พระไตรปิฎกเล่มที่ ๔๓ ภาษาบาลี อักษรไทย
พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ 

                             อภิธมฺมปิฏเก ปฏฺฐานํ
                                  จตุตฺโถ ภาโค
                           อนุโลมทุกปฏฺฐานํ ปจฺฉิมํ
                                      ---------
                  นโม ตสฺส ภควโต อรหโต สมฺมาสมฺพุทฺธสฺส ฯ
                                   สารมฺมณทุกํ
                                    ปฏิจฺจวาโร
     [๑]   สารมฺมณํ   ธมฺมํ   ปฏิจฺจ   สารมฺมโณ   ธมฺโม   อุปฺปชฺชติ
เหตุปจฺจยา:  สารมฺมณํ  เอกํ  ขนฺธํ  ปฏิจฺจ  ตโย  ขนฺธา  เทฺว  ขนฺเธ
...   ปฏิสนฺธิกฺขเณ   ฯเปฯ   สารมฺมณํ   ธมฺมํ   ปฏิจฺจ   อนารมฺมโณ
ธมฺโม    อุปฺปชฺชติ    เหตุปจฺจยา:   สารมฺมเณ  ขนฺเธ  ปฏิจฺจ  จิตฺต-
สมุฏฺฐานํ   รูปํ    ปฏิสนฺธิกฺขเณ    ฯเปฯ   สารมฺมณํ   ธมฺมํ   ปฏิจฺจ
สารมฺมโณ   จ   อนารมฺมโณ   จ   ธมฺมา   อุปฺปชฺชนฺติ   เหตุปจฺจยา:
สารมฺมณํ   เอกํ   ขนฺธํ   ปฏิจฺจ   ตโย   ขนฺธา  จิตฺตสมุฏฺฐานญฺจ  รูปํ
เทฺว ขนฺเธ ... ปฏิสนฺธิกฺขเณ ฯเปฯ
     {๑.๑}   อนารมฺมณํ    ธมฺมํ    ปฏิจฺจ    อนารมฺมโณ    ธมฺโม
อุปฺปชฺชติ   เหตุปจฺจยา:   เอกํ   มหาภูตํ   ฯเปฯ   มหาภูเต   ปฏิจฺจ
จิตฺตสมุฏฺฐานํ    รูปํ   กฏตฺตารูปํ   อุปาทารูปํ   ฯ   อนารมฺมณํ   ธมฺมํ
ปฏิจฺจ    สารมฺมโณ   ธมฺโม   อุปฺปชฺชติ   เหตุปจฺจยา:   ปฏิสนฺธิกฺขเณ
วตฺถุํ    ปฏิจฺจ   สารมฺมณา   ขนฺธา   ฯ   อนารมฺมณํ   ธมฺมํ   ปฏิจฺจ
สารมฺมโณ   จ   อนารมฺมโณ   จ   ธมฺมา   อุปฺปชฺชนฺติ   เหตุปจฺจยา:
ปฏิสนฺธิกฺขเณ   วตฺถุํ   ปฏิจฺจ   สารมฺมณา   ขนฺธา   มหาภูเต   ปฏิจฺจ
กฏตฺตารูปํ ฯ
     {๑.๒}   สารมฺมณญฺจ   อนารมฺมณญฺจ   ธมฺมํ   ปฏิจฺจ  สารมฺมโณ
ธมฺโม    อุปฺปชฺชติ    เหตุปจฺจยา:     ปฏิสนฺธิกฺขเณ  สารมฺมณํ   เอกํ
ขนฺธญฺจ   วตฺถุญฺจ   ปฏิจฺจ   ตโย   ขนฺธา   เทฺว   ขนฺเธ   ...  ฯ
สารมฺมณญฺจ    อนารมฺมณญฺจ    ธมฺมํ    ปฏิจฺจ    อนารมฺมโณ   ธมฺโม
อุปฺปชฺชติ   เหตุปจฺจยา:   สารมฺมเณ   ขนฺเธ  จ  มหาภูเต  จ  ปฏิจฺจ
จิตฺตสมุฏฺฐานํ      รูปํ      ปฏิสนฺธิกฺขเณ      ฯเปฯ     สารมฺมณญฺจ
อนารมฺมณญฺจ   ธมฺมํ   ปฏิจฺจ   สารมฺมโณ   จ  อนารมฺมโณ  จ  ธมฺมา
อุปฺปชฺชนฺติ    เหตุปจฺจยา:   ปฏิสนฺธิกฺขเณ   สารมฺมณํ   เอกํ   ขนฺธญฺจ
วตฺถุญฺจ  ปฏิจฺจ  ตโย  ขนฺธา  เทฺว  ขนฺเธ  ...  สารมฺมเณ  ขนฺเธ จ
มหาภูเต จ ปฏิจฺจ กฏตฺตารูปํ ฯ
     [๒]   สารมฺมณํ   ธมฺมํ   ปฏิจฺจ   สารมฺมโณ   ธมฺโม   อุปฺปชฺชติ
อารมฺมณปจฺจยา:    สารมฺมณํ   เอกํ  ขนฺธํ  ปฏิจฺจ  ตโย  ขนฺธา  เทฺว
ขนฺเธ   ...  ปฏิสนฺธิ  ฯ  อนารมฺมณํ  ธมฺมํ  ปฏิจฺจ  สารมฺมโณ  ธมฺโม
อุปฺปชฺชติ   อารมฺมณปจฺจยา:   ปฏิสนฺธิกฺขเณ   วตฺถุํ   ปฏิจฺจ  สารมฺมณา
ขนฺธา    ฯ   สารมฺมณญฺจ   อนารมฺมณญฺจ   ธมฺมํ   ปฏิจฺจ   สารมฺมโณ
ธมฺโม   อุปฺปชฺชติ   อารมฺมณปจฺจยา:   ปฏิสนฺธิกฺขเณ   สารมฺมณํ   เอกํ
ขนฺธญฺจ วตฺถุญฺจ ปฏิจฺจ ตโย ขนฺธา เทฺว ขนฺเธ ... สงฺขิตฺตํ ฯ
     [๓]   เหตุยา   นว  อารมฺมเณ  ตีณิ  อธิปติยา  ปญฺจ  อนนฺตเร
ตีณิ   สมนนฺตเร   ตีณิ   สหชาเต   นว   อญฺญมญฺเญ  ฉ  นิสฺสเย  นว
อุปนิสฺสเย  ตีณิ  ปุเรชาเต  เอกํ  อาเสวเน  เอกํ  กมฺเม  นว วิปาเก
นว  อาหาเร  นว  อินฺทฺริเย  นว  ฌาเน  นว  มคฺเค  นว  สมฺปยุตฺเต
ตีณิ   วิปฺปยุตฺเต  นว  อตฺถิยา  นว  นตฺถิยา  ตีณิ  วิคเต  ตีณิ  อวิคเต
นว ฯ
     [๔]   สารมฺมณํ   ธมฺมํ   ปฏิจฺจ   สารมฺมโณ   ธมฺโม   อุปฺปชฺชติ
นเหตุปจฺจยา:    อเหตุกํ  สารมฺมณํ   เอกํ  ขนฺธํ  ปฏิจฺจ  ตโย  ขนฺธา
เทฺว   ขนฺเธ   ...   อเหตุกปฏิสนฺธิกฺขเณ   วิจิกิจฺฉาสหคเต  อุทฺธจฺจ-
สหคเต   ขนฺเธ   ปฏิจฺจ   วิจิกิจฺฉาสหคโต  อุทฺธจฺจสหคโต  โมโห  ฯ
สารมฺมณํ   ธมฺมํ   ปฏิจฺจ  อนารมฺมโณ  ธมฺโม  อุปฺปชฺชติ  นเหตุปจฺจยา:
อเหตุเก  สารมฺมเณ  ขนฺเธ  ปฏิจฺจ  จิตฺตสมุฏฺฐานํ  รูปํ อเหตุกปฏิสนฺธิ ฯ
สารมฺมณํ  ธมฺมํ  ปฏิจฺจ  สารมฺมโณ  จ  อนารมฺมโณ  จ ธมฺมา อุปฺปชฺชนฺติ
นเหตุปจฺจยา:   อเหตุกํ   สารมฺมณํ   เอกํ   ขนฺธํ  ปฏิจฺจ  ตโย ขนฺธา
จิตฺตสมุฏฺฐานญฺจ  รูปํ  เทฺว  ขนฺเธ  ...  อเหตุกปฏิสนฺธิ  ฯ  อนารมฺมณํ
ธมฺมํ   ปฏิจฺจ   อนารมฺมโณ   ธมฺโม   อุปฺปชฺชติ   นเหตุปจฺจยา:  เอกํ
มหาภูตํ ... อสญฺญสตฺตานํ เอกํ มหาภูตํ ... ฯ
     {๔.๑}   อนารมฺมณํ   ธมฺมํ   ปฏิจฺจ  สารมฺมโณ  ธมฺโม  อุปฺปชฺชติ
นเหตุปจฺจยา:     อเหตุกปฏิสนฺธิกฺขเณ    วตฺถุํ    ปฏิจฺจ    สารมฺมณา
ขนฺธา  ฯ  อนารมฺมณํ  ธมฺมํ  ปฏิจฺจ  สารมฺมโณ  จ อนารมฺมโณ จ ธมฺมา
อุปฺปชฺชนฺติ     นเหตุปจฺจยา:     อเหตุกปฏิสนฺธิกฺขเณ   วตฺถุํ    ปฏิจฺจ
สารมฺมณา    ขนฺธา   มหาภูเต   ปฏิจฺจ   กฏตฺตารูปํ  ฯ   สารมฺมณญฺจ
อนารมฺมณญฺจ    ธมฺมํ   ปฏิจฺจ   สารมฺมโณ   ธมฺโม  อุปฺปชฺชติ  นเหตุ-
ปจฺจยา:   อเหตุกปฏิสนฺธิกฺขเณ   สารมฺมณํ   เอกํ   ขนฺธญฺจ   วตฺถุญฺจ
ปฏิจฺจ  ตโย  ขนฺธา  เทฺว  ขนฺเธ  ...  ฯ  สารมฺมณญฺจ  อนารมฺมณญฺจ
ธมฺมํ   ปฏิจฺจ   อนารมฺมโณ  ธมฺโม  อุปฺปชฺชติ  นเหตุปจฺจยา:  อเหตุเก
สารมฺมเณ   ขนฺเธ   จ   มหาภูเต   จ   ปฏิจฺจ   จิตฺตสมุฏฺฐานํ   รูปํ
อเหตุกปฏิสนฺธิ ฯ
     {๔.๒}   สารมฺมณญฺจ   อนารมฺมณญฺจ   ธมฺมํ   ปฏิจฺจ  สารมฺมโณ
จ   อนารมฺมโณ   จ   ธมฺมา   อุปฺปชฺชนฺติ   นเหตุปจฺจยา:   อเหตุก-
ปฏิสนฺธิกฺขเณ    สารมฺมณํ    เอกํ    ขนฺธญฺจ   วตฺถุญฺจ  ปฏิจฺจ  ตโย
ขนฺธา เทฺว ขนฺเธ ... สารมฺมเณ ขนฺเธ จ มหาภูเต จ ปฏิจฺจ กฏตฺตารูปํ ฯ
     [๕]   สารมฺมณํ   ธมฺมํ   ปฏิจฺจ   อนารมฺมโณ   ธมฺโม  อุปฺปชฺชติ
นอารมฺมณปจฺจยา:    สารมฺมเณ    ขนฺเธ    ปฏิจฺจ  จิตฺตสมุฏฺฐานํ  รูปํ
ปฏิสนฺธิกฺขเณ   ฯเปฯ   อนารมฺมณํ   ธมฺมํ   ปฏิจฺจ  อนารมฺมโณ  ธมฺโม
อุปฺปชฺชติ    นอารมฺมณปจฺจยา:   ยาว   อสญฺญสตฺตา   ฯ   สารมฺมณญฺจ
อนารมฺมณญฺจ     ธมฺมํ    ปฏิจฺจ    อนารมฺมโณ    ธมฺโม    อุปฺปชฺชติ
นอารมฺมณปจฺจยา:    สารมฺมเณ   ขนฺเธ   จ   มหาภูเต   จ   ปฏิจฺจ
จิตฺตสมุฏฺฐานํ รูปํ ปฏิสนฺธิ ฯ สงฺขิตฺตํ ฯ
     [๖]   นเหตุยา    นว   นอารมฺมเณ   ตีณิ   นอธิปติยา   นว
นอนนฺตเร      ตีณิ     นสมนนฺตเร     ตีณิ     นอญฺญมญฺเญ     ตีณิ
นอุปนิสฺสเย   ตีณิ   นปุเรชาเต   นว   นปจฺฉาชาเต  นว  นอาเสวเน
นว   นกมฺเม   เทฺว   นวิปาเก   ปญฺจ   นอาหาเร  เอกํ  นอินฺทฺริเย
เอกํ   นฌาเน   เทฺว   นมคฺเค   นว   นสมฺปยุตฺเต  ตีณิ  นวิปฺปยุตฺเต
เทฺว โนนตฺถิยา ตีณิ โนวิคเต ตีณิ ฯ
     [๗]   เหตุปจฺจยา นอารมฺมเณ ตีณิ ... นอธิปติยา นว ฯ
                                      สงฺขิตฺตํ ฯ
     [๘]   นเหตุปจฺจยา  อารมฺมเณ ตีณิ ... สหชาเต นว ฯ สงฺขิตฺตํ ฯ
... มคฺเค นว อวิคเต นว ฯ
                        สหชาตวาโรปิ ปฏิจฺจวารสทิโส ฯ
                                      ปจฺจยวาโร
     [๙]   สารมฺมณํ   ธมฺมํ   ปจฺจยา   สารมฺมโณ   ธมฺโม  อุปฺปชฺชติ
เหตุปจฺจยา:     ตีณิ   ปฏิจฺจสทิสา   ฯ   อนารมฺมณํ   ธมฺมํ   ปจฺจยา
อนารมฺมโณ   ธมฺโม   อุปฺปชฺชติ   เหตุปจฺจยา:   เอกํ  มหาภูตํ  ฯเปฯ
มหาภูเต   ปจฺจยา    จิตฺตสมุฏฺฐานํ    รูปํ  กฏตฺตารูปํ  อุปาทารูปํ   ฯ
อนารมฺมณํ   ธมฺมํ  ปจฺจยา  สารมฺมโณ  ธมฺโม  อุปฺปชฺชติ   เหตุปจฺจยา:
วตฺถุํ    ปจฺจยา    สารมฺมณา   ขนฺธา   ปฏิสนฺธิกฺขเณ  วตฺถุํ   ปจฺจยา
สารมฺมณา  ขนฺธา   ฯ   อนารมฺมณํ   ธมฺมํ   ปจฺจยา   สารมฺมโณ   จ
อนารมฺมโณ    จ    ธมฺมา   อุปฺปชฺชนฺติ   เหตุปจฺจยา:  วตฺถุํ  ปจฺจยา
สารมฺมณา     ขนฺธา     มหาภูเต    ปจฺจยา    จิตฺตสมุฏฺฐานํ    รูปํ
ปฏิสนฺธิ ฯ
     {๙.๑}   สารมฺมณญฺจ   อนารมฺมณญฺจ   ธมฺมํ  ปจฺจยา  สารมฺมโณ
ธมฺโม   อุปฺปชฺชติ   เหตุปจฺจยา:   สารมฺมณํ   เอกํ   ขนฺธญฺจ  วตฺถุญฺจ
ปจฺจยา    ตโย   ขนฺธา   เทฺว   ขนฺเธ ... ปฏิสนฺธิ  ฯ  สารมฺมณญฺจ
อนารมฺมณญฺจ    ธมฺมํ    ปจฺจยา    อนารมฺมโณ    ธมฺโม    อุปฺปชฺชติ
เหตุปจฺจยา:  สารมฺมเณ  ขนฺเธ  จ  มหาภูเต  จ  ปจฺจยา จิตฺตสมุฏฺฐานํ
รูปํ    ปฏิสนฺธิ    ฯ    สารมฺมณญฺจ    อนารมฺมณญฺจ   ธมฺมํ   ปจฺจยา
สารมฺมโณ    จ    อนารมฺมโณ   จ   ธมฺมา  อุปฺปชฺชนฺติ  เหตุปจฺจยา:
สารมฺมณํ   เอกํ   ขนฺธญฺจ   วตฺถุญฺจ   ปจฺจยา   ตโย   ขนฺธา   เทฺว
ขนฺเธ  ...  สารมฺมเณ  ขนฺเธ  จ  มหาภูเต  จ  ปจฺจยา จิตฺตสมุฏฺฐานํ
รูปํ ปฏิสนฺธิ ฯ
     [๑๐]   สารมฺมณํ   ธมฺมํ   ปจฺจยา  สารมฺมโณ  ธมฺโม  อุปฺปชฺชติ
อารมฺมณปจฺจยา:   สารมฺมณํ   เอกํ  ขนฺธํ  ปจฺจยา  ตโย  ขนฺธา  เทฺว
ขนฺเธ  ...  ปฏิสนฺธิ  ฯ  อนารมฺมณํ  ธมฺมํ  ปจฺจยา  สารมฺมโณ  ธมฺโม
อุปฺปชฺชติ     อารมฺมณปจฺจยา:    จกฺขายตนํ    ปจฺจยา    จกฺขุวิญฺญาณํ
กายายตนํ    ปจฺจยา    กายวิญฺญาณํ    วตฺถุํ    ปจฺจยา    สารมฺมณา
ขนฺธา    ปฏิสนฺธิ    ฯ   สารมฺมณญฺจ   อนารมฺมณญฺจ   ธมฺมํ   ปจฺจยา
สารมฺมโณ     ธมฺโม    อุปฺปชฺชติ    อารมฺมณปจฺจยา:    จกฺขุวิญฺญาณ-
สหคตํ   เอกํ   ขนฺธญฺจ   จกฺขายตนญฺจ   ปจฺจยา  ตโย  ขนฺธา  เทฺว
ขนฺเธ   ...   กายวิญฺญาณสหคตํ   ฯเปฯ   สารมฺมณํ   เอกํ   ขนฺธญฺจ
วตฺถุญฺจ ปจฺจยา ตโย ขนฺธา เทฺว ขนฺเธ ... ปฏิสนฺธิ ฯ สงฺขิตฺตํ ฯ
     [๑๑]   เหตุยา  นว  อารมฺมเณ  ตีณิ  อธิปติยา  นว อนนฺตเร ตีณิ
สมนนฺตเร    ตีณิ    สหชาเต   นว   อญฺญมญฺเญ   ฉ   นิสฺสเย   นว
อุปนิสฺสเย   ตีณิ  ปุเรชาเต  ตีณิ  อาเสวเน  ตีณิ  กมฺเม  นว  วิปาเก
นว  อาหาเร  นว  อินฺทฺริเย  นว  ฌาเน  นว  มคฺเค  นว  สมฺปยุตฺเต
ตีณิ   วิปฺปยุตฺเต   นว   อตฺถิยา   นว   นตฺถิยา   ตีณิ   วิคเต   ตีณิ
อวิคเต นว ฯ
     [๑๒]   สารมฺมณํ   ธมฺมํ   ปจฺจยา  สารมฺมโณ  ธมฺโม  อุปฺปชฺชติ
นเหตุปจฺจยา:   ตีณิ   ปฏิจฺจสทิสา   ฯ    อนารมฺมณํ   ธมฺมํ   ปจฺจยา
อนารมฺมโณ    ธมฺโม   อุปฺปชฺชติ  นเหตุปจฺจยา:   เอกํ  มหาภูตํ  ...
อสญฺญสตฺตานํ    เอกํ  มหาภูตํ  ...  ฯ   อนารมฺมณํ   ธมฺมํ   ปจฺจยา
สารมฺมโณ    ธมฺโม   อุปฺปชฺชติ   นเหตุปจฺจยา:   จกฺขายตนํ   ปจฺจยา
จกฺขุวิญฺญาณํ     กายายตนํ    ปจฺจยา   กายวิญฺญาณํ   วตฺถุํ    ปจฺจยา
อเหตุกา     สารมฺมณา     ขนฺธา    ปฏิสนฺธิกฺขเณ   วตฺถุํ    ปจฺจยา
วิจิกิจฺฉาสหคโต อุทฺธจฺจสหคโต โมโห ฯ
     {๑๒.๑}   อนารมฺมณํ  ธมฺมํ  ปจฺจยา  สารมฺมโณ  จ อนารมฺมโณ จ
ธมฺมา   อุปฺปชฺชนฺติ   นเหตุปจฺจยา:  วตฺถุํ   ปจฺจยา   สารมฺมณา ขนฺธา
มหาภูเต  ปจฺจยา  จิตฺตสมุฏฺฐานํ  รูปํ ปฏิสนฺธิ ฯ สารมฺมณญฺจ อนารมฺมณญฺจ
ธมฺมํ     ปจฺจยา    สารมฺมโณ    ธมฺโม    อุปฺปชฺชติ   นเหตุปจฺจยา:
จกฺขุวิญฺญาณสหคตํ    เอกํ    ขนฺธญฺจ   จกฺขายตนญฺจ   ปจฺจยา    ตโย
ขนฺธา   เทฺว   ขนฺเธ  ...  กายวิญฺญาณสหคตํ   ฯเปฯ  สารมฺมณํ เอกํ
ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... ปฏิสนฺธิ ฯ
     {๑๒.๒}   สารมฺมณญฺจ  อนารมฺมณญฺจ  ธมฺมํ  ปจฺจยา  อนารมฺมโณ
ธมฺโม   อุปฺปชฺชติ   นเหตุปจฺจยา:   สารมฺมเณ  ขนฺเธ  จ  มหาภูเต จ
ปจฺจยา   จิตฺตสมุฏฺฐานํ   รูปํ   ปฏิสนฺธิ   ฯ  สารมฺมณญฺจ  อนารมฺมณญฺจ
ธมฺมํ   ปจฺจยา   สารมฺมโณ   จ   อนารมฺมโณ   จ  ธมฺมา  อุปฺปชฺชนฺติ
นเหตุปจฺจยา:   สารมฺมณํ   เอกํ   ขนฺธญฺจ   วตฺถุญฺจ   ปจฺจยา   ตโย
ขนฺธา  เทฺว  ขนฺเธ  ...   สารมฺมเณ ขนฺเธ  จ  มหาภูเต  จ  ปจฺจยา
จิตฺตสมุฏฺฐานํ   รูปํ   ปฏิสนฺธิกฺขเณ   สารมฺมณํ   เอกํ  ขนฺธญฺจ  วตฺถุญฺจ
ปจฺจยา  ตโย  ขนฺธา  เทฺว ขนฺเธ ... สารมฺมเณ ขนฺเธ  จ มหาภูเต จ
ปจฺจยา กฏตฺตารูปํ ฯ สงฺขิตฺตํ ฯ
     [๑๓]   นเหตุยา  นว  นอารมฺมเณ  ตีณิ  นอธิปติยา นว นอนนฺตเร
ตีณิ    นสมนนฺตเร    ตีณิ    นอญฺญมญฺเญ    ตีณิ    นอุปนิสฺสเย   ตีณิ
นปุเรชาเต  นว  นปจฺฉาชาเต  นว  นอาเสวเน  นว  นกมฺเม  จตฺตาริ
นวิปาเก   นว   นอาหาเร   เอกํ  นอินฺทฺริเย  เอกํ  นฌาเน  จตฺตาริ
นมคฺเค   นว    นสมฺปยุตฺเต   ตีณิ  นวิปฺปยุตฺเต  เทฺว  โนนตฺถิยา  ตีณิ
โนวิคเต ตีณิ ฯ
     [๑๔]   เหตุปจฺจยา นอารมฺมเณ ตีณิ ... นอธิปติยา นว ฯ
                                      สงฺขิตฺตํ ฯ
     [๑๕]   นเหตุปจฺจยา  อารมฺมเณ  ตีณิ ... อนนฺตเร ตีณิ สมนนฺตเร
ตีณิ สหชาเต นว ฯ สงฺขิตฺตํ ฯ ... มคฺเค ตีณิ อวิคเต นว ฯ
                          นิสฺสยวาโร ปจฺจยวารสทิโส ฯ
                                      สํสฏฺฐวาโร
     [๑๖]   สารมฺมณํ   ธมฺมํ   สํสฏฺโฐ   สารมฺมโณ  ธมฺโม  อุปฺปชฺชติ
เหตุปจฺจยา:   สารมฺมณํ   เอกํ   ขนฺธํ   สํสฏฺฐา  ตโย  ขนฺธา  ฯเปฯ
เทฺว ขนฺเธ สํสฏฺฐา เทฺว ขนฺธา ฯ
     [๑๗]   เหตุยา   เอกํ   อารมฺมเณ   เอกํ   อธิปติยา   เอกํ
สพฺพตฺถ เอกํ อวิคเต เอกํ ฯ
     [๑๘]   สารมฺมณํ   ธมฺมํ   สํสฏฺโฐ  สารมฺมโณ  ธมฺโม  อุปฺปชฺชติ
นเหตุปจฺจยา:   อเหตุกํ   สารมฺมณํ  เอกํ  ขนฺธํ  สํสฏฺฐา  ตโย  ขนฺธา
เทฺว   ขนฺเธ   ...   วิจิกิจฺฉาสหคเต  อุทฺธจฺจสหคเต  ขนฺเธ  สํสฏฺโฐ
โมโห ฯ สงฺขิตฺตํ ฯ
     [๑๙]   นเหตุยา เอกํ นอธิปติยา เอกํ นปุเรชาเต เอกํ นปจฺฉาชาเต
เอกํ  นอาเสวเน  เอกํ นกมฺเม เอกํ นวิปาเก เอกํ นฌาเน เอกํ นมคฺเค
เอกํ นวิปฺปยุตฺเต เอกํ ฯ
             เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
                                     ปญฺหาวาโร
     [๒๐]   สารมฺมโณ   ธมฺโม   สารมฺมณสฺส  ธมฺมสฺส  เหตุปจฺจเยน
ปจฺจโย:    สารมฺมณา   เหตู   สมฺปยุตฺตกานํ   ขนฺธานํ   เหตุปจฺจเยน
ปจฺจโย    ปฏิสนฺธิ   ฯ   สารมฺมโณ   ธมฺโม   อนารมฺมณสฺส   ธมฺมสฺส
เหตุปจฺจเยน   ปจฺจโย:   สารมฺมณา   เหตู   จิตฺตสมุฏฺฐานานํ   รูปานํ
เหตุปจฺจเยน   ปจฺจโย   ปฏิสนฺธิ   ฯ   สารมฺมโณ  ธมฺโม  สารมฺมณสฺส
จ   อนารมฺมณสฺส   จ   ธมฺมสฺส   เหตุปจฺจเยน   ปจฺจโย:  สารมฺมณา
เหตู      สมฺปยุตฺตกานํ     ขนฺธานํ     จิตฺตสมุฏฺฐานานญฺจ     รูปานํ
เหตุปจฺจเยน ปจฺจโย ปฏิสนฺธิ ฯ
     [๒๑]   สารมฺมโณ  ธมฺโม  สารมฺมณสฺส  ธมฺมสฺส  อารมฺมณปจฺจเยน
ปจฺจโย:  ทานํ  ... สีลํ ... อุโปสถกมฺมํ ... ตํ ปจฺจเวกฺขติ อสฺสาเทติ
อภินนฺทติ   ตํ   อารพฺภ   ฯเปฯ  โทมนสฺสํ  อุปฺปชฺชติ  ปุพฺเพ  สุจิณฺณานิ
...  ฌานา  ...  อริยา โคตฺรภุํ  โวทานํ  ปจฺจเวกฺขนฺติ  อริยา มคฺคา
วุฏฺฐหิตฺวา   มคฺคํ   ปจฺจเวกฺขนฺติ   ผลํ   ปจฺจเวกฺขนฺติ  ปหีเน  กิเลเส
ปจฺจเวกฺขนฺติ   วิกฺขมฺภิเต   กิเลเส   ปจฺจเวกฺขนฺติ  ปุพฺเพ  สมุทาจิณฺเณ
กิเลเส   ชานนฺติ   สารมฺมเณ   ขนฺเธ   อนิจฺจโต   ฯเปฯ   โทมนสฺสํ
อุปฺปชฺชติ    เจโตปริยาญาเณน   สารมฺมณจิตฺตสมงฺคิสฺส   จิตฺตํ   ชานาติ
อากาสานญฺจายตนํ         วิญฺญาณญฺจายตนสฺส         อากิญฺจญฺญายตนํ
เนวสญฺญานาสญฺญายตนสฺส      สารมฺมณา     ขนฺธา     อิทฺธิวิธญาณสฺส
เจโตปริยญาณสฺส        ปุพฺเพนิวาสานุสฺสติญาณสฺส        ยถากมฺมุปค-
ญาณสฺส      อนาคตํสญาณสฺส      อาวชฺชนาย      อารมฺมณปจฺจเยน
ปจฺจโย ฯ
     {๒๑.๑}   อนารมฺมโณ   ธมฺโม  สารมฺมณสฺส  ธมฺมสฺส  อารมฺมณ-
ปจฺจเยน    ปจฺจโย:    อริยา    นิพฺพานํ    ปจฺจเวกฺขนฺติ   นิพฺพานํ
โคตฺรภุสฺส   โวทานสฺส    มคฺคสฺส    ผลสฺส   อาวชฺชนาย   อารมฺมณ-
ปจฺจเยน   ปจฺจโย   จกฺขุํ  ...  วตฺถุํ  อนิจฺจโต   ฯเปฯ   โทมนสฺสํ
อุปฺปชฺชติ    ทิพฺเพน   จกฺขุนา   รูปํ    ปสฺสติ   ทิพฺพาย   โสตธาตุยา
สทฺทํ      สุณาติ      รูปายตนํ     จกฺขุวิญฺญาณสฺส     โผฏฺฐพฺพายตนํ
กายวิญฺญาณสฺส     อนารมฺมณา    ขนฺธา    อิทฺธิวิธญาณสฺส     เจโต-
ปริยญาณสฺส        ปุพฺเพนิวาสานุสฺสติญาณสฺส       ยถากมฺมุปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๒๒]   สารมฺมโณ   ธมฺโม   สารมฺมณสฺส   ธมฺมสฺส อธิปติปจฺจเยน
ปจฺจโย:  อารมฺมณาธิปติ  สหชาตาธิปติ  ฯ  อารมฺมณาธิปติ:   ทานํ ...
สีลํ  ...   อุโปสถกมฺมํ  ...  ตํ ครุํ   กตฺวา  ปจฺจเวกฺขติ  อสฺสาเทติ
อภินนฺทติ  ตํ  ครุํ  กตฺวา   ราโค  อุปฺปชฺชติ   ทิฏฺฐิ   อุปฺปชฺชติ  ฯเปฯ
ปุพฺเพ   สุจิณฺณานิ   ...  ฌานา  วุฏฺฐหิตฺวา  ฌานํ ...  อริยา  มคฺคา
วุฏฺฐหิตฺวา   มคฺคํ ครุํ  ...  ผลํ ครุํ  ...  สารมฺมเณ ขนฺเธ ครุํ กตฺวา
อสฺสาเทติ  อภินนฺทติ  ตํ  ครุํ  กตฺวา  ราโค  อุปฺปชฺชติ  ทิฏฺฐิ  อุปฺปชฺชติ
ฯเปฯ    สหชาตาธิปติ:   สารมฺมณา   อธิปติ   สมฺปยุตฺตกานํ   ขนฺธานํ
อธิปติปจฺจเยน ปจฺจโย ฯ
     {๒๒.๑}   สารมฺมโณ   ธมฺโม   อนารมฺมณสฺส   ธมฺมสฺส  อธิปติ-
ปจฺจเยน    ปจฺจโย:    สหชาตาธิปติ:   สารมฺมณา   อธิปติ   จิตฺต-
สมุฏฺฐานานํ   รูปานํ   อธิปติปจฺจเยน   ปจฺจโย  ฯ  สารมฺมโณ  ธมฺโม
สารมฺมณสฺส   จ   อนารมฺมณสฺส   จ  ธมฺมสฺส  อธิปติปจฺจเยน  ปจฺจโย:
สหชาตาธิปติ:      สารมฺมณา     อธิปติ     สมฺปยุตฺตกานํ    ขนฺธานํ
จิตฺตสมุฏฺฐานานญฺจ   รูปานํ   อธิปติปจฺจเยน   ปจฺจโย   ฯ  อนารมฺมโณ
ธมฺโม      สารมฺมณสฺส      ธมฺมสฺส     อธิปติปจฺจเยน     ปจฺจโย:
อารมฺมณาธิปติ:   อริยา   นิพฺพานํ   ครุํ  กตฺวา  ปจฺจเวกฺขนฺติ  นิพฺพานํ
โคตฺรภุสฺส    โวทานสฺส    มคฺคสฺส   ผลสฺส   อธิปติปจฺจเยน   ปจฺจโย
จกฺขุํ   ...   วตฺถุํ  ครุํ  กตฺวา  อสฺสาเทติ  อภินนฺทติ  ตํ  ครุํ  กตฺวา
ราโค อุปฺปชฺชติ ทิฏฺฐิ อุปฺปชฺชติ ฯเปฯ
     [๒๓]   สารมฺมโณ   ธมฺโม   สารมฺมณสฺส   ธมฺมสฺส   อนนฺตร-
ปจฺจเยน   ปจฺจโย:  ปุริมา  ปุริมา  สารมฺมณา  ฯเปฯ  ผลสมาปตฺติยา
อนนฺตรปจฺจเยน     ปจฺจโย     ฯ     สมนนฺตรปจฺจเยน     ปจฺจโย:
สหชาตปจฺจเยน     ปจฺจโย:     สตฺต    ปฏิจฺจวาเร    สหชาตสทิสา
อญฺญมญฺญปจฺจเยน       ปจฺจโย:      ปฏิจฺจวาเร      อญฺญมญฺญสทิสา
ฉ นิสฺสยปจฺจเยน ปจฺจโย: สตฺต ปจฺจยวาเร นิสฺสยสทิสา ฯ
     [๒๔]   สารมฺมโณ  ธมฺโม  สารมฺมณสฺส  ธมฺมสฺส  อุปนิสฺสยปจฺจเยน
ปจฺจโย:      อารมฺมณูปนิสฺสโย      อนนฺตรูปนิสฺสโย     ปกตูปนิสฺสโย
ฯเปฯ   ปกตูปนิสฺสโย:   สทฺธํ   อุปนิสฺสาย  ทานํ  เทติ  มานํ  ชปฺเปติ
ทิฏฺฐึ  คณฺหาติ  สีลํ  ...  ปญฺญํ  ปตฺถนํ  กายิกํ  สุขํ  ...  กายิกํ ทุกฺขํ
อุปนิสฺสาย   ทานํ   เทติ   ฯเปฯ   สมาปตฺตึ   อุปฺปาเทติ  ปาณํ  หนติ
ฯเปฯ   สงฺฆํ   ภินฺทติ   สทฺธา  ...  ปญฺญา   ราโค  ฯเปฯ  ปตฺถนา
กายิกํ   สุขํ  ...  กายิกํ  ทุกฺขํ  สทฺธาย  ราคสฺส  ปตฺถนาย  กายิกสฺส
สุขสฺส    กายิกสฺส    ทุกฺขสฺส    มคฺคสฺส   ผลสมาปตฺติยา   อุปนิสฺสย-
ปจฺจเยน ปจฺจโย ฯ
     {๒๔.๑}   อนารมฺมโณ     ธมฺโม     สารมฺมณสฺส    ธมฺมสฺส
อุปนิสฺสยปจฺจเยน      ปจฺจโย:      อารมฺมณูปนิสฺสโย      อนนฺตรูป-
นิสฺสโย    ปกตูปนิสฺสโย    ฯเปฯ     ปกตูปนิสฺสโย:    อุตุํ    ...
โภชนํ   ...   เสนาสนํ  อุปนิสฺสาย  ทานํ  เทติ  สมาปตฺตึ  อุปฺปาเทติ
ปาณํ   หนติ  สงฺฆํ  ภินฺทติ  อุตุ  ...  โภชนํ  ...  เสนาสนํ  สทฺธาย
ฯเปฯ    ปตฺถนาย   กายิกสฺส   สุขสฺส   กายิกสฺส   ทุกฺขสฺส   มคฺคสฺส
ผลสมาปตฺติยา อุปนิสฺสยปจฺจเยน ปจฺจโย ฯ
     [๒๕]   อนารมฺมโณ   ธมฺโม   สารมฺมณสฺส   ธมฺมสฺส   ปุเรชาต-
ปจฺจเยน   ปจฺจโย:   อารมฺมณปุเรชาตํ   วตฺถุปุเรชาตํ  ฯ  อารมฺมณ-
ปุเรชาตํ:   จกฺขุํ  ...  วตฺถุํ  อนิจฺจโต   ฯเปฯ   โทมนสฺสํ อุปฺปชฺชติ
ทิพฺเพน    จกฺขุนา    รูปํ  ปสฺสติ  ทิพฺพาย  โสตธาตุยา  สทฺทํ   สุณาติ
รูปายตนํ     จกฺขุวิญฺญาณสฺส    โผฏฺฐพฺพายตนํ    กายวิญฺญาณสฺส     ฯ
วตฺถุปุเรชาตํ:   จกฺขายตนํ   จกฺขุวิญฺญาณสฺส   กายายตนํ  กายวิญฺญาณสฺส
วตฺถุ สารมฺมณานํ ขนฺธานํ ปุเรชาตปจฺจเยน ปจฺจโย ฯ
     [๒๖]   สารมฺมโณ  ธมฺโม  อนารมฺมณสฺส ธมฺมสฺส ปจฺฉาชาตปจฺจเยน
ปจฺจโย: เอกํ ฯ
     [๒๗]   สารมฺมโณ  ธมฺโม  สารมฺมณสฺส  ธมฺมสฺส  อาเสวนปจฺจเยน
ปจฺจโย: เอกํ ฯ
     [๒๘]   สารมฺมโณ   ธมฺโม   สารมฺมณสฺส  ธมฺมสฺส  กมฺมปจฺจเยน
ปจฺจโย:   สหชาตา   นานาขณิกา  ฯ   สหชาตา:  สารมฺมณา  เจตนา
สมฺปยุตฺตกานํ    ขนฺธานํ    กมฺมปจฺจเยน    ปจฺจโย   ฯ  นานาขณิกา:
สารมฺมณา    เจตนา   วิปากานํ   ขนฺธานํ   กมฺมปจฺจเยน  ปจฺจโย  ฯ
สารมฺมโณ   ธมฺโม   อนารมฺมณสฺส   ธมฺมสฺส   กมฺมปจฺจเยน   ปจฺจโย:
สหชาตา    นานาขณิกา   ฯ   สหชาตา:  สารมฺมณา   เจตนา  จิตฺต-
สมุฏฺฐานานํ    รูปานํ    กมฺมปจฺจเยน    ปจฺจโย   ฯ   นานาขณิกา:
สารมฺมณา    เจตนา    กฏตฺตารูปานํ    กมฺมปจฺจเยน    ปจฺจโย   ฯ
สารมฺมโณ    ธมฺโม    สารมฺมณสฺส   จ   อนารมฺมณสฺส   จ   ธมฺมสฺส
กมฺมปจฺจเยน    ปจฺจโย:    สหชาตา    นานาขณิกา   ฯ   สหชาตา:
สารมฺมณา    เจตนา    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ   กมฺมปจฺจเยน   ปจฺจโย   ฯ  นานาขณิกา:  สารมฺมณา  เจตนา
วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
     [๒๙]   สารมฺมโณ   ธมฺโม  สารมฺมณสฺส  ธมฺมสฺส  วิปากปจฺจเยน
ปจฺจโย: ตีณิ ฯ
     [๓๐]   สารมฺมโณ  ธมฺโม  สารมฺมณสฺส  ธมฺมสฺส  อาหารปจฺจเยน
ปจฺจโย:    ตีณิ   ฯ    อนารมฺมโณ   ธมฺโม   อนารมฺมณสฺส   ธมฺมสฺส
อาหารปจฺจเยน   ปจฺจโย:    กพฬึกาโร    อาหาโร   อิมสฺส  กายสฺส
อาหารปจฺจเยน ปจฺจโย ฯ
     [๓๑]   สารมฺมโณ    ธมฺโม   สารมฺมณสฺส   ธมฺมสฺส   อินฺทฺริย-
ปจฺจเยน   ปจฺจโย:   ตีณิ   ฯ   อนารมฺมโณ   ธมฺโม   อนารมฺมณสฺส
ธมฺมสฺส    อินฺทฺริยปจฺจเยน    ปจฺจโย:    รูปชีวิตินฺทฺริยํ   กฏตฺตารูปานํ
อินฺทฺริยปจฺจเยน    ปจฺจโย    ฯ    อนารมฺมโณ   ธมฺโม   สารมฺมณสฺส
ธมฺมสฺส    อินฺทฺริยปจฺจเยน    ปจฺจโย:    จกฺขุนฺทฺริยํ    จกฺขุวิญฺญาณสฺส
กายินฺทฺริยํ   กายวิญฺญาณสฺส  อินฺทฺริยปจฺจเยน  ปจฺจโย  ฯ  สารมฺมโณ  จ
อนารมฺมโณ    จ    ธมฺมา    สารมฺมณสฺส   ธมฺมสฺส   อินฺทฺริยปจฺจเยน
ปจฺจโย:      จกฺขุนฺทฺริยญฺจ     จกฺขุวิญฺญาณญฺจ     จกฺขุวิญฺญาณสหคตานํ
ขนฺธานํ    อินฺทฺริยปจฺจเยน    ปจฺจโย    กายินฺทฺริยญฺจ   กายวิญฺญาณญฺจ
กายวิญฺญาณสหคตานํ ขนฺธานํ อินฺทฺริยปจฺจเยน ปจฺจโย ฯ
     [๓๒]   สารมฺมโณ   ธมฺโม   สารมฺมณสฺส  ธมฺมสฺส  ฌานปจฺจเยน
ปจฺจโย:    ตีณิ    มคฺคปจฺจเยน    ปจฺจโย:   ตีณิ   สมฺปยุตฺตปจฺจเยน
ปจฺจโย: เอกํ ฯ
     [๓๓]   สารมฺมโณ   ธมฺโม   อนารมฺมณสฺส   ธมฺมสฺส  วิปฺปยุตฺต-
ปจฺจเยน   ปจฺจโย:  สหชาตํ  ปจฺฉาชาตํ  ฯ  สงฺขิตฺตํ  ฯ  อนารมฺมโณ
ธมฺโม   สารมฺมณสฺส   ธมฺมสฺส   วิปฺปยุตฺตปจฺจเยน   ปจฺจโย:   สหชาตํ
ปุเรชาตํ   ฯ    สหชาตํ:   ปฏิสนฺธิกฺขเณ   วตฺถุ  สารมฺมณานํ  ขนฺธานํ
วิปฺปยุตฺตปจฺจเยน   ปจฺจโย   ฯ   ปุเรชาตํ:  จกฺขายตนํ  จกฺขุวิญฺญาณสฺส
กายายตนํ กายวิญฺญาณสฺส วิปฺปยุตฺตปจฺจเยน ปจฺจโย ฯ
     [๓๔]   สารมฺมโณ   ธมฺโม   สารมฺมณสฺส  ธมฺมสฺส  อตฺถิปจฺจเยน
ปจฺจโย:   สารมฺมโณ   เอโก   ขนฺโธ  ติณฺณนฺนํ  ขนฺธานํ  อตฺถิปจฺจเยน
ปจฺจโย  เทฺว  ขนฺธา  ...  ปฏิสนฺธิ  ฯ  สารมฺมโณ ธมฺโม อนารมฺมณสฺส
ธมฺมสฺส   อตฺถิปจฺจเยน   ปจฺจโย:  สหชาตํ  ปจฺฉาชาตํ  ฯ  สงฺขิตฺตํ  ฯ
สารมฺมโณ    ธมฺโม    สารมฺมณสฺส   จ   อนารมฺมณสฺส   จ   ธมฺมสฺส
อตฺถิปจฺจเยน    ปจฺจโย:    ปฏิจฺจสทิสํ    ฯ    อนารมฺมโณ    ธมฺโม
อนารมฺมณสฺส    ธมฺมสฺส    อตฺถิปจฺจเยน    ปจฺจโย:    เอกํ  มหาภูตํ
ยาว   อสญฺญสตฺตา   ฯ   อนารมฺมโณ   ธมฺโม   สารมฺมณสฺส   ธมฺมสฺส
อตฺถิปจฺจเยน   ปจฺจโย:  สหชาตํ  ปุเรชาตํ  ฯ  สหชาตํ:  ปฏิสนฺธิกฺขเณ
วตฺถุ   สารมฺมณานํ   ขนฺธานํ    อตฺถิปจฺจเยน  ปจฺจโย   ฯ  ปุเรชาตํ:
จกฺขุํ  ...  วตฺถุํ   อนิจฺจโต   ฯเปฯ   โทมนสฺสํ   อุปฺปชฺชติ   ทิพฺเพน
จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ  รูปายตนํ
จกฺขุวิญฺญาณสฺส      โผฏฺฐพฺพายตนํ      กายวิญฺญาณสฺส      จกฺขายตนํ
จกฺขุวิญฺญาณสฺส     กายายตนํ    กายวิญฺญาณสฺส    วตฺถุ    สารมฺมณานํ
ขนฺธานํ อตฺถิปจฺจเยน ปจฺจโย ฯ
     {๓๔.๑}   สารมฺมโณ   จ   อนารมฺมโณ   จ   ธมฺมา สารมฺมณสฺส
ธมฺมสฺส  อตฺถิปจฺจเยน  ปจฺจโย:   สหชาตํ   ปุเรชาตํ   ฯ   สหชาโต:
จกฺขุวิญฺญาณสหคโต     เอโก    ขนฺโธ    จ   จกฺขายตนญฺจ   ติณฺณนฺนํ
ขนฺธานํ   อตฺถิปจฺจเยน  ปจฺจโย  เทฺว  ขนฺธา  ...  กายวิญฺญาณสหคโต
เอโก    ขนฺโธ    จ   กายายตนญฺจ   ติณฺณนฺนํ  ขนฺธานํ  อตฺถิปจฺจเยน
ปจฺจโย  เทฺว  ขนฺธา  ...  สารมฺมโณ  เอโก ขนฺโธ จ วตฺถุ จ ติณฺณนฺนํ
ขนฺธานํ อตฺถิปจฺจเยน ปจฺจโย เทฺว ขนฺธา ... ปฏิสนฺธิ ฯ
     {๓๔.๒}   สารมฺมโณ   จ   อนารมฺมโณ  จ  ธมฺมา  อนารมฺมณสฺส
ธมฺมสฺส  อตฺถิปจฺจเยน  ปจฺจโย:  สหชาตํ  ปจฺฉาชาตํ  อาหารํ อินฺทฺริยํ ฯ
สหชาตา:  สารมฺมณา  ขนฺธา  จ  มหาภูตา  จ  จิตฺตสมุฏฺฐานานํ  รูปานํ
อตฺถิปจฺจเยน  ปจฺจโย  ปฏิสนฺธิ  ฯ  ปจฺฉาชาตา:  สารมฺมณา  ขนฺธา  จ
กพฬึกาโร  อาหาโร  จ อิมสฺส กายสฺส อตฺถิปจฺจเยน ปจฺจโย ปจฺฉาชาตา:
สารมฺมณา   ขนฺธา   จ   รูปชีวิตินฺทฺริยญฺจ   กฏตฺตารูปานํ  อตฺถิปจฺจเยน
ปจฺจโย ฯ
     [๓๕]   เหตุยา  ตีณิ  อารมฺมเณ  เทฺว  อธิปติยา จตฺตาริ อนนฺตเร
เอกํ   สมนนฺตเร  เอกํ  สหชาเต  สตฺต  อญฺญมญฺเญ  ฉ  นิสฺสเย  สตฺต
อุปนิสฺสเย   เทฺว  ปุเรชาเต  เอกํ  ปจฺฉาชาเต  เอกํ  อาเสวเน เอกํ
กมฺเม  ตีณิ   วิปาเก   ตีณิ  อาหาเร  จตฺตาริ  อินฺทฺริเย  ฉ ฌาเน ตีณิ
มคฺเค  ตีณิ  สมฺปยุตฺเต  เอกํ  วิปฺปยุตฺเต  เทฺว  อตฺถิยา  สตฺต  นตฺถิยา
เอกํ วิคเต เอกํ อวิคเต สตฺต ฯ
     [๓๖]   สารมฺมโณ  ธมฺโม  สารมฺมณสฺส  ธมฺมสฺส  อารมฺมณปจฺจเยน
ปจฺจโย:    สหชาตปจฺจเยน    ปจฺจโย:   อุปนิสฺสยปจฺจเยน   ปจฺจโย:
กมฺมปจฺจเยน   ปจฺจโย:   ฯ  สารมฺมโณ  ธมฺโม  อนารมฺมณสฺส  ธมฺมสฺส
สหชาตปจฺจเยน   ปจฺจโย:   ปจฺฉาชาตปจฺจเยน  ปจฺจโย:  กมฺมปจฺจเยน
ปจฺจโย:   ฯ  สารมฺมโณ  ธมฺโม   สารมฺมณสฺส   จ   อนารมฺมณสฺส  จ
ธมฺมสฺส    สหชาตปจฺจเยน    ปจฺจโย:   กมฺมปจฺจเยน   ปจฺจโย:   ฯ
อนารมฺมโณ     ธมฺโม     อนารมฺมณสฺส     ธมฺมสฺส   สหชาตปจฺจเยน
ปจฺจโย: อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
     {๓๖.๑}   อนารมฺมโณ     ธมฺโม     สารมฺมณสฺส    ธมฺมสฺส
อารมฺมณปจฺจเยน       ปจฺจโย:       สหชาตปจฺจเยน      ปจฺจโย:
อุปนิสฺสยปจฺจเยน     ปจฺจโย:     ปุเรชาตปจฺจเยน    ปจฺจโย:    ฯ
สารมฺมโณ    จ    อนารมฺมโณ    จ   ธมฺมา   สารมฺมณสฺส   ธมฺมสฺส
สหชาตปจฺจเยน     ปจฺจโย:     ปุเรชาตปจฺจเยน    ปจฺจโย:     ฯ
สารมฺมโณ    จ    อนารมฺมโณ   จ   ธมฺมา   อนารมฺมณสฺส   ธมฺมสฺส
สหชาตปจฺจเยน       ปจฺจโย:      ปจฺฉาชาตปจฺจเยน      ปจฺจโย:
อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
     [๓๗]   นเหตุยา   สตฺต  นอารมฺมเณ  สตฺต  ฯเปฯ  นสมนนฺตเร
สตฺต   นสหชาเต   ฉ   นอญฺญมญฺเญ   ฉ   นนิสฺสเย   ฉ  นอุปนิสฺสเย
สตฺต    นปุเรชาเต    สตฺต   นปจฺฉาชาเต   สตฺต   ฯเปฯ   นมคฺเค
สตฺต    นสมฺปยุตฺเต   ฉ   นวิปฺปยุตฺเต   ปญฺจ   โนอตฺถิยา    จตฺตาริ
โนนตฺถิยา สตฺต โนวิคเต สตฺต โนอวิคเต จตฺตาริ ฯ
     [๓๘]   เหตุปจฺจยา   นอารมฺมเณ   ตีณิ  ...  นอธิปติยา  ฯเปฯ
นสมนนฺตเร    ตีณิ   นอญฺญมญฺเญ   เอกํ   นอุปนิสฺสเย   ตีณิ    ฯเปฯ
นมคฺเค   ตีณิ   นสมฺปยุตฺเต   เอกํ  นวิปฺปยุตฺเต  เอกํ  โนนตฺถิยา  ตีณิ
โนวิคเต ตีณิ ฯ
     [๓๙]   นเหตุปจฺจยา  อารมฺมเณ  เทฺว  ...  อธิปติยา  จตฺตาริ
อนนฺตเร เอกํ ฯ อนุโลมมาติกา กาตพฺพา ฯ ... อวิคเต สตฺต ฯ
                                สารมฺมณทุกํ นิฏฺฐิตํ ฯ
                                      ----------
                                       จิตฺตทุกํ
                                      ปฏิจฺจวาโร
     [๔๐]   จิตฺตํ  ธมฺมํ  ปฏิจฺจ  โนจิตฺโต ธมฺโม อุปฺปชฺชติ เหตุปจฺจยา:
จิตฺตํ   ปฏิจฺจ   สมฺปยุตฺตกา   ขนฺธา   จิตฺตสมุฏฺฐานญฺจ  รูปํ  ปฏิสนฺธิกฺ-
ขเณ  จิตฺตํ  ปฏิจฺจ  สมฺปยุตฺตกา  ขนฺธา  กฏตฺตา  จ  รูปํ  ฯ  โนจิตฺตํ
ธมฺมํ   ปฏิจฺจ  โนจิตฺโต  ธมฺโม  อุปฺปชฺชติ  เหตุปจฺจยา:  โนจิตฺตํ  เอกํ
ขนฺธํ   ปฏิจฺจ  เทฺว  ขนฺธา  จิตฺตสมุฏฺฐานญฺจ  รูปํ  เทฺว  ขนฺเธ  ปฏิจฺจ
เอโก   ขนฺโธ   จิตฺตสมุฏฺฐานญฺจ   รูปํ   ปฏิสนฺธิกฺขเณ   ขนฺเธ  ปฏิจฺจ
วตฺถุ  วตฺถุํ  ปฏิจฺจ  ขนฺธา  เอกํ  มหาภูตํ  ปฏิจฺจ  ฯเปฯ  โนจิตฺตํ ธมฺมํ
ปฏิจฺจ  จิตฺโต  ธมฺโม  อุปฺปชฺชติ  เหตุปจฺจยา:  โนจิตฺเต  ขนฺเธ  ปฏิจฺจ
จิตฺตํ   ปฏิสนฺธิกฺขเณ   โนจิตฺเต   ขนฺเธ   ปฏิจฺจ   จิตฺตํ  ปฏิสนฺธิกฺขเณ
วตฺถุํ ปฏิจฺจ จิตฺตํ ฯ
     {๔๐.๑}   โนจิตฺตํ  ธมฺมํ  ปฏิจฺจ  จิตฺโต   จ โนจิตฺโต  จ  ธมฺมา
อุปฺปชฺชนฺติ   เหตุปจฺจยา:   โนจิตฺตํ   เอกํ  ขนฺธํ  ปฏิจฺจ  เทฺว  ขนฺธา
จิตฺตญฺจ    จิตฺตสมุฏฺฐานญฺจ    รูปํ    เทฺว  ขนฺเธ  ...  ปฏิสนฺธิกฺขเณ
โนจิตฺตํ   เอกํ   ขนฺธํ  ปฏิจฺจ  เทฺว  ขนฺธา  จิตฺตญฺจ  กฏตฺตา  จ  รูปํ
เทฺว   ขนฺเธ   ปฏิจฺจ   เอโก   ขนฺโธ   จิตฺตญฺจ   กฏตฺตา   จ  รูปํ
ปฏิสนฺธิกฺขเณ   วตฺถุํ   ปฏิจฺจ   จิตฺตญฺจ   สมฺปยุตฺตกา   จ   ขนฺธา  ฯ
จิตฺตญฺจ    โนจิตฺตญฺจ    ธมฺมํ   ปฏิจฺจ   โนจิตฺโต   ธมฺโม   อุปฺปชฺชติ
เหตุปจฺจยา:   โนจิตฺตํ   เอกํ   ขนฺธญฺจ  จิตฺตญฺจ  ปฏิจฺจ  เทฺว  ขนฺธา
จิตฺตสมุฏฺฐานญฺจ   รูปํ  เทฺว  ขนฺเธ  ...  ปฏิสนฺธิกฺขเณ  โนจิตฺตํ  เอกํ
ขนฺธญฺจ   จิตฺตญฺจ  ปฏิจฺจ  เทฺว  ขนฺธา  กฏตฺตา  จ  รูปํ  เทฺว  ขนฺเธ
... ปฏิสนฺธิกฺขเณ จิตฺตญฺจ วตฺถุญฺจ ปฏิจฺจ โนจิตฺตา ขนฺธา ฯ
     [๔๑]   จิตฺตํ  ธมฺมํ  ปฏิจฺจ  โนจิตฺโต  ธมฺโม  อุปฺปชฺชติ อารมฺมณ-
ปจฺจยา:   จิตฺตํ   ปฏิจฺจ   สมฺปยุตฺตกา   ขนฺธา  ปฏิสนฺธิกฺขเณ  ฯเปฯ
โนจิตฺตํ   ธมฺมํ   ปฏิจฺจ   โนจิตฺโต  ธมฺโม  อุปฺปชฺชติ  อารมฺมณปจฺจยา:
โนจิตฺตํ  เอกํ  ขนฺธํ  ปฏิจฺจ  เทฺว  ขนฺธา เทฺว ขนฺเธ ... ปฏิสนฺธิกฺขเณ
วตฺถุํ  ปฏิจฺจ  ขนฺธา  ฯ  โนจิตฺตํ  ธมฺมํ  ปฏิจฺจ  จิตฺโต  ธมฺโม อุปฺปชฺชติ
อารมฺมณปจฺจยา:    โนจิตฺเต    ขนฺเธ   ปฏิจฺจ   จิตฺตํ   ปฏิสนฺธิกฺขเณ
โนจิตฺเต ขนฺเธ ปฏิจฺจ จิตฺตํ ปฏิสนฺธิกฺขเณ วตฺถุํ ปฏิจฺจ จิตฺตํ ฯ
     {๔๑.๑}   โนจิตฺตํ   ธมฺมํ   ปฏิจฺจ  จิตฺโต  จ  โนจิตฺโต จ ธมฺมา
อุปฺปชฺชนฺติ  อารมฺมณปจฺจยา:  โนจิตฺตํ  เอกํ  ขนฺธํ  ปฏิจฺจ  เทฺว  ขนฺธา
จิตฺตญฺจ  เทฺว  ขนฺเธ  ปฏิจฺจ  ...  ปฏิสนฺธิกฺขเณ  โนจิตฺตํ  เอกํ  ขนฺธํ
ปฏิจฺจ   เทฺว   ขนฺธา   จิตฺตญฺจ   เทฺว  ขนฺเธ ... ปฏิสนฺธิกฺขเณ วตฺถุํ
ปฏิจฺจ   จิตฺตญฺจ   สมฺปยุตฺตกา   จ   ขนฺธา  ฯ   จิตฺตญฺจ   โนจิตฺตญฺจ
ธมฺมํ   ปฏิจฺจ   โนจิตฺโต   ธมฺโม  อุปฺปชฺชติ  อารมฺมณปจฺจยา:  โนจิตฺตํ
เอกํ  ขนฺธญฺจ  จิตฺตญฺจ  ปฏิจฺจ เทฺว ขนฺธา เทฺว ขนฺเธ ... ปฏิสนฺธิกฺขเณ
จิตฺตญฺจ วตฺถุญฺจ ปฏิจฺจ โนจิตฺตา ขนฺธา ฯ สงฺขิตฺตํ ฯ
     [๔๒]   เหตุยา  ปญฺจ  อารมฺมเณ  ปญฺจ  อธิปติยา  ปญฺจ อนนฺตเร
ปญฺจ   สมนนฺตเร   ปญฺจ   สหชาเต   ปญฺจ  อญฺญมญฺเญ  ปญฺจ  นิสฺสเย
ปญฺจ  อุปนิสฺสเย  ปญฺจ  ปุเรชาเต  ปญฺจ  อาเสวเน  ปญฺจ  กมฺเม ปญฺจ
วิปาเก  ปญฺจ  อาหาเร  ปญฺจ  อินฺทฺริเย  ปญฺจ  ฌาเน ปญฺจ มคฺเค ปญฺจ
สมฺปยุตฺเต  ปญฺจ  วิปฺปยุตฺเต  ปญฺจ  อตฺถิยา  ปญฺจ  นตฺถิยา  ปญฺจ วิคเต
ปญฺจ อวิคเต ปญฺจ ฯ
     [๔๓]   จิตฺตํ  ธมฺมํ  ปฏิจฺจ โนจิตฺโต ธมฺโม อุปฺปชฺชติ นเหตุปจฺจยา:
อเหตุกํ    จิตฺตํ    ปฏิจฺจ    สมฺปยุตฺตกา    ขนฺธา    จิตฺตสมุฏฺฐานญฺจ
รูปํ    อเหตุกปฏิสนฺธิกฺขเณ     จิตฺตํ     วิจิกิจฺฉาสหคตํ   อุทฺธจฺจสหคตํ
จิตฺตํ   ปฏิจฺจ   วิจิกิจฺฉาสหคโต   อุทฺธจฺจสหคโต   โมโห   ฯ  โนจิตฺตํ
ธมฺมํ    ปฏิจฺจ    โนจิตฺโต   ธมฺโม  อุปฺปชฺชติ  นเหตุปจฺจยา:  อเหตุกํ
โนจิตฺตํ   เอกํ   ขนฺธํ   ปฏิจฺจ   เทฺว   ขนฺธา   จิตฺตสมุฏฺฐานญฺจ  รูปํ
เทฺว  ขนฺเธ   ...  อเหตุกปฏิสนฺธิ  ยาว  อสญฺญสตฺตา  วิจิกิจฺฉาสหคเต
อุทฺธจฺจสหคเต     ขนฺเธ    ปฏิจฺจ    วิจิกิจฺฉาสหคโต   อุทฺธจฺจสหคโต
โมโห ฯ
     {๔๓.๑}   โนจิตฺตํ   ธมฺมํ   ปฏิจฺจ   จิตฺโต   ธมฺโม   อุปฺปชฺชติ
นเหตุปจฺจยา:   อเหตุเก   โนจิตฺเต   ขนฺเธ   ปฏิจฺจ  จิตฺตํ  อเหตุก-
ปฏิสนฺธิกฺขเณ   โนจิตฺเต   ขนฺเธ   ปฏิจฺจ   จิตฺตํ  อเหตุกปฏิสนฺธิกฺขเณ
วตฺถุํ  ปฏิจฺจ  จิตฺตํ  ฯ  โนจิตฺตํ  ธมฺมํ  ปฏิจฺจ  จิตฺโต  จ  โนจิตฺโต  จ
ธมฺมา   อุปฺปชฺชนฺติ   นเหตุปจฺจยา:   อเหตุกํ   โนจิตฺตํ   เอกํ   ขนฺธํ
ปฏิจฺจ   เทฺว   ขนฺธา   จิตฺตญฺจ   จิตฺตสมุฏฺฐานญฺจ   รูปํ   เทฺว ขนฺเธ
ฯเปฯ   อเหตุกปฏิสนฺธิกฺขเณ   วตฺถุํ   ปฏิจฺจ   จิตฺตญฺจ  สมฺปยุตฺตกา  จ
ขนฺธา ฯ
     {๔๓.๒}   จิตฺตญฺจ   โนจิตฺตญฺจ   ธมฺมํ  ปฏิจฺจ  โนจิตฺโต  ธมฺโม
อุปฺปชฺชติ   นเหตุปจฺจยา:   อเหตุกํ   โนจิตฺตํ   เอกํ  ขนฺธญฺจ  จิตฺตญฺจ
ปฏิจฺจ  เทฺว  ขนฺธา  จิตฺตสมุฏฺฐานญฺจ  รูปํ  เทฺว  ขนฺเธ  ... อเหตุก-
ปฏิสนฺธิกฺขเณ    โนจิตฺตํ    เอกํ     ขนฺธญฺจ   จิตฺตญฺจ  ปฏิจฺจ  เทฺว
ขนฺธา  กฏตฺตา  จ  รูปํ  เทฺว  ขนฺเธ  ... อเหตุกปฏิสนฺธิกฺขเณ จิตฺตญฺจ
วตฺถุญฺจ    ปฏิจฺจ    โนจิตฺตา   ขนฺธา   วิจิกิจฺฉาสหคตํ   อุทฺธจฺจสหคตํ
จิตฺตญฺจ   สมฺปยุตฺตเก   จ   ขนฺเธ   ปฏิจฺจ  วิจิกิจฺฉาสหคโต  อุทฺธจฺจ-
สหคโต โมโห ฯ
     [๔๔]   จิตฺตํ  ธมฺมํ  ปฏิจฺจ  โนจิตฺโต  ธมฺโม อุปฺปชฺชติ นอารมฺมณ-
ปจฺจยา:  จิตฺตํ  ปฏิจฺจ  จิตฺตสมุฏฺฐานํ  รูปํ  ปฏิสนฺธิ  ฯ  โนจิตฺตํ  ธมฺมํ
ปฏิจฺจ    โนจิตฺโต    ธมฺโม   อุปฺปชฺชติ   นอารมฺมณปจฺจยา:  โนจิตฺเต
ขนฺเธ   ปฏิจฺจ   จิตฺตสมุฏฺฐานํ   รูปํ   ปฏิสนฺธิ  ยาว  อสญฺญสตฺตา   ฯ
จิตฺตญฺจ    โนจิตฺตญฺจ    ธมฺมํ   ปฏิจฺจ   โนจิตฺโต   ธมฺโม   อุปฺปชฺชติ
นอารมฺมณปจฺจยา:    จิตฺตญฺจ   สมฺปยุตฺตเก   จ  ขนฺเธ  ปฏิจฺจ  จิตฺต-
สมุฏฺฐานํ   รูปํ   จิตฺตญฺจ   มหาภูเต   จ   ปฏิจฺจ  จิตฺตสมุฏฺฐานํ  รูปํ
ปฏิสนฺธิกฺขเณ   จิตฺตญฺจ   สมฺปยุตฺตเก   จ   ขนฺเธ   ปฏิจฺจ  กฏตฺตารูปํ
จิตฺตญฺจ มหาภูเต จ ปฏิจฺจ กฏตฺตารูปํ ฯ
     [๔๕]   โนจิตฺตํ   ธมฺมํ   ปฏิจฺจ   โนจิตฺโต   ธมฺโม   อุปฺปชฺชติ
นอธิปติปจฺจยา:      ปญฺจ      ฯ      นอนนฺตรปจฺจยา:      ฯเปฯ
นอุปนิสฺสยปจฺจยา: ตีณิ ฯ
     [๔๖]   จิตฺตํ  ธมฺมํ  ปฏิจฺจ  โนจิตฺโต  ธมฺโม อุปฺปชฺชติ นปุเรชาต-
ปจฺจยา:   อรูเป   จิตฺตํ   ปฏิจฺจ   สมฺปยุตฺตกา  ขนฺธา  จิตฺตํ  ปฏิจฺจ
จิตฺตสมุฏฺฐานํ   รูปํ   ปฏิสนฺธิกฺขเณ   จิตฺตํ   ปฏิจฺจ  สมฺปยุตฺตกา  ขนฺธา
กฏตฺตา  จ  รูปํ  ฯ   โนจิตฺตํ  ธมฺมํ  ปฏิจฺจ  โนจิตฺโต  ธมฺโม อุปฺปชฺชติ
นปุเรชาตปจฺจยา:  อรูเป  โนจิตฺตํ  เอกํ  ขนฺธํ  ปฏิจฺจ เทฺว ขนฺธา เทฺว
ขนฺเธ  ฯเปฯ  โนจิตฺเต  ขนฺเธ  ปฏิจฺจ  จิตฺตสมุฏฺฐานํ  รูปํ ปฏิสนฺธิ ยาว
อสญฺญสตฺตา   ฯ   โนจิตฺตํ   ธมฺมํ   ปฏิจฺจ   จิตฺโต   ธมฺโม  อุปฺปชฺชติ
นปุเรชาตปจฺจยา:  อรูเป  โนจิตฺเต  ขนฺเธ  ปฏิจฺจ  จิตฺตํ  ปฏิสนฺธิกฺขเณ
วตฺถุํ ปฏิจฺจ จิตฺตํ ฯ
     {๔๖.๑}   โนจิตฺตํ   ธมฺมํ   ปฏิจฺจ   จิตฺโต  จ โนจิตฺโต จ ธมฺมา
อุปฺปชฺชนฺติ   นปุเรชาตปจฺจยา:    อรูเป   โนจิตฺตํ  เอกํ  ขนฺธํ  ปฏิจฺจ
เทฺว    ขนฺธา    จิตฺตญฺจ    ปฏิสนฺธิกฺขเณ   วตฺถุํ    ปฏิจฺจ   จิตฺตญฺจ
สมฺปยุตฺตกา  จ  ขนฺธา  ฯ  จิตฺตญฺจ  โนจิตฺตญฺจ  ธมฺมํ  ปฏิจฺจ  โนจิตฺโต
ธมฺโม   อุปฺปชฺชติ   นปุเรชาตปจฺจยา:   อรูเป  โนจิตฺตํ  เอกํ  ขนฺธญฺจ
จิตฺตญฺจ  ปฏิจฺจ  เทฺว  ขนฺธา เทฺว ขนฺเธ ... โนจิตฺเต ขนฺเธ จ จิตฺตญฺจ
ปฏิจฺจ   จิตฺตสมุฏฺฐานํ  รูปํ  จิตฺตญฺจ  มหาภูเต  จ  ปฏิจฺจ  จิตฺตสมุฏฺฐานํ
รูปํ    ปฏิสนฺธิกฺขเณ    จิตฺตญฺจ    วตฺถุญฺจ   ปฏิจฺจ   โนจิตฺตา  ขนฺธา
ปฏิสนฺธิกฺขเณ   จิตฺตญฺจ   สมฺปยุตฺตเก   ขนฺเธ   จ   ปฏิจฺจ  กฏตฺตารูปํ
จิตฺตญฺจ   มหาภูเต   จ   ปฏิจฺจ   กฏตฺตารูปํ   ฯ  นปจฺฉาชาตปจฺจยา:
นอาเสวนปจฺจยา: ฯ
     [๔๗]   จิตฺตํ  ธมฺมํ  ปฏิจฺจ โนจิตฺโต ธมฺโม อุปฺปชฺชติ นกมฺมปจฺจยา:
จิตฺตํ  ปฏิจฺจ  สมฺปยุตฺตกา  เจตนา  ฯ  โนจิตฺตํ  ธมฺมํ  ปฏิจฺจ  โนจิตฺโต
ธมฺโม   อุปฺปชฺชติ  นกมฺมปจฺจยา:  โนจิตฺเต  ขนฺเธ  ปฏิจฺจ  สมฺปยุตฺตกา
เจตนา  พาหิรํ ...  อาหารสมุฏฺฐานํ ...  อุตุสมุฏฺฐานํ ... ฯ  จิตฺตญฺจ
โนจิตฺตญฺจ   ธมฺมํ   ปฏิจฺจ   โนจิตฺโต  ธมฺโม  อุปฺปชฺชติ  นกมฺมปจฺจยา:
โนจิตฺเต ขนฺเธ จ จิตฺตญฺจ ปฏิจฺจ สมฺปยุตฺตกา เจตนา ฯ สงฺขิตฺตํ ฯ
     [๔๘]   นเหตุยา  ปญฺจ  นอารมฺมเณ ตีณิ นอธิปติยา ปญฺจ นอนนฺตเร
ตีณิ   นสมนฺตเร   ตีณิ  นอญฺญมญฺเญ  ตีณิ  นอุปนิสฺสเย  ตีณิ  นปุเรชาเต
ปญฺจ   นปจฺฉาชาเต   ปญฺจ  นอาเสวเน   ปญฺจ  นกมฺเม  ตีณิ นวิปาเก
ปญฺจ   นอาหาเร   เอกํ  นอินฺทฺริเย   เอกํ  นฌาเน ปญฺจ นมคฺเค ปญฺจ
นสมฺปยุตฺเต ตีณิ นวิปฺปยุตฺเต ปญฺจ โนนตฺถิยา ตีณิ โนวิคเต ตีณิ ฯ
     [๔๙]   เหตุปจฺจยา นอารมฺมเณ ตีณิ ... นอธิปติยา ปญฺจ ฯ
                                      สงฺขิตฺตํ ฯ
     [๕๐]   นเหตุปจฺจยา    อารมฺมเณ  ปญฺจ  ...  อนนฺตเร  ปญฺจ
สพฺพตฺถ ปญฺจ มคฺเค ตีณิ อวิคเต ปญฺจ ฯ
                          สหชาตวาโร ปฏิจฺจวารสทิโส ฯ
                                     ปจฺจยวาโร
     [๕๑]   จิตฺตํ  ธมฺมํ  ปจฺจยา โนจิตฺโต ธมฺโม อุปฺปชฺชติ เหตุปจฺจยา:
จิตฺตํ   ปจฺจยา   สมฺปยุตฺตกา  ขนฺธา  จิตฺตสมุฏฺฐานญฺจ  รูปํ  ปฏิสนฺธิ  ฯ
โนจิตฺตํ   ธมฺมํ   ปจฺจยา   โนจิตฺโต   ธมฺโม   อุปฺปชฺชติ  เหตุปจฺจยา:
โนจิตฺตํ  เอกํ  ขนฺธํ  ปจฺจยา  เทฺว  ขนฺธา  จิตฺตสมุฏฺฐานญฺจ  รูปํ  เทฺว
ขนฺเธ   ฯเปฯ   ปฏิสนฺธิ   ยาว   มหาภูตา  วตฺถุํ   ปจฺจยา  โนจิตฺตา
ขนฺธา  ฯ  โนจิตฺตํ   ธมฺมํ   ปจฺจยา   จิตฺโต   ธมฺโม  อุปฺปชฺชติ เหตุ-
ปจฺจยา:   โนจิตฺเต   ขนฺเธ   ปจฺจยา   จิตฺตํ  วตฺถุํ   ปจฺจยา  จิตฺตํ
ปฏิสนฺธิกฺขเณ   โนจิตฺเต   ขนฺเธ   ปจฺจยา   จิตฺตํ  ปฏิสนฺธิกฺขเณ  วตฺถุํ
ปจฺจยา จิตฺตํ ฯ
     {๕๑.๑}   โนจิตฺตํ   ธมฺมํ   ปจฺจยา  จิตฺโต  จ โนจิตฺโต จ ธมฺมา
อุปฺปชฺชนฺติ   เหตุปจฺจยา:  โนจิตฺตํ   เอกํ   ขนฺธํ   ปจฺจยา เทฺว ขนฺธา
จิตฺตญฺจ  จิตฺตสมุฏฺฐานญฺจ  รูปํ  เทฺว  ขนฺเธ  ...  วตฺถุํ ปจฺจยา จิตฺตญฺจ
สมฺปยุตฺตกา   จ    ขนฺธา  ปฏิสนฺธิกฺขเณ  โนจิตฺตํ  เอกํ  ขนฺธํ  ปจฺจยา
เทฺว   ขนฺธา   จิตฺตญฺจ  กฏตฺตา  จ  รูปํ เทฺว ขนฺเธ ... ปฏิสนฺธิกฺขเณ
วตฺถุํ  ปจฺจยา  จิตฺตญฺจ  สมฺปยุตฺตกา  จ  ขนฺธา  ฯ  จิตฺตญฺจ  โนจิตฺตญฺจ
ธมฺมํ   ปจฺจยา   โนจิตฺโต   ธมฺโม   อุปฺปชฺชติ   เหตุปจฺจยา:  โนจิตฺตํ
เอกํ   ขนฺธญฺจ   จิตฺตญฺจ   ปจฺจยา  เทฺว  ขนฺธา  จิตฺตสมุฏฺฐานญฺจ  รูปํ
เทฺว  ขนฺเธ  ...  จิตฺตญฺจ  วตฺถุญฺจ  ปจฺจยา โนจิตฺตา ขนฺธา ปฏิสนฺธิกฺ-
ขเณ   โนจิตฺตํ   เอกํ   ขนฺธญฺจ   จิตฺตญฺจ   ปจฺจยา   เทฺว   ขนฺธา
กฏตฺตา   จ   รูปํ  เทฺว  ขนฺเธ  ...  ปฏิสนฺธิกฺขเณ  จิตฺตญฺจ  วตฺถุญฺจ
ปจฺจยา โนจิตฺตา ขนฺธา ฯ
     [๕๒]   จิตฺตํ    ธมฺมํ   ปจฺจยา   โนจิตฺโต   ธมฺโม   อุปฺปชฺชติ
อารมฺมณปจฺจยา:    เอกํ   ปฏิจฺจสทิสํ   ฯ   โนจิตฺตํ   ธมฺมํ   ปจฺจยา
โนจิตฺโต    ธมฺโม    อุปฺปชฺชติ    อารมฺมณปจฺจยา:    โนจิตฺตํ   เอกํ
ขนฺธํ   ปจฺจยา   เทฺว   ขนฺธา   เทฺว   ขนฺเธ   ฯเปฯ  ปฏิสนฺธิกฺขเณ
วตฺถุํ    ปจฺจยา    โนจิตฺตา    ขนฺธา   จกฺขายตนํ   ปจฺจยา   จกฺขุ-
วิญฺญาณสหคตา     ขนฺธา     กายายตนํ     ปจฺจยา    กายวิญฺญาณ-
สหคตา ขนฺธา วตฺถุํ ปจฺจยา โนจิตฺตา ขนฺธา ฯ
     {๕๒.๑}   โนจิตฺตํ   ธมฺมํ   ปจฺจยา   จิตฺโต   ธมฺโม  อุปฺปชฺชติ
อารมฺมณปจฺจยา:   โนจิตฺเต   ขนฺเธ   ปจฺจยา   จิตฺตํ  วตฺถุํ   ปจฺจยา
จิตฺตํ   ปฏิสนฺธิกฺขเณ   โนจิตฺเต   ขนฺเธ   ปจฺจยา  จิตฺตํ  ปฏิสนฺธิกฺขเณ
วตฺถุํ   ปจฺจยา   จิตฺตํ   จกฺขายตนํ   ปจฺจยา   จกฺขุวิญฺญาณํ  กายายตนํ
ปจฺจยา   กายวิญฺญาณํ  ฯ  โนจิตฺตํ  ธมฺมํ  ปจฺจยา  จิตฺโต  จ  โนจิตฺโต
จ  ธมฺมา  อุปฺปชฺชนฺติ  อารมฺมณปจฺจยา:  โนจิตฺตํ   เอกํ  ขนฺธํ  ปจฺจยา
เทฺว  ขนฺธา  จิตฺตญฺจ  เทฺว ขนฺเธ ... วตฺถุํ ปจฺจยา จิตฺตญฺจ สมฺปยุตฺตกา
จ   ขนฺธา   ปฏิสนฺธิกฺขเณ  วตฺถุํ   ปจฺจยา   จิตฺตญฺจ  สมฺปยุตฺตกา   จ
ขนฺธา    จกฺขายตนํ   ปจฺจยา   จกฺขุวิญฺญาณํ  สมฺปยุตฺตกา   จ   ขนฺธา
กายายตนํ   ปจฺจยา   กายวิญฺญาณํ  สมฺปยุตฺตกา  จ  ขนฺธา  ฯ  จิตฺตญฺจ
โนจิตฺตญฺจ  ธมฺมํ  ปจฺจยา  โนจิตฺโต  ธมฺโม  อุปฺปชฺชติ  อารมฺมณปจฺจยา:
โนจิตฺตํ   เอกํ   ขนฺธญฺจ  จิตฺตญฺจ  ปจฺจยา เทฺว ขนฺธา เทฺว ขนฺเธ ...
จิตฺตญฺจ   วตฺถุญฺจ    ปจฺจยา   โนจิตฺตา  ขนฺธา  ปฏิสนฺธิกฺขเณ  จิตฺตญฺจ
วตฺถุญฺจ    ปจฺจยา   โนจิตฺตา   ขนฺธา   จกฺขายตนญฺจ   จกฺขุวิญฺญาณญฺจ
ปจฺจยา จกฺขุวิญฺญาณสหคตา ขนฺธา กายายตนญฺจ ... สงฺขิตฺตํ ฯ
     [๕๓]   เหตุยา   ปญฺจ   อารมฺมเณ  ปญฺจ  อธิปติยา ปญฺจ สพฺพตฺถ
ปญฺจ อวิคเต ปญฺจ ฯ
     [๕๔]   จิตฺตํ  ธมฺมํ ปจฺจยา โนจิตฺโต ธมฺโม อุปฺปชฺชติ นเหตุปจฺจยา:
อเหตุกํ    จิตฺตํ   ปจฺจยา   สมฺปยุตฺตกา   ขนฺธา  จิตฺตสมุฏฺฐานญฺจ  รูปํ
อเหตุกปฏิสนฺธิกฺขเณ    วิจิกิจฺฉาสหคตํ    อุทฺธจฺจสหคตํ   จิตฺตํ   ปจฺจยา
วิจิกิจฺฉาสหคโต   อุทฺธจฺจสหคโต   โมโห   ฯ   โนจิตฺตํ  ธมฺมํ  ปจฺจยา
โนจิตฺโต  ธมฺโม  อุปฺปชฺชติ  นเหตุปจฺจยา:  อเหตุกํ  โนจิตฺตํ  เอกํ ขนฺธํ
ปจฺจยา  เทฺว  ขนฺธา จิตฺตสมุฏฺฐานญฺจ รูปํ เทฺว ขนฺเธ ... อเหตุกปฏิสนฺธิ
ยาว   อสญฺญสตฺตา   จกฺขายตนํ   ปจฺจยา   จกฺขุวิญฺญาณสหคตา   ขนฺธา
กายายตนํ  ปจฺจยา  กายวิญฺญาณสหคตา  ขนฺธา  วตฺถุํ  ปจฺจยา  อเหตุกา
โนจิตฺตา   ขนฺธา   วิจิกิจฺฉาสหคเต  อุทฺธจฺจสหคเต  ขนฺเธ  จ  วตฺถุญฺจ
ปจฺจยา วิจิกิจฺฉาสหคโต อุทฺธจฺจสหคโต โมโห ฯ
     {๕๔.๑}   โนจิตฺตํ   ธมฺมํ   ปจฺจยา   จิตฺโต   ธมฺโม   อุปฺปชฺชติ
นเหตุปจฺจยา:    อเหตุเก   โนจิตฺเต   ขนฺเธ   ปจฺจยา   จิตฺตํ  วตฺถุํ
ปจฺจยา    จิตฺตํ   อเหตุกปฏิสนฺธิ   ฯเปฯ   อเหตุกปฏิสนฺธิกฺขเณ   วตฺถุํ
ปจฺจยา     จิตฺตํ     จกฺขายตนํ    ปจฺจยา   จกฺขุวิญฺญาณํ   กายายตนํ
ปจฺจยา   ฯเปฯ  โนจิตฺตํ  ธมฺมํ  ปจฺจยา   จิตฺโต   จ   โนจิตฺโต   จ
ธมฺมา   อุปฺปชฺชนฺติ   นเหตุปจฺจยา:   อเหตุกํ   โนจิตฺตํ   เอกํ   ขนฺธํ
ปจฺจยา   เทฺว   ขนฺธา   จิตฺตญฺจ   จิตฺตสมุฏฺฐานญฺจ  รูปํ  เทฺว  ขนฺเธ
ฯเปฯ   วตฺถุํ  ปจฺจยา  จิตฺตญฺจ  สมฺปยุตฺตกา  จ  ขนฺธา  อเหตุกปฏิสนฺธิ
ฯเปฯ    อเหตุกปฏิสนฺธิกฺขเณ   วตฺถุํ   ปจฺจยา   จิตฺตญฺจ   สมฺปยุตฺตกา
จ   ขนฺธา   จกฺขายตนํ   ปจฺจยา   ฯเปฯ  กายายตนํ  ฯเปฯ  จิตฺตญฺจ
โนจิตฺตญฺจ    ธมฺมํ   ปจฺจยา   โนจิตฺโต   ธมฺโม   อุปฺปชฺชติ   นเหตุ-
ปจฺจยา:   อเหตุกํ   โนจิตฺตํ   เอกํ  ขนฺธญฺจ  จิตฺตญฺจ  ปจฺจยา  เทฺว
ขนฺธา   จิตฺตสมุฏฺฐานญฺจ   รูปํ   เทฺว  ขนฺเธ  ฯเปฯ  จิตฺตญฺจ  วตฺถุญฺจ
ปจฺจยา    โนจิตฺตา   ขนฺธา   อเหตุกปฏิสนฺธิกฺขเณ   จิตฺตญฺจ   วตฺถุญฺจ
ปจฺจยา    โนจิตฺตา   ขนฺธา   จกฺขายตนญฺจ   จกฺขุวิญฺญาณญฺจ   ปจฺจยา
จกฺขุวิญฺญาณสหคตา    ขนฺธา    กายายตนญฺจ   ฯเปฯ   วิจิกิจฺฉาสหคเต
อุทฺธจฺจสหคเต   ขนฺเธ  จ  จิตฺตญฺจ  ปจฺจยา  วิจิกิจฺฉาสหคโต  อุทฺธจฺจ-
สหคโต โมโห ฯ สงฺขิตฺตํ ฯ
     [๕๕]   นเหตุยา   ปญฺจ   นอารมฺมเณ   ตีณิ   นอธิปติยา  ปญฺจ
นอนนฺตเร      ตีณิ     นสมนนฺตเร     ตีณิ     นอญฺญมญฺเญ     ตีณิ
นอุปนิสฺสเย      ตีณิ    นปุเรชาเต    ปญฺจ    นปจฺฉาชาเต    ปญฺจ
นอาเสวเน   ปญฺจ   นกมฺเม   ตีณิ   นวิปาเก  ปญฺจ  นอาหาเร  เอกํ
นอินฺทฺริเย   เอกํ   นฌาเน   ปญฺจ   นมคฺเค   ปญฺจ  นสมฺปยุตฺเต  ตีณิ
นวิปฺปยุตฺเต ปญฺจ โนนตฺถิยา ตีณิ โนวิคเต ตีณิ ฯ
     [๕๖]   เหตุปจฺจยา นอารมฺมเณ ตีณิ ... นอธิปติยา ปญฺจ ฯ
                                      สงฺขิตฺตํ ฯ
     [๕๗]   นเหตุปจฺจยา   อารมฺมเณ   ปญฺจ  ...  อนนฺตเร  ปญฺจ
สพฺพตฺถ ปญฺจ มคฺเค ตีณิ อวิคเต ปญฺจ ฯ
                          นิสฺสยวาโร ปจฺจยวารสทิโส ฯ
                                     สํสฏฺฐวาโร
     [๕๘]   จิตฺตํ    ธมฺมํ   สํสฏฺโฐ   โนจิตฺโต   ธมฺโม   อุปฺปชฺชติ
เหตุปจฺจยา:    จิตฺตํ    สํสฏฺฐา   สมฺปยุตฺตกา   ขนฺธา   ปฏิสนฺธิกฺขเณ
ฯเปฯ    โนจิตฺตํ    ธมฺมํ    สํสฏฺโฐ    โนจิตฺโต   ธมฺโม   อุปฺปชฺชติ
เหตุปจฺจยา:  โนจิตฺตํ  เอกํ  ขนฺธํ  สํสฏฺฐา  เทฺว  ขนฺธา  เทฺว  ขนฺเธ
สํสฏฺโฐ   เอโก   ขนฺโธ   ปฏิสนฺธิ  ฯ  โนจิตฺตํ  ธมฺมํ  สํสฏฺโฐ  จิตฺโต
ธมฺโม   อุปฺปชฺชติ   เหตุปจฺจยา:   โนจิตฺเต    ขนฺเธ   สํสฏฺฐํ   จิตฺตํ
ปฏิสนฺธิ    ฯ   โนจิตฺตํ   ธมฺมํ   สํสฏฺโฐ   จิตฺโต   จ   โนจิตฺโต  จ
ธมฺมา   อุปฺปชฺชนฺติ   เหตุปจฺจยา:  โนจิตฺตํ  เอกํ  ขนฺธํ  สํสฏฺฐา  เทฺว
ขนฺธา   จิตฺตญฺจ  เทฺว  ขนฺเธ  ฯเปฯ  ปฏิสนฺธิ  ฯ  จิตฺตญฺจ  โนจิตฺตญฺจ
ธมฺมํ   สํสฏฺโฐ   โนจิตฺโต   ธมฺโม   อุปฺปชฺชติ   เหตุปจฺจยา:  โนจิตฺตํ
เอกํ   ขนฺธญฺจ   จิตฺตญฺจ   สํสฏฺฐา  เทฺว  ขนฺธา  เทฺว  ขนฺเธ  ฯเปฯ
ปฏิสนฺธิ ฯ สงฺขิตฺตํ ฯ
     [๕๙]   เหตุยา   ปญฺจ   อารมฺมเณ   ปญฺจ   อธิปติยา   ปญฺจ
สพฺพตฺถ ปญฺจ อวิคเต ปญฺจ ฯ สงฺขิตฺตํ ฯ
     [๖๐]   นเหตุยา   ปญฺจ   นอธิปติยา   ปญฺจ  นปุเรชาเต  ปญฺจ
นปจฺฉาชาเต    ปญฺจ   นอาเสวเน   ปญฺจ   นกมฺเม   ตีณิ   นวิปาเก
ปญฺจ    นฌาเน    ปญฺจ    นมคฺเค   ปญฺจ   นวิปฺปยุตฺเต   ปญฺจ   ฯ
เอวํ อิตเร เทฺว คณนาปิ สมฺปยุตฺตวาโรปิ สพฺเพ กาตพฺพา ฯ
                                    ปญฺหาวาโร
     [๖๑]   โนจิตฺโต  ธมฺโม  โนจิตฺตสฺส ธมฺมสฺส เหตุปจฺจเยน ปจฺจโย:
โนจิตฺตา     เหตู     สมฺปยุตฺตกานํ     ขนฺธานํ    จิตฺตสมุฏฺฐานานญฺจ
รูปานํ    เหตุปจฺจเยน    ปจฺจโย    ปฏิสนฺธิกฺขเณ    ฯเปฯ  โนจิตฺโต
ธมฺโม   จิตฺตสฺส   ธมฺมสฺส   เหตุปจฺจเยน   ปจฺจโย:  โนจิตฺตา   เหตู
จิตฺตสฺส    เหตุปจฺจเยน    ปจฺจโย    ปฏิสนฺธิ   ฯ   โนจิตฺโต  ธมฺโม
จิตฺตสฺส    จ    โนจิตฺตสฺส    จ   ธมฺมสฺส   เหตุปจฺจเยน   ปจฺจโย:
โนจิตฺตา    เหตู    สมฺปยุตฺตกานํ    ขนฺธานํ    จิตฺตสฺส   จ   จิตฺต-
สมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิ ฯ
     [๖๒]   จิตฺโต  ธมฺโม  จิตฺตสฺส  ธมฺมสฺส อารมฺมณปจฺจเยน ปจฺจโย:
จิตฺตํ   อารพฺภ   จิตฺตํ   อุปฺปชฺชติ  ฯ  มูลํ  กาตพฺพํ  ฯ  จิตฺตํ  อารพฺภ
โนจิตฺตา   ขนฺธา   อุปฺปชฺชนฺติ   ฯ   มูลํ   กาตพฺพํ   ฯ  จิตฺตํ อารพฺภ
จิตฺตญฺจ    สมฺปยุตฺตกา   จ   ขนฺธา   อุปฺปชฺชนฺติ  ฯ  โนจิตฺโต  ธมฺโม
โนจิตฺตสฺส    ธมฺมสฺส    อารมฺมณปจฺจเยน    ปจฺจโย:   ทานํ   ทตฺวา
สีลํ   สมาทิยิตฺวา    อุโปสถกมฺมํ   กตฺวา   ตํ  ปจฺจเวกฺขติ  อสฺสาเทติ
อภินนฺทติ    ตํ    อารพฺภ    ราโค    อุปฺปชฺชติ    ฯเปฯ   โทมนสฺสํ
อุปฺปชฺชติ   ปุพฺเพ   สุจิณฺณานิ   ...   ฌานา   วุฏฺฐหิตฺวา  ฌานํ  ...
อริยา   มคฺคา   วุฏฺฐหิตฺวา   มคฺคํ   ปจฺจเวกฺขนฺติ   ผลํ  ปจฺจเวกฺขนฺติ
นิพฺพานํ    ปจฺจเวกฺขนฺติ    นิพฺพานํ   โคตฺรภุสฺส   โวทานสฺส   มคฺคสฺส
ผลสฺส    อาวชฺชนาย   อารมฺมณปจฺจเยน   ปจฺจโย   อริยา   โนจิตฺเต
ปหีเน    กิเลเส   ปจฺจเวกฺขนฺติ   วิกฺขมฺภิเต   กิเลเส   ปจฺจเวกฺขนฺติ
ปุพฺเพ  สมุทาจิณฺเณ  กิเลเส  ชานนฺติ  จกฺขุํ  ...  วตฺถุํ  ... โนจิตฺเต
ขนฺเธ    อนิจฺจโต   ฯเปฯ   โทมนสฺสํ   อุปฺปชฺชติ   ทิพฺเพน   จกฺขุนา
รูปํ   ปสฺสติ   ทิพฺพาย   โสตธาตุยา   สทฺทํ   สุณาติ  เจโตปริยญาเณน
โนจิตฺตสมงฺคิสฺส     จิตฺตํ     ชานาติ     อากาสานญฺจายตนํ    ฯเปฯ
อากิญฺจญฺญายตนํ       ฯเปฯ       รูปายตนํ      จกฺขุวิญฺญาณสหคตานํ
ขนฺธานํ    โผฏฺฐพฺพายตนํ   ฯเปฯ   โนจิตฺตา   ขนฺธา   อิทฺธิวิธญาณสฺส
เจโตปริยญาณสฺส        ปุพฺเพนิวาสานุสฺสติญาณสฺส        ยถากมฺมุปค-
ญาณสฺส      อนาคตํสญาณสฺส      อาวชฺชนาย      อารมฺมณปจฺจเยน
ปจฺจโย ฯ
     {๖๒.๑}   โนจิตฺโต   ธมฺโม  จิตฺตสฺส  ธมฺมสฺส  อารมฺมณปจฺจเยน
ปจฺจโย:  ทานํ  ทตฺวา  ...  ปฐมคมนสทิสํ  นินฺนานากรณํ  ฯ  อิมํ นานํ
รูปายตนํ     จกฺขุวิญฺญาณสฺส     โผฏฺฐพฺพายตนํ    กายวิญฺญาณสฺส    ฯ
โนจิตฺตา   ขนฺธา  อิทฺธิวิธญาณสฺส  ฯเปฯ  อาวชฺชนาย  อารมฺมณปจฺจเยน
ปจฺจโย  ฯ  โนจิตฺโต  ธมฺโม  จิตฺตสฺส จ โนจิตฺตสฺส จ ธมฺมสฺส อารมฺมณ-
ปจฺจเยน  ปจฺจโย:  ทานํ  ทตฺวา  ...  ปฐมคมนสทิสํ  นินฺนานากรณํ ฯ
อิมํ    นานํ    รูปายตนํ    จกฺขุวิญฺญาณสฺส    สมฺปยุตฺตกานญฺจ  ขนฺธานํ
โผฏฺฐพฺพายตนํ     กายวิญฺญาณสฺส     สมฺปยุตฺตกานญฺจ    ขนฺธานํ    ฯ
โนจิตฺตา    ขนฺธา    อิทฺธิวิธญาณสฺส   ฯเปฯ   อาวชฺชนาย  อารมฺมณ-
ปจฺจเยน  ปจฺจโย  ฯ  จิตฺโต  จ  โนจิตฺโต  จ  ธมฺมา จิตฺตสฺส ธมฺมสฺส
อารมฺมณปจฺจเยน   ปจฺจโย:   จิตฺตญฺจ  สมฺปยุตฺตเก  จ  ขนฺเธ  อารพฺภ
จิตฺตํ ตีณิ ฯ
     [๖๓]   จิตฺโต  ธมฺโม  จิตฺตสฺส  ธมฺมสฺส  อธิปติปจฺจเยน  ปจฺจโย:
อารมฺมณาธิปติ:   จิตฺตํ  ครุํ  กตฺวา  จิตฺตํ  อุปฺปชฺชติ  ฯ  จิตฺโต  ธมฺโม
โนจิตฺตสฺส     ธมฺมสฺส     อธิปติปจฺจเยน    ปจฺจโย:   อารมฺมณาธิปติ
สหชาตาธิปติ    ฯ    อารมฺมณาธิปติ:   จิตฺตํ  ครุํ   กตฺวา   โนจิตฺตา
ขนฺธา    อุปฺปชฺชนฺติ    ฯ   สหชาตาธิปติ:   จิตฺตาธิปติ   สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๖๓.๑}   จิตฺโต  ธมฺโม  จิตฺตสฺส   จ  โนจิตฺตสฺส   จ   ธมฺมสฺส
อธิปติปจฺจเยน    ปจฺจโย:    อารมฺมณาธิปติ:    จิตฺตํ    ครุํ   กตฺวา
จิตฺตญฺจ   สมฺปยุตฺตกา   จ   ขนฺธา   อุปฺปชฺชนฺติ   ฯ  โนจิตฺโต  ธมฺโม
โนจิตฺตสฺส     ธมฺมสฺส    อธิปติปจฺจเยน    ปจฺจโย:    อารมฺมณาธิปติ
สหชาตาธิปติ  ฯ  อารมฺมณาธิปติ:  ทานํ  ... สีลํ ... อุโปสถกมฺมํ ...
ตํ   ครุํ    กตฺวา   ปจฺจเวกฺขติ  อสฺสาเทติ  อภินนฺทติ  ตํ  ครุํ  กตฺวา
ราโค   อุปฺปชฺชติ   ทิฏฺฐิ  อุปฺปชฺชติ  ฯเปฯ  ปุพฺเพ  ...  ฌานา  ...
อริยา   มคฺคา   วุฏฺฐหิตฺวา   มคฺคํ   ปจฺจเวกฺขนฺติ  ผลํ  ...  นิพฺพานํ
ครุํ   กตฺวา   ...   นิพฺพานํ   โคตฺรภุสฺส  โวทานสฺส  มคฺคสฺส  ผลสฺส
อธิปติปจฺจเยน  ปจฺจโย  จกฺขุํ  ...  วตฺถุํ  ...  โนจิตฺเต  ขนฺเธ  ครุํ
กตฺวา    อสฺสาเทติ    อภินนฺทติ    ตํ  ครุํ   กตฺวา  ราโค  อุปฺปชฺชติ
ทิฏฺฐิ     อุปฺปชฺชติ     ฯเปฯ    สหชาตาธิปติ:    โนจิตฺตา    อธิปติ
สมฺปยุตฺตกานํ     ขนฺธานํ     จิตฺตสมุฏฺฐานานญฺจ     รูปานํ    อธิปติ-
ปจฺจเยน ปจฺจโย ฯ
     {๖๓.๒}   โนจิตฺโต   ธมฺโม   จิตฺตสฺส   ธมฺมสฺส  อธิปติปจฺจเยน
ปจฺจโย:      เทฺวปิ     คมนา     ปฐมคมนสทิสา     นินฺนานากรณา
อารมฺมณาธิปติ   สหชาตาธิปติ   กาตพฺพา   ฯ   จิตฺโต   จ   โนจิตฺโต
จ   ธมฺมา   จิตฺตสฺส  ธมฺมสฺส  อธิปติปจฺจเยน  ปจฺจโย:  อารมฺมณาธิปติ
ตีณิปิ ครุการมฺมณา กาตพฺพา อารมฺมณาธิปติเยว ฯ
     [๖๔]   จิตฺโต  ธมฺโม  จิตฺตสฺส  ธมฺมสฺส  อนนฺตรปจฺจเยน ปจฺจโย:
ปุริมํ    ปุริมํ    จิตฺตํ   ปจฺฉิมสฺส   ปจฺฉิมสฺส  จิตฺตสฺส  อนนฺตรปจฺจเยน
ปจฺจโย   ฯ   จิตฺโต   ธมฺโม   โนจิตฺตสฺส   ธมฺมสฺส   อนนฺตรปจฺจเยน
ปจฺจโย    ปุริมํ   ปุริมํ  จิตฺตํ  ปจฺฉิมานํ  ปจฺฉิมานํ  โนจิตฺตานํ  ขนฺธานํ
อนนฺตรปจฺจเยน  ปจฺจโย  จิตฺตํ  วุฏฺฐานสฺส  อนนฺตรปจฺจเยน  ปจฺจโย  ฯ
จิตฺโต   ธมฺโม  จิตฺตสฺส   จ   โนจิตฺตสฺส  จ  ธมฺมสฺส  อนนฺตรปจฺจเยน
ปจฺจโย:  ปุริมํ  ปุริมํ  จิตฺตํ  ปจฺฉิมสฺส  ปจฺฉิมสฺส จิตฺตสฺส สมฺปยุตฺตกานญฺจ
ขนฺธานํ อนนฺตรปจฺจเยน ปจฺจโย ฯ
     {๖๔.๑}   โนจิตฺโต  ธมฺโม  โนจิตฺตสฺส  ธมฺมสฺส  อนนฺตรปจฺจเยน
ปจฺจโย:   ปุริมา   ปุริมา   โนจิตฺตา   ขนฺธา   ฯเปฯ  ผลสมาปตฺติยา
อนนฺตรปจฺจเยน ปจฺจโย
อิเม   เทฺวปิ   ปูเรตุกาเมน   กาตพฺพา   ปุริมคมนสทิสา  ฯ  จิตฺโต จ
โนจิตฺโต   จ   ธมฺมา   จิตฺตสฺส   ธมฺมสฺส   อนนฺตรปจฺจเยน  ปจฺจโย:
ปุริมํ    ปุริมํ   จิตฺตญฺจ  สมฺปยุตฺตกา  จ   ขนฺธา   ปจฺฉิมสฺส  ปจฺฉิมสฺส
จิตฺตสฺส   อนนฺตรปจฺจเยน   ปจฺจโย   ฯ   มูลํ  ปุจฺฉิตพฺพํ   ปุริมํ  ปุริมํ
จิตฺตญฺจ    สมฺปยุตฺตกา    จ    ขนฺธา  ปจฺฉิมานํ  ปจฺฉิมานํ  โนจิตฺตานํ
ขนฺธานํ   อนนฺตรปจฺจเยน   ปจฺจโย   จิตฺตญฺจ   สมฺปยุตฺตกา  จ  ขนฺธา
วุฏฺฐานสฺส อนนฺตรปจฺจเยน ปจฺจโย ฯ
     {๖๔.๒}   มูลํ  ปุจฺฉิตพฺพํ  ปุริมํ  ปุริมํ จิตฺตญฺจ สมฺปยุตฺตกา จ ขนฺธา
ปจฺฉิมสฺส   ปจฺฉิมสฺส  จิตฺตสฺส  สมฺปยุตฺตกานญฺจ  ขนฺธานํ  อนนฺตรปจฺจเยน
ปจฺจโย  ฯ  สมนนฺตรปจฺจเยน  ปจฺจโย:  สหชาตปจฺจเยน  ปจฺจโย: ปญฺจ
ปฏิจฺจวารสทิสา   อญฺญมญฺญปจฺจเยน   ปจฺจโย:   ปญฺจ   ปฏิจฺจวารสทิสา
นิสฺสยปจฺจเยน ปจฺจโย: ปญฺจ ปจฺจยวารสทิสา ฯ
     [๖๕]   จิตฺโต  ธมฺโม  จิตฺตสฺส  ธมฺมสฺส อุปนิสฺสยปจฺจเยน ปจฺจโย:
อารมฺมณูปนิสฺสโย       อนนฺตรูปนิสฺสโย      ปกตูปนิสฺสโย      ฯเปฯ
ปกตูปนิสฺสโย:   จิตฺตํ   จิตฺตสฺส   อุปนิสฺสยปจฺจเยน   ปจฺจโย   ตีณิ  ฯ
โนจิตฺโต   ธมฺโม   โนจิตฺตสฺส   ธมฺมสฺส   อุปนิสฺสยปจฺจเยน   ปจฺจโย:
อารมฺมณูปนิสฺสโย       อนนฺตรูปนิสฺสโย      ปกตูปนิสฺสโย      ฯเปฯ
ปกตูปนิสฺสโย:   สทฺธํ   อุปนิสฺสาย   ทานํ  เทติ  ฯเปฯ  มานํ  ชปฺเปติ
ทิฏฺฐึ   คณฺหาติ   สีลํ  ฯเปฯ  เสนาสนํ  อุปนิสฺสาย  ทานํ  เทติ  ฯเปฯ
สงฺฆํ    ภินฺทติ   สทฺธา  ฯเปฯ   เสนาสนํ  สทฺธาย   ฯเปฯ   มคฺคสฺส
ผลสมาปตฺติยา    อุปนิสฺสยปจฺจเยน    ปจฺจโย   ฯ   โนจิตฺโต   ธมฺโม
จิตฺตสฺส    ธมฺมสฺส    อุปนิสฺสยปจฺจเยน    ปจฺจโย:    อิเม    เทฺวปิ
ปูเรตุกาเมน   สพฺพตฺถ   กาตพฺพา   ปฐมคมนสทิสา   นินฺนานากรณา  ฯ
จิตฺโต   จ   โนจิตฺโต   จ  ธมฺมา  จิตฺตสฺส  ธมฺมสฺส  อุปนิสฺสยปจฺจเยน
ปจฺจโย:      อารมฺมณูปนิสฺสโย      อนนฺตรูปนิสฺสโย     ปกตูปนิสฺสโย
ฯเปฯ   ปกตูปนิสฺสโย:   จิตฺตญฺจ   สมฺปยุตฺตกา   จ   ขนฺธา   จิตฺตสฺส
อุปนิสฺสยปจฺจเยน ปจฺจโย ตีณิ ฯ
     [๖๖]   โนจิตฺโต   ธมฺโม  โนจิตฺตสฺส  ธมฺมสฺส  ปุเรชาตปจฺจเยน
ปจฺจโย:   อารมฺมณปุเรชาตํ   วตฺถุปุเรชาตํ    ฯ    อารมฺมณปุเรชาตํ:
จกฺขุํ   ...  วตฺถุํ   อนิจฺจโต   ฯเปฯ   โทมนสฺสํ   อุปฺปชฺชติ  ทิพฺเพน
จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ  รูปายตนํ
จกฺขุวิญฺญาณสหคตานํ      ขนฺธานํ      โผฏฺฐพฺพายตนํ     กายวิญฺญาณ-
สหคตานํ   ขนฺธานํ   ปุเรชาตปจฺจเยน   ปจฺจโย   ฯ   วตฺถุปุเรชาตํ:
จกฺขายตนํ    จกฺขุวิญฺญาณสหคตานํ   ขนฺธานํ   กายายตนํ   ...   วตฺถุ
โนจิตฺตานํ ขนฺธานํ ปุเรชาตปจฺจเยน ปจฺจโย ฯ
     {๖๖.๑}   โนจิตฺโต   ธมฺโม   จิตฺตสฺส   ธมฺมสฺส ปุเรชาตปจฺจเยน
ปจฺจโย:   อารมฺมณปุเรชาตํ  วตฺถุปุเรชาตํ  ฯ  อารมฺมณปุเรชาตํ:  จกฺขุํ
...  วตฺถุํ  อนิจฺจโต  ฯเปฯ  โทมนสฺสํ  อุปฺปชฺชติ  ทิพฺเพน  จกฺขุนา รูปํ
ปสฺสติ   ทิพฺพาย   โสตธาตุยา   สทฺทํ  สุณาติ  รูปายตนํ  จกฺขุวิญฺญาณสฺส
โผฏฺฐพฺพายตนํ     กายวิญฺญาณสฺส    ฯ    วตฺถุปุเรชาตํ:    จกฺขายตนํ
จกฺขุวิญฺญาณสฺส     กายายตนํ     กายวิญฺญาณสฺส     วตฺถุ     จิตฺตสฺส
ปุเรชาตปจฺจเยน ปจฺจโย ฯ
     {๖๖.๒}   โนจิตฺโต  ธมฺโม  จิตฺตสฺส  จ  โนจิตฺตสฺส  จ  ธมฺมสฺส
ปุเรชาตปจฺจเยน    ปจฺจโย:    อารมฺมณปุเรชาตํ    วตฺถุปุเรชาตํ   ฯ
อารมฺมณปุเรชาตํ:   จกฺขุํ   ...   วตฺถุํ  อนิจฺจโต   ฯเปฯ   โทมนสฺสํ
อุปฺปชฺชติ   ทิพฺเพน   จกฺขุนา   รูปํ   ปสฺสติ    ทิพฺพาย    โสตธาตุยา
สทฺทํ    สุณาติ    รูปายตนํ    จกฺขุวิญฺญาณสฺส    จ    สมฺปยุตฺตกานญฺจ
ขนฺธานํ     โผฏฺฐพฺพายตนํ     ฯเปฯ     วตฺถุปุเรชาตํ:    จกฺขายตนํ
จกฺขุวิญฺญาณสฺส      สมฺปยุตฺตกานญฺจ      ขนฺธานํ     ปุเรชาตปจฺจเยน
ปจฺจโย     กายายตนํ    กายวิญฺญาณสฺส    สมฺปยุตฺตกานญฺจ    ขนฺธานํ
วตฺถุ    จิตฺตสฺส    จ   สมฺปยุตฺตกานญฺจ    ขนฺธานํ   ปุเรชาตปจฺจเยน
ปจฺจโย ฯ
     [๖๗]   จิตฺโต   ธมฺโม   โนจิตฺตสฺส  ธมฺมสฺส  ปจฺฉาชาตปจฺจเยน
ปจฺจโย:   สงฺขิตฺตํ   ฯ  โนจิตฺโต  ธมฺโม  โนจิตฺตสฺส  ธมฺมสฺส  ปจฺฉา-
ชาตปจฺจเยน  ปจฺจโย:  สงฺขิตฺตํ  ฯ   จิตฺโต   จ  โนจิตฺโต  จ ธมฺมา
โนจิตฺตสฺส ธมฺมสฺส ปจฺฉาชาตปจฺจเยน ปจฺจโย: สงฺขิตฺตํ ฯ
     [๖๘]   จิตฺโต  ธมฺโม  จิตฺตสฺส  ธมฺมสฺส อาเสวนปจฺจเยน ปจฺจโย:
นว ฯ
     [๖๙]   โนจิตฺโต   ธมฺโม   โนจิตฺตสฺส   ธมฺมสฺส   กมฺมปจฺจเยน
ปจฺจโย:    สหชาตา   นานาขณิกา  ฯ   สหชาตา:  โนจิตฺตา  เจตนา
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   กมฺมปจฺจเยน
ปจฺจโย   ฯ   นานาขณิกา:   โนจิตฺตา   เจตนา   วิปากานํ   ขนฺธานํ
กฏตฺตา  จ  รูปานํ  กมฺมปจฺจเยน  ปจฺจโย  ฯ  โนจิตฺโต  ธมฺโม จิตฺตสฺส
ธมฺมสฺส    กมฺมปจฺจเยน    ปจฺจโย:    สหชาตา    นานาขณิกา    ฯ
สหชาตา:   โนจิตฺตา   เจตนา   จิตฺตสฺส   กมฺมปจฺจเยน   ปจฺจโย  ฯ
นานาขณิกา:   โนจิตฺตา   เจตนา   วิปากสฺส   จิตฺตสฺส   กมฺมปจฺจเยน
ปจฺจโย    ฯ    โนจิตฺโต  ธมฺโม  จิตฺตสฺส  จ  โนจิตฺตสฺส  จ  ธมฺมสฺส
กมฺมปจฺจเยน   ปจฺจโย:    สหชาตา    นานาขณิกา    ฯ   สหชาตา:
โนจิตฺตา    เจตนา    สมฺปยุตฺตกานํ   ขนฺธานํ   จิตฺตสฺส   จ   จิตฺต-
สมุฏฺฐานานญฺจ    รูปานํ   กมฺมปจฺจเยน   ปจฺจโย   ฯ   นานาขณิกา:
โนจิตฺตา   เจตนา  วิปากานํ  ขนฺธานํ  จิตฺตสฺส  จ  กฏตฺตา  จ  รูปานํ
กมฺมปจฺจเยน ปจฺจโย ฯ
     [๗๐]   จิตฺโต    ธมฺโม   โนจิตฺตสฺส   ธมฺมสฺส   วิปากปจฺจเยน
ปจฺจโย:   ปญฺจ   อาหารปจฺจเยน   ปจฺจโย:   ปญฺจ   อินฺทฺริยปจฺจเยน
ปจฺจโย: ปญฺจ ฯ
     [๗๑]   โนจิตฺโต   ธมฺโม   โนจิตฺตสฺส   ธมฺมสฺส   ฌานปจฺจเยน
ปจฺจโย:     ตีณิ    มคฺคปจฺจเยน   ปจฺจโย:   ตีณิ   สมฺปยุตฺตปจฺจเยน
ปจฺจโย: ปญฺจ ฯ
     [๗๒]   จิตฺโต   ธมฺโม   โนจิตฺตสฺส   ธมฺมสฺส  วิปฺปยุตฺตปจฺจเยน
ปจฺจโย:   สหชาตํ   ปจฺฉาชาตํ   ฯ   สงฺขิตฺตํ   ฯ   โนจิตฺโต  ธมฺโม
โนจิตฺตสฺส   ธมฺมสฺส   วิปฺปยุตฺตปจฺจเยน   ปจฺจโย:   สหชาตํ  ปุเรชาตํ
ปจฺฉาชาตํ   ฯ   สหชาตา:   โนจิตฺตา  ขนฺธา  จิตฺตสมุฏฺฐานานํ  รูปานํ
วิปฺปยุตฺตปจฺจเยน   ปจฺจโย   ปฏิสนฺธิกฺขเณ   โนจิตฺตา   ขนฺธา  วตฺถุสฺส
วิปฺปยุตฺตปจฺจเยน     ปจฺจโย     วตฺถุ    ขนฺธานํ    วิปฺปยุตฺตปจฺจเยน
ปจฺจโย    ฯ   ปุเรชาตํ:   จกฺขายตนํ   จกฺขุวิญฺญาณสหคตานํ   ขนฺธานํ
กายายตนํ     กายวิญฺญาณสหคตานํ     ขนฺธานํ     วตฺถุ    โนจิตฺตานํ
ขนฺธานํ   วิปฺปยุตฺตปจฺจเยน   ปจฺจโย    ฯ    ปจฺฉาชาตา:   โนจิตฺตา
ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
     {๗๒.๑}   โนจิตฺโต   ธมฺโม  จิตฺตสฺส  ธมฺมสฺส  วิปฺปยุตฺตปจฺจเยน
ปจฺจโย:  สหชาตํ  ปุเรชาตํ  ฯ  สหชาตํ:  ปฏิสนฺธิกฺขเณ  วตฺถุ  จิตฺตสฺส
วิปฺปยุตฺตปจฺจเยน   ปจฺจโย   ฯ   ปุเรชาตํ:  จกฺขายตนํ  จกฺขุวิญฺญาณสฺส
กายายตนํ     กายวิญฺญาณสฺส     วตฺถุ    จิตฺตสฺส    วิปฺปยุตฺตปจฺจเยน
ปจฺจโย   ฯ   โนจิตฺโต   ธมฺโม   จิตฺตสฺส  จ   โนจิตฺตสฺส  จ ธมฺมสฺส
วิปฺปยุตฺตปจฺจเยน    ปจฺจโย:    สหชาตํ    ปุเรชาตํ    ฯ   สหชาตํ:
ปฏิสนฺธิกฺขเณ   วตฺถุ   จิตฺตสฺส   สมฺปยุตฺตกานญฺจ   ขนฺธานํ   วิปฺปยุตฺต-
ปจฺจเยน   ปจฺจโย   ฯ    ปุเรชาตํ:    จกฺขายตนํ    จกฺขุวิญฺญาณสฺส
สมฺปยุตฺตกานญฺจ    ขนฺธานํ    วิปฺปยุตฺตปจฺจเยน    ปจฺจโย   กายายตนํ
กายวิญฺญาณสฺส   ...   วตฺถุ   จิตฺตสฺส   จ   สมฺปยุตฺตกานญฺจ  ขนฺธานํ
วิปฺปยุตฺตปจฺจเยน    ปจฺจโย   ฯ   จิตฺโต   จ   โนจิตฺโต   จ  ธมฺมา
โนจิตฺตสฺส     ธมฺมสฺส     วิปฺปยุตฺตปจฺจเยน     ปจฺจโย:     สหชาตํ
ปจฺฉาชาตํ ฯ สงฺขิตฺตํ ฯ
     [๗๓]   จิตฺโต  ธมฺโม  โนจิตฺตสฺส  ธมฺมสฺส  อตฺถิปจฺจเยน ปจฺจโย:
สหชาตํ    ปจฺฉาชาตํ  ฯ   สงฺขิตฺตํ   ฯ   โนจิตฺโต  ธมฺโม  โนจิตฺตสฺส
ธมฺมสฺส    อตฺถิปจฺจเยน    ปจฺจโย:   สหชาตํ   ปุเรชาตํ   ปจฺฉาชาตํ
อาหารํ   อินฺทฺริยํ   ฯ  สงฺขิตฺตํ  ฯ  โนจิตฺโต  ธมฺโม  จิตฺตสฺส  ธมฺมสฺส
อตฺถิปจฺจเยน   ปจฺจโย:   สหชาตํ   ปุเรชาตํ  ฯ  สหชาตา:  โนจิตฺตา
ขนฺธา    จิตฺตสฺส    ปฏิสนฺธิกฺขเณ    โนจิตฺตา   ฯเปฯ   ปฏิสนฺธิกฺขเณ
วตฺถุ  จิตฺตสฺส  อตฺถิปจฺจเยน  ปจฺจโย  ฯ  ปุเรชาตํ:  จกฺขุํ  ...  วตฺถุํ
อนิจฺจโต ... ปุเรชาตสทิสํ สงฺขิตฺตํ ฯ
     {๗๓.๑}   โนจิตฺโต  ธมฺโม  จิตฺตสฺส  จ  โนจิตฺตสฺส  จ  ธมฺมสฺส
อตฺถิปจฺจเยน   ปจฺจโย:   สหชาตํ   ปุเรชาตํ  ฯ  สหชาโต:  โนจิตฺโต
เอโก    ขนฺโธ   ทฺวินฺนํ   ขนฺธานํ   จิตฺตสฺส   จ   จิตฺตสมุฏฺฐานานญฺจ
รูปานํ    อตฺถิปจฺจเยน    ปจฺจโย    ปฏิสนฺธิกฺขเณ   โนจิตฺโต   เอโก
ขนฺโธ    ฯเปฯ    ปฏิสนฺธิกฺขเณ    วตฺถุ    จิตฺตสฺส   สมฺปยุตฺตกานญฺจ
ขนฺธานํ   อตฺถิปจฺจเยน   ปจฺจโย  ฯ   ปุเรชาตํ:  จกฺขุํ ... วตฺถุํ ...
ปุเรชาตสทิสํ สงฺขิตฺตํ ฯ
     {๗๓.๒}   จิตฺโต   จ   โนจิตฺโต   จ   ธมฺมา โนจิตฺตสฺส ธมฺมสฺส
อตฺถิปจฺจเยน    ปจฺจโย:    สหชาตํ   ปุเรชาตํ   ปจฺฉาชาตํ   อาหารํ
อินฺทฺริยํ   ฯ   สหชาโต:  โนจิตฺโต  เอโก  ขนฺโธ  จ  จิตฺตญฺจ  ทฺวินฺนํ
ขนฺธานํ     จิตฺตสมุฏฺฐานานญฺจ     รูปานํ     อตฺถิปจฺจเยน    ปจฺจโย
เทฺว  ขนฺธา  ...  ฯ  สหชาตํ:  จิตฺตญฺจ  วตฺถุ  จ โนจิตฺตานํ  ขนฺธานํ
อตฺถิปจฺจเยน   ปจฺจโย   ปฏิสนฺธิกฺขเณปิ   เทฺว   ฯ  สหชาตํ:  จิตฺตญฺจ
สมฺปยุตฺตกา    จ    ขนฺธา    จิตฺตสมุฏฺฐานานํ   รูปานํ   อตฺถิปจฺจเยน
ปจฺจโย    ฯ    สหชาตํ:   จิตฺตญฺจ   มหาภูตา   จ   จิตฺตสมุฏฺฐานานํ
รูปานํ     อตฺถิปจฺจเยน    ปจฺจโย    ฯ      ปจฺฉาชาตํ:    จิตฺตญฺจ
สมฺปยุตฺตกา   จ   ขนฺธา   ปุเรชาตสฺส   อิมสฺส  กายสฺส  อตฺถิปจฺจเยน
ปจฺจโย   ฯ   ปจฺฉาชาตํ:  จิตฺตญฺจ  สมฺปยุตฺตกา  จ  ขนฺธา  กพฬึกาโร
อาหาโร   จ   อิมสฺส  กายสฺส  อตฺถิปจฺจเยน  ปจฺจโย  ฯ  ปจฺฉาชาตํ:
จิตฺตญฺจ    สมฺปยุตฺตกา    จ   ขนฺธา   รูปชีวิตินฺทฺริยญฺจ   กฏตฺตารูปานํ
อตฺถิปจฺจเยน ปจฺจโย ฯ
     [๗๔]   เหตุยา  ตีณิ  อารมฺมเณ  นว  อธิปติยา  นว อนนฺตเร นว
สมนนฺตเร   นว   สหชาเต   ปญฺจ   อญฺญมญฺเญ   ปญฺจ  นิสฺสเย  ปญฺจ
อุปนิสฺสเย  นว  ปุเรชาเต  ตีณิ  ปจฺฉาชาเต  ตีณิ  อาเสวเน นว กมฺเม
ตีณิ  วิปาเก  ปญฺจ  อาหาเร  ปญฺจ  อินฺทฺริเย  ปญฺจ  ฌาเน  ตีณิ มคฺเค
ตีณิ   สมฺปยุตฺเต   ปญฺจ  วิปฺปยุตฺเต  ปญฺจ  อตฺถิยา  ปญฺจ  นตฺถิยา  นว
วิคเต นว อวิคเต ปญฺจ ฯ
     [๗๕]   จิตฺโต  ธมฺโม  จิตฺตสฺส  ธมฺมสฺส อารมฺมณปจฺจเยน ปจฺจโย:
อุปนิสฺสยปจฺจเยน   ปจฺจโย:   ฯ   จิตฺโต   ธมฺโม  โนจิตฺตสฺส  ธมฺมสฺส
อารมฺมณปจฺจเยน    ปจฺจโย:   สหชาตปจฺจเยน   ปจฺจโย:   อุปนิสฺสย-
ปจฺจเยน   ปจฺจโย:   ปจฺฉาชาตปจฺจเยน  ปจฺจโย:  ฯ  จิตฺโต  ธมฺโม
จิตฺตสฺส    จ    โนจิตฺตสฺส   จ   ธมฺมสฺส  อารมฺมณปจฺจเยน  ปจฺจโย:
อุปนิสฺสยปจฺจเยน   ปจฺจโย:   ฯ  โนจิตฺโต  ธมฺโม  โนจิตฺตสฺส  ธมฺมสฺส
อารมฺมณปจฺจเยน    ปจฺจโย:   สหชาตปจฺจเยน   ปจฺจโย:   อุปนิสฺสย-
ปจฺจเยน   ปจฺจโย:   ปุเรชาตปจฺจเยน   ปจฺจโย:  ปจฺฉาชาตปจฺจเยน
ปจฺจโย:     กมฺมปจฺจเยน    ปจฺจโย:    อาหารปจฺจเยน    ปจฺจโย:
อินฺทฺริยปจฺจเยน ปจฺจโย: ฯ
     {๗๕.๑}   โนจิตฺโต   ธมฺโม  จิตฺตสฺส  ธมฺมสฺส  อารมฺมณปจฺจเยน
ปจฺจโย:     สหชาตปจฺจเยน   ปจฺจโย:   อุปนิสฺสยปจฺจเยน   ปจฺจโย:
ปุเรชาตปจฺจเยน   ปจฺจโย:   กมฺมปจฺจเยน   ปจฺจโย:   ฯ   โนจิตฺโต
ธมฺโม    จิตฺตสฺส    จ    โนจิตฺตสฺส   จ   ธมฺมสฺส  อารมฺมณปจฺจเยน
ปจฺจโย:    สหชาตปจฺจเยน    ปจฺจโย:   อุปนิสฺสยปจฺจเยน   ปจฺจโย:
ปุเรชาตปจฺจเยน    ปจฺจโย:   กมฺมปจฺจเยน  ปจฺจโย:  ฯ   จิตฺโต  จ
โนจิตฺโต   จ   ธมฺมา   จิตฺตสฺส   ธมฺมสฺส  อารมฺมณปจฺจเยน  ปจฺจโย:
อุปนิสฺสยปจฺจเยน ปจฺจโย: ฯ
     {๗๕.๒}   จิตฺโต   จ   โนจิตฺโต   จ  ธมฺมา  โนจิตฺตสฺส ธมฺมสฺส
อารมฺมณปจฺจเยน    ปจฺจโย:   สหชาตปจฺจเยน   ปจฺจโย:   อุปนิสฺสย-
ปจฺจเยน   ปจฺจโย:   ปจฺฉาชาตปจฺจเยน  ปจฺจโย:   ฯ   จิตฺโต   จ
โนจิตฺโต   จ   ธมฺมา  จิตฺตสฺส  จ  โนจิตฺตสฺส  จ  ธมฺมสฺส  อารมฺมณ-
ปจฺจเยน ปจฺจโย: อุปนิสฺสยปจฺจเยน ปจฺจโย: ฯ
     [๗๖]   นเหตุยา นว นอารมฺมเณ นว สพฺพตฺถ นว โนอวิคเต นว ฯ
     [๗๗]   เหตุปจฺจยา  นอารมฺมเณ  ตีณิ ฯเปฯ ... นสมนนฺตเร  ตีณิ
นอญฺญมญฺเญ    เอกํ   นอุปนิสฺสเย   ตีณิ   สพฺพตฺถ  ตีณิ  นมคฺเค   ตีณิ
นสมฺปยุตฺเต เอกํ นวิปฺปยุตฺเต ตีณิ โนนตฺถิยา ตีณิ โนวิคเต ตีณิ ฯ
     [๗๘]   นเหตุปจฺจยา อารมฺมเณ นว ... อธิปติยา นว ฯ
                          อนุโลมปฏิโลมมาติกา กาตพฺพา ฯ
                                   จิตฺตทุกํ นิฏฺฐิตํ ฯ
                                      ------------


             เนื้อความพระไตรปิฎกฉบับภาษาบาลีอักษรไทย เล่มที่ ๔๓ หน้าที่ ๑-๔๒.
http://84000.org/tipitaka/pali/pali_item_s.php?book=43&item=1&items=78&modeTY=2
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pali/pali_item_s.php?book=43&item=1&items=78&modeTY=2&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=43&item=1&items=78&modeTY=2
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=43&item=1&items=78&modeTY=2
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=43&i=1
             สารบัญพระไตรปิฎกเล่มที่ ๔๓
http://84000.org/tipitaka/read/?index_43