ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
     [46]  Tena  samayena  buddho  bhagava  rajagahe  viharati  veluvane
kalandakanivape   .   tena   kho   pana   samayena   uppalavanna  bhikkhuni
savatthiyam    viharati    .   athakho   uppalavanna   bhikkhuni   pubbanhasamayam
nivasetva    pattacivaramadaya   savatthim   pindaya   pavisi   savatthiyam
pindaya    caritva    pacchabhattam   pindapatapatikkanta   yena   andhavanam
tenupasankami    divaviharaya    andhavanam    ajjhogahetva   annatarasmim
rukkhamule  divaviharam  nisidi  .  tena  kho  pana  samayena cora katakamma
gavim  vadhitva  mamsam  gahetva  andhavanam pavisimsu. Addasa kho coragamaniko
uppalavannam    bhikkhunim   annatarasmim   rukkhamule   divaviharam   nisinnam  .
Disvanassa    etadahosi   sace   me   puttabhatika   1-   passissanti
vihethayissanti   imam   bhikkhuninti   annena   maggena  agamasi  .  athakho
so  coragamaniko  mamse  pakke  varamamsani  gahetva  pannena  putam  2-
bandhitva    uppalavannaya   bhikkhuniya   avidure   rukkhe   alaggetva
yo   passati   samano   va   brahmano  va  dinnamyeva  haratuti  vatva
pakkami   .   assosi  kho  upapalavanna  bhikkhuni  samadhimha  vutthahitva
tassa    coragamanikassa    imam    vacam    bhasamanassa    .    athakho
@Footnote: 1 Ma. Yu. puttabhatuka .  2 Ma. Yu. pannaputam.

--------------------------------------------------------------------------------------------- page29.

Uppalavanna bhikkhuni tam mamsam gahetva upassayam agamasi . athakho uppalavanna bhikkhuni tassa rattiya accayena tam mamsam sampadetva uttarasangena bhandikam bandhitva vehasam abbhuggantva veluvane paccutthasi. [47] Tena kho pana samayena bhagava gamam pindaya pavittho hoti. Ayasma udayi ohiyako hoti viharapalo . athakho uppalavanna bhikkhuni yenayasma udayi tenupasankami upasankamitva ayasmantam udayim etadavoca kaham bhante bhagavati . pavittho bhagini bhagava gamam pindayati . imam bhante mamsam bhagavato dehiti . santappito te 1- bhagini bhagava mamsena sace me tvam antaravasakam dadeyyasi evamahampi 2- santappito bhaveyyam antaravasakenati . mayam kho bhante matugama nama kicchalabha idanca me antimam pancamam civaram naham dassamiti . Seyyathapi bhagini puriso hatthim datva kacche vissajjeyya 3- evameva kho tvam bhagini bhagavato mamsam datva mayham 4- antaravasakam vissajjehiti 5-. {47.1} Athakho uppalavanna bhikkhuni ayasmata udayina nippiliyamana antaravasakam datva upassayam agamasi . bhikkhuniyo uppalavannaya bhikkhuniya @Footnote: 1 Ma. Yu. taya ramannapotthake pana na dissati . 2 evancahampitipi patho. @3 Ma. Yu. sajjeyya . 4 Ma. Yu. mayi . 5 Ma. Yu. na sajjasiti.

--------------------------------------------------------------------------------------------- page30.

Pattacivaram patigganhantiyo uppalavannam bhikkhunim etadavocum kahante ayye antaravasakoti . uppalavanna bhikkhuni bhikkhuninam etamattham arocesi . bhikkhuniyo ujjhayanti khiyanti vipacenti katham hi nama ayyo udayi bhikkhuniya hatthato 1- civaram patiggahessati kicchalabho matugamoti . athakho ta bhikkhuniyo bhikkhunam etamattham arocesum . Ye te bhikkhu appiccha .pe. te ujjhayanti khiyanti vipacenti katham hi nama ayasma udayi bhikkhuniya hatthato 2- civaram pariggahessatiti. {47.2} Athakho te bhikkhu bhagavato etamattham arocesum .pe. Saccam kira tvam udayi bhikkhuniya hatthato 3- civaram patiggahesiti . saccam bhagavati . natika te udayi annatikati . annatika bhagavati . annatako moghapurisa annatikaya na janati patirupam va appatirupam va santam va asantam va tattha nama tvam moghapurisa annatikaya bhikkhuniya hatthato civaram patiggahessasi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {47.3} yo pana bhikkhu annatikaya bhikkhuniya hatthato civaram patigganheyya nissaggiyam pacittiyanti. {47.4} Evancidam bhagavata bhikkhunam sikkhapadam pannattam hoti. [48] Tena kho pana samayena bhikkhu kukkuccayanta bhikkhuninam @Footnote:1-2-3 Ma. Yu. ayam patho natthi.

--------------------------------------------------------------------------------------------- page31.

Parivattakacivaram 1- nappatigganhanti . bhikkhuniyo ujjhayanti khiyanti vipacenti katham hi nama ayya amhakam parivattakacivaram 2- nappatigganhissantiti 3- . assosum kho bhikkhu tasam bhikkhuninam ujjhayantinam khiyantinam vipacentinam . athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave pancannam parivattakam 4- patiggahetum bhikkhussa bhikkhuniya sikkhamanaya samanerassa samaneriya anujanami bhikkhave imesam pancannam parivattakam 5- patiggahetum evanca pana bhikkhave imam sikkhapadam uddiseyyatha {48.1} yo pana bhikkhu annatikaya bhikkhuniya hatthato civaram patigaganheyya annatra parivattaka 6- nissaggiyam pacittiyanti. [49] Yo panati yo yadiso .pe. bhikkhuti .pe. Ayam imasmim atthe adhippeto bhikkhuti . annatika nama matito va pitito va yava sattama pitamahayuga asambaddha . bhikkhuni nama ubhatosanghe upasampanna . civaram nama channam civaranam @Footnote: 1-2 Ma. Yu. parivattakacivaram . 3 Ma. Yu. na patiggahessantiti . 4-5 Ma. Yu. @parivattakam. parivattakacivarantipi patho . 6 Ma. Yu. parivattaka. evamuparipi.

--------------------------------------------------------------------------------------------- page32.

Annataram civaram vikappanupagam pacchimam 1- . annatra parivattakati thapetva parivattakam . patigganhati payoge dukkatam patilabhena nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam me bhante civaram annatikaya bhikkhuniya hatthato patiggahitam annatra parivattaka nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayasmato dammiti. [50] Annatikaya annatikasanni hatthato 2- civaram patigganhati annatra parivattaka nissaggiyam pacittiyam . Annatikaya vematiko hatthato 3- civaram patigganhati annatra parivattaka nissaggiyam pacittiyam . annatikaya natikasanni hatthato 4- civaram patigganhati annatra parivattaka nissaggiyam pacittiyam. [51] Ekatoupasampannaya hatthato civaram patigganhati annatra parivattaka apatti dukkatassa . natikaya annatikasanni apatti dukkatassa . natikaya vematiko apatti dukkatassa. Natikaya natikasanni anapatti. [52] Anapatti natikaya parivattakam parittena va vipulam vipulena va parittam bhikkhu vissasam ganhati tavakalikam @Footnote: 1 Yu. vikappanupagapacchimam . 2-3-4 Ma. Yu. ayam patho natthi.

--------------------------------------------------------------------------------------------- page33.

Ganhati civaram thapetva annam parikkharam ganhati sikkhamanaya samaneriya ummattakassa adikammikassati. Pancamasikkhapadam nitthitam. -------

--------------------------------------------------------------------------------------------- page34.

Chatthasikkhapadam


             The Pali Tipitaka in Roman Character Volume 2 page 28-34. http://84000.org/tipitaka/pali/roman_item_s.php?book=2&item=46&items=7&pagebreak=1&modeTY=2&mode=bracket              Classified by content :- http://84000.org/tipitaka/pali/roman_item_s.php?book=2&item=46&items=7&pagebreak=1&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=46&items=7&pagebreak=1&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=46&items=7&pagebreak=1&modeTY=2&mode=bracket              Study Atthakatha :- http://84000.org/tipitaka/attha/attha.php?b=2&i=46              The Pali Atthakatha in Thai :- http://84000.org/tipitaka/atthapali/read_th.php?B=2&A=3991              The Pali Atthakatha in Roman :- http://84000.org/tipitaka/atthapali/read_rm.php?B=2&A=3991              Contents of The Tipitaka Volume 2 http://84000.org/tipitaka/read/?index_2

read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :