ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto
                   Apattibhayavaggo pancamo
     [243]   Ekam  samayam  bhagava  kosambiyam  viharati  ghositarame .
Athakho   ayasma   anando   yena  bhagava  tenupasankami  upasankamitva
bhagavantam    abhivadetva    ekamantam    nisidi   .   ekamantam   nisinnam
kho   ayasmantam   anandam   bhagava   etadavoca   apinu   tam   ananda
adhikaranam    vupasantanti   .   kuto   tam   bhante   adhikaranam   vupasamissati
@Footnote: 1 Ma.                  tassudadanam
@ sankhittavittharasonakayanasikkhapadam   ariyamaggo bojjhangam
@ savajjanceva abyapajjham                   samano ca sapapurisanisamsoti.
Ayasmato  bhante  anuruddhassa  vahiyo  nama saddhivihariko 1- kevalakappam
sanghabhedaya   thito   tatthayasma   anuruddho  na  ekavacikampi  bhanitabbam
mannatiti    .    kada   panananda   anuruddho   sanghamajjhe   adhikaranesu
voyunjati   nanu   ananda   yanikanici   adhikaranani  uppajjanti  sabbani
tani   tumhe   ceva   vupasametha  sariputtamoggallana  ca  cattarome
ananda atthavase sampassamano papabhikkhu sanghabhedena nandati
     {243.1}   katame  cattaro  idhananda  papabhikkhu  dussilo  hoti
papadhammo    asuci    sankassarasamacaro   paticchannakammanto   assamano
samanapatinno    abrahmacari    brahmacaripatinno    antoputi   avassuto
kasambujato tassa evam hoti sace kho mam bhikkhu janissanti dussilo papadhammo
asuci    sankassarasamacaro   paticchannakammanto   assamano   samanapatinno
abrahmacari    brahmacaripatinno    antoputi   avassuto   kasambujatoti
samagga   mam   santa   nasessanti   vagga  pana  mam  na  nasessantiti
idam   ananda   pathamam   atthavasam   sampassamano   papabhikkhu  sanghabhedena
nandati.
     {243.2}   Puna   caparam   ananda  papabhikkhu  micchaditthiko  hoti
antaggahikaya   ditthiya  samannagato  tassa  evam  hoti  sace  kho  mam
bhikkhu      janissanti     micchaditthiko     antaggahikaya     ditthiya
samannagatoti   samagga   mam   santa   nasessanti  vagga  pana  mam  na
nasessantiti   idam   ananda   dutiyam   atthavasam  sampassamano  papabhikkhu
sanghabhedena nandati.
     {243.3}   Puna   caparam   ananda  papabhikkhu  micchaajivo  hoti
@Footnote: 1 Yu. saddhivihari.
Micchaajivena  jivitam  1-  kappeti  tassa  evam  hoti  sace kho mam bhikkhu
janissanti   micchaajivo   micchaajivena   jivitam   kappetiti   samagga
mam  santa  nasessanti  vagga  pana  mam  na  nasessantiti  idam  ananda
tatiyam atthavasam sampassamano papabhikkhu sanghabhedena nandati.
     {243.4}  Puna caparam ananda papabhikkhu labhakamo hoti sakkarakamo
anavannattikamo   tassa   evam   hoti  sace  kho  mam  bhikkhu  janissanti
labhakamo    sakkarakamo    anavannattikamoti   samagga   mam   [2]-
na  sakkarissanti  na  garukarissanti  na  manessanti  na  pujessanti  vagga
pana   mam   sakkarissanti   garukarissanti   manessanti   pujessantiti   idam
ananda  catuttham  atthavasam  sampassamano  papabhikkhu  sanghabhedena  nandati.
Ime   kho   ananda   cattaro   atthavase   sampassamano   papabhikkhu
sanghabhedena nandatiti.
     [244]   Cattarimani   bhikkhave   apattibhayani  katamani  cattari
seyyathapi  bhikkhave  coram  agucarim  gahetva  ranno  dasseyyum ayante
deva  coro  agucari  imassa  devo  dandam  panetuti tamenam raja evam
vadeyya  gacchatha  bho  imam  purisam  dalhaya  rajjuya pacchabaham galhabandhanam
bandhitva    khuramundam    karitva   kharassarena   panavena   rathiya   rathiyam
singhatakena   singhatakam   parinetva   dakkhinena  dvarena  nikkhametva
dakkhinato   nagarassa   sisam   chindathati   tamenam   ranno  purisa  dalhaya
@Footnote: 1 Ma. jivikam. 2 Ma. Yu. santa.
Rajjuya    pacchabaham    galhabandhanam    bandhitva    khuramundam   karitva
kharassarena   panavena   rathiya   rathiyam  singhatakena  singhatakam  parinetva
dakkhinena   dvarena   nikkhametva   dakkhinato  nagarassa  sisam  chindeyyum
tatrannatarassa   thalatthassa   purisassa   evamassa   papakam   vata  bho  ayam
puriso  kammam  akasi  garayham  sisacchejjam  yatra  hi  nama  ranno purisa
dalhaya    rajjuya    pacchabaham    galhabandhanam    bandhitva   khuramundam
karitva   kharassarena   panavena   rathiya   rathiyam   singhatakena  singhatakam
parinetva    dakkhinena   dvarena   nikkhametva   dakkhinato   nagarassa
sisam  chindissanti  so  vatassayam  1-  evarupam  papakammam  na  kareyya 2-
sisacchejjanti  evameva  kho  bhikkhave  yassakassaci  bhikkhussa  va bhikkhuniya
va   evam   tibba  bhayasanna  paccupatthita  hoti  parajikesu  dhammesu
tassetam   patikankham   anapanno   va  parajikam  dhammam  na  apajjissati
apanno va parajikam dhammam yathadhammam patikarissati.
     {244.1}  Seyyathapi  bhikkhave  puriso  kalakam  3-  vattham paridhaya
kese  pakiritva  musalam  khandhe  aropetva  mahajanakayam  upasankamitva
evam   vadeyya   aham  bhante  papakammam  akasim  garayham  mosallam  yena
me    ayasmanto    attamana   honti   tam   karomiti   tatrannatarassa
thalatthassa   purisassa   evamassa   papakam   vata   bho  ayam  puriso  kammam
akasi  garayham  mosallam  yatra  hi  nama  kalakam  vattham  paridhaya  kese
pakiritva   musalam  khandhe  aropetva  mahajanakayam  upasankamitva  evam
vakkhati   aham   bhante   papakammam   akasim  garayham  mosallam  yena  me
@Footnote: 1 Ma. Yu. vatassaham. 2 Ma. Yu. kareyyam. ito param idisameva. 3 Ma. kalavattham.
Ayasmanto   attamana   honti   tam   karomiti  so  vatassayam  evarupam
papakammam   na   kareyya   garayham   mosallanti  evameva  kho  bhikkhave
yassakassaci   bhikkhussa   va   bhikkhuniya   va   evam   tibba  bhayasanna
paccupatthita    hoti    sanghadisesesu    dhammesu   tassetam   patikankham
anapanno   va   sanghadisesam   dhammam   na  apajjissati  apanno  va
sanghadisesam dhammam yathadhammam patikarissati.
     {244.2}   Seyyathapi   bhikkhave   puriso  kalakam  vattham  paridhaya
kese   pakiritva   assaputam   1-   khandhe   aropetva  mahajanakayam
upasankamitva   evam   vadeyya   aham  bhante  papakammam  akasim  garayham
assaputam   yena   me   ayasmanto   attamana   honti   tam   karomiti
tatrannatarassa   thalatthassa   purisassa   evamassa   papakam   vata  bho  ayam
puriso   kammam   akasi  garayham  assaputam  yatra  hi  nama  kalakam  vattham
paridhaya   kese   pakiritva  assaputam  khandhe  aropetva  mahajanakayam
upasankamitva   evam   vakkhati   aham   bhante  papakammam  akasim  garayham
assaputam   yena   me   ayasmanto   attamana   honti   tam   karomiti
so   vatassayam   evarupam   papakammam  na  kareyya  assaputanti  evameva
kho   bhikkhave   yassakassaci   bhikkhussa  va  bhikkhuniya  va  evam  tibba
bhayasanna    paccupatthita    hoti    pacittiyesu    dhammesu    tassetam
patikankham   anapanno   va  pacittiyam  dhammam  na  apajjissati  apanno
va   pacittiyam   dhammam   yathadhammam   patikarissati  .  seyyathapi  bhikkhave
@Footnote: 1 Ma. bhasmaputam. ito param idisameva.
Puriso  kalakam  vattham  paridhaya  kese  pakiritva mahajanakayam upasankamitva
evam   vadeyya   aham  bhante  papakammam  akasim  garayham  upavajjam  yena
me    ayasmanto    attamana   honti   tam   karomiti   tatrannatarassa
thalatthassa   purisassa   evamassa   papakam   vata   bho  ayam  puriso  kammam
akasi   garayham   upavajjam   yatra   hi   nama   kalakam  vattham  paridhaya
kese   pakiritva  mahajanakayam  upasankamitva  evam  vakkhati  aham  bhante
papakammam   akasim   garayham  upavajjam  yena  me  ayasmanto  attamana
honti   tam   karomiti   so   vatassayam  evarupam  papakammam  na  kareyya
garayham   upavajjanti   evameva  kho  bhikkhave  yassakassaci  bhikkhussa  va
bhikkhuniya  va  evam  tibba  bhayasanna  paccupatthita  hoti patidesaniyesu
dhammesu   tassetam   patikankham   anapanno  va  patidesaniyam  1-  dhammam
na   apajjissati   apanno   va   patidesaniyam   2-  dhammam  yathadhammam
patikarissati. Imani kho bhikkhave cattari apattibhayaniti.
     [245]   Sikkhanisamsamidam   bhikkhave   brahmacariyam   vussati  pannuttaram
vimuttisaram   satadhipateyyam   .   kathanca  bhikkhave  sikkhanisamsam  hoti  idha
bhikkhave   maya  savakanam  abhisamacarika  sikkha  pannatta  appasannanam
pasadaya  pasannanam  bhiyyobhavaya  yatha  yatha  bhikkhave  maya  savakanam
abhisamacarika   sikkha   pannatta   appasannanam   pasadaya   pasannanam
bhiyyobhavaya   tatha   tatha   so   tassa   sikkhaya  akhandakari  hoti
@Footnote: 1-2 Yu. patidesaniyakam.
Acchiddakari   asabalakari   akammasakari   samadaya  sikkhati  sikkhapadesu
puna  caparam  bhikkhave  maya  savakanam  adibrahmacariyaka  sikkha  pannatta
sabbaso   sammadukkhakkhayaya   yatha   yatha   bhikkhave   maya   savakanam
adibrahmacariyaka   sikkha   pannatta   sabbaso  sammadukkhakkhayaya  tatha
tatha   so   tassa  sikkhaya  akhandakari  hoti  acchiddakari  asabalakari
akammasakari   samadaya   sikkhati   sikkhapadesu   evam   kho   bhikkhave
sikkhanisamsam hoti.
     {245.1}   Kathanca  bhikkhave  pannuttaram  hoti  idha  bhikkhave  maya
savakanam   dhamma   desita   sabbaso   sammadukkhakkhayaya   yatha  yatha
bhikkhave   maya   savakanam   dhamma  desita  sabbaso  sammadukkhakkhayaya
tatha  tatha  1-  sabbe  te  dhamma  pannaya  samavekkhita  honti evam
kho bhikkhave pannuttaram hoti.
     {245.2}  Kathanca  bhikkhave  vimuttisaram  hoti  idha  bhikkhave  maya
savakanam   dhamma   desita   sabbaso   sammadukkhakkhayaya   yatha  yatha
bhikkhave   maya   savakanam   dhamma  desita  sabbaso  sammadukkhakkhayaya
tatha   tatha   2-  sabbe  te  dhamma  vimuttiya  phusita  honti  evam
kho bhikkhave vimuttisaram hoti.
     {245.3}  Kathanca  bhikkhave  satadhipateyyam  hoti  iti  aparipuram va
abhisamacarikam   sikkham   paripuressami   paripuram   va  abhisamacarikam  sikkham
tattha   tattha   pannaya   anuggahessamiti   ajjhattamyeva   sati  supatthita
hoti   iti   aparipuram  va  adibrahmacariyakam  sikkham  paripuressami  paripuram
va   adibrahmacariyakam   sikkham   tattha   tattha   pannaya  anuggahessamiti
ajjhattamyeva      sati     supatthita     hoti     iti     asamavekkhitam
@Footnote: 1-2 Ma. Yu. tatha tathassa te. sabbeti patho natthi.
Va   dhammam  tattha  tattha  pannaya  samavekkhissami  samavekkhitam  va  dhammam
tattha   tattha   pannaya   anuggahessamiti   ajjhattamyeva   sati  supatthita
hoti   iti   aphusitam   va  dhammam  vimuttiya  phusissami  phusitam  va  dhammam
tattha   tattha   pannaya   anuggahessamiti   ajjhattamyeva   sati  supatthita
hoti  evam  kho  bhikkhave  satadhipateyyam  hoti  .  sikkhanisamsamidam bhikkhave
brahmacariyam    vussati    pannuttaram    vimuttisaram   satadhipateyyanti   iti
yantam vuttam idametam paticca vuttanti.
     [246]   Catasso   ima   bhikkhave   seyya   katama   catasso
petaseyya   kamabhogiseyya  sihaseyya  tathagataseyya  .  katama  ca
bhikkhave   petaseyya   yebhuyyena   bhikkhave   peta  uttana  senti
ayam  vuccati  bhikkhave  petaseyya  .  katama  ca bhikkhave kamabhogiseyya
yebhuyyena   bhikkhave   kamabhogi   vamena  passena  senti  ayam  vuccati
bhikkhave kamabhogiseyya.
     {246.1}  Katama  ca  bhikkhave  sihaseyya  siho bhikkhave migaraja
dakkhinena    passena    seyyam   kappeti   padena   padam   accadhaya
antarasatthimhi    1-    nanguttham    anupakkhipitva    so    patibujjhitva
purimam   kayam  abbhunnametva  pacchimam  kayam  anuviloketi  sace  bhikkhave
siho   migaraja   kinci   passati   kayassa   vikkhittam   va  visatam  va
tena   bhikkhave   siho  migaraja  anattamano  hoti  sace  pana  bhikkhave
siho   migaraja   na   kinci  passati  kayassa  vikkhittam  va  visatam  va
@Footnote: 1 Yu. antarasatthinam.
Tena   bhikkhave   siho  migaraja  attamano  hoti  ayam  vuccati  bhikkhave
sihaseyya   .  katama  ca  bhikkhave  tathagataseyya  idha  bhikkhave  bhikkhu
vivicce   kamehi   .pe.   catuttham   jhanam   upasampajja   viharati   ayam
vuccati bhikkhave tathagataseyya. Ima kho bhikkhave catasso seyyati.
     [247]  Cattarome  bhikkhave  thuparaha  katame cattaro tathagato
araham      sammasambuddho     thuparaho     paccekabuddho     thuparaho
tathagatasavako   thuparaho   raja   cakkavatti   thuparaho   ime   kho
bhikkhave cattaro thuparahati.
     [248]   Cattarome   bhikkhave   dhamma  pannavuddhiya  samvattanti
katame    cattaro    sappurisasamsevo   saddhammassavanam   yonisomanasikaro
dhammanudhammapatipatti   ime  kho  bhikkhave  cattaro  dhamma  pannavuddhiya
samvattantiti.
     [249]   Cattarome   bhikkhave   dhamma   manussabhutassa  bahukara
honti  katame  cattaro  sappurisasamsevo  saddhammassavanam  yonisomanasikaro
dhammanudhammapatipatti   ime   kho  bhikkhave  cattaro  dhamma  manussabhutassa
bahukara hontiti.
     [250]   Cattarome   bhikkhave  anariyavohara  katame  cattaro
aditthe    ditthavadita    assute    sutavadita    amute   mutavadita
avinnate     vinnatavadita     ime    kho    bhikkhave    cattaro
anariyavoharati.
     [251]   Cattarome   bhikkhave   ariyavohara  katame  cattaro
aditthe   aditthavadita   assute   assutavadita   amute   amutavadita
avinnate     avinnatavadita    ime    kho    bhikkhave    cattaro
ariyavoharati.
     [252]   Cattarome   bhikkhave  anariyavohara  katame  cattaro
ditthe    aditthavadita    sute    assutavadita    mute   amutavadita
vinnate     avinnatavadita     ime    kho    bhikkhave    cattaro
anariyavoharati.
     [253]   Cattarome   bhikkhave   ariyavohara  katame  cattaro
ditthe   ditthavadita   sute   sutavadita   mute   mutavadita  vinnate
vinnatavadita ime kho bhikkhave cattaro ariyavoharati.
                  Apattibhayavaggo pancamo.
                         [1]-
                     -------------



             The Pali Tipitaka in Roman Character Volume 21 page 324-333. http://84000.org/tipitaka/pali/roman_item_s.php?book=21&item=243&items=11&modeTY=2              Classified by [Item Number] :- http://84000.org/tipitaka/pali/roman_item_s.php?book=21&item=243&items=11&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=21&item=243&items=11&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=21&item=243&items=11&modeTY=2              Study Atthakatha :- http://84000.org/tipitaka/attha/attha.php?b=21&i=243              The Pali Atthakatha in Thai :- http://84000.org/tipitaka/atthapali/read_th.php?B=15&A=10166              The Pali Atthakatha in Roman :- http://84000.org/tipitaka/atthapali/read_rm.php?B=15&A=10166              Contents of The Tipitaka Volume 21 http://84000.org/tipitaka/read/?index_21

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :