Jambukhadakasamyuttam
[497] Ekam samayam ayasma sariputto magadhesu viharati
nalagamake . atha kho jambukhadako paribbajako yenayasma
sariputto tenupasankami upasankamitva ayasmata sariputtena
saddhim sammodi sammodaniyam katham saraniyam vitisaretva ekamantam
nisidi . ekamantam nisinno kho jambukhadako paribbajako ayasmantam
sariputtam etadavoca nibbanam nibbananti avuso sariputta vuccati
katamam nu kho avuso nibbananti.
{497.1} Yo kho avuso ragakkhayo dosakkhayo mohakkhayo
idam vuccati nibbananti . atthi panavuso maggo atthi patipada
etassa nibbanassa sacchikiriyayati . atthi kho avuso maggo
atthi patipada etassa nibbanassa sacchikiriyayati . katamo
panavuso maggo katama patipada etassa nibbanassa
sacchikiriyayati . ayameva kho avuso ariyo atthangiko maggo
etassa nibbanassa sacchikiriyaya . seyyathidam . sammaditthi
sammasankappo sammavaca sammakammanto sammaajivo
sammavayamo sammasati sammasamadhi . ayam kho avuso maggo
ayam patipada etassa nibbanassa sacchikiriyayati . bhaddako
avuso maggo bhaddika patipada etassa nibbanassa
sacchikiriyaya alanca panavuso sariputta appamadayati.
[498] Arahattam arahattanti avuso sariputta vuccati katamam
Nu kho avuso arahattanti . yo kho avuso ragakkhayo dosakkhayo
mohakkhayo idam vuccati arahattanti . atthi panavuso maggo
atthi patipada etassa arahattassa sacchikiriyayati . atthi kho
avuso maggo atthi patipada etassa arahattassa sacchikiriyayati .
Katamo panavuso maggo katama patipada etassa arahattassa
sacchikiriyayati . ayameva kho avuso ariyo atthangiko maggo
etassa arahattassa sacchikiriyaya . seyyathidam . sammaditthi
.pe. sammasamadhi . ayam kho avuso maggo ayam patipada
etassa arahattassa sacchikiriyayati . bhaddako avuso maggo
bhaddika patipada etassa arahattassa sacchikiriyaya alanca
panavuso sariputta appamadayati.
[499] Ke nu kho avuso sariputta loke dhammavadino ke loke
supatipanna ke loke sugatati . ye kho avuso ragappahanaya
dhammam desenti dosappahanaya dhammam desenti mohappahanaya
dhammam desenti te loke dhammavadino . ye kho avuso ragassa
pahanaya patipanna dosassa pahanaya patipanna mohassa
pahanaya patipanna te loke supatipanna . yesam kho avuso
rago pahino ucchinnamulo talavatthukato anabhavangato ayatim
anuppadadhammo doso pahino ucchinnamulo talavatthukato
anabhavangato ayatim anuppadadhammo moho pahino
Ucchinnamulo talavatthukato anabhavangato ayatim
anuppadadhammo te loke sugatati.
{499.1} Atthi panavuso maggo atthi patipada etassa
ragassa dosassa mohassa pahanayati . atthi kho avuso
maggo atthi patipada etassa ragassa dosassa mohassa
pahanayati . katamo panavuso maggo katama patipada
etassa ragassa dosassa mohassa pahanayati . ayameva kho
avuso ariyo atthangiko maggo etassa ragassa dosassa
mohassa pahanaya . seyyathidam . sammaditthi .pe. sammasamadhi .
Ayam kho avuso maggo ayam patipada etassa ragassa dosassa
mohassa pahanayati . bhaddako avuso maggo bhaddika
patipada etassa ragassa dosassa mohassa pahanaya alanca
pana avuso sariputta appamadayati.
[500] Kimatthiyam avuso sariputta samane gotame brahmacariyam
vussatiti . dukkhassa kho avuso parinnattham bhagavati brahmacariyam
vussatiti . atthi panavuso maggo atthi patipada etassa
dukkhassa parinnayati . atthi kho avuso maggo atthi patipada
etassa dukkhassa parinnayati . katamo panavuso maggo
katama patipada etassa dukkhassa parinnayati . ayameva kho
avuso ariyo atthangiko maggo etassa dukkhassa parinnaya .
Seyyathidam . sammaditthi .pe. sammasamadhi . ayam kho avuso
Maggo ayam patipada etassa dukkhassa parinnayati . bhaddako
avuso maggo bhaddika patipada etassa dukkhassa parinnaya
alanca panavuso sariputta appamadayati.
[501] Assasapatto assasapattoti avuso sariputta vuccati
kittavata nu kho avuso sariputta assasapatto hotiti . yato
kho avuso bhikkhu channam phassayatananam samudayanca atthangamanca
assadanca adinavanca nissarananca yathabhutam pajanati
ettavata kho avuso assasapatto hotiti . atthi panavuso
maggo atthi patipada etassa assasassa sacchikiriyayati .
Atthi kho avuso maggo atthi patipada etassa assasassa
sacchikiriyayati . katamo panavuso maggo katama patipada etassa
assasassa sacchikiriyayati . ayameva kho avuso ariyo atthangiko
maggo etassa assasassa sacchikiriyaya . seyyathidam . sammaditthi
.pe. sammasamadhi . ayam kho avuso maggo ayam patipada etassa
assasassa sacchikiriyayati . bhaddako avuso maggo bhaddika
patipada etassa assasassa sacchikiriyaya alanca panavuso
sariputta appamadayati.
[502] Paramassasapatto paramassasapattoti avuso sariputta
vuccati kittavata nu kho avuso paramassasapatto hotiti . yato
kho avuso bhikkhu channam phassayatananam samudayanca atthangamanca
Assadanca adinavanca nissarananca yathabhutam viditva anupada
vimutto hoti ettavata kho avuso paramassasapatto hotiti .
Atthi panavuso maggo atthi patipada etassa paramassasassa
sacchikiriyayati . atthi kho avuso maggo atthi patipada
etassa paramassasassa sacchikiriyayati . katamo pana avuso
maggo katama patipada etassa paramassasassa sacchikiriyayati .
Ayameva kho avuso ariyo atthangiko maggo etassa paramassasassa
sacchikiriyaya . seyyathidam . sammaditthi .pe. sammasamadhi .
Ayam kho avuso maggo ayam patipada etassa paramassasassa
sacchikiriyayati . bhaddako avuso maggo bhaddika patipada
etassa paramassasassa sacchikiriyaya alanca panavuso sariputta
appamadayati.
[503] Vedana vedanati avuso sariputta vuccati katama
nu kho avuso vedanati . tisso ima avuso vedana .
Katama tisso 1- sukha vedana dukkha vedana adukkhamasukha
vedana . ima kho avuso tisso vedanati . atthi panavuso
maggo atthi patipada etasam tissannam 2- vedananam parinnayati .
Atthi kho avuso maggo atthi patipada etasam tissannam vedananam
parinnayati . katamo panavuso maggo katama patipada etasam
tissannam vedananam parinnayati . ayameva kho avuso ariyo
@Footnote: 1 Yu. katma tissoti pathadvayam na dissati. 2 Yu. ayam patho na dissati.
@evamuparipi.
Atthangiko maggo etasam tissannam vedananam parinnaya .
Seyyathidam . sammaditthi .pe. sammasamadhi . ayam kho avuso
maggo ayam patipada etasam tissannam vedananam parinnayati .
Bhaddako avuso maggo bhaddika patipada etasam tissannam
vedananam parinnaya alanca panavuso sariputta appamadayati.
[504] Asavo asavoti avuso sariputta vuccati katamo
nu kho avuso asavoti . tayome avuso asava kamasavo
bhavasavo avijjasavo ime kho avuso tayo asavati . atthi
panavuso maggo atthi patipada etesam asavanam pahanayati .
Atthi kho avuso maggo atthi patipada etesam asavanam
pahanayati . katamo panavuso maggo katama patipada etesam
asavanam pahanayati . ayameva kho avuso ariyo atthangiko
maggo etesam asavanam pahanaya . seyyathidam . sammaditthi
.pe. sammasamadhi . ayam kho avuso maggo ayam patipada
etesam asavanam pahanayati . bhaddako avuso maggo bhaddika
patipada etesam asavanam pahanaya alanca panavuso sariputta
appamadayati.
[505] Avijja avijjati avuso sariputta vuccati katama
nu kho avuso avijjati . yam kho avuso dukkhe annanam
dukkhasamudaye annanam dukkhanirodhe annanam dukkhanirodhagaminiya
Patipadaya annanam ayam vuccatavuso avijjati . atthi panavuso
maggo atthi patipada etissa avijjaya pahanayati . atthi kho
avuso maggo atthi patipada etissa avijjaya pahanayati. Katamo
panavuso maggo katama patipada etissa avijjaya pahanayati .
Ayameva kho avuso ariyo atthangiko maggo etissa avijjaya
pahanaya . seyyathidam . sammaditthi .pe. sammasamadhi . ayam
kho avuso maggo ayam patipada etissa avijjaya pahanayati
bhaddako avuso maggo bhaddika patipada etissa avijjaya
pahanaya alanca panavuso sariputta appamadayati.
[506] Tanha tanhati avuso sariputta vuccati katama
nu kho avuso tanhati . tisso ima avuso tanha kamatanha
bhavatanha vibhavatanha . ima kho avuso tisso tanhati .
Atthi panavuso maggo atthi patipada etasam tanhanam pahanayati.
Atthi kho avuso maggo atthi patipada etasam tanhanam
pahanayati . katamo panavuso maggo katama patipada etasam
tanhanam pahanayati . ayameva kho avuso ariyo atthangiko
maggo etasam tanhanam pahanaya . seyyathidam . sammaditthi
.pe. sammasamadhi . ayam kho avuso maggo ayam patipada
etasam tanhanam pahanayati . bhaddako avuso maggo bhaddika
Patipada etasam tanhanam pahanaya alanca panavuso sariputta
appamadayati.
[507] Ogho oghoti avuso sariputta vuccati katamo
nu kho avuso oghoti . cattarome avuso ogha kamogho
bhavogho ditthogho avijjogho . ime kho avuso cattaro
oghati . atthi panavuso maggo atthi patipada etesam oghanam
pahanayati . atthi kho avuso maggo atthi patipada etesam
oghanam pahanayati . katamo panavuso maggo katama patipada
etesam oghanam pahanayati . ayameva kho avuso ariyo
atthangiko maggo etesam oghanam pahanaya . seyyathidam .
Sammaditthi .pe. sammasamadhi . ayam kho avuso maggo ayam
patipada etesam oghanam pahanayati . bhaddako avuso maggo
bhaddika patipada etesam oghanam pahanaya alanca panavuso
sariputta appamadayati.
[508] Upadanam upadananti avuso sariputta vuccati katamam
nu kho avuso upadananti . cattarimani avuso upadanani
kamupadanam ditthupadanam silabbatupadanam attavadupadanam .
Imani kho avuso cattari upadananiti . atthi panavuso
maggo atthi patipada etesam upadananam pahanayati .
Atthi kho avuso maggo atthi patipada etesam upadananam
Pahanayati . katamo panavuso maggo katama patipada etesam
upadananam pahanayati . ayameva kho avuso ariyo atthangiko
maggo etesam upadananam pahanaya . seyyathidam . sammaditthi
.pe. sammasamadhi . ayam kho avuso maggo ayam patipada
etesam upadananam pahanayati . bhaddako avuso maggo bhaddika
patipada etesam upadananam pahanaya alanca panavuso sariputta
appamadayati.
[509] Bhavo bhavoti avuso sariputta vuccati katamo nu kho
avuso bhavoti . tayome avuso bhava kamabhavo rupabhavo
arupabhavo . ime kho avuso tayo bhavati . Atthi panavuso maggo
atthi patipada etesam bhavanam parinnayati . atthi kho avuso
maggo atthi patipada etesam bhavanam parinnayati . katamo
panavuso maggo katama patipada etesam bhavanam parinnayati .
Ayameva kho avuso ariyo atthangiko maggo etesam bhavanam
parinnaya . seyyathidam . sammaditthi .pe. sammasamadhi . ayam
kho avuso maggo ayam patipada etesam bhavanam parinnayati .
Bhaddako avuso maggo bhaddika patipada etesam bhavanam
parinnaya alanca panavuso sariputta appamadayati.
[510] Dukkham dukkhanti avuso sariputta vuccati katamam nu kho
avuso dukkhanti . tisso ima avuso dukkhata dukkhadukkhata
Sankharadukkhata viparinamadukkhata . ima kho avuso tisso
dukkhatati . atthi panavuso maggo atthi patipada etasam
dukkhatanam parinnayati . atthi kho avuso maggo atthi
patipada etasam dukkhatanam parinnayati . katamo panavuso
maggo katama patipada etasam dukkhatanam parinnayati . ayameva
kho avuso ariyo atthangiko maggo etasam dukkhatanam parinnaya.
Seyyathidam . sammaditthi .pe. sammasamadhi . ayam kho avuso
maggo ayam patipada etasam dukkhatanam parinnayati . bhaddako
avuso maggo bhaddika patipada etasam dukkhatanam parinnaya
alanca panavuso sariputta appamadayati.
[511] Sakkayo sakkayoti avuso sariputta vuccati katama
nu kho avuso sakkayoti . pancime avuso upadanakkhandha
sakkayo vutta bhagavata . seyyathidam . rupupadanakkhandho
vedanupadanakkhandho sannupadanakkhandho sankharupadanakkhandho
vinnanupadanakkhandho ime kho avuso pancupadanakkhandha
sakkayo vutta bhagavatati . atthi panavuso maggo atthi patipada
etassa sakkayassa parinnayati . atthi kho avuso maggo atthi
patipada etassa sakkayassa parinnayati . katamo panavuso
maggo katama patipada etassa sakkayassa parinnayati .
Ayameva kho avuso ariyo atthangiko maggo etassa sakkayassa
Parinnaya . seyyathidam . sammaditthi .pe. sammasamadhi . ayam
kho avuso maggo ayam patipada etassa sakkayassa parinnayati .
Bhaddako avuso maggo bhaddika patipada etassa sakkayassa
parinnaya alanca panavuso sariputta appamadayati.
[512] Kim nu kho avuso sariputta imasmim dhammavinaye
dukkaranti . pabbajja kho avuso imasmim dhammavinaye dukkarati .
Pabbajitena panavuso kim dukkaranti . pabbajitena kho avuso
abhirati dukkarati . abhiratena panavuso kim dukkaranti .
Abhiratena kho avuso dhammanudhammapatipatti dukkarati . kivaciram
panavuso dhammanudhammapatipanno bhikkhu araham assati . na ciram
avusoti.
Jambukhadakasamyuttam samattam.
Tassuddanam
nibbanam arahattanca dhammavadi kimatthiyam
assaso paramassaso vedana asavavijja
tanha ogha upadanam bhavo dukkhanca sakkayo
imasmim dhammavinaye dukkaranti.
---------------
The Pali Tipitaka in Roman Character Volume 18 page 310-320.
http://84000.org/tipitaka/pali/roman_item_s.php?book=18&item=497&items=16&modeTY=2
Classified by [Item Number] :-
http://84000.org/tipitaka/pali/roman_item_s.php?book=18&item=497&items=16&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=18&item=497&items=16&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=18&item=497&items=16&modeTY=2
Study Atthakatha :-
http://84000.org/tipitaka/attha/attha.php?b=18&i=497
The Pali Atthakatha in Thai :-
http://84000.org/tipitaka/atthapali/read_th.php?B=13&A=3262
The Pali Atthakatha in Roman :-
http://84000.org/tipitaka/atthapali/read_rm.php?B=13&A=3262
Contents of The Tipitaka Volume 18
http://84000.org/tipitaka/read/?index_18
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
