บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[1588] Cattarimani bhikkhave devanam devapadani avisuddhanam sattanam visuddhiya apariyodatanam sattanam pariyodapanaya . Katamani cattari . idha bhikkhave ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . so iti patisancikkhati kim nu kho devanam devapadanti . So evam pajanati abyapajjhaparame khvaham etarahi deve sunami na 1- kho panaham kanci 2- byabadhemi tasam va thavaram va addhaham devapadadhammasamannagato viharamiti . idam pathamam devanam devapadam avisuddhanam sattanam visuddhiya apariyodatanam sattanam pariyodapanaya . puna caparam bhikkhave ariyasavako dhamme sanghe . Ariyakantehi silehi samannagato hoti akkhandehi .pe. Samadhisamvattanikehi . so iti patisancikkhati kim nu kho devanam devapadanti . so evam pajanati abyapajjhaparame khvaham etarahi @Footnote: 1 Ma. Yu. na ca kho .... 2 Ma. Yu. kinci. evamuparipi. Deve sunami na kho panaham kanci byabadhemi tasam va thavaram va addhaham devapadadhammasamannagato viharamiti . idam catuttham devanam devapadam avisuddhanam sattanam visuddhiya apariyodatanam sattanam pariyodapanaya . imani kho bhikkhave cattari devanam devapadani avisuddhanam sattanam visuddhiya apariyodatanam sattanam pariyodapanayati. [1589] Catuhi bhikkhave dhammehi samannagatam attamana deva sabhagata kathenti . katamehi catuhi . idha bhikkhave ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . ya ta devata buddhe aveccappasadena samannagata ito cuta tatrupapanna tasam evam hoti yatharupena kho mayam buddhe aveccappasadena samannagata tato cuta idhupapanna ariyasavakopi tatharupena buddhe aveccappasadena samannagato ehiti devanam santiketi . Puna caparam bhikkhave ariyasavako dhamme sanghe . ariyakantehi silehi samannagato hoti akkhandehi .pe. samadhisamvattanikehi ya ta devata ariyakantehi silehi samannagata ito cuta tatrupapanna tasam evam hoti yatharupehi kho mayam ariyakantehi silehi samannagata tato cuta idhupapanna ariyasavakopi tatharupehi ariyakantehi silehi samannagato ehiti devanam santiketi . Imehi kho bhikkhave catuhi dhammehi samannagatam attamana deva sabhagata kathentiti. [1590] Ekam samayam bhagava sakkesu viharati kapilavatthusmim nigrodharame . atha kho mahanamo sakko yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho mahanamo sakko bhagavantam etadavoca kittavata nu kho bhante upasako hotiti . yato kho mahanama buddham saranam gato hoti dhammam saranam gato hoti sangham saranam gato hoti . Ettavata kho mahanama upasako hotiti. [1591] Kittavata pana bhante upasako silasampanno hotiti. Yato kho mahanama upasako panatipata pativirato hoti adinnadana pativirato hoti kamesu micchacara pativirato hoti musavada pativirato hoti suramerayamajjapamadatthana pativirato hoti . Ettavata kho mahanama upasako silasampanno hotiti. [1592] Kittavata pana bhante upasako saddhasampanno hotiti. Idha mahanama upasako saddho hoti saddahati tathagatassa bodhim itipi so bhagava .pe. sattha devamanussanam buddho bhagavati . Ettavata kho mahanama upasako saddhasampanno hotiti. [1593] Kittavata pana bhante upasako cagasampanno hotiti. Idha mahanama upasako vigatamalamaccherena cetasa agaram ajjhavasati Muttacago payatapani vossaggarato yacayogo danasamvibhagarato . Ettavata kho mahanama upasako cagasampanno hotiti. [1594] Kittavata pana bhante upasako pannasampanno hotiti . idha mahanama upasako pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya . Ettavata kho mahanama upasako pannasampanno hotiti.The Pali Tipitaka in Roman Character Volume 19 page 495-498. http://84000.org/tipitaka/pali/roman_item_s.php?book=19&item=1588&items=7&modeTY=2 Classified by [Item Number] :- http://84000.org/tipitaka/pali/roman_item_s.php?book=19&item=1588&items=7&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1588&items=7&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1588&items=7&modeTY=2 Study Atthakatha :- http://84000.org/tipitaka/attha/attha.php?b=19&i=1588 Contents of The Tipitaka Volume 19 http://84000.org/tipitaka/read/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]