paliTIPITAKA Volume 20 - Sutta Pitaka 12

[22] Naham bhikkhave annam ekadhammampi samanupassami yam evam @Footnote: ¹ Ma. Yu. nivaranappahanavaggo. Abhavitam akammaniyam hoti yathayidam bhikkhave cittam cittam bhikkhave abhavitam akammaniyam hotiti. [23] Naham bhikkhave annam ekadhammampi samanupassami yam evam bhavitam kammaniyam hoti yathayidam bhikkhave cittam cittam bhikkhave bhavitam kammaniyam hotiti. [24] Naham bhikkhave annam ekadhammampi samanupassami yam evam abhavitam mahato anatthaya samvattati yathayidam bhikkhave cittam cittam bhikkhave abhavitam mahato anatthaya samvattatiti. [25] Naham bhikkhave annam ekadhammampi samanupassami yam evam bhavitam mahato atthaya samvattati yathayidam bhikkhave cittam cittam bhikkhave bhavitam mahato atthaya samvattatiti. [26] Naham bhikkhave annam ekadhammampi samanupassami yam evam abhavitam apatubhutam mahato anatthaya samvattati yathayidam bhikkhave cittam cittam bhikkhave abhavitam apatubhutam mahato anatthaya samvattatiti. [27] Naham bhikkhave annam ekadhammampi samanupassami yam evam bhavitam patubhutam mahato atthaya samvattati yathayidam bhikkhave cittam cittam bhikkhave bhavitam patubhutam mahato atthaya samvattatiti. [28] Naham bhikkhave annam ekadhammampi samanupassami yam evam abhavitam abahulikatam mahato anatthaya samvattati yathayidam bhikkhave cittam cittam bhikkhave abhavitam abahulikatam mahato anatthaya samvattatiti. [29] Naham bhikkhave annam ekadhammampi samanupassami yam evam bhavitam bahulikatam mahato atthaya samvattati yathayidam bhikkhave cittam cittam bhikkhave bhavitam bahulikatam mahato atthaya samvattatiti. [30] Naham bhikkhave annam ekadhammampi samanupassami yam evam abhavitam abahulikatam dukkhadhivaham hoti yathayidam bhikkhave cittam cittam bhikkhave abhavitam abahulikatam dukkhadhivaham hotiti. [31] Naham bhikkhave annam ekadhammampi samanupassami yam evam bhavitam bahulikatam sukhadhivaham hoti yathayidam bhikkhave cittam cittam bhikkhave bhavitam bahulikatam sukhadhivaham hotiti. Vaggo ^1- tatiyo. [32] Naham bhikkhave annam ekadhammampi samanupassami yam evam adantam mahato anatthaya samvattati yathayidam bhikkhave cittam cittam bhikkhave adantam mahato anatthaya samvattatiti. [33] Naham bhikkhave annam ekadhammampi samanupassami yam evam dantam mahato atthaya samvattati yathayidam bhikkhave cittam cittam bhikkhave dantam mahato atthaya samvattatiti. [34] Naham bhikkhave annam ekadhammampi samanupassami yam evam aguttam mahato anatthaya samvattati yathayidam bhikkhave cittam cittam bhikkhave aguttam mahato anatthaya samvattatiti. [35] Naham bhikkhave annam ekadhammampi samanupassami yam evam @Footnote: ¹ Ma. Yu. akammaniyavaggo .... Guttam mahato atthaya samvattati yathayidam bhikkhave cittam cittam bhikkhave guttam mahato atthaya samvattatiti. [36] Naham bhikkhave annam ekadhammampi samanupassami yam evam arakkhitam mahato anatthaya samvattati yathayidam bhikkhave cittam cittam bhikkhave arakkhitam mahato anatthaya samvattatiti. [37] Naham bhikkhave annam ekadhammampi samanupassami yam evam rakkhitam mahato atthaya samvattati yathayidam bhikkhave cittam cittam bhikkhave rakkhitam mahato atthaya samvattatiti. [38] Naham bhikkhave annam ekadhammampi samanupassami yam evam asamvutam mahato anatthaya samvattati yathayidam bhikkhave cittam cittam bhikkhave asamvutam mahato anatthaya samvattatiti. [39] Naham bhikkhave annam ekadhammampi samanupassami yam evam samvutam mahato atthaya samvattati yathayidam bhikkhave cittam cittam bhikkhave samvutam mahato atthaya samvattatiti. [40] Naham bhikkhave annam ekadhammampi samanupassami yam evam adantam aguttam arakkhitam asamvutam mahato anatthaya samvattati yathayidam bhikkhave cittam cittam bhikkhave adantam aguttam arakkhitam asamvutam mahato anatthaya samvattatiti. [41] Naham bhikkhave annam ekadhammampi samanupassami yam evam dantam guttam rakkhitam samvutam mahato atthaya samvattati yathayidam bhikkhave Cittam cittam bhikkhave dantam guttam rakkhitam samvutam mahato atthaya samvattatiti. Vaggo ^1- catuttho. [42] Seyyathapi bhikkhave salisukam va yavasukam va micchapanihitam hatthena va padena va akkantam hattham va padam va bhijjissati ^2- lohitam va uppadessatiti netam thanam vijjati tam kissa hetu micchapanihitatta bhikkhave salisukassa evameva kho bhikkhave so vata bhikkhu micchapanihitena cittena avijjam bhijjissati vijjam uppadessati nibbanam sacchikarissatiti netam thanam vijjati tam kissa hetu micchapanihitatta bhikkhave cittassati. [43] Seyyathapi bhikkhave salisukam va yavasukam va sammapanihitam hatthena va padena va akkantam hattham va padam va bhijjissati lohitam va uppadessatiti thanametam vijjati tam kissa hetu sammapanihitatta bhikkhave salisukassa evameva kho bhikkhave so vata bhikkhu sammapanihitena cittena avijjam bhijjissati vijjam uppadessati nibbanam sacchikarissatiti thanametam vijjati tam kissa hetu sammapanihitatta bhikkhave cittassati. [44] Idhaham bhikkhave ekaccam puggalam padutthacittam evam cetasa ceto paricca pajanami imamhi ce ayam samaye puggalo kalam kareyya yathabhatam nikkhitto evam niraye tam kissa hetu cittam @Footnote: ¹ Ma. Yu. adantavaggo. ² Ma. Yu. bhecchati, ito param idisameva. Hissa bhikkhave paduttham cetopadosahetu ca pana bhikkhave evamidhekacce satta kayassa bheda parammarana apayam duggatim vinipatam nirayam upapajjantiti. [45] Idhaham bhikkhave ekaccam puggalam pasannacittam evam cetasa ceto paricca pajanami imamhi ce ayam samaye puggalo kalam kareyya yathabhatam nikkhitto evam sagge tam kissa hetu cittam hissa bhikkhave pasannam cetopasadahetu ca pana bhikkhave evamidhekacce satta kayassa bheda parammarana sugatim saggam lokam upapajjantiti. [46] Seyyathapi bhikkhave udakarahado avilo lulito kalalibhuto tattha cakkhuma puriso tire thito na passeyya sippisambukampi sakkharakathalampi macchagumbampi carantampi titthantampi tam kissa hetu avilatta bhikkhave udakassa evameva kho bhikkhave so vata bhikkhu avilena cittena attattham va nassati parattham va nassati ubhayattham va nassati uttarim va manussadhamma alamariyananadassanavisesam sacchikarissatiti netam thanam vijjati tam kissa hetu avilatta bhikkhave cittassati. [47] Seyyathapi bhikkhave udakarahado accho vippasanno anavilo tattha cakkhuma puriso tire thito passeyya sippisambukampi sakkharakathalampi macchagumbampi carantampi titthantampi tam kissa hetu anavilatta bhikkhave udakassa evameva kho bhikkhave so vata bhikkhu Anavilena cittena attattham va nassati parattham va nassati ubhayattham va nassati uttarim va manussadhamma alamariyananadassanavisesam sacchikarissatiti thanametam vijjati tam kissa hetu anavilatta bhikkhave cittassati. [48] Seyyathapi bhikkhave yanikanici rukkhajatani ^1- candano tesam aggamakkhayati yadidam mudutaya ceva kammannataya ca evameva kho aham bhikkhave nannam ekadhammampi samanupassami yam evam bhavitam bahulikatam mudunca hoti kammaniyanca ^2- yathayidam bhikkhave cittam cittam bhikkhave bhavitam bahulikatam mudunca hoti kammaniyancati. [49] Naham bhikkhave annam ekadhammampi samanupassami yam evam lahuparivattam yathayidam bhikkhave cittam yavancidam bhikkhave upamapi na sukara yava lahuparivattam cittanti. [50] Pabhassaramidam bhikkhave cittam tanca kho agantukehi upakkilesehi upakkilitthanti. [51] Pabhassaramidam bhikkhave cittam tanca kho agantukehi upakkilesehi vippamuttanti. Vaggo ^3- pancamo. [52] Pabhassaramidam bhikkhave cittam tanca kho agantukehi upakkilesehi upakkilittham tam assutava puthujjano yathabhutam nappajanati tasma assutavato puthujjanassa cittabhavana natthiti vadamiti. @Footnote: ¹ Ma. rukkhajatanam . ² Ma. kammannanca hotiti . ³ Ma. panihitaacchavaggo @Yu. panihitaacchannavaggo. [53] Pabhassaramidam bhikkhave cittam tanca kho agantukehi upakkilesehi vippamuttam tam sutava ariyasavako yathabhutam pajanati tasma sutavato ariyasavakassa cittabhavana atthiti vadamiti. [54] Accharasanghatamattampi ce bhikkhave bhikkhu mettacittam asevati ayam vuccati bhikkhave bhikkhu arittajjhano viharati satthusasanakaro ovadapatikaro amogham ratthapindam bhunjati ko pana vado ye nam bahulikarontiti. [55] Accharasanghatamattampi ce bhikkhave bhikkhu mettacittam bhaveti ayam vuccati bhikkhave bhikkhu arittajjhano viharati satthusasanakaro ovadapatikaro amogham ratthapindam bhunjati ko pana vado ye nam bahulikarontiti. [56] Accharasanghatamattampi ce bhikkhave bhikkhu mettacittam manasikaroti ayam vuccati bhikkhave bhikkhu arittajjhano viharati satthusasanakaro ovadapatikaro amogham ratthapindam bhunjati ko pana vado ye nam bahulikarontiti. [57] Yekeci bhikkhave dhamma akusala akusalabhagiya akusalapakkhika sabbe te manopubbangama mano tesam dhammanam pathamam uppajjati anvadeva kusala dhammati. [58] Yekeci bhikkhave dhamma kusala kusalabhagiya kusalapakkhika sabbe te manopubbangama mano tesam dhammanam pathamam uppajjati Anvadeva kusala dhammati. [59] Naham bhikkhave annam ekadhammampi samanupassami yena anuppanna va akusala dhamma uppajjanti uppanna va kusala dhamma parihayanti yathayidam bhikkhave pamado pamattassa bhikkhave anuppanna ceva akusala dhamma uppajjanti uppanna ca kusala dhamma parihayantiti. [60] Naham bhikkhave annam ekadhammampi samanupassami yena anuppanna va kusala dhamma uppajjanti uppanna va akusala dhamma parihayanti yathayidam bhikkhave appamado appamattassa bhikkhave anuppanna ceva kusala dhamma uppajjanti uppanna ca akusala dhamma parihayantiti. [61] Naham bhikkhave annam ekadhammampi samanupassami yena anuppanna va akusala dhamma uppajjanti uppanna va kusala dhamma parihayanti yathayidam bhikkhave kosajjam kusitassa bhikkhave anuppanna ceva akusala dhamma uppajjanti uppanna ca kusala dhamma parihayantiti. Vaggo ^1- chattho.

The Pali Tipitaka in Roman Character Volume 20 page 5-13. http://84000.org/tipitaka/pali/roman_item_s.php?book=20&item=22&items=40&modeTY=2&mode=bracket Classified by content :- http://84000.org/tipitaka/pali/roman_item_s.php?book=20&item=22&items=40&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=20&item=22&items=40&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=20&item=22&items=40&modeTY=2&mode=bracket Study Atthakatha :- http://84000.org/tipitaka/attha/attha.php?b=20&i=22 The Pali Atthakatha in Thai :- http://84000.org/tipitaka/atthapali/read_th.php?B=14&A=1091 The Pali Atthakatha in Roman :- http://84000.org/tipitaka/atthapali/read_rm.php?B=14&A=1091 Contents of The Tipitaka Volume 20 http://84000.org/tipitaka/read/?index_20