ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๓ ภาษาบาลี อักษรไทย พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ
                                    นิยฺยานิกทุกํ
                                     ปฏิจฺจวาโร
     [๘๑๓]   นิยฺยานิกํ   ธมฺมํ   ปฏิจฺจ  นิยฺยานิโก  ธมฺโม  อุปฺปชฺชติ
เหตุปจฺจยา:   นิยฺยานิกํ   เอกํ   ขนฺธํ   ปฏิจฺจ   ตโย   ขนฺธา  เทฺว
ขนฺเธ  ...  ฯ  นิยฺยานิกํ  ธมฺมํ  ปฏิจฺจ  อนิยฺยานิโก  ธมฺโม  อุปฺปชฺชติ
เหตุปจฺจยา:    นิยฺยานิเก   ขนฺเธ   ปฏิจฺจ   จิตฺตสมุฏฺฐานํ   รูปํ   ฯ
นิยฺยานิกํ   ธมฺมํ   ปฏิจฺจ   นิยฺยานิโก   จ   อนิยฺยานิโก   จ   ธมฺมา
อุปฺปชฺชนฺติ   เหตุปจฺจยา:   นิยฺยานิกํ  เอกํ  ขนฺธํ  ปฏิจฺจ  ตโย  ขนฺธา
จิตฺตสมุฏฺฐานญฺจ   รูปํ  เทฺว  ขนฺเธ  ...  ฯ  อนิยฺยานิกํ  ธมฺมํ  ปฏิจฺจ
อนิยฺยานิโก    ธมฺโม    อุปฺปชฺชติ    เหตุปจฺจยา:   อนิยฺยานิกํ   เอกํ
ขนฺธํ   ปฏิจฺจ   ตโย  ขนฺธา  จิตฺตสมุฏฺฐานญฺจ  รูปํ  เทฺว  ขนฺเธ  ...
ปฏิสนฺธิกฺขเณ   ขนฺเธ   ปฏิจฺจ   วตฺถุ   วตฺถุํ   ปฏิจฺจ   ขนฺธา   เอกํ
มหาภูตํ  ...  ฯ  นิยฺยานิกญฺจ  อนิยฺยานิกญฺจ  ธมฺมํ  ปฏิจฺจ  อนิยฺยานิโก
ธมฺโม   อุปฺปชฺชติ   เหตุปจฺจยา:   นิยฺยานิเก  ขนฺเธ  จ  มหาภูเต  จ
ปฏิจฺจ จิตฺตสมุฏฺฐานํ รูปํ ฯ
     [๘๑๔]   เหตุยา   ปญฺจ   อารมฺมเณ   เทฺว   อธิปติยา   ปญฺจ
อนนฺตเร    เทฺว    สมนนฺตเร   เทฺว   สหชาเต   ปญฺจ   อญฺญมญฺเญ
เทฺว    นิสฺสเย    ปญฺจ    อุปนิสฺสเย    เทฺว    ปุเรชาเต    เทฺว
อาเสวเน   เทฺว   กมฺเม   ปญฺจ   วิปาเก   เอกํ   อาหาเร   ปญฺจ
อวิคเต ปญฺจ ฯ
     [๘๑๕]   อนิยฺยานิกํ  ธมฺมํ  ปฏิจฺจ  อนิยฺยานิโก  ธมฺโม  อุปฺปชฺชติ
นเหตุปจฺจยา:   อเหตุกํ   อนิยฺยานิกํ  เอกํ  ขนฺธํ  ปฏิจฺจ  ตโย  ขนฺธา
จิตฺตสมุฏฺฐานญฺจ   รูปํ   เทฺว  ขนฺเธ  ...  อเหตุกปฏิสนฺธิกฺขเณ  ขนฺเธ
ปฏิจฺจ   วตฺถุ   วตฺถุํ  ปฏิจฺจ  ขนฺธา  เอกํ  มหาภูตํ  ยาว  อสญฺญสตฺตา
วิจิกิจฺฉาสหคเต    อุทฺธจฺจสหคเต    ขนฺเธ    ปฏิจฺจ   วิจิกิจฺฉาสหคโต
อุทฺธจฺจสหคโต โมโห ฯ ... นอารมฺมณปจฺจยา: ตีณิ ฯ
     [๘๑๖]   นิยฺยานิกํ   ธมฺมํ   ปฏิจฺจ  นิยฺยานิโก  ธมฺโม  อุปฺปชฺชติ
นอธิปติปจฺจยา:   นิยฺยานิเก   ขนฺเธ   ปฏิจฺจ   นิยฺยานิกา   อธิปติ  ฯ
อนิยฺยานิกํ     ธมฺมํ     ปฏิจฺจ     อนิยฺยานิโก    ธมฺโม    อุปฺปชฺชติ
นอธิปติปจฺจยา:    อนิยฺยานิกํ    เอกํ   ขนฺธํ   ปฏิจฺจ   ตโย   ขนฺธา
จิตฺตสมุฏฺฐานญฺจ   รูปํ   เทฺว  ขนฺเธ  ...  ปฏิสนฺธิ  ยาว  อสญฺญสตฺตา
กาตพฺพา     ฯ     ...     นอนนฺตรปจฺจยา:     นสมนนฺตรปจฺจยา:
นอญฺญมญฺญปจฺจยา: ฯเปฯ
     [๘๑๗]   นิยฺยานิกํ   ธมฺมํ   ปฏิจฺจ  นิยฺยานิโก  ธมฺโม  อุปฺปชฺชติ
นปุเรชาตปจฺจยา:   อรูเป   นิยฺยานิกํ   เอกํ   ขนฺธํ  ฯเปฯ  นิยฺยานิกํ
ธมฺมํ    ปฏิจฺจ    อนิยฺยานิโก   ธมฺโม   อุปฺปชฺชติ   นปุเรชาตปจฺจยา:
นิยฺยานิเก   ขนฺเธ   ปฏิจฺจ   จิตฺตสมุฏฺฐานํ   รูปํ  ฯ  อนิยฺยานิกํ  ธมฺมํ
ปฏิจฺจ    อนิยฺยานิโก   ธมฺโม   อุปฺปชฺชติ   นปุเรชาตปจฺจยา:   อรูเป
อนิยฺยานิกํ  เอกํ   ขนฺธํ   ปฏิจฺจ   ตโย   ขนฺธา   เทฺว   ขนฺเธ ...
อนิยฺยานิเก    ขนฺเธ    ปฏิจฺจ   จิตฺตสมุฏฺฐานํ   รูปํ   ปฏิสนฺธิ   ยาว
อสญฺญสตฺตา     ฯ     นิยฺยานิกญฺจ    อนิยฺยานิกญฺจ    ธมฺมํ    ปฏิจฺจ
อนิยฺยานิโก     ธมฺโม    อุปฺปชฺชติ    นปุเรชาตปจฺจยา:    นิยฺยานิเก
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ
     [๘๑๘]   นเหตุยา   เอกํ   นอารมฺมเณ   ตีณิ  นอธิปติยา  เทฺว
นอนนฺตเร     ตีณิ     นอุปนิสฺสเย     ตีณิ    นปุเรชาเต    จตฺตาริ
นปจฺฉาชาเต    ปญฺจ   นอาเสวเน   ตีณิ   นกมฺเม   เทฺว   นวิปาเก
ปญฺจ  นอาหาเร  เอกํ  นอินฺทฺริเย  เอกํ  นฌาเน  เอกํ  นมคฺเค  เอกํ
นสมฺปยุตฺเต ตีณิ นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
                  อิตเร เทฺว คณนาปิ สหชาตวาโรปิ กาตพฺพา ฯ
                                       ปจฺจยวาโร
     [๘๑๙]   นิยฺยานิกํ   ธมฺมํ  ปจฺจยา  นิยฺยานิโก  ธมฺโม  อุปฺปชฺชติ
เหตุปจฺจยา:    ตีณิ    ปฏิจฺจสทิสา   ฯ   อนิยฺยานิกํ   ธมฺมํ   ปจฺจยา
อนิยฺยานิโก    ธมฺโม    อุปฺปชฺชติ    เหตุปจฺจยา:   อนิยฺยานิกํ   เอกํ
ขนฺธํ   ปจฺจยา   ตโย   ขนฺธา  จิตฺตสมุฏฺฐานญฺจ  รูปํ  ยาว  อชฺฌตฺติกา
มหาภูตา    วตฺถุํ    ปจฺจยา    อนิยฺยานิกา   ขนฺธา   ฯ   อนิยฺยานิกํ
ธมฺมํ   ปจฺจยา   นิยฺยานิโก   ธมฺโม   อุปฺปชฺชติ   เหตุปจฺจยา:   วตฺถุํ
ปจฺจยา  นิยฺยานิกา  ขนฺธา  ฯ  อนิยฺยานิกํ  ธมฺมํ  ปจฺจยา  นิยฺยานิโก จ
อนิยฺยานิโก   จ   ธมฺมา   อุปฺปชฺชนฺติ   เหตุปจฺจยา:   วตฺถุํ   ปจฺจยา
นิยฺยานิกา ขนฺธา มหาภูเต ปจฺจยา จิตฺตสมุฏฺฐานํ รูปํ ฯ
     {๘๑๙.๑}   นิยฺยานิกญฺจ  อนิยฺยานิกญฺจ  ธมฺมํ  ปจฺจยา  นิยฺยานิโก
ธมฺโม  อุปฺปชฺชติ  เหตุปจฺจยา:  นิยฺยานิกํ  เอกํ  ขนฺธญฺจ วตฺถุญฺจ ปจฺจยา
ตโย   ขนฺธา  เทฺว  ขนฺเธ  ...  ฯ  นิยฺยานิกญฺจ  อนิยฺยานิกญฺจ  ธมฺมํ
ปจฺจยา    อนิยฺยานิโก   ธมฺโม   อุปฺปชฺชติ   เหตุปจฺจยา:   นิยฺยานิเก
ขนฺเธ   จ   มหาภูเต  จ  ปจฺจยา  จิตฺตสมุฏฺฐานํ  รูปํ  ฯ  นิยฺยานิกญฺจ
อนิยฺยานิกญฺจ   ธมฺมํ   ปจฺจยา   นิยฺยานิโก  จ  อนิยฺยานิโก  จ  ธมฺมา
อุปฺปชฺชนฺติ    เหตุปจฺจยา:    นิยฺยานิกํ    เอกํ    ขนฺธญฺจ    วตฺถุญฺจ
ปจฺจยา  ตโย  ขนฺธา  เทฺว  ขนฺเธ  ...  นิยฺยานิเก ขนฺเธ จ มหาภูเต
จ ปจฺจยา จิตฺตสมุฏฺฐานํ รูปํ ฯ
     [๘๒๐]   เหตุยา  นว  อารมฺมเณ  จตฺตาริ  อธิปติยา นว อนนฺตเร
จตฺตาริ   สมนนฺตเร   จตฺตาริ   สหชาเต   นว   อญฺญมญฺเญ   จตฺตาริ
นิสฺสเย  นว  อุปนิสฺสเย  จตฺตาริ  ปุเรชาเต  จตฺตาริ อาเสวเน จตฺตาริ
กมฺเม นว วิปาเก เอกํ ฯเปฯ อวิคเต นว ฯ
     [๘๒๑]   อนิยฺยานิกํ    ธมฺมํ    ปจฺจยา   อนิยฺยานิโก   ธมฺโม
อุปฺปชฺชติ   นเหตุปจฺจยา:   อเหตุกํ   อนิยฺยานิกํ   เอกํ  ขนฺธํ  ปจฺจยา
ตโย   ขนฺธา   จิตฺตสมุฏฺฐานญฺจ   รูปํ   ยาว   อสญฺญสตฺตา  จกฺขายตนํ
ปจฺจยา   จกฺขุวิญฺญาณํ   ฯเปฯ   วตฺถุํ   ปจฺจยา  อเหตุกา  อนิยฺยานิกา
ขนฺธา   วิจิกิจฺฉาสหคเต   อุทฺธจฺจสหคเต   ขนฺเธ  จ  วตฺถุญฺจ  ปจฺจยา
วิจิกิจฺฉาสหคโต อุทฺธจฺจสหคโต โมโห ฯ
     [๘๒๒]   นิยฺยานิกํ  ธมฺมํ  ปจฺจยา  อนิยฺยานิโก  ธมฺโม  อุปฺปชฺชติ
นอารมฺมณปจฺจยา: ตีณิ ฯ
     [๘๒๓]   นิยฺยานิกํ   ธมฺมํ  ปจฺจยา  นิยฺยานิโก  ธมฺโม  อุปฺปชฺชติ
นอธิปติปจฺจยา:   นิยฺยานิเก   ขนฺเธ   ปจฺจยา   นิยฺยานิกา  อธิปติ  ฯ
อนิยฺยานิกํ     ธมฺมํ     ปจฺจยา    อนิยฺยานิโก    ธมฺโม    อุปฺปชฺชติ
นอธิปติปจฺจยา:    อนิยฺยานิกํ    เอกํ    ขนฺธํ   ปจฺจยา  ...   ยาว
อสญฺญสตฺตา    ฯ    อนิยฺยานิกํ   ธมฺมํ   ปจฺจยา   นิยฺยานิโก   ธมฺโม
อุปฺปชฺชติ   นอธิปติปจฺจยา:   วตฺถุํ   ปจฺจยา   นิยฺยานิกา   อธิปติ   ฯ
นิยฺยานิกญฺจ    อนิยฺยานิกญฺจ    ธมฺมํ    ปจฺจยา    นิยฺยานิโก   ธมฺโม
อุปฺปชฺชติ     นอธิปติปจฺจยา:    นิยฺยานิเก    ขนฺเธ    จ    วตฺถุญฺจ
ปจฺจยา นิยฺยานิกา อธิปติ ฯ
     [๘๒๔]   นเหตุยา    เอกํ    นอารมฺมเณ    ตีณิ   นอธิปติยา
จตฺตาริ   นอนนฺตเร   ตีณิ   นอุปนิสฺสเย   ตีณิ   นปุเรชาเต   จตฺตาริ
นปจฺฉาชาเต   นว   นอาเสวเน   ตีณิ   นกมฺเม   จตฺตาริ   นวิปาเก
นว   นอาหาเร   เอกํ   นอินฺทฺริเย   เอกํ   นฌาเน   เอกํ  นมคฺเค
เอกํ    นสมฺปยุตฺเต    ตีณิ    นวิปฺปยุตฺเต    เทฺว   โนนตฺถิยา   ตีณิ
โนวิคเต ตีณิ ฯ
                 เอวํ อิตเร เทฺว คณนาปิ นิสฺสยวาโรปิ กาตพฺพา ฯ
                                      สํสฏฺฐวาโร
     [๘๒๕]   นิยฺยานิกํ   ธมฺมํ   สํสฏฺโฐ  นิยฺยานิโก  ธมฺโม  อุปฺปชฺชติ
เหตุปจฺจยา:   นิยฺยานิกํ   เอกํ   ขนฺธํ   สํสฏฺฐา   ตโย  ขนฺธา  เทฺว
ขนฺเธ  ...  ฯ  อนิยฺยานิกํ  ธมฺมํ  สํสฏฺโฐ  อนิยฺยานิโก ธมฺโม อุปฺปชฺชติ
เหตุปจฺจยา:   อนิยฺยานิกํ   เอกํ   ขนฺธํ   สํสฏฺฐา  ตโย  ขนฺธา  เทฺว
ขนฺเธ ... ปฏิสนฺธิ ฯ
     [๘๒๖]   เหตุยา    เทฺว   อารมฺมเณ   เทฺว   สพฺพตฺถ   เทฺว
วิปาเก เอกํ อวิคเต เทฺว ฯ
     [๘๒๗]   นเหตุยา   เอกํ   นอธิปติยา   เทฺว  นปุเรชาเต  เทฺว
นปจฺฉาชาเต   เทฺว   นอาเสวเน   เอกํ   นกมฺเม   เทฺว   นวิปาเก
เทฺว นฌาเน เอกํ นมคฺเค เอกํ นวิปฺปยุตฺเต เทฺว ฯ
              เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
                                     ปญฺหาวาโร
     [๘๒๘]   นิยฺยานิโก   ธมฺโม   นิยฺยานิกสฺส  ธมฺมสฺส  เหตุปจฺจเยน
ปจฺจโย:    นิยฺยานิกา   เหตู   สมฺปยุตฺตกานํ   ขนฺธานํ   เหตุปจฺจเยน
ปจฺจโย    ฯ    มูลํ    นิยฺยานิกา    เหตู   จิตฺตสมุฏฺฐานานํ   รูปานํ
เหตุปจฺจเยน  ปจฺจโย   ฯ  มูลํ  นิยฺยานิกา  เหตู  สมฺปยุตฺตกานํ ขนฺธานํ
จิตฺตสมุฏฺฐานานญฺจ   รูปานํ   เหตุปจฺจเยน   ปจฺจโย   ฯ   อนิยฺยานิโก
ธมฺโม   อนิยฺยานิกสฺส   ธมฺมสฺส   เหตุปจฺจเยน   ปจฺจโย:  อนิยฺยานิกา
เหตู   สมฺปยุตฺตกานํ   ขนฺธานํ  จิตฺตสมุฏฺฐานานญฺจ  รูปานํ  เหตุปจฺจเยน
ปจฺจโย ปฏิสนฺธิ ฯ
     [๘๒๙]   นิยฺยานิโก   ธมฺโม   อนิยฺยานิกสฺส   ธมฺมสฺส  อารมฺมณ-
ปจฺจเยน   ปจฺจโย:   อริยา   มคฺคา  วุฏฺฐหิตฺวา  มคฺคํ  ปจฺจเวกฺขนฺติ
เจโตปริยญาเณน    นิยฺยานิกจิตฺตสมงฺคิสฺส   จิตฺตํ   ชานนฺติ   นิยฺยานิกา
ขนฺธา   เจโตปริยญาณสฺส   ปุพฺเพ  ฯเปฯ  อนาคตํสญาณสฺส  อาวชฺชนาย
อารมฺมณปจฺจเยน    ปจฺจโย   ฯ   อนิยฺยานิโก   ธมฺโม   อนิยฺยานิกสฺส
ธมฺมสฺส  อารมฺมณปจฺจเยน  ปจฺจโย:  ทานํ  ...  สีลํ  ... อุโปสถกมฺมํ
กตฺวา   ตํ   ปจฺจเวกฺขติ   อสฺสาเทติ   อภินนฺทติ   ตํ  อารพฺภ  ราโค
ฯเปฯ   โทมนสฺสํ   อุปฺปชฺชติ   ปุพฺเพ   สุจิณฺณานิ  ...  ฌานา  ฯเปฯ
อริยา     ผลํ    ปจฺจเวกฺขนฺติ    นิพฺพานํ    ปจฺจเวกฺขนฺติ    นิพฺพานํ
โคตฺรภุสฺส   โวทานสฺส   ผลสฺส  อาวชฺชนาย  อารมฺมณปจฺจเยน  ปจฺจโย
อริยา ปหีเน กิเลเส ... วิกฺขมฺภิเต กิเลเส ... ปุพฺเพ สมุทาจิณฺเณ ...
จกฺขุํ  ...  วตฺถุํ  ...  อนิยฺยานิเก  ขนฺเธ  อนิจฺจโต  ฯเปฯ โทมนสฺสํ
อุปฺปชฺชติ
     {๘๒๙.๑}   ทิพฺเพน   จกฺขุนา  รูปํ  ปสฺสติ  ทิพฺพาย  โสตธาตุยา
สทฺทํ     สุณาติ    เจโตปริยญาเณน    อนิยฺยานิกจิตฺตสมงฺคิสฺส    จิตฺตํ
ชานาติ     อากาสานญฺจายตนํ    วิญฺญาณญฺจายตนสฺส    อากิญฺจญฺญายตนํ
เนวสญฺญานาสญฺญายตนสฺส           รูปายตนํ          จกฺขุวิญฺญาณสฺส
โผฏฺฐพฺพายตนํ    กายวิญฺญาณสฺส   อนิยฺยานิกา   ขนฺธา   อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมุปคญาณสฺส
อนาคตํสญาณสฺส     อาวชฺชนาย     อารมฺมณปจฺจเยน    ปจฺจโย    ฯ
อนิยฺยานิโก     ธมฺโม     นิยฺยานิกสฺส    ธมฺมสฺส    อารมฺมณปจฺจเยน
ปจฺจโย: นิพฺพานํ มคฺคสฺส อารมฺมณปจฺจเยน ปจฺจโย ฯ
     [๘๓๐]   นิยฺยานิโก   ธมฺโม  นิยฺยานิกสฺส  ธมฺมสฺส  อธิปติปจฺจเยน
ปจฺจโย:   สหชาตาธิปติ:   นิยฺยานิกา   อธิปติ   สมฺปยุตฺตกานํ  ขนฺธานํ
อธิปติปจฺจเยน   ปจฺจโย   ฯ  นิยฺยานิโก  ธมฺโม  อนิยฺยานิกสฺส  ธมฺมสฺส
อธิปติปจฺจเยน  ปจฺจโย:  อารมฺมณาธิปติ  สหชาตาธิปติ ฯ อารมฺมณาธิปติ:
อริยา   มคฺคา   วุฏฺฐหิตฺวา   มคฺคํ   ครุํ   กตฺวา   ปจฺจเวกฺขนฺติ   ฯ
สหชาตาธิปติ:     นิยฺยานิกา     อธิปติ     จิตฺตสมุฏฺฐานานํ    รูปานํ
อธิปติปจฺจเยน   ปจฺจโย   ฯ   มูลํ   นิยฺยานิกา   อธิปติ  สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๘๓๐.๑}   อนิยฺยานิโก     ธมฺโม     อนิยฺยานิกสฺส   ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:  ทานํ  ...  สีลํ  ...  อุโปสถกมฺมํ กตฺวา ตํ ครุํ กตฺวา
ปจฺจเวกฺขติ   อสฺสาเทติ  อภินนฺทติ  ตํ  ครุํ  กตฺวา  ราโค  ...  ทิฏฺฐิ
อุปฺปชฺชติ  ปุพฺเพ  สุจิณฺณานิ  ...  ฌานา  วุฏฺฐหิตฺวา  ฯเปฯ  อริยา ผลํ
ครุํ   กตฺวา  ปจฺจเวกฺขนฺติ  นิพฺพานํ  ครุํ  กตฺวา  ปจฺจเวกฺขนฺติ  นิพฺพานํ
โคตฺรภุสฺส   โวทานสฺส   ผลสฺส   อธิปติปจฺจเยน   ปจฺจโย  จกฺขุํ  ...
วตฺถุํ  ...   อนิยฺยานิเก   ขนฺเธ  ครุํ  กตฺวา  อสฺสาเทติ  อภินนฺทติ ตํ
ครุํ   กตฺวา  ราโค   อุปฺปชฺชติ   ทิฏฺฐิ   อุปฺปชฺชติ  ฯ   สหชาตาธิปติ:
อนิยฺยานิกา    อธิปติ    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ   อธิปติปจฺจเยน   ปจฺจโย   ฯ  อนิยฺยานิโก  ธมฺโม  นิยฺยานิกสฺส
ธมฺมสฺส    อธิปติปจฺจเยน     ปจฺจโย:     อารมฺมณาธิปติ:    นิพฺพานํ
มคฺคสฺส อธิปติปจฺจเยน ปจฺจโย ฯ
     [๘๓๑]   นิยฺยานิโก     ธมฺโม     อนิยฺยานิกสฺส     ธมฺมสฺส
อนนฺตรปจฺจเยน   ปจฺจโย:  มคฺโค  ผลสฺส  อนนฺตรปจฺจเยน  ปจฺจโย  ฯ
อนิยฺยานิโก   ธมฺโม   อนิยฺยานิกสฺส  ธมฺมสฺส  อนนฺตรปจฺจเยน  ปจฺจโย:
ปุริมา   ปุริมา   อนิยฺยานิกา  ขนฺธา  ปจฺฉิมานํ  ปจฺฉิมานํ  อนิยฺยานิกานํ
ขนฺธานํ   อนนฺตรปจฺจเยน   ปจฺจโย   อนุโลมํ   โคตฺรภุสฺส   โวทานสฺส
ผลํ   ผลสฺส  อนุโลมํ  ผลสมาปตฺติยา  นิโรธา  วุฏฺฐหนฺตสฺส  เนวสญฺญา-
นาสญฺญายตนํ     ผลสมาปตฺติยา     อนนฺตรปจฺจเยน    ปจฺจโย    ฯ
อนิยฺยานิโก   ธมฺโม   นิยฺยานิกสฺส   ธมฺมสฺส  อนนฺตรปจฺจเยน  ปจฺจโย:
โคตฺรภุ   มคฺคสฺส  โวทานํ  มคฺคสฺส  อนนฺตรปจฺจเยน  ปจฺจโย  ฯ  ...
สมนนฺตรปจฺจเยน     ปจฺจโย:    สหชาตปจฺจเยน    ปจฺจโย:    ปญฺจ
อญฺญมญฺญปจฺจเยน ปจฺจโย: เทฺว นิสฺสยปจฺจเยน ปจฺจโย: สตฺต ฯ
     [๘๓๒]   นิยฺยานิโก   ธมฺโม   นิยฺยานิกสฺส   ธมฺมสฺส  อุปนิสฺสย-
ปจฺจเยน   ปจฺจโย:   ปกตูปนิสฺสโย:  ปฐโม  มคฺโค  ทุติยสฺส  มคฺคสฺส
อุปนิสฺสยปจฺจเยน   ปจฺจโย   ฯเปฯ   ตติโย  มคฺโค  จตุตฺถสฺส  มคฺคสฺส
อุปนิสฺสยปจฺจเยน    ปจฺจโย    ฯ   นิยฺยานิโก   ธมฺโม   อนิยฺยานิกสฺส
ธมฺมสฺส       อุปนิสฺสยปจฺจเยน       ปจฺจโย:      อารมฺมณูปนิสฺสโย
อนนฺตรูปนิสฺสโย     ปกตูปนิสฺสโย    ฯเปฯ    ปกตูปนิสฺสโย:    อริยา
มคฺคํ    อุปนิสฺสาย    อนุปฺปนฺนํ    สมาปตฺตึ    อุปฺปาเทนฺติ    อุปฺปนฺนํ
สมาปชฺชนฺติ    สงฺขาเร    อนิจฺจโต    วิปสฺสนฺติ    มคฺโค    อริยานํ
อตฺถปฏิสมฺภิทาย           ธมฺมปฏิสมฺภิทาย          นิรุตฺติปฏิสมฺภิทาย
ปฏิภานปฏิสมฺภิทาย        ฐานาฐานโกสลฺลสฺส        อุปนิสฺสยปจฺจเยน
ปจฺจโย มคฺโค ผลสมาปตฺติยา อุปนิสฺสยปจฺจเยน ปจฺจโย ฯ
     {๘๓๒.๑}   อนิยฺยานิโก    ธมฺโม    อนิยฺยานิกสฺส    ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:   อนิยฺยานิกํ   สทฺธํ   อุปนิสฺสาย
ทานํ   ...   สีลํ  อุโปสถกมฺมํ  ฌานํ  วิปสฺสนํ  อภิญฺญํ  ...  สมาปตฺตึ
อุปฺปาเทติ   มานํ  ชปฺเปติ  ทิฏฺฐึ  คณฺหาติ  อนิยฺยานิกํ  สีลํ  ...  ปญฺญํ
ราคํ  ปตฺถนํ  อุตุํ  โภชนํ  ...  เสนาสนํ  อุปนิสฺสาย  ทานํ เทติ ฯเปฯ
สมาปตฺตึ   อุปฺปาเทติ   ปาณํ   หนติ  ฯเปฯ  สงฺฆํ  ภินฺทติ  อนิยฺยานิกา
สทฺธา  ฯเปฯ  เสนาสนํ  อนิยฺยานิกาย  สทฺธาย  ฯเปฯ  ปตฺถนาย ฯเปฯ
กายิกสฺส   สุขสฺส   กายิกสฺส  ทุกฺขสฺส  ผลสมาปตฺติยา  อุปนิสฺสยปจฺจเยน
ปจฺจโย ฯ
     {๘๓๒.๒}   อนิยฺยานิโก  ธมฺโม  นิยฺยานิกสฺส  ธมฺมสฺส  อุปนิสฺสย-
ปจฺจเยน       ปจฺจโย:      อารมฺมณูปนิสฺสโย      อนนฺตรูปนิสฺสโย
ปกตูปนิสฺสโย    ฯเปฯ    ปกตูปนิสฺสโย:   ปฐมสฺส   มคฺคสฺส   ปริกมฺมํ
ปฐมสฺส    มคฺคสฺส    อุปนิสฺสยปจฺจเยน    ปจฺจโย   ฯเปฯ   จตุตฺถสฺส
มคฺคสฺส ปริกมฺมํ จตุตฺถสฺส มคฺคสฺส อุปนิสฺสยปจฺจเยน ปจฺจโย ฯ
     [๘๓๓]   อนิยฺยานิโก     ธมฺโม     อนิยฺยานิกสฺส    ธมฺมสฺส
ปุเรชาตปจฺจเยน   ปจฺจโย:   เทฺว   อรูปทุกสทิสา  กาตพฺพา  ฯ  ...
ปจฺฉาชาตปจฺจเยน ปจฺจโย: เทฺว อาเสวนปจฺจเยน ปจฺจโย: เทฺว ฯ
     [๘๓๔]   นิยฺยานิโก   ธมฺโม  นิยฺยานิกสฺส  ธมฺมสฺส  กมฺมปจฺจเยน
ปจฺจโย:   นิยฺยานิกา   เจตนา   สมฺปยุตฺตกานํ   ขนฺธานํ  กมฺมปจฺจเยน
ปจฺจโย   ฯ   นิยฺยานิโก   ธมฺโม  อนิยฺยานิกสฺส  ธมฺมสฺส  กมฺมปจฺจเยน
ปจฺจโย:   สหชาตา   นานาขณิกา   ฯ  สหชาตา:  นิยฺยานิกา  เจตนา
จิตฺตสมุฏฺฐานานํ    รูปานํ   กมฺมปจฺจเยน   ปจฺจโย   ฯ   นานาขณิกา:
นิยฺยานิกา   เจตนา  ผลสฺส  กมฺมปจฺจเยน  ปจฺจโย  ฯ  มูลํ  นิยฺยานิกา
เจตนา     สมฺปยุตฺตกานํ     ขนฺธานํ     จิตฺตสมุฏฺฐานานญฺจ    รูปานํ
กมฺมปจฺจเยน ปจฺจโย ฯ
     {๘๓๔.๑}   อนิยฺยานิโก    ธมฺโม    อนิยฺยานิกสฺส    ธมฺมสฺส
กมฺมปจฺจเยน   ปจฺจโย:   สหชาตา  นานาขณิกา  ฯ  สหชาตา:  ฯเปฯ
นานาขณิกา:   อนิยฺยานิกา   เจตนา  ผลสฺส  กมฺมปจฺจเยน  ปจฺจโย  ฯ
...   วิปากปจฺจเยน   ปจฺจโย:   เอกํเยว  อาหารปจฺจเยน  ปจฺจโย:
จตฺตาริ     อินฺทฺริยปจฺจเยน     ปจฺจโย:     จตฺตาริ    ฌานปจฺจเยน
ปจฺจโย:   จตฺตาริ   มคฺคปจฺจเยน  ปจฺจโย:  จตฺตาริ  สมฺปยุตฺตปจฺจเยน
ปจฺจโย:    เทฺว    วิปฺปยุตฺตปจฺจเยน   ปจฺจโย:   ตีณิ   อรูปทุกสทิสา
กาตพฺพา  ฯ  ...  อตฺถิปจฺจเยน  ปจฺจโย:  สตฺต อรูปทุกสทิสา กาตพฺพา
อามสนา  นานาปทาเยว  ฯ  ...  นตฺถิปจฺจเยน  ปจฺจโย: วิคตปจฺจเยน
ปจฺจโย: อวิคตปจฺจเยน ปจฺจโย: ฯ
     [๘๓๕]   เหตุยา   จตฺตาริ   อารมฺมเณ   ตีณิ   อธิปติยา  ปญฺจ
อนนฺตเร    ตีณิ    สมนนฺตเร    ตีณิ    สหชาเต   ปญฺจ   อญฺญมญฺเญ
เทฺว    นิสฺสเย    สตฺต    อุปนิสฺสเย    จตฺตาริ   ปุเรชาเต   เทฺว
ปจฺฉาชาเต   เทฺว   อาเสวเน   เทฺว  กมฺเม  จตฺตาริ  วิปาเก  เอกํ
อาหาเร    จตฺตาริ    อินฺทฺริเย   จตฺตาริ   ฌาเน   จตฺตาริ   มคฺเค
จตฺตาริ    สมฺปยุตฺเต    เทฺว    วิปฺปยุตฺเต    ตีณิ    อตฺถิยา   สตฺต
นตฺถิยา ตีณิ วิคเต ตีณิ อวิคเต สตฺต ฯ
     [๘๓๖]   นิยฺยานิโก  ธมฺโม  นิยฺยานิกสฺส  ธมฺมสฺส  สหชาตปจฺจเยน
ปจฺจโย:  อุปนิสฺสยปจฺจเยน  ปจฺจโย:  ฯ  นิยฺยานิโก ธมฺโม อนิยฺยานิกสฺส
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน     ปจฺจโย:    ปจฺฉาชาตปจฺจเยน    ปจฺจโย:    ฯ
นิยฺยานิโก    ธมฺโม    นิยฺยานิกสฺส   จ   อนิยฺยานิกสฺส   จ   ธมฺมสฺส
สหชาตปจฺจเยน    ปจฺจโย:   ฯ   อนิยฺยานิโก   ธมฺโม   อนิยฺยานิกสฺส
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน    ปจฺจโย:    ปุเรชาตปจฺจเยน   ปจฺจโย:   ปจฺฉา-
ชาตปจฺจเยน    ปจฺจโย:   กมฺมปจฺจเยน   ปจฺจโย:   อาหารปจฺจเยน
ปจฺจโย: อินฺทฺริยปจฺจเยน ปจฺจโย: ฯ
     {๘๓๖.๑}   อนิยฺยานิโก ธมฺโม นิยฺยานิกสฺส ธมฺมสฺส อุปนิสฺสยปจฺจเยน
ปจฺจโย:  ปุเรชาตปจฺจเยน ปจฺจโย: ฯ นิยฺยานิโก จ อนิยฺยานิโก จ ธมฺมา
นิยฺยานิกสฺส    ธมฺมสฺส   สหชาตปจฺจเยน   ปจฺจโย:   ปุเรชาตปจฺจเยน
ปจฺจโย:  ฯ  นิยฺยานิโก  จ  อนิยฺยานิโก  จ ธมฺมา อนิยฺยานิกสฺส ธมฺมสฺส
สหชาตปจฺจเยน  ปจฺจโย:  ปจฺฉาชาตปจฺจเยน  ปจฺจโย:  อาหารปจฺจเยน
ปจฺจโย: อินฺทฺริยปจฺจเยน ปจฺจโย: ฯ
     [๘๓๗]   นเหตุยา   สตฺต   นอารมฺมเณ  สตฺต  นอธิปติยา  สตฺต
นอนนฺตเร   นสมนนฺตเร   สตฺต   นสหชาเต   ปญฺจ  นอญฺญมญฺเญ  ปญฺจ
นนิสฺสเย   ปญฺจ   นอุปนิสฺสเย   สตฺต   นปุเรชาเต   ฉ  นปจฺฉาชาเต
สตฺต     นสมฺปยุตฺเต    ปญฺจ    นวิปฺปยุตฺเต    จตฺตาริ    โนอตฺถิยา
จตฺตาริ โนนตฺถิยา สตฺต โนวิคเต สตฺต โนอวิคเต จตฺตาริ ฯ
     [๘๓๘]   เหตุปจฺจยา  นอารมฺมเณ  จตฺตาริ ... นอธิปติยา จตฺตาริ
นอนนฺตเร    นสมนนฺตเร   จตฺตาริ   นอญฺญมญฺเญ   เทฺว   นอุปนิสฺสเย
จตฺตาริ   นสมฺปยุตฺเต   เทฺว   นวิปฺปยุตฺเต   เทฺว  โนนตฺถิยา  จตฺตาริ
โนวิคเต จตฺตาริ ฯ
     [๘๓๙]   นเหตุปจฺจยา  อารมฺมเณ  ตีณิ  ...  อธิปติยา  ปญฺจ  ฯ
อนุโลมมาติกา วิตฺถาเรตพฺพา ฯ ... อวิคเต สตฺต ฯ
                               นิยฺยานิกทุกํ นิฏฺฐิตํ ฯ
                                   ---------------



             เนื้อความพระไตรปิฎกฉบับภาษาบาลีอักษรไทย เล่มที่ ๔๓ หน้าที่ ๔๙๙-๕๑๑. http://84000.org/tipitaka/pali/pali_item_s.php?book=43&item=813&items=27&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=43&item=813&items=27&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=43&item=813&items=27&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=43&item=813&items=27&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=43&i=813              สารบัญพระไตรปิฎกเล่มที่ ๔๓ http://84000.org/tipitaka/read/?index_43

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :