paliTIPITAKA Volume 18 - Sutta Pitaka 10

[339] Atha kho annataro bhikkhu yena annataro bhikkhu tenupasanki upasankamitva tam bhikkhum etadavoca kittavata nu kho avuso bhikkhuno dassanam suvisuddham hotiti . yato kho avuso bhikkhu channam phassayatananam samudayanca atthangamanca yathabhutam pajanati ettavata kho avuso bhikkhuno dassanam suvisuddham hotiti. Atha kho so bhikkhu asantuttho tassa bhikkhussa panhaveyyakaranena ^1- yena annataro bhikkhu tenupasankami upasankamitva tam bhikkhum etadavoca kittavata nu kho avuso bhikkhuno dassanam suvisuddham hotiti . yato kho avuso bhikkhu pancannam upadanakkhandhanam samudayanca atthangamanca yathabhutam pajanati ettavata kho avuso bhikkhuno dassanam suvisuddham hotiti . atha kho so bhikkhu asantuttho tassa bhikkhussa panhaveyyakaranena yena annataro bhikkhu tenupasankami upasankamitva tam bhikkhum etadavoca kittavata nu kho avuso bhikkhuno dassanam suvisuddham hotiti . yato kho avuso bhikkhu catunnam mahabhutanam samudayanca atthangamanca yathabhutam pajanati ettavata kho avuso bhikkhuno dassanam suvisuddham hotiti . atha kho so bhikkhu asantuttho tassa bhikkhussa panhaveyyakaranena yena annataro bhikkhu tenupasankami upasankamitva tam bhikkhum etadavoca kittavata nu kho avuso bhikkhuno dassanam suvisuddham hotiti . yato kho avuso bhikkhu yankinci samudayadhammam @Footnote: ¹ Ma. panhaveyyakaranena. Yu. panhavyakaranena. evamuparipi. Sabbantam nirodhadhammanti yathabhutam pajanati ettavata kho avuso bhikkhuno dassanam suvisuddham hotiti. [340] Atha kho so bhikkhu asantuttho tassa bhikkhussa panha- veyyakaranena yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho so bhikkhu bhagavantam etadavoca idhaham bhante yenannataro bhikkhu tenupasankamim upasankamitva tam bhikkhum etadavocam kittavata nu kho avuso bhikkhuno dassanam suvisuddham hotiti . evam vutte bhante so bhikkhu mam etadavoca yato kho avuso bhikkhu ^1- channam phassayatananam samudayanca atthangamanca yathabhutam pajanati ettavata ^[2]- kho avuso bhikkhuno dassanam suvisuddham hoti ^3- . atha khoham bhante asantuttho tassa bhikkhussa panhaveyyakaranena yena annataro bhikkhu tenupasankamim upasankamitva tam bhikkhum etadavocam kittavata nu kho avuso bhikkhuno dassanam suvisuddham hotiti . Evam vutte bhante so bhikkhu mam etadavoca yato kho avuso bhikkhu pancannam upadanakkhandhanam .pe. catunnam mahabhutanam samudayanca atthangamanca yathabhutam pajanati .pe. yankinci samudayadhammam sabbantam nirodhadhammanti yathabhutam pajanati ettavata kho avuso bhikkhuno dassanam suvisuddham hotiti . atha khoham bhante asantuttho tassa bhikkhussa panhaveyyakaranena yena bhagava tenupasankamim .pe. @Footnote: ¹ Yu. ayam patho natthi. ² Yu. nu ... . ³ Ma. Yu. hotiti. Kittavata nu kho bhante bhikkhuno dassanam suvisuddham hotiti. [341] Seyyathapi bhikkhu purisassa kimsuko aditthapubbo assa . So yenannataro puriso kimsukassa dassavi tenupasankameyya upasankamitva tam purisam evam vadeyya kidiso bho purisa kimsukoti. So evam vadeyya kalako kho ambho purisa kimsuko seyyathapi jhamakhanuti. Tena kho pana bhikkhu samayena tadisovassa kimsuko yatha ^1- tassa purisassa dassanam. Atha kho so bhikkhu puriso asantuttho tassa purisassa panhaveyyakaranena yenannataro puriso kimsukassa dassavi tenupasankameyya upasankamitva tam purisam evam vadeyya kidiso ambho purisa kimsukoti. So evam vadeyya lohitako kho ambho purisa kimsuko seyyathapi mamsapesiti. Tena kho pana bhikkhu samayena tadisovassa kimsuko yathapi tassa purisassa dassanam . Atha kho so bhikkhu puriso asantuttho tassa purisassa panhaveyyakaranena yenannataro puriso kimsukassa dassavi tenupasankameyya upasankamitva tam purisam evam vadeyya kidiso bho purisa kimsukoti. So evam vadeyya ocirakajato ^2- kho ambho purisa kimsuko adinnasipatiko seyyathapi sirisoti . tena kho pana bhikkhu samayena tadisovassa kimsuko yathapi tassa purisassa dassanam . atha kho so bhikkhu puriso asantutatho tassa purisassa panhaveyyakaranena yenannataro puriso kimsukassa dassavi tenupasankameyya upasankamitva @Footnote: ¹ Ma. Yu. yathapi . ² Yu. odirakajato. Tam purisam evam vadeyya kidiso bho purisa kimsukoti . so evam vadeyya bahalapattapalaso sandacchayo ^1- kho ambho purisa kimsuko seyyathapi nigrodhoti . tena kho pana bhikkhu samayena tadisovassa kimsuko yathapi tassa purisassa dassanam . evameva kho bhikkhu yatha yatha adhimuttanam tesam sappurisanam dassanam suvisuddham hoti ^2- tatha tatha kho chekehi ^3- sappurisehi byakatam. [342] Seyyathapi bhikkhu ranno paccantimam nagaram dalham ^4- pakaratoranam chadvaram tatrassa dovariko pandito byatto medhavi annatanam nivareta natanam paveseta . puratthimaya disaya agantva sigham dutayugam tam dovarikam evam vadeyya katthambho ^5- purisa imassa nagarassa nagarasamiti . so evam vadeyya eso bhante majjhe singhatake nisinnoti . atha kho tam sigham dutayugam nagarasamissa yathabhutam vacanam niyadetva yathagatamaggam patipajjeyya . pacchimaya disaya agantva sigham dutayugam .pe. uttaraya disaya dakkhinaya disaya agantva sigham dutayugam tam dovarikam evam vadeyya katthambho purisa imassa nagarassa nagarasamiti . so evam vadeyya eso bhante majjhe singhatake nisinnoti . atha kho tam sigham dutayugam nagarasamissa yathabhutam vacanam niyadetva yathagatamaggam patipajjeyya . Upama kho myayam bhikkhu kata atthassa vinnapanaya ayancettha @Footnote: ¹ Ma. sandacchayo. ² Yu. ayam patho natthi. ³ Si. Ma. Yu. tehi. @⁴ Ma. dalhuddhapam. Yu. dalhuddapam. ⁵ Ma. kaham bho. Yu. kahambho. evamuparipi. Attho nagaranti kho bhikkhu imassetam catummahabhutikassa kayassa adhivacanam matapettikasambhavassa odanakummasupacayassa niccucchadanaparimaddanabhedanaviddhamsanadhammassa . ^1- Chadvarati kho bhikkhu channetam ajjhattikanam ayatananam adhivacanam . dovarikoti kho bhikkhu satiya etam adhivacanam . sigham dutayuganti kho bhikkhu samathavipassananametam adhivacanam . nagarasamiti kho bhikkhu vinnanassetam adhivacanam . majjhe singhatakati ^2- kho bhikkhu catunnetam mahabhutanam adhivacanam pathavidhatuya apodhatuya tejodhatuya vayodhatuya . yathabhutam vacananti kho bhikkhu nibbanassetam adhivacanam . yathagatamaggoti kho bhikkhu ariyassetam atthangikassa maggassa adhivacanam . seyyathidam . sammaditthiya .pe. Sammasamadhissati. Atthamam.

The Pali Tipitaka in Roman Character Volume 18 page 238-242. http://84000.org/tipitaka/pali/roman_item_s.php?book=18&item=339&items=4&modeTY=2 Classified by [Item Number] :- http://84000.org/tipitaka/pali/roman_item_s.php?book=18&item=339&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=339&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=339&items=4&modeTY=2 Study Atthakatha :- http://84000.org/tipitaka/attha/attha.php?b=18&i=339 The Pali Atthakatha in Thai :- http://84000.org/tipitaka/atthapali/read_th.php?B=13&A=2508 The Pali Atthakatha in Roman :- http://84000.org/tipitaka/atthapali/read_rm.php?B=13&A=2508 Contents of The Tipitaka Volume 18 http://84000.org/tipitaka/read/?index_18