูติ:   สีลคนฺโธ  สมาธิคนฺโธ
ปญฺญาคนฺโธ   คนฺโธ   น   คนฺธธาตุ  คนฺธธาตุ  คนฺโธ  เจว  คนฺธธาตุ
จ   ฯ   คนฺธธาตุ  คนฺโธติ:  อามนฺตา  ฯ  รโส  รสธาตูติ:  อตฺถรโส
ธมฺมรโส   วิมุตฺติรโส  รโส  น  รสธาตุ  รสธาตุ  รโส  เจว  รสธาตุ
จ   ฯ   รสธาตุ   รโสติ:   อามนฺตา   ฯ  โผฏฺฐพฺโพ  ฆานสทิโส  ฯ
จกฺขุวิญฺญาณํ    จกฺขุวิญฺญาณธาตูติ:    อามนฺตา    ฯ    จกฺขุวิญฺญาณธาตุ
จกฺขุวิญฺญาณนฺติ:    อามนฺตา    ฯ   โสตวิญฺญาณํ   ฯเปฯ   ฆานวิญฺญาณํ
ชิวฺหาวิญฺญาณํ    กายวิญฺญาณํ    ฯ    มโน    มโนธาตูติ:    มโนธาตุํ
ฐเปตฺวา   อวเสโส   มโน  มโน  น  มโนธาตุ  มโนธาตุ  มโน  เจว
มโนธาตุ   จ   ฯ   มโนธาตุ   มโนติ:   อามนฺตา   ฯ   มโนวิญฺญาณํ
มโนวิญฺญาณธาตูติ:    อามนฺตา   ฯ   มโนวิญฺญาณธาตุ   มโนวิญฺญาณนฺติ:
อามนฺตา   ฯ   ธมฺโม   ธมฺมธาตูติ:   ธมฺมธาตุํ   ฐเปตฺวา   อวเสโส
ธมฺโม   ธมฺโม  น  ธมฺมธาตุ  ธมฺมธาตุ  ธมฺโม  เจว  ธมฺมธาตุ  จ  ฯ
ธมฺมธาตุ ธมฺโมติ: อามนฺตา ฯ
     [๘๐๔]   น  จกฺขุ  น  จกฺขุธาตูติ:  อามนฺตา  ฯ  น  จกฺขุธาตุ  น
จกฺขูติ:    ทิพฺพจกฺขุ    ปญฺญาจกฺขุ    น    จกฺขุธาตุ   จกฺขุ   จกฺขุญฺจ
จกฺขุธาตุญฺจ  ฐเปตฺวา  อวเสสํ  น  เจว  จกฺขุ น จ จกฺขุธาตุ ฯ น โสตํ
น   โสตธาตูติ:   อามนฺตา   ฯ  น  โสตธาตุ  น  โสตนฺติ:  ทิพฺพโสตํ
ตณฺหาโสตํ    น   โสตธาตุ   โสตํ   โสตญฺจ   โสตธาตุญฺจ   ฐเปตฺวา
อวเสสํ  น  เจว  โสตํ  น  จ  โสตธาตุ  ฯ  น  ฆานํ  น ฆานธาตูติ:
อามนฺตา   ฯ   น   ฆานธาตุ   น  ฆานนฺติ:  อามนฺตา  ฯ  ยํ  สํขิตฺตํ
อุภโต   อามนฺตา   ฯ   น  ชิวฺหา  ฯเปฯ  น  กาโย  น  กายธาตูติ:
อามนฺตา  ฯ  น  กายธาตุ  น  กาโยติ:  กายธาตุํ  ฐเปตฺวา  อวเสโส
กาโย   น  กายธาตุ  กาโย  กายญฺจ  กายธาตุญฺจ  ฐเปตฺวา  อวเสโส
น  เจว  กาโย  น  จ  กายธาตุ  ฯ  น  รูปํ น รูปธาตูติ: อามนฺตา ฯ
น   รูปธาตุ   นรูปนฺติ:   รูปธาตุํ  ฐเปตฺวา  อวเสสํ  รูปํ  น  รูปธาตุ
รูปํ   รูปญฺจ   รูปธาตุญฺจ   ฐเปตฺวา   อวเสสํ   น  เจว  รูปํ  น  จ
รูปธาตุ   ฯ  น  สทฺโท  ฯเปฯ  น  คนฺโธ  นคนธธาตูติ:  อามนฺตา  ฯ
น    คนฺธธาตุ   น   คนฺโธติ:   สีลคนฺโธ   สมาธิคนฺโธ   ปญฺญาคนฺโธ
น    คนฺธธาตุ   คนฺโธ   คนฺธญฺจ   คนฺธธาตุญฺจ   ฐเปตฺวา   อวเสสา
น  เจว  คนฺโธ  น  จ  คนฺธธาตุ  ฯ  น รโส น รสธาตูติ: อามนฺตา ฯ
น  รสธาตุ  น  รโสติ:  อตฺถรโส  ธมฺมรโส  วิมุตฺติรโส น รสธาตุ รโส
รสญฺจ  รสธาตุญฺจ  ฐเปตฺวา  อวเสสา  น  เจว  รโส  น จ รสธาตุ ฯ
น  โผฏฺฐพฺโพ  ฯเปฯ  น  จกฺขุวิญฺญาณํ  น จกฺขุวิญฺญาณธาตูติ: อามนฺตา ฯ
น   จกฺขุวิญฺญาณธาตุ  น  จกฺขุวิญฺญาณนฺติ:  อามนฺตา  ฯ  น  โสตวิญฺญาณํ
น     ฆานวิญฺญาณํ     น    ชิวฺหาวิญฺญาณํ    น    กายวิญฺญาณํ    ฯ
น   มโนธาตูติ:   อามนฺตา   ฯ   น  มโนธาตุ  น  มโนติ:  มโนธาตุํ
ฐเปตฺวา   อวเสโส   มโน   น   มโนธาตุ  มโน  มนญฺจ  มโนธาตุญฺจ
ฐเปตฺวา  อวเสโส  น  เจว  มโน  น  จ  มโนธาตุ  ฯ น มโนวิญฺญาณํ
น   มโนวิญฺญาณธาตูติ:   อามนฺตา   ฯ   น  มโนวิญฺญาณธาตุ  น  มโน
วิญฺญาณนฺติ:   อามนฺตา   ฯ   น  ธมฺโม  น  ธมฺมธาตูติ:  อามนฺตา  ฯ
น   ธมฺมธาตุ   น   ธมฺโมติ:   ธมฺมธาตุํ   ฐเปตฺวา  อวเสโส  ธมฺโม
น    ธมฺมธาตุ   ธมฺโม   ธมฺมญฺจ   ธมฺมธาตุญฺจ   ฐเปตฺวา   อวเสโส
น เจว ธมฺโม น จ ธมฺมธาตุ ฯ
                                            --------
     [๘๐๕]   จกฺขุ   จกฺขุธาตูติ:   ทิพฺพจกฺขุ   ปญฺญาจกฺขุ   จกฺขุ   น
จกฺขุธาตุ   จกฺขุธาตุ   จกฺขุ  เจว  จกฺขุธาตุ  จ  ฯ  ธาตู  โสตธาตูติ:
โสตธาตุ  ธาตุ  เจว  โสตธาตุ  จ  อวเสสา  ธาตู ธาตู น โสตธาตุ ฯ
จกฺขุ    จกฺขุธาตูติ:    ทิพฺพจกฺขุ    ปญฺญาจกฺขุ   จกฺขุ   น   จกฺขุธาตุ
จกฺขุธาตุ   จกฺขุ  เจว  จกฺขุธาตุ  จ  ฯ  ธาตู  ฆานธาตุ  ฯเปฯ  ธาตู
ธมฺมธาตูติ:   ธมฺมธาตุ   เจว   ธมฺมธาตุ   จ   อวเสสา  ธาตู  ธาตู
น   ธมฺมธาตุ   ฯ   ยถา   อายตนยมเก   ปณฺณตฺติ  เอวํ  ธาตุยมเกปิ
ปณฺณตฺติ ฯ จกฺกํ พนฺธิตพฺพํ ฯ
     [๘๐๖]   น   จกฺขุ   น  จกฺขุธาตูติ:  อามนฺตา  ฯ  น  ธาตู  น
โสตธาตูติ:  อามนฺตา  ฯ  น  จกฺขุ  น  จกฺขุธาตูติ: อามนฺตา ฯ น ธาตู
น   ฆานธาตุ   ฯเปฯ   น  ธาตู  น  ธมฺมธาตูติ:  อามนฺตา  ฯ  จกฺกํ
พนฺธิตพฺพํ ฯ สพฺเพ อามนฺตา อุภโตปิ เสเสปิ ฯ
     [๘๐๗]   จกฺขุ  ธาตูติ:  อามนฺตา  ฯ  ธาตู  จกฺขุธาตูติ:  จกฺขุธาตุ
ธาตุ  เจว  จกฺขุธาตุ  จ  อวเสสา  ธาตู  ธาตู  น  จกฺขุธาตุ  ฯ โสตํ
ธาตูติ:   อามนฺตา   ฯเปฯ   ฆานํ  ชิวฺหา  กาโย  รูปํ  สทฺโท  คนฺโธ
รโส   โผฏฺฐพฺโพ   ฯ   จกฺขุวิญฺญาณํ   ธาตูติ:   อามนฺตา   ฯ   ธาตู
จกฺขุวิญฺญาณธาตูติ:    จกฺขุวิญฺญาณธาตุ    ธาตุ   เจว   จกฺขุวิญฺญาณธาตุ
จ    อวเสสา    ธาตู    น    จกฺขุวิญฺญาณธาตุ    ฯ    โสตวิญฺญาณํ
ฆานวิญฺญาณํ     ชิวฺหาวิญฺญาณํ    กายวิญฺญาณํ    ฯ    มโน    ธาตูติ:
อามนฺตา   ฯ   ธาตู  มโนธาตูติ:  มโนธาตุ  ธาตุ  เจว  มโนธาตุ  จ
อวเสสา  ธาตู  ธาตู  น  มโนธาตุ  ฯ มโนวิญฺญาณํ  ธาตูติ: อามนฺตา ฯ
ธาตู      มโนวิญฺญาณธาตูติ:      มโนวิญฺญาณธาตุ     ธาตุ     เจว
มโนวิญฺญาณธาตุ   จ   อวเสสา   ธาตู   ธาตู  น  มโนวิญฺญาณธาตุ  ฯ
ธมฺโม  ธาตูติ:  อามนฺตา  ฯ  ธาตู  ธมฺมธาตูติ:  ธมฺมธาตุ  ธาตุ  เจว
ธมฺมธาตุ จ อวเสสา ธาตู ธาตู น ธมฺมธาตุ ฯ
     [๘๐๘]   น   จกฺขุ  น  ธาตูติ:  จกฺขุํ  ฐเปตฺวา  อวเสสา  ธาตู
น   จกฺขุ  ธาตุ  จกฺขุญฺจ  ธาตุญฺจ  ฐเปตฺวา  อวเสสา  น  เจว  จกฺขุ
น  จ  ธาตุ  ฯ  น  ธาตู  น จกฺขุธาตูติ: อามนฺตา ฯ น โสตํ น ธาตูติ:
โสตํ  ฐเปตฺวา  ฯเปฯ  ฆานํ  ฐเปตฺวา  ชิวฺหํ  ฐเปตฺวา ฯเปฯ น กาโย
น  ธาตูติ:  อามนฺตา  ฯ  น  ธาตู  น  กายธาตูติ:  อามนฺตา ฯ น รูปํ
น  ธาตูติ:  รูปํ  ฐเปตฺวา  ฯเปฯ  สทฺทํ  คนฺธํ รสํ โผฏฺฐพฺพํ จกฺขุวิญฺญาณํ
โสตวิญฺญาณํ        ฆานวิญฺญาณํ       ชิวฺหาวิญฺญาณํ       กายวิญฺญาณํ
มนํ    มโนวิญฺญาณํ    ฐเปตฺวา    ฯเปฯ   น   ธมฺโม   น   ธาตูติ:
อามนฺตา ฯ น ธาตู น ธมฺมธาตูติ: อามนฺตา ฯ
                                            --------
     [๘๐๙]   จกฺขุ  ธาตูติ:  อามนฺตา  ฯ  ธาตู  โสตธาตูติ:  โสตธาตุ
ธาตุ  เจว  โสตธาตุ  จ  อวเสสา  ธาตู  ธาตู  น  โสตธาตุ  ฯ จกฺขุ
ธาตูติ:   อามนฺตา   ฯ   ธาตู   ฆานธาตุ   ฯเปฯ  ธาตู  ธมฺมธาตูติ:
ธมฺมธาตุ  ธาตุ  เจว  ธมฺมธาตุ  จ  อวเสสา  ธาตู ธาตู น ธมฺมธาตุ ฯ
จกฺกํ พนฺธิตพฺพํ ฯ
     [๘๑๐]   น  จกฺขุ  น  ธาตูติ: จกฺขุํ ฐเปตฺวา อวเสสา ธาตู น จกฺขุ
ธาตุ   จกฺขุญฺจ   ธาตุญฺจ   ฐเปตฺวา  อวเสสา  น  เจว  จกฺขุ  น  จ
ธาตุ  ฯ  น  ธาตู  น  โสตธาตูติ:  อามนฺตา  ฯ  น  จกฺขุ  น ธาตูติ:
จกฺขุํ   ฐเปตฺวา  อวเสสา  น  จกฺขุ  ธาตุ  จกฺขุญฺจ  ธาตุญฺจ  ฐเปตฺวา
อวเสสา  น  เจว  จกฺขุ  น  จ  ธาตุ  ฯ  น  ธาตุ น ฆานธาตุ ฯเปฯ
น   ธาตู   น   ธมฺมธาตูติ:  อามนฺตา  ฯเปฯ  น  ธมฺโม  น  ธาตูติ:
อามนฺตา  ฯ  น  ธาตู  น  จกฺขุธาตูติ:  อามนฺตา ฯ น ธมฺโม น ธาตูติ:
อามนฺตา  ฯ  น  ธาตู  น  โสตธาตุ ฯเปฯ น ธาตู น มโนวิญฺญาณธาตูติ:
อามนฺตา   ฯ   จกฺกํ   พนฺธิตพฺพํ   ฯ   ยถา   อายตนยมกสฺส  ปณฺณตฺติ
เอวํ ธาตุยมกสฺส ปณฺณตฺติ วิตฺถาเรตพฺพา ฯ
                                       ปณฺณตฺติวาโร ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๒๖๖-๒๗๑. http://84000.org/tipitaka/pali/pali_item_s.php?book=38&item=803&items=8&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=38&item=803&items=8&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=38&item=803&items=8&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=38&item=803&items=8&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=38&i=803              สารบัญพระไตรปิฎกเล่มที่ ๓๘ http://84000.org/tipitaka/read/?index_38

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :