TIPITAKA Volume 12 : PALI ROMAN
Sutta Pitaka Vol 4 : Sutta. Ma. Mū.

page137.
                      Mahasihanadasuttam
     [159]  Evamme  sutam  ekam samayam bhagava vesaliyam viharati bahinagare
aparapure   1-   vanasande   .   tena   kho  pana  samayena  sunakkhatto
licchaviputto  acirapakkanto  hoti  imasma  dhammavinaya  .  so  vesaliyam
parisati   2-  evam  vacam  bhasati  natthi  samanassa  gotamassa  uttari  3-
manussadhamma      alamariyananadassanaviseso      takkapariyahatam     samano
gotamo    dhammam    deseti   vimamsanucaritam   sayam   patibhanam   yassa   ca
khvassatthaya    dhammo    desito   so   niyyati   takkarassa   samma
dukkhakkhayayati.
     [160]  Atha  kho  ayasma  sariputto  pubbanhasamayam  nivasetva
pattacivaramadaya    vesalim    pindaya    pavisi    .   assosi   kho
ayasma   sariputto   sunakkhattassa   licchaviputtassa   vesaliyam   parisati
evam    vacam    bhasamanassa    natthi    samanassa    gotamassa   uttari
manussadhamma      alamariyananadassanaviseso      takkapariyahatam     samano
gotamo    dhammam    deseti   vimamsanucaritam   sayam   patibhanam   yassa   ca
khvassatthaya    dhammo    desito   so   niyyati   takkarassa   samma
dukkhakkhayayati   .   athakho   ayasma   sariputto  vesaliyam  pindaya
@Footnote: 1 Si. Yu. avarapureti patho pannayati. 2 Si. Yu. parisatinti patho dissati.
@3 Yu. uttarim.
---------------------------------------------------------------------------------------------
page138.
Caritva   pacchabhattam   pindapatapatikkanto   yena   bhagava   tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno   kho   ayasma   sariputto   bhagavantam  etadavoca  sunakkhatto
bhante   licchaviputto   acirapakkanto  imasma  dhammavinaya  so  vesaliyam
parisati    evam    vacam   bhasati   natthi   samanassa   gotamassa   uttari
manussadhamma      alamariyananadassanaviseso      takkapariyahatam     samano
gotamo    dhammam    deseti   vimamsanucaritam   sayam   patibhanam   yassa   ca
khvassatthaya    dhammo    desito   so   niyyati   takkarassa   samma
dukkhakkhayayati.
     [161]   Kodhano   kho  sariputta  sunakkhatto  moghapuriso  kodha
ca    panassa    esa   vaca   bhasita   avannam   bhasissamiti   so
sariputta    sunakkhatto    moghapuriso    vannamyeva   tathagatassa   bhasati
vanno   heso   sariputta   tathagatassa   yo   evam   vadeyya   yassa
ca   khvassatthaya   dhammo   desito   so   niyyati  takkarassa  samma
dukkhakkhayayati.
     [162]   Ayampi   hi   nama  sariputta  sunakkhattassa  moghapurisassa
mayi   dhammanvayo   na  bhavissati  itipi  so  bhagava  araham  sammasambuddho
vijjacaranasampanno     sugato    lokavidu    anuttaro    purisadammasarathi
sattha devamanussanam buddho bhagavati.
     [163]   Ayampi   hi   nama  sariputta  sunakkhattassa  moghapurisassa
---------------------------------------------------------------------------------------------
page139.
Mayi   dhammanvayo   na   bhavissati  itipi  so  bhagava  anekavihitam  iddhividham
paccanubhoti  ekopi  hutva  bahudha  hoti  bahudhapi  hutva  eko  hoti
avibhavam   tirobhavam   tirokuddam   tiropakaram   tiropabbatam  asajjamano
gacchati   seyyathapi   akase   .   pathaviyapi   ummujjanimmujjam  karoti
seyyathapi    udake   .   udakepi   abhijjamane   gacchati   seyyathapi
pathaviyam   .   akasepi  pallankena  kamati  seyyathapi  pakkhi  sakuno .
Imepi   candimasuriye   evammahiddhike   evammahanubhave  panina  parimasati
parimajjati yava brahmalokapi kayena vasam vattetiti.
     [164]   Ayampi   hi   nama  sariputta  sunakkhattassa  moghapurisassa
mayi   dhammanvayo   na  bhavissati  itipi  so  bhagava  dibbaya  sotadhatuya
visuddhaya     atikkantamanusikaya    ubho    sadde    sunati    dibbe
ca manuse ca ye dure santike cati.
     [165]   Ayampi   hi   nama  sariputta  sunakkhattassa  moghapurisassa
mayi    dhammanvayo    na    bhavissati   itipi   so   bhagava   parasattanam
parapuggalanam   cetasa   ceto  paricca  pajanati  .  saragam  va  cittam
saragam   cittanti   pajanati   vitaragam   va   cittam   vitaragam  cittanti
pajanati    .    sadosam    va   cittam   sadosam   cittanti   pajanati
vitadosam   va   cittam   vitadosam   cittanti   pajanati   .  samoham  va
cittam    samoham   cittanti   pajanati   vitamoham   va   cittam   vitamoham
cittanti    pajanati    .   sankhittam   va   cittam   sankhittam   cittanti
---------------------------------------------------------------------------------------------
page140.
Pajanati    vikkhittam   va   cittam   vikkhittam   cittanti   pajanati  .
Mahaggatam  va  cittam  ...  amahaggatam  va  cittam  ...  .  sauttaram  va
cittam   ...   anuttaram  va  cittam  ...  .  samahitam  va  cittam  ...
Asamahitam   va   cittam   ...   .  vimuttam  va  cittam  vimuttam  cittanti
pajanati avimuttam va cittam avimuttam cittanti pajanatiti.
     [166]   Dasa   kho  panimani  sariputta  tathagatassa  tathagatabalani
yehi    balehi    samannagato    tathagato    asabhanthanam   patijanati
parisasu sihanadam nadati brahmacakkam pavatteti. Katamani dasa.
     {166.1}  Idha  sariputta  tathagato  thananca  thanato  atthananca
atthanato   yathabhutam   pajanati  .  yampi  sariputta  tathagato  thananca
thanato   atthananca   atthanato   yathabhutam  pajanati  idampi  sariputta
tathagatassa   tathagatabalam   hoti  yam  balam  agamma  tathagato  asabhanthanam
patijanati parisasu sihanadam nadati brahmacakkam pavatteti.
     {166.2}  Puna  caparam  sariputta  tathagato atitanagatapaccuppannanam
kammasamadananam   thanaso  hetuso  vipakam  yathabhutam  pajanati  .  yampi
sariputta     tathagato     atitanagatapaccuppannanam     kammasamadananam
thanaso  hetuso  vipakam  yathabhutam  pajanati  idampi  sariputta tathagatassa
tathagatabalam   hoti   yam  balam  agamma  tathagato  asabhanthanam  patijanati
parisasu sihanadam nadati brahmacakkam pavatteti.
     {166.3}       Puna       caparam      sariputta      tathagato
sabbatthagaminim        patipadam        yathabhutam       pajanati      .
---------------------------------------------------------------------------------------------
page141.
Yampi   sariputta   tathagato   sabbatthagaminim   patipadam  yathabhutam  pajanati
idampi   sariputta   tathagatassa    tathagatabalam   hoti   yam  balam  agamma
tathagato   asabhanthanam   patijanati  parisasu  sihanadam  nadati  brahmacakkam
pavatteti.
     {166.4}  Puna  caparam  sariputta  tathagato anekadhatunanadhatulokam
yathabhutam  pajanati  .  yampi  sariputta  tathagato anekadhatunanadhatulokam
yathabhutam   pajanati   idampi  sariputta  tathagatassa  tathagatabalam  hoti  yam
balam   agamma   tathagato   asabhanthanam   patijanati   parisasu  sihanadam
nadati brahmacakkam pavatteti.
     {166.5}  Puna  caparam  sariputta  tathagato  sattanam nanadhimuttikatam
yathabhutam  pajanati  .  yampi  sariputta  tathagato  sattanam nanadhimuttikatam
yathabhutam   pajanati   idampi  sariputta  tathagatassa  tathagatabalam  hoti  yam
balam   agamma   tathagato   asabhanthanam   patijanati   parisasu  sihanadam
nadati brahmacakkam pavatteti.
     {166.6}  Puna  caparam  sariputta  tathagato  parasattanam parapuggalanam
indriyaparopariyattam   yathabhutam   pajanati   .  yampi  sariputta  tathagato
parasattanam    parapuggalanam    indriyaparopariyattam    yathabhutam    pajanati
idampi   sariputta   tathagatassa   tathagatabalam   hoti   yam   balam  agamma
tathagato     asabhanthanam    patijanati    parisasu    sihanadam    nadati
brahmacakkam pavatteti.
     {166.7}  Puna  caparam sariputta tathagato jhanavimokkhasamadhisamapattinam
sankilesam  vodanam  vutthanam  yathabhutam  pajanati. Yampi sariputta tathagato
---------------------------------------------------------------------------------------------
page142.
Jhanavimokkhasamadhisamapattinam    sankilesam    vodanam    vutthanam   yathabhutam
pajanati   idampi   sariputta   tathagatassa   tathagatabalam   hoti  yam  balam
agamma   tathagato   asabhanthanam   patijanati   parisasu  sihanadam  nadati
brahmacakkam pavatteti.
     {166.8}    Puna    caparam    sariputta    tathagato   anekavihitam
pubbenivasam   anussarati   seyyathidam   ekampi   jatim   dvepi   jatiyo
tissopi   jatiyo   catassopi   jatiyo  pancapi  jatiyo  dasapi  jatiyo
visampi   jatiyo   timsampi   jatiyo   cattalisampi   jatiyo  pannasampi
jatiyo     jatisatampi    jatisahassampi    jatisatasahassampi    anekepi
samvattakappe    anekepi    vivattakappe    anekepi   samvattavivattakappe
amutrasim   evamnamo   evamgotto   evamvanno   evamaharo   evam
sukhadukkhapatisamvedi   evamayupariyanto   so   tato  cuto  amutra  udapadim
tatrapasim   evamnamo   evamgotto   evamvanno   evamaharo  evam
sukhadukkhapatisamvedi    evamayupariyanto   so   tato   cuto   idhupapannoti
iti   sakaram   sauddesam   anekavihitam  pubbenivasam  anussarati  .  yampi
sariputta    tathagato   anekavihitam   pubbenivasam   anussarati   seyyathidam
ekampi   jatim   dvepi   jatiyo   .pe.   iti   sakaram   sauddesam
anekavihitam    pubbenivasam    anussarati   idampi   sariputta   tathagatassa
tathagatabalam    hoti    yam    balam    agamma    tathagato   asabhanthanam
patijanati parisasu sihanadam nadati brahmacakkam pavatteti.
     {166.9}       Puna       caparam      sariputta      tathagato
dibbena         cakkhuna         visuddhena        atikkantamanusakena
---------------------------------------------------------------------------------------------
page143.
Satte     passati     cavamane     upapajjamane     hine     panite
suvanne   dubbanne   sugate   duggate   yathakammupage  satte  pajanati
ime   vata   .pe.   pajanati  .  yampi  sariputta  tathagato  dibbena
cakkhuna    visuddhena    atikkantamanusakena   satte   passati   cavamane
upapajjamane    hine   panite   suvanne   dubbanne   sugate   duggate
yathakammupage    satte    pajanati    ime   vata   .pe.   pajanati
idampi   sariputta   tathagatassa   tathagatabalam   hoti   yam   balam  agamma
tathagato   asabhanthanam   patijanati  parisasu  sihanadam  nadati  brahmacakkam
pavatteti.
     {166.10}   Puna   caparam   sariputta   tathagato  asavanam  khaya
anasavam   cetovimuttim   pannavimuttim   dittheva   dhamme   sayam   abhinna
sacchikatva    upasampajja    viharati    .   yampi   sariputta   tathagato
asavanam   khaya   anasavam   cetovimuttim   pannavimuttim  dittheva  dhamme
sayam    abhinna    sacchikatva   upasampajja   viharati   idampi   sariputta
tathagatassa    tathagatabalam     hoti    yam    balam    agamma   tathagato
asabhanthanam    patijanati    parisasu    sihanadam    nadati    brahmacakkam
pavatteti.
     {166.11}  Imani  kho  sariputta  dasa  tathagatassa  tathagatabalani
yehi    balehi    samannagato    tathagato    asabhanthanam   patijanati
parisasu  sihanadam  nadati  brahmacakkam  pavatteti  .  yo  kho  mam sariputta
evam   janantam  evam  passantam  evam  vadeyya  natthi  samanassa  gotamassa
uttari manussadhamma alamariyananadassanaviseso
---------------------------------------------------------------------------------------------
page144.
Takkapariyahatam    samano   gotamo   dhammam   deseti   vimamsanucaritam   sayam
patibhananti   tam   sariputta   vacam   appahaya   tam  cittam  appahaya  tam
ditthim  appatinissajjitva  yathabhatam  nikkhitto  evam  niraye  .  seyyathapi
sariputta     bhikkhu     silasampanno    samadhisampanno    pannasampanno
dittheva  dhamme  annam  aradheyya  evam  sampadamidam  sariputta  vadami.
Tam   vacam   appahaya   tam  cittam  appahaya  tam  ditthim  appatinissajjitva
yathabhatam nikkhitto evam niraye.
     [167]   Cattarimani   sariputta  tathagatassa  vesarajjani  yehi
vesarajjehi   samannagato   tathagato  asabhanthanam  patijanati  parisasu
sihanadam nadati brahmacakkam pavatteti. Katamani cattari.
     {167.1}    Sammasambuddhassa   te   patijanato   ime   dhamma
anabhisambuddhati  tatra  vata  mam  samano  va  brahmano  va  devo  va
maro  va  brahma  va  koci  va  lokasmim  sahadhammena paticodessatiti
nimittametam   sariputta   na  samanupassami  etamaham  1-  sariputta  nimittam
asamanupassanto khemappatto abhayappatto vesarajjappatto viharami.
     {167.2}  Khinasavassa  te  patijanato  ime asava apparikkhinati
tatra  vata  mam  samano  va  brahmano  va devo va maro va brahma
va  koci  va  lokasmim  sahadhammena  paticodessatiti  nimittametam sariputta
na   samanupassami  etamaham  sariputta  nimittam  asamanupassanto  khemappatto
@Footnote: 1 Si. Yu. etampaham.
---------------------------------------------------------------------------------------------
page145.
Abhayappatto vesarajjappatto viharami.
     {167.3}  Ye kho pana te antarayika dhamma vutta te patisevato
nalam  antarayayati  tatra  vata  mam  samano va brahmano va devo va
maro  va  brahma  va  koci  va  lokasmim  sahadhammena paticodessatiti
nimittametam   sariputta   na   samanupassami   etamaham   sariputta   nimittam
asamanupassanto khemappatto abhayappatto vesarajjappatto viharami.
     {167.4}  Yassa  kho pana te atthaya dhammo desito so na niyyati
takkarassa  samma  dukkhakkhayayati  tatra  vata  mam  samano  va  brahmano
va  devo  va  maro  va  brahma  va  koci va lokasmim sahadhammena
paticodessatiti    nimittametam    sariputta    na   samanupassami   etamaham
sariputta     nimittam     asamanupassanto     khemappatto    abhayappatto
vesarajjappatto viharami.
     {167.5}  Imani  kho  sariputta  cattari tathagatassa vesarajjani
yehi   vesarajjehi   samannagato   tathagato   asabhanthanam  patijanati
parisasu sihanadam nadati brahmacakkam pavatteti.
     {167.6}  Yo  kho  mam  sariputta evam janantam evam passantam evam
vadeyya     natthi     samanassa     gotamassa     uttari    manussadhamma
alamariyananadassanaviseso       takkapariyahatam       samano      gotamo
dhammam     deseti    vimamsanucaritam    sayam    patibhananti   tam   sariputta
vacam   appahaya    tam   cittam   appahaya   tam  ditthim  appatinissajjitva
yathabhatam    nikkhitto     evam    niraye    .   seyyathapi   sariputta
bhikkhu     silasampanno     samadhisampanno     pannasampanno    dittheva
---------------------------------------------------------------------------------------------
page146.
Dhamme   annam   aradheyya   evam  sampadamidam  sariputta  vadami  .  tam
vacam   appahaya   tam   cittam   appahaya   tam   ditthim  appatinissajjitva
yathabhatam nikkhitto evam niraye.
     [168]  Attha  kho  ima  sariputta parisa katama attha khattiyaparisa
brahmanaparisa     gahapatiparisa     samanaparisa     catummaharajikaparisa
tavatimsaparisa   maraparisa   brahmaparisa   ima   kho   sariputta  attha
parisa   .   imehi   kho   sariputta  catuhi  vesarajjehi  samannagato
tathagato   ima   attha  parisa  upasankamati  ajjhogahati  .  abhijanami
kho   panaham   sariputta   anekasatam   khattiyaparisam   upasankamita  tatrapi
maya      sannisinnapubbanceva      sallapitapubbanca     sakaccha     ca
samapajjitapubba   tatra   vata  mam  bhayam  va  sarajjam  va  okkamissatiti
nimittametam   sariputta   na   samanupassami   etamaham   sariputta   nimittam
asamanupassanto .pe. Viharami.
     {168.1}    Abhijanami    kho    panaham   sariputta   anekasatam
brahmanaparisam       gahapatiparisam      samanaparisam      catummaharajikaparisam
tavatimsaparisam    maraparisam    brahmaparisam    upasankamita   tatrapi   maya
sannisinnapubbanceva         sallapitapubbanca        sakaccha        ca
samapajjitapubba   tatra   vata  mam  bhayam  va  sarajjam  va  okkamissatiti
nimittametam   sariputta   na   samanupassami   etamaham   sariputta   nimittam
asamanupassanto khemappatto .pe. Viharami.
     {168.2}  Yo  kho  mam  sariputta  evam  janantam  evam  passantam
evam         vadeyya        natthi        samanassa        gotamassa
---------------------------------------------------------------------------------------------
page147.
Uttari      manussadhamma      alamariyananadassanaviseso     takkapariyahatam
samano   gotamo   dhammam   deseti   vimamsanucaritam   sayam   patibhananti  tam
sariputta    vacam    appahaya    tam    cittam    appahaya   tam   ditthim
appatinissajjitva   yathabhatam   nikkhitto   evam   niraye   .  seyyathapi
sariputta   bhikkhu   silasampanno   samadhisampanno  pannasampanno  dittheva
dhamme   annam   aradheyya   evam   sampadamidam   sariputta   vadami .
Tam   vacam   appahaya   tam  cittam  appahaya  tam  ditthim  appatinissajjitva
yathabhatam nikkhitto evam niraye.
     [169]   Catasso  kho  ima  sariputta  yoniyo  katama  catasso
andaja   yoni  jalabuja  yoni  samsedaja  yoni  opapatika  yoni .
Katama   ca   sariputta  andaja  yoni  ye  kho  te  sariputta  satta
andakosam    abhinibbhijja    jayanti   ayam   vuccati   sariputta   andaja
yoni  .  katama  ca  sariputta  jalabuja  yoni  ye  kho  te sariputta
satta    vatthikosam    abhinibbhijja    jayanti   ayam   vuccati   sariputta
jalabuja  yoni  .  katama  ca  sariputta  samsedaja  yoni  ye  kho te
sariputta   satta   putimacche  va  jayanti  putikunape  va  putikummase
va   candanikaya   va  oligalle  va  jayanti  ayam  vuccati  sariputta
samsedaja   yoni   .   katama  ca  sariputta  opapatika  yoni  deva
nerayika   ekacce  ca  manussa  ekacce  ca  vinipatika  ayam  vuccati
sariputta opapatika yoni. Ima kho sariputta catasso yoniyo.
---------------------------------------------------------------------------------------------
page148.
     {169.1}  Yo  kho  mam  sariputta evam janantam evam passantam evam
vadeyya     natthi     samanassa     gotamassa     uttari    manussadhamma
alamariyananadassanaviseso     takkapariyahatam    samano    gotamo    dhammam
deseti   vimamsanucaritam   sayam   patibhananti  tam  sariputta  vacam  appahaya
tam   cittam   appahaya   tam   datthim  appatinissajjitva  yathabhatam  nikkhitto
evam  niraye  .  seyyathapi  sariputta  bhikkhu  silasampanno samadhisampanno
pannasampanno   dittheva   dhamme   annam   aradheyya  evam  sampadamidam
sariputta   vadami   .   tam   vacam   appahaya  tam  cittam  appahaya  tam
ditthim appatinissajjitva yathabhatam nikkhitto evam niraye.
     [170]   Panca   kho   ima   sariputta   gatiyo   katama  panca
nirayo   tiracchanayoni   pittivisayo   manussa   deva   .   nirayancaham
sariputta   pajanami   nirayagaminca   maggam   nirayagamininca  patipadam  yatha
patipanno   ca   kayassa   bheda   parammarana   apayam  duggatim  vinipatam
nirayam   upapajjati   tanca   pajanami   .   tiracchanayonincaham  sariputta
pajanami    tiracchanayonigaminca   maggam   tiracchanayonigamininca   patipadam
yatha    patipanno    ca   kayassa   bheda   parammarana   tiracchanayonim
upapajjati   tanca   pajanami   .   pittivisayancaham   sariputta  pajanami
pittivisayagaminca    maggam   pittivisayagamininca   patipadam   yatha   patipanno
ca    kayassa    bheda    parammarana    pittivisayam    upapajjati   tanca
pajanami   .   manusse   caham   sariputta  pajanami  manussalokagaminca
---------------------------------------------------------------------------------------------
page149.
Maggam    manussalokagamininca    patipadam   yatha   patipanno   ca   kayassa
bheda   parammarana   manussesu   upapajjati   tanca  pajanami  .  deve
caham   sariputta   pajanami   devalokagaminca   maggam  devalokagamininca
patipadam    yatha   patipanno   ca   kayassa   bheda   parammarana   sugatim
saggam   lokam   upapajjati   tanca   pajanami  .  nibbanancaham  sariputta
pajanami    nibbanagaminca    maggam    nibbanagamininca   patipadam   yatha
patipanno   ca   asavanam   khaya   anasavam   cetovimuttim   pannavimuttim
dittheva   dhamme   sayam   abhinna   sacchikatva  upasampajja  viharati  tanca
pajanami.
     [171]  Idhaham  sariputta  ekaccam  puggalam  evam  cetasa  ceto
paricca  janami  1-  tathayam  puggalo  patipanno  tatha  ca  iriyati  tanca
maggam   samarulho   yatha   kayassa   bheda  parammarana  apayam  duggatim
vinipatam    nirayam   upapajjissatiti   tamenam   passami   aparena   samayena
dibbena    cakkhuna    visuddhena   atikkantamanusakena   kayassa   bheda
parammarana   apayam   duggatim   vinipatam   nirayam   upapannam   ekantadukkha
tippa  2-  katuka  vedana vediyamanam. Seyyathapi sariputta angarakasu
sadhikaporisa   pura   angaranam   vitaccikanam   vitadhumanam   atha  puriso
agaccheyya   ghammabhitatto   ghammapareto   kilanto   tasito   pipasito
ekayanena   maggena   tameva   angarakasum   panidhaya  tamenam  cakkhuma
puriso   disva   evam   vadeyya   tathayam  bhavam  puriso  patipanno  tatha
@Footnote: 1 Ma. Yu. pajanami. ito param evameva. 2 Ma. tibba. ito param evameva.
---------------------------------------------------------------------------------------------
page150.
Ca   iriyati   tanca   maggam   samarulho   yatha   imamyeva   angarakasum
agamissatiti     tamenam     passeyya     aparena    samayena    tassa
angarakasuya   patitam  ekantadukkha  tippa  katuka  vedana  vediyamanam
evameva   kho  aham  sariputta  idhekaccam  puggalam  evam  cetasa  ceto
paricca   janami   tathayam   puggalo   patipanno  tatha  ca  iriyati  tanca
maggam   samarulho   yatha   kayassa   bheda  parammarana  apayam  duggatim
vinipatam    nirayam   upapajjissatiti   tamenam   passami   aparena   samayena
dibbena    cakkhuna    visuddhena   atikkantamanusakena   kayassa   bheda
parammarana   apayam   duggatim   vinipatam   nirayam   upapannam   ekantadukkha
tippa katuka vedana vediyamanam.
     [172]   Idha   panaham  sariputta  ekaccam  puggalam  evam  cetasa
ceto   paricca   janami   tathayam  puggalo  patipanno  tatha  ca  iriyati
tanca    maggam    samarulho    yatha    kayassa    bheda   parammarana
tiracchanayonim   upapajjissatiti  tamenam  passami  aparena  samayena  dibbena
cakkhuna   visuddhena   atikkantamanusakena   kayassa   bheda   parammarana
tiracchanayonim   upapannam   dukkha  tippa  katuka  vedana  vediyamanam .
Seyyathapi    sariputta   guthakupe   sadhikaporiso   puro   guthassa   atha
puriso    agaccheyya    ghammabhitatto   ghammapareto   kilanto   tasito
pipasito    ekayanena   maggena   tameva   guthakupam   panidhaya   tamenam
cakkhuma   puriso   disva  evam  vadeyya  tathayam  bhavam  puriso  patipanno
---------------------------------------------------------------------------------------------
page151.
Tatha   ca   iriyati   tanca   maggam   samarulho   yatha  imamyeva  guthakupam
agamissatiti    tamenam   passeyya   aparena   samayena   tasmim   guthakupe
patitam   dukkha   tippa  katuka  vedana  vediyamanam  evameva  kho  aham
sariputta   idhekaccam   puggalam   evam   cetasa  ceto  paricca  janami
tathayam   puggalo   patipanno   tatha  ca  iriyati  tanca  maggam  samarulho
yatha    kayassa    bheda    parammarana   tiracchanayonim   upapajjissatiti
tamenam    passami    aparena   samayena   dibbena   cakkhuna   visuddhena
atikkantamanusakena     kayassa    bheda    parammarana    tiracchanayonim
upapannam  dukkha tippa katuka vedana vediyamanam.
     [173]  Idhaham  sariputta  ekaccam  puggalam  evam  cetasa  ceto
paricca   janami   tathayam   puggalo   patipanno  tatha  ca  iriyati  tanca
maggam    samarulho    yatha   kayassa   bheda   parammarana   pittivisayam
upapajjissatiti   tamenam   passami   aparena   samayena   dibbena  cakkhuna
visuddhena   atikkantamanusakena   kayassa   bheda   parammarana  pittivisayam
upapannam  dukkhabahula  vedana  vediyamanam  .  seyyathapi  sariputta rukkho
visame   bhumibhage   jato   tanupattapalaso   kavaracchayo   atha  puriso
agaccheyya   ghammabhitatto   ghammapareto   kilanto   tasito   pipasito
ekayanena   maggena   tameva   rukkham  panidhaya  tamenam  cakkhuma  puriso
disva   evam  vadeyya  tathayam  bhavam  puriso  patipanno  tatha  ca  iriyati
tanca   maggam   samarulho   yatha   imamyeva   rukkham  agamissatiti  tamenam
---------------------------------------------------------------------------------------------
page152.
Passeyya  aparena  samayena  tassa  rukkhassa  chayaya nisinnam va nipannam va
dukkhabahula  vedana  vediyamanam  evameva  kho  aham  sariputta  idhekaccam
puggalam  evam  cetasa  ceto  paricca  janami  tathayam  puggalo patipanno
tatha   ca   iriyati   tanca   maggam   samarulho   yatha  kayassa  bheda
parammarana    pittivisayam    upapajjissatiti    tamenam    passami   aparena
samayena  dibbena  cakkhuna  visuddhena  atikkantamanusakena  kayassa  bheda
parammarana pittivisayam upapannam dukkhabahula vedana vediyamanam.
     [174]   Idha   panaham  sariputta  ekaccam  puggalam  evam  cetasa
ceto   paricca   janami   tathayam  puggalo  patipanno  tatha  ca  iriyati
tanca   maggam   samarulho   yatha  kayassa  bheda  parammarana  manussesu
upapajjissatiti   tamenam   passami   aparena   samayena   dibbena  cakkhuna
visuddhena   atikkantamanusakena   kayassa   bheda   parammarana  manussesu
upapannam  sukhabahula  vedana  vediyamanam  .  seyyathapi  sariputta  rukkho
same   bhumibhage   jato   bahalapattapalaso   sandacchayo   atha  puriso
agaccheyya   ghammabhitatto   ghammapareto   kilanto   tasito   pipasito
ekayanena   maggena   tameva   rukkham  panidhaya  tamenam  cakkhuma  puriso
disva   evam   vadeyya   tathayam   puriso   patipanno  tatha  ca  iriyati
tanca   maggam   samarulho   yatha   imamyeva   rukkham  agamissatiti  tamenam
passeyya  aparena  samayena  tassa  rukkhassa  chayaya  nisinnam  va  nipannam
va   sukhabahula   vedana   vediyamanam   evameva   kho  aham  sariputta
---------------------------------------------------------------------------------------------
page153.
Idhekaccam   puggalam   evam   cetasa   ceto   paricca   janami  tathayam
puggalo   patipanno   tatha   ca  iriyati  tanca  maggam  samarulho  .pe.
Manussesu upapannam sukhabahula vedana vediyamanam.
     [175]  Idhaham  sariputta  ekaccam  puggalam  evam  cetasa  ceto
paricca   janami   tathayam   puggalo   patipanno  tatha  ca  iriyati  tanca
maggam   samarulho   yatha   kayassa   bheda   parammarana   sugatim  saggam
lokam    upapajjissatiti   tamenam   passami   aparena   samayena   dibbena
cakkhuna   visuddhena   atikkantamanusakena   kayassa   bheda   parammarana
sugatim   saggam   lokam   upapannam   ekantasukha   vedana   vediyamanam .
Seyyathapi   sariputta   pasado   tatrassa   kutagaram   ullittavalittam
nivatam    phusitaggalam    pihitavatapanam   tatrassa   pallanko   gonakatthato
patikatthato     patalikatthato     kaddalimigapavarapaccattharano    sauttaracchado
ubhato    lohitakupadhano    atha    puriso   agaccheyya   ghammabhitatto
ghammapareto   kilanto   tasito   pipasito  ekayanena  maggena  tameva
pasadam   panidhaya   tamenam   cakkhuma   puriso   disva   evam  vadeyya
tathayam  bhavam  puriso  patipanno  tatha  ca  iriyati  tanca  maggam  samarulho
yatha    imamyeva   pasadam   agamissatiti   tamenam   passeyya   aparena
samayena   tasmim   pasade   tasmim   kutagare  tasmim  pallanke  nisinnam
va   nipannam   va   ekantasukha   vedana   vediyamanam  evameva  kho
aham  sariputta  idhekaccam  puggalam  evam  cetasa  ceto  paricca  janami
---------------------------------------------------------------------------------------------
page154.
Tathayam   puggalo   patipanno   tatha  ca  iriyati  tanca  maggam  samarulho
yatha   kayassa   bheda   parammarana   sugatim  saggam  lokam  upapajjissatiti
tamenam    passami    aparena   samayena   dibbena   cakkhuna   visuddhena
atikkantamanusakena   kayassa   bheda   parammarana   sugatim   saggam  lokam
upapannam ekantasukha vedana vediyamanam.
     [176]   Idha   panaham  sariputta  ekaccam  puggalam  evam  cetasa
ceto   paricca   janami   tathayam  puggalo  patipanno  tatha  ca  iriyati
tanca   maggam   samarulho   yatha  asavanam  khaya  anasavam  cetovimuttim
pannavimuttim   dittheva   dhamme   sayam   abhinna   sacchikatva  upasampajja
viharissatiti   tamenam  passami  aparena  samayena  asavanam  khaya  anasavam
cetovimuttim   pannavimuttim   dittheva   dhamme   sayam  abhinna  sacchikatva
upasampajja viharantam ekantasukha vedana vediyamanam.
     {176.1}  Seyyathapi  sariputta  pokkharani  acchodaka  satodaka
sitodaka  setaka  supatittha  ramaniya  avidure  cassa  tibbo  vanasando
atha   puriso   agaccheyya   ghammabhitatto  ghammapareto  kilanto  tasito
pipasito   ekayanena   maggena   tameva   pokkharanim   panidhaya  tamenam
cakkhuma   puriso   disva  evam  vadeyya  tathayam  bhavam  puriso  patipanno
tatha   ca   iriyati   tanca   maggam  samarulho  yatha  imamyeva  pokkharanim
agamissatiti    tamenam    passeyya   aparena   samayena   tam   pokkharanim
ogahetva    nhatva    ca    pivitva   ca   sabbadarathakilamathaparilaham
---------------------------------------------------------------------------------------------
page155.
Patippassambhetva    paccuttaritva    tasmim    vanasande    nisinnam   va
nipannam   va   ekantasukha   vedana   vediyamanam   evameva  kho  aham
sariputta   idhekaccam   puggalam   evam   cetasa  ceto  paricca  janami
tathayam   puggalo   patipanno   tatha  ca  iriyati  tanca  maggam  samarulho
yatha   asavanam   khaya   anasavam   cetovimuttim   pannavimuttim  dittheva
dhamme    sayam   abhinna   sacchikatva   upasampajja   viharissatiti   tamenam
passami   aparena   samayena   asavanam   khaya   anasavam   cetovimuttim
pannavimuttim   dittheva   dhamme   sayam   abhinna   sacchikatva  upasampajja
viharantam   ekantasukha   vedana   vediyamanam   .  ima  kho  sariputta
panca gatiyo.
     {176.2}  Yo  kho  mam  sariputta  evam  janantam  evam  passantam
evam    vadeyya    natthi    samanassa   gotamassa   uttari   manussadhamma
alamariyananadassanaviseso     takkapariyahatam    samano    gotamo    dhammam
deseti   vimamsanucaritam   sayam   patibhananti  tam  sariputta  vacam  appahaya
tam   cittam   appahaya   tam   ditthim  appatinissajjitva  yathabhatam  nikkhitto
evam    niraye    .    seyyathapi    sariputta    bhikkhu   silasampanno
samadhisampanno   pannasampanno   dittheva   dhamme   annam   aradheyya
evam   sampadamidam   sariputta   vadami   .   tam   vacam   appahaya   tam
cittam    appahaya   tam   ditthim   appatinissajjitva   yathabhatam   nikkhitto
evam niraye.
     [177]   Abhijanami   kho   panaham   sariputta  caturangasamannagatam
---------------------------------------------------------------------------------------------
page156.
Brahmacariyam   carita   .   tapassissudam  homi  paramatapassi  lukho  1-  sudam
homi   paramalukho   jegucchi   sudam   homi   paramajegucchi   pavivitto  2-
sudam homi paramapavivitto.
     [178]  Tatrassu  me  idam  sariputta  tapassitaya  hoti  acelako
homi   muttacaro   hatthavalekhano  na  ehibhadantiko  na  titthabhadantiko
na  abhihatam  na  uddissa  katam  na  nimantanam  sadiyami  .  so na kumbhimukha
patigganhami    na    kalopimukha    patigganhami   na   elakamantaram   na
dandamantaram   na   musalamantaram   na  dvinnam  bhunjamananam  na  gabbhiniya  na
payamanaya   na  purisantaragataya  na  sankittisu  na  yattha  sa  upatthito
hoti  na  yattha  makkhika  sandasandacarini  na  maccham  na  mamsam  na  suram  na
merayam na thusodakam pivami.
     {178.1}  So  ekagariko  va  homi ekalopiko dvagariko
va  homi  dvalopiko  .pe.  sattagariko  va  homi sattalopiko.
Ekissapi   dattiya   yapemi  dvihipi  dattihi  yapemi  .pe.  sattahipi
dattihi   yapemi   ekahikampi   aharam  aharemi  dvihikampi  aharam
aharemi   .pe.   sattahikampi   aharam   aharemi   iti  evarupam
addhamasikampi    pariyayabhattabhojananuyogamanuyutto    viharami    .   so
sakabhakkho  va  homi  samakabhakkho  va  homi  nivarabhakkho  va  homi
daddulabhakkho     va    homi    hatabhakkho    va    homi    kanabhakkho
@Footnote: 1 Si. lukhassudam. 2 Yu. pavivittassudam.
---------------------------------------------------------------------------------------------
page157.
Va    homi   acamabhakkho   va   homi   pinnakabhakkho   va   homi
tinabhakkho    va    homi   gomayabhakkho   va   homi   vanamulaphalaharo
yapemi pavattaphalabhoji.
     {178.2}  So  sananipi  dharemi  masananipi dharemi chavadussanipi
dharemi  pamsukulanipi  dharemi  tiritanipi  dharemi  ajinanipi  1-  dharemi
ajinakkhipampi   dharemi  kusacirampi  dharemi  vakacirampi  dharemi phalakacirampi
dharemi   kesakambalampi   dharemi   valakambalampi   dharemi  ulukapakkhampi
dharemi     kesamassulocakopi     homi    kesamassulocananuyogamanuyutto
ubbhatthako      homi      asanapatikkhitto      ukkutikopi      homi
ukkutikappadhanamanuyutto     kantakapassayikopi     homi    kantakapassaye
seyyam    kappemi   sayatatiyakampi   udakorohananuyogamanuyutto   viharami
iti    evarupam   anekavihitam   kayassa   atapanaparitapananuyogamanuyutto
viharami. Idamsu me sariputta tapassitaya hoti.
     [179]  Tatrassu  me  idam  sariputta  lukhasmim hoti. Nekavassaganikam
rajojallam    kaye    sannicitam    hoti   pappatikajatam   .   seyyathapi
sariputta   tindukakhanu   nekavassaganiko   sannicito   hoti  pappatikajato
evamevassu    me    sariputta    nekavassaganikam    rajojallam    kaye
sannicitam   hoti   pappatikajatam   .   tassa   mayham   sariputta  na  evam
hoti   aho   vataham   imam  rajojallam  panina  parimajjeyyam  .  anne
va   pana   me   imam  rajojallam  panina  parimajjeyyunti  evampi  me
@Footnote: 1 Ma. Yu. ajinampi.
---------------------------------------------------------------------------------------------
page158.
Sariputta na hoti. Idamsu me sariputta lukhasmim hoti.
     [180]  Tatrassu  me  idam  sariputta  jegucchismim  hoti. So kho
aham    sariputta   satova   abhikkamami   sato   patikkamami   .   yava
udakabindumhipi   me   daya   paccupatthita   hoti  maham  khuddake  pane
visamagate sanghatam apadesinti. Idamsu me sariputta jegucchismim hoti.
     [181]  Tatrassu  me  idam  sariputta  pavivittasmim  hoti. So kho
aham   sariputta   annataram   arannayatanam   ajjhogahetva   viharami .
Yada    passami    gopalakam   va   pasupalakam   va   tinaharakam   va
katthaharakam  va  vanakammikam  va  vanena  vanam  gahanena  gahanam ninnena ninnam
thalena   thalam   papatami   1-   tam   kissa  hetu  ma  mam  te  addasamsu
ahanca   ma   te   addasanti   .   seyyathapi   sariputta  arannako
migo   manusse   disva   vanena   vanam   gahanena  gahanam  ninnena  ninnam
thalena   thalam   papatati   evameva   kho   aham  sariputta  yada  passami
gopalakam  va  pasupalakam  va  tinaharakam  va  katthaharakam  va  vanakammikam
va   vanena   vanam  gahanena  gahanam  ninnena  ninnam  thalena  thalam  papatami
tam   kissa  hetu  ma  mam  te  addasamsu  ahanca  ma  te  addasanti .
Idamsu me sariputta pavivittasmim hoti.
     [182]  So  kho  aham  sariputta  ye  te  gottha  patthitagavo
apagatagopala   tattha   catukundiko   2-   upasankamitva   yani   tani
@Footnote: 1 Ma. sampatami. 2 Si. Yu. catukundigo.
---------------------------------------------------------------------------------------------
page159.
Vacchakanam   tarunakanam   dhenupakanam   gomayani  tani  sudam  aharemi .
Yavakivanca    me    sariputta    sakam   muttakarisam   apariyadinnam   hoti
sakamyeva    sudam    muttakarisam   aharemi   .   idamsu   me   sariputta
mahavikatabhojanasmim hoti.
     [183]   So   kho   aham   sariputta   annataram  bhimsanakam  vanasandam
ajjhogahetva    viharami    .    tatrassudam    sariputta    bhimsanakassa
vanasandassa   bhimsanakatasmim   hoti   .   yokoci   avitarago  tam  vanasandam
pavisati  yebhuyyena  lomani  hamsanti  .  so  kho  aham  sariputta ya ta
rattiyo   sita   hemantika  antaratthaka  himapatasamaya  1-  tatharupasu
rattisu   rattim   abbhokase  viharami  diva  vanasande  gimhanam  pacchime
mase   disva   abbhokase   viharami  rattim  vanasande  .  apissu  mam
sariputta ayam anacchariya gatha patibhasi pubbe assutapubba
       so tatto so sino eko     eko bhimsanake vane
       naggo na caggimasino         esanapasuto muniti.
     [184]  So  kho  aham  sariputta susane seyyam kappemi chavatthikani
upadhaya    .    apissu    mam    sariputta   gomandala   upasankamitva
otthubhentipi   2-   omuttentipi   pamsukenapi   okiranti  kannasotesupi
salakam  pavesenti  .  na  kho  panaham  sariputta  abhijanami tesu papakam
cittam uppadeta. Idamsu me sariputta upekkhaviharasmim hoti.
@Footnote: 1 Si. Yu. antaratthake himapatasamaye. 2 Si. Yu. otthubhantipi.
---------------------------------------------------------------------------------------------
page160.
     [185]   Santi   kho   pana   sariputta   eke   samanabrahmana
evamvadino   evamditthino   aharena   suddhiti   .   te   evamahamsu
kolehi   yapemati   .   te  kolampi  khadanti  kolacunnampi  khadanti
kolodakampi    pivanti    anekavihitampi    kolavikatim    paribhunjanti   .
Abhijanami  kho  panaham  sariputta  ekamyeva  kolam  aharam  aharita.
Siya   kho   pana   te  sariputta  evamassa  maha  nuna  tena  samayena
kolo   ahositi   .   na   kho   panetam  sariputta  evam  datthabbam .
Tadapi   etaparamoyeva   kolo   ahosi  seyyathapi  etarahi  .  tassa
mayham   sariputta   ekamyeva  kolam  aharam  aharayato  adhimattakasimanam
patto kayo hoti.
     {185.1}   Seyyathapi   nama  asitikapabbani  va  kalapabbani
va   evamevassu   me  angapaccangani  bhavanti  tayevappaharataya .
Seyyathapi    nama    otthapadam    evamevassu   me   anisadam   hoti
tayevappaharataya   .   seyyathapi   nama   vattanavali   evamevassu
me  pitthikantako  unnatavanato  hoti  tayevappaharataya . Seyyathapi
nama   jarasalaya   gopanasiyo   oluggavilugga   bhavanti   evamevassu
me phasuliyo oluggavilugga bhavanti tayevappaharataya.
     {185.2}   Seyyathapi   nama   gambhire   udapane  udakataraka
gambhiragata  okkhayika  dissanti  evamevassu  me akkhikupesu akkhitaraka
gambhiragata   okkhayika   dissanti   tayevappaharataya  .  seyyathapi
nama  tittikalabu  amakacchinno  vatatapena  samphusito  hoti  sammilato
---------------------------------------------------------------------------------------------
page161.
Evamevassu  me  sisacchavi  samphusita hoti sammilata tayevappaharataya.
So   kho   aham   sariputta   udaracchavim   parimasissamiti   pitthikantakamyeva
parigganhami    pitthikantakam    parimasissamiti   udaracchavimyeva   parigganhami
yavassu    me    sariputta    udaracchavi   pitthikantakam   allina   hoti
tayevappaharataya  .  so  kho  aham  sariputta  vaccam  va  muttam  va
karissamiti    tatutheva    avakujjo   papatami   tayevappaharataya  .
So   kho  aham  sariputta  tameva  kayam  assasento  panina  gattani
anomajjami   .   tassa  mayham  sariputta  panina  gattani  anomajjato
putimulani lomani kayasma papatanti tayevappaharataya.
     [186]   Santi   kho   pana   sariputta   eke   samanabrahmana
evamvadino   evamditthino   aharena   suddhiti   .   te   evamahamsu
muggehi    yapema    .pe.    tilehi    yapema   .pe.   tandulehi
yapemati    .    te   tandulampi   khadanti   tandulacunnampi   khadanti
tandulodakampi    pivanti    anekavihitampi    tandulavikatim   paribhunjanti  .
Abhijanami  kho  panaham  sariputta  ekamyeva  tandulam  aharam aharita.
Siya   kho   pana   te  sariputta  evamassa  maha  nuna  tena  samayena
tandulo   ahositi   .   na   kho  panetam  sariputta  evam  datthabbam .
Tadapi   etaparamoyeva   tandulo  ahosi  seyyathapi  etarahi  .  tassa
mayham     sariputta     ekamyeva     tandulam    aharam    aharayato
---------------------------------------------------------------------------------------------
page162.
Adhimattakasimanam  patto  kayo  hoti  .  seyyathapi  nama asitikapabbani
va    kalapabbani   va   evamevassu   me   angapaccangani   bhavanti
tayevappaharataya   .   seyyathapi   nama   otthapadam   .pe.  hoti
tayevappaharataya    .    seyyathapi    nama    vattanavali   .pe.
Tayevappaharataya  .  seyyathapi  nama  jarasalaya  .pe.  seyyathapi
nama    gambhire    .pe.    seyyathapi   nama   tittikalabu   .pe.
So  kho  aham  sariputta  udaracchavim  .pe.  so  kho  aham sariputta vaccam
va   .pe.   so  kho  aham  sariputta  tameva  kayam  .pe.  kayasma
papatanti   tayevappaharataya   .  tayapi  kho  aham  sariputta  ariyaya
taya   patipadaya   taya   dukkarakarikaya  najjhagamim  uttari  manussadhamma
alamariyananadassanavisesam    tam    kissa    hetu    imissayeva   ariyaya
pannaya   anadhigama   yayam   ariya  panna  adhigata  ariya  niyyanika
niyyati takkarassa samma dukkhakkhayaya.
     [187]  Santi  kho  pana sariputta eke samanabrahmana evamvadino
evamditthino   samsarena  suddhiti  .  na  kho  paneso  sariputta  samsaro
sulabharupo   yo   maya   asamsaritapubbo  imina  dighena  addhuna  annatra
suddhavasehi   devehi   suddhavase  caham  sariputta  deve  samsareyyam
nayimam lokam puna agaccheyyam.
     [188]   Santi   kho   pana   sariputta   eke   samanabrahmana
evamvadino   evamditthino   upapattiya   suddhiti   .   na  kho  panesa
---------------------------------------------------------------------------------------------
page163.
Sariputta    upapatti   sulabharupa   ya   maya   anuppannapubba   imina
dighena   addhuna   annatra   suddhavasehi   devehi  suddhavase  caham
sariputta deve upapajjeyyam nayimam lokam puna agaccheyyam.
     [189]   Santi   kho   pana   sariputta   eke   samanabrahmana
evamvadino   evamditthino   avasena   suddhiti   .   na  kho  paneso
sariputta   avaso   sulabharupo   yo   maya   anavutthapubbo   imina
dighena   addhuna   annatra   suddhavasehi   devehi  suddhavase  caham
sariputta deve avaseyyam nayimam lokam puna agaccheyyam.
     [190]   Santi   kho   pana   sariputta   eke   samanabrahmana
evamvadino   evamditthino   yannena   suddhiti   .   na   kho   paneso
sariputta   yanno   sulabharupo   yo   maya  ayitthapubbo  imina  dighena
addhuna   tanca   kho   ranna   va   sata   khattiyena  muddhavasittena
brahmanena va mahasalena.
     [191]   Santi   kho   pana   sariputta   eke   samanabrahmana
evamvadino   evamditthino  aggiparicariyaya  suddhiti  .  na  kho  paneso
sariputta   aggi   sulabharupo   yo  maya  aparicinnapubbo  imina  dighena
addhuna   tanca   kho   ranna   va   sata   khattiyena  muddhavasittena
brahmanena va mahasalena.
     [192]   Santi   kho   pana   sariputta   eke   samanabrahmana
evamvadino   evamditthino   yavadevayam   bhavam   puriso   daharo   hoti
---------------------------------------------------------------------------------------------
page164.
Yuva    susukalakeso    bhadrena    yobbanena   samannagato   pathamena
vayasa    tavadeva   paramena   pannaveyyattiyena   samannagato   hoti
yato   ca   kho   ayam   bhavam   puriso   jinno  hoti  vuddho  mahallako
addhagato   vayo   anuppatto   asitiko   va  navutiko  va  vassasatiko
va   jatiya   atha   tamha   pannaveyyattiya   parihayatiti   .   na
kho   panetam   sariputta   evam   datthabbam  .  aham  kho  pana  sariputta
etarahi    jinno    vuddho   mahallako   addhagato   vayo   anuppatto
asitiko me vayo vattati.
     {192.1}  Idhassu  me  sariputta  cattaro  savaka vassasatayuka
vassasatajivino  paramaya  satiya  ca  gatiya ca dhitiya ca samannagata paramena
ca   pannaveyyattiyena   seyyathapi   sariputta   dalhadhammo   dhanuggaho
sikkhito   katahattho   katupasano  lahukena  asanena  appakasireneva  tiriyam
talacchayam   atipateyya   evam  adhimattasatimanto  evam  adhimattagatimanto
evam   adhimattadhitimanto   evam  paramena  pannaveyyattiyena  samannagata
te   mam  catunnam  satipatthananam  upadayupadaya  panham  puccheyyum  puttho
puttho  caham  tesam  byakareyyam  byakatanca me byakatato dhareyyum na ca
mam   dutiyakam   uttarim   patipuccheyyum  annatra  asita  pita  khayita  sayita
annatra     uccarapassavakamma     annatra     niddakilamathapativinodana
apariyadinnayevassa  sariputta  tathagatassa  dhammadesana apariyadinnamyevassa
tathagatassa      dhammapadabyanjanam      apariyadinnamyevassa      tathagatassa
---------------------------------------------------------------------------------------------
page165.
Panhapatibhanam   .   atha   me   te   cattaro  savaka  vassasatayuka
vassasatajivino   vassasatassa   accayena   kalam   kareyyum   .   mancakena
cepi      mam     sariputta     pariharissatha     nevatthi     tathagatassa
pannaveyyattiyassa   annathattam   .   yam   kho   tam   sariputta   samma
vadamano    vadeyya    asammohadhammo    satto    loke    uppanno
bahujanahitaya    bahujanasukhaya   lokanukampaya   atthaya   hitaya   sukhaya
devamanussananti    .    mameva    tam    samma    vadamano   vadeyya
asammohadhammo   satto   loke   uppanno   bahujanahitaya   bahujanasukhaya
lokanukampaya atthaya hitaya sukhaya devamanussananti.
     [193]  Tena  kho  pana  samayena  ayasma  nagasamalo  bhagavato
pitthito    hoti    bhagavantam    vijayamano   .   atha   kho   ayasma
nagasamalo   bhagavantam   etadavoca   acchariyam   bhante   abbhutam   bhante
apica   me   bhante   imam   dhammapariyayam  sutva  lomani  hatthani  ko
namayam   bhante   dhammapariyayoti   .   tasmatiha  tvam  nagasamala  imam
dhammapariyayam lomahamsanapariyayotveva nam dharehiti.
     Idamavoca   bhagava   attamano   ayasma   nagasamalo   bhagavato
bhasitam abhinanditi.
                Mahasihanadasuttam nitthitam dutiyam.
                     -------------


             The Pali Tipitaka in Roman Character Volume 12 page 137-165.
http://84000.org/tipitaka/pali/roman_item_s.php?book=12&item=159&items=35&pagebreak=1&modeTY=2
             Classified by [Item Number] :-
http://84000.org/tipitaka/pali/roman_item_s.php?book=12&item=159&items=35&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=12&item=159&items=35&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=12&item=159&items=35&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=12&i=159
             The Pali Atthakatha in Thai :-
http://84000.org/tipitaka/atthapali/read_th.php?B=7&A=8663
             The Pali Atthakatha in Roman :-
http://84000.org/tipitaka/atthapali/read_rm.php?B=7&A=8663
             Contents of The Tipitaka Volume 12
http://84000.org/tipitaka/read/?index_12