บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[420] Ekam samayam bhagava rajagahe viharati veluvane kalandakanivape. Tena kho pana samayena ayasma mahamoggallano gijjhakute pabbate viharati abadhiko dukkhito balhagilano. [421] Atha kho bhagava sayanhasamayam patisallana vutthito yenayasma mahamoggallano tenupasankami upasankamitva pannatte asane nisidi . nisajja kho bhagava ayasmantam mahamoggallanam etadavoca kacci te moggallana khamaniyam kacci yapaniyam kacci dukkha vedana patikkamanti no abhikkamanti . patikkamosanam pannayati no abhikkamoti . na me bhante khamaniyam na yapaniyam balha me dukkha vedana abhikkamanti no patikkamanti . Abhikkamosanam pannayati no patikkamoti. [422] Sattime moggallana bojjhanga maya sammadakkhata bhavita bahulikata abhinnaya sambodhaya nibbanaya samvattanti . Katame satta. [423] Satisambojjhango kho moggallana maya sammadakkhato bhavito bahulikato abhinnaya sambodhaya nibbanaya samvattati .pe. Upekkhasambojjhango kho moggallana maya sammadakkhato bhavito bahulikato abhinnaya sambodhaya nibbanaya samvattati . ime kho moggallana satta bojjhanga maya sammadakkhata bhavita bahulikata abhinnaya sambodhaya nibbanaya samvattantiti. [424] Taggha bhagava bojjhanga taggha sugata bojjhangati . Idamavoca bhagava . attamano ayasma mahamoggallano bhagavato bhasitam abhinandi . vutthahi cayasma mahamoggallano tamha abadha tatha pahino cayasmato mahamoggallanassa so abadho ahositi. [425] Ekam samayam bhagava rajagahe viharati veluvane kalandakanivape. Tena kho pana samayena bhagava abadhiko hoti dukkhito balhagilano. [426] Atha kho ayasma mahacundo yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam mahacundam bhagava etadavoca patibhantu tam cunda bojjhangati . sattime bhante bojjhanga bhagavata sammadakkhata bhavita bahulikata abhinnaya sambodhaya nibbanaya samvattanti. Katame satta. [427] Satisambojjhango kho bhante bhagavata sammadakkhato bhavito bahulikato abhinnaya sambodhaya nibbanaya samvattati .pe. Upekkhasambojjhango kho bhante bhagavata sammadakkhato bhavito bahulikato abhinnaya sambodhaya nibbanaya samvattati . ime kho bhante satta bojjhanga bhagavata sammadakkhata bhavita bahulikata abhinnaya sambodhaya nibbanaya samvattantiti. [428] Taggha cunda bojjhanga taggha cunda bojjhangati . Idamavocayasma mahacundo 1- samanunno sattha ahosi . vutthahi ca bhagava tamha abadha tatha pahino ca bhagavato so abadho ahositi.The Pali Tipitaka in Roman Character Volume 19 page 115-117. http://84000.org/tipitaka/pali/roman_item_s.php?book=19&item=420&items=9&modeTY=2 Classified by [Item Number] :- http://84000.org/tipitaka/pali/roman_item_s.php?book=19&item=420&items=9&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=420&items=9&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=420&items=9&modeTY=2 Study Atthakatha :- http://84000.org/tipitaka/attha/attha.php?b=19&i=420 The Pali Atthakatha in Thai :- http://84000.org/tipitaka/atthapali/read_th.php?B=13&A=4685 The Pali Atthakatha in Roman :- http://84000.org/tipitaka/atthapali/read_rm.php?B=13&A=4685 Contents of The Tipitaka Volume 19 http://84000.org/tipitaka/read/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]