paliTIPITAKA Volume 2 - Vinaya Pitaka 2

page265.

Ovadavaggassa pathamasikkhapadam [406] Tena samayena buddho bhagava savatthiyam viharati jetavane anathapindikassa arame . tena kho pana samayena thera bhikkhu bhikkhuniyo ovadanta labhino honti civarapindapatasenasana- gilanapaccayabhesajjaparikkharanam . athakho chabbaggiyanam bhikkhunam etadahosi etarahi kho avuso thera bhikkhu bhikkhuniyo ovadanta labhino honti civarapindapatasenasanagilanapaccayabhesajja- parikkharanam handavuso mayampi bhikkhuniyo ovadamati . athakho chabbaggiya bhikkhu bhikkhuniyo upasankamitva etadavocum etha ^1- amhepi bhaginiyo upasankamatha mayampi ovadissamati. {406.1} Athakho ta bhikkhuniyo yena chabbaggiya bhikkhu tenupasankamimsu upasankamitva chabbaggiye bhikkhu abhivadetva ekamantam nisidimsu . Athakho chabbaggiya bhikkhu bhikkhuninam parittamyeva dhammim katham katva divasam tiracchanakathaya vitinametva uyyojesum gacchatha bhaginiyoti . athakho ta bhikkhuniyo yena bhagava tenupasankamimsu upasankamitva bhagavantam abhivadetva ekamantam atthamsu . ekamantam thita kho ta bhikkhuniyo bhagava etadavoca kacci bhikkhuniyo ovado iddho ahositi. Kuto bhante ovado iddho bhavissati ayya chabbaggiya parittamyeva dhammim katham katva divasam tiracchanakathaya vitinametva uyyojesunti. Athakho bhagava ta bhikkhuniyo dhammiya kathaya sandassesi samadapesi samuttejesi @Footnote: ¹ Ma. ayam patho natthi.

--------------------------------------------------------------------------------------------- page266.

Sampahamsesi . athakho ta bhikkhuniyo bhagavata dhammiya kathaya sandassita samadapita samuttejita sampahamsita utthayasana bhagavantam abhivadetva padakkhinam katva pakkamimsu. {406.2} Athakho bhagava etasmim nidane etasmim pakarane bhikkhusangham sannipatapetva chabbaggiye bhikkhu patipucchi saccam kira tumhe bhikkhave bhikkhuninam parittamyeva dhammim katham katva divasam tiracchanakathaya vitinametva uyyojethati . saccam bhagavati . Vigarahi buddho bhagava katham hi nama tumhe moghapurisa bhikkhuninam parittamyeva dhammim katham katva divasam tiracchanakathaya vitinametva uyyojessatha netam moghapurisa appasannanam va pasadaya pasannanam va bhiyyobhavaya .pe. vigarahitva dhammim katham katva bhikkhu amantesi anujanami bhikkhave bhikkhunovadakam sammannitum evanca pana bhikkhave sammannitabbo pathamam bhikkhu yacitabbo . Yacitva byattena bhikkhuna patibalena sangho napetabbo {406.3} sunatu me bhante sangho yadi sanghassa pattakallam sangho itthannamam bhikkhum bhikkhunovadakam sammanneyya . esa natti. {406.4} Sunatu me bhante sangho sangho itthannamam bhikkhum bhikkhunovadakam sammannati . yassayasmato khamati itthannamassa bhikkhuno bhikkhunovadakassa sammati so tunhassa yassa nakkhamati so bhaseyya. {406.5} Dutiyampi etamattham vadami .pe. tatiyampi etamattham vadami . sunatu me bhante sangho sangho itthannamam

--------------------------------------------------------------------------------------------- page267.

Bhikkhum bhikkhunovadakam sammannati . yassayasmato khamati itthannamassa bhikkhuno bhikkhunovadakassa sammati so tunhassa yassa nakkhamati so bhaseyya . sammato sanghena itthannamo bhikkhu bhikkhunovadako. Khamati sanghassa tasma tunhi . evametam dharayamiti . athakho bhagava chabbaggiye bhikkhu anekapariyayena vigarahitva dubbharataya .pe. Evanca pana bhikkhave imam sikkhapadam uddiseyyatha {406.6} yo pana bhikkhu asammato bhikkhuniyo ovadeyya pacittiyanti. {406.7} Evancidam bhagavata bhikkhunam sikkhapadam pannattam hoti. [407] Tena kho pana samayena thera bhikkhu sammata bhikkhuniyo ovadanta tatheva labhino honti civarapindapatasenasanagilanapaccaya- bhesajjaparikkharanam . athakho chabbaggiyanam bhikkhunam etadahosi etarahi kho avuso thera bhikkhu sammata bhikkhuniyo ovadanta tatheva labhino honti civarapindapatasenasanagilanapaccaya- bhesajjaparikkharanam handavuso mayampi nissimam gantva annamannam bhikkhunovadakam sammannitva bhikkhuniyo ovadamati . athakho chabbaggiya bhikkhu nissimam gantva annamannam bhikkhunovadakam sammannitva bhikkhuniyo upasankamitva etadavocum mayampi bhaginiyo sammata amhe upasankamatha mayampi ovadissamati. {407.1} Athakho ta bhikkhuniyo yena chabbaggiya bhikkhu tenupasankamimsu upasankamitva chabbaggiye bhikkhu abhivadetva ekamantam nisidimsu . athakho chabbaggiya

--------------------------------------------------------------------------------------------- page268.

Bhikkhu bhikkhuninam parittamyeva dhammim katham katva divasam tiracchanakathaya vitinametva uyyojesum gacchatha bhaginiyoti . athakho ta bhikkhuniyo yena bhagava tenupasankamimsu upasankamitva bhagavantam abhivadetva ekamantam atthamsu . ekamantam thita kho ta bhikkhuniyo bhagava etadavoca kacci bhikkhuniyo ovado iddho ahositi . kuto bhante ovado iddho bhavissati ayya chabbaggiya parittamyeva dhammim katham katva divasam tiracchanakathaya vitinametva uyyojesunti. {407.2} Athakho bhagava ta bhikkhuniyo dhammiya kathaya sandassesi samadapesi samuttejesi sampahamsesi . athakho ta bhikkhuniyo bhagavata dhammiya kathaya sandassita samadapita samuttejita sampahamsita utthayasana bhagavantam abhivadetva padakkhinam katva pakkamimsu . Athakho bhagava etasmim nidane etasmim pakarane bhikkhusangham sannipatapetva chabbaggiye bhikkhu patipucchi saccam kira tumhe bhikkhave bhikkhuninam parittamyeva dhammim katham katva divasam tiracchanakathaya vitinametva uyyojethati . saccam bhagavati . vigarahi buddho bhagava katham hi nama tumhe moghapurisa bhikkhuninam parittamyeva dhammim katham katva divasam tiracchanakathaya vitinametva uyyojessatha netam moghapurisa appasannanam va pasadaya pasannanam va bhiyyobhavaya .pe. Vigarahitva dhammim katham katva bhikkhu amantesi anujanami bhikkhave atthahangehi samannagatam bhikkhum bhikkhunovadakam sammannitum silava

--------------------------------------------------------------------------------------------- page269.

Hoti patimokkhasamvarasamvuto viharati acaragocarasampanno anumattesu vajjesu bhayadassavi samadaya sikkhati sikkhapadesu bahussuto hoti sutadharo sutasannicayo ye te dhamma adikalyana majjhekalyana pariyosanakalyana sattham sabyanjanam kevalaparipunnam parisuddham brahmacariyam abhivadanti tatharupassa dhamma bahussuta honti dhata vacasa paricita manasanupekkhita ditthiya suppatividdha ubhayani kho panassa patimokkhani vittharena svagatani honti suvibhattani suppavattini suvinicchitani suttaso anubyanjanaso kalyanavaco hoti kalyanavakkarano yebhuyyena bhikkhuninam piyo hoti manapo patibalo hoti bhikkhuniyo ovaditum na kho panetam bhagavantam uddissa pabbajitaya kasayavatthavasanaya garudhammam ajjhapannapubbo hoti visativasso va hoti atirekavisativasso va anujanami bhikkhave imehi atthahangehi samannagatam bhikkhum bhikkhunovadakam sammannitunti. [408] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . asammato nama natticatutthena kammena asammato. Bhikkhuniyo nama ubhatosanghe upasampanna. [409] Ovadeyyati atthahi garudhammehi ovadati apatti pacittiyassa . annena dhammena ovadati apatti dukkatassa . Ekato upasampannam ovadati apatti dukkatassa.

--------------------------------------------------------------------------------------------- page270.

[410] Tena sammatena bhikkhuna parivenam sammajjitva paniyam paribhojaniyam upatthapetva asanam pannapetva dutiyam gahetva nisiditabbam . bhikkhunihi tattha gantva tam bhikkhum abhivadetva ekamantam nisiditabbam . tena sammatena ^1- bhikkhuna pucchitabba samaggattha bhaginiyoti . sace samaggamhayyati bhananti vattanti bhaginiyo attha garudhammati . sace vattanti ayyati ^2- bhananti eso bhaginiyo ovadoti niyyadetabbo . sace na vattanti ayyati bhananti osaretabba vassasatupasampannaya bhikkhuniya tadahupasampannassa bhikkhuno abhivadanam paccutthanam anjalikammam samicikammam katabbam ayam ^3- dhammo sakkatva garukatva manetva pujetva yavajivam anatikkamaniyo. {410.1} Na bhikkhuniya abhikkhuke avase vassam vasitabbam ayampi dhammo sakkatva garukatva manetva pujetva yavajivam anatikkamaniyo anvaddhamasam bhikkhuniya bhikkhusanghato dve dhamma paccasimsitabba ^4- uposathapucchakanca ovadupasankamananca ayampi dhammo sakkatva garukatva manetva pujetva yavajivam anatikkamaniyo. Vassam vutthaya bhikkhuniya ubhatosanghe tihi thanehi pavaretabbam ditthena va sutena va parisankaya va ayampi dhammo sakkatva garukatva manetva pujetva yavajivam anatikkamaniyo. Garudhammam ajjhapannaya bhikkhuniya ubhatosanghe pakkhamanattam caritabbam @Footnote: ¹ Ma. Yu. ayam patho na hoti . ² Ma. vattantayyati. evamuparipi . ³ Ma. @ayampi . ⁴ Ma. paccasisitabba.

--------------------------------------------------------------------------------------------- page271.

Ayampi dhammo sakkatva garukatva manetva pujetva yavajivam anatikkamaniyo . dve vassani chasu dhammesu sikkhitasikkhaya sikkhamanaya ubhatosanghe upasampada pariyesitabba ayampi dhammo sakkatva garukatva manetva pujetva yavajivam anatikkamaniyo na bhikkhuniya kenaci pariyayena bhikkhu akkositabbo paribhasitabbo ayampi dhammo sakkatva garukatva manetva pujetva yavajivam anatikkamaniyo ajjatagge ovato bhikkhuninam bhikkhusu vacanapatho anovato bhikkhunam bhikkhunisu vacanapatho ayampi dhammo sakkatva garukatva manetva pujetva yavajivam anatikkamaniyoti . sace samaggamhayyati bhananti annam dhammam bhanati apatti dukkatassa . sace vaggamhayyati bhananti attha garudhamme bhanati apatti dukkatassa . ovadam aniyyadetva annam dhammam bhanati apatti dukkatassa. [411] Adhammakamme adhammakammasanni vaggam bhikkhusangham vaggasanni ovadati apatti pacittiyassa . adhammakamme adhammakammasanni vaggam bhikkhunisangham vematiko ovadati apatti pacittiyassa. Adhammakamme adhammakammasanni vaggam bhikkhunisangham samaggasanni ovadati apatti pacittiyassa. [412] Adhammakamme vematiko vaggam bhikkhusangham vaggasanni ovadati .pe. vematiko ovadati .pe. samaggasanni ovadati apatti pacittiyassa.

--------------------------------------------------------------------------------------------- page272.

[413] Adhammakamme dhammakammasanni vaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti pacittiyassa. [414] Adhammakamme adhammakammasanni samaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti pacittiyassa. [415] Adhammakamme vematiko amaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti pacittiyassa. [416] Adhammakamme dhammakammasanni samaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti pacittiyassa. [417] Dhammakamme adhammakammasanni vaggam bhikkhunisangham vaggasanni ovadati apatti dukkatassa . dhammakamme adhammakammasanni vaggam bhikkhunisangham vematiko ovadati apatti dukkatassa . dhammakamme adhammakammasanni vaggam bhikkhunisangham samaggasanni ovadati apatti dukkatassa. [418] Dhammakamme vematiko vaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti dukkatassa.

--------------------------------------------------------------------------------------------- page273.

[419] Dhammakamme dhammakammasanni vaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti dukkatassa. [420] Dhammakamme adhammakammasanni samaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti dukkatassa. [421] Dhammakamme vematiko samaggam bhikkhunisangham vaggasanni ovadati .pe. vematiko ovadati .pe. samaggasanni ovadati apatti dukkatassa. [422] Dhammakamme dhammakammasanni samaggam bhikkhunisangham vaggasanni ovadati apatti dukkatassa . dhammakamme dhammakammasanni samaggam bhikkhunisangham vematiko ovadati apatti dukkatassa . dhammakamme dhammakammasanni samaggam bhikkhunisangham samaggasanni ovadati anapatti. [423] Anapatti uddesam dento paripuccham dento osarehi ayyati vuccamano osareti panham pucchati panham puttho katheti annassatthaya bhanantam bhikkhuniyo sunanti sikkhamanaya samaneriya ummattakassa adikammikassati. Pathamasikkhapadam nitthitam. -------

The Pali Tipitaka in Roman Character Volume 2 page 265-273. http://84000.org/tipitaka/pali/roman_item_s.php?book=2&item=406&items=18&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=2&item=406&items=18&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=406&items=18&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=406&items=18&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=406 The Pali Atthakatha in Thai :- http://84000.org/tipitaka/atthapali/read_th.php?B=2&A=7400 The Pali Atthakatha in Roman :- http://84000.org/tipitaka/atthapali/read_rm.php?B=2&A=7400 Contents of The Tipitaka Volume 2 http://84000.org/tipitaka/read/?index_2