บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
Uposathavaggo pancamo [131] 41 Evamme sutam . ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca {131.1} atthangasamannagato bhikkhave uposatho upavuttho mahapphalo hoti mahanisamso mahajutiko mahavippharo . Katham upavuttho ca bhikkhave atthangasamannagato uposatho mahapphalo hoti mahanisamso mahajutiko mahavippharo idha bhikkhave ariyasavako iti patisancikkhati yavajivam arahanto panatipatam pahaya panatipata pativirata nihitadanda nihitasattha lajji dayapanna sabbapanabhutahitanukampino viharanti ahampajja imanca rattim imanca divasam panatipatam pahaya panatipata pativirato nihitadando nihitasattho lajji dayapanno @Footnote: 1 Ma. nanupapattiyo . 2 Ma. kiriyam dve sappurisa abhisando vipako cati. Sabbapanabhutahitanukampi viharami iminapangena 1- arahatam anukaromi uposatho ca me upavuttho bhavissatiti imina pathamena angena samannagato hoti .pe. {131.2} Yavajivam arahanto adinnadanam pahaya adinnadana pativirata dinnadayi dinnapatikankhi athenena sucibhutena attana viharanti ahampajja imanca rattim imanca divasam adinnadanam pahaya adinnadana pativirato dinnadayi dinnapatikankhi athenena sucibhutena attana viharami iminapangena arahatam anukaromi uposatho ca me upavuttho bhavissatiti imina dutiyena angena samannagato hoti .pe. {131.3} Yavajivam arahanto abrahmacariyam pahaya brahmacarino aracarino virata methuna gamadhamma ahampajja imanca rattim imanca divasam abrahmacariyam pahaya brahmacari aracari virato methuna gamadhamma iminapangena arahatam anukaromi uposatho ca me upavuttho bhavissatiti imina tatiyena angena samannagato hoti .pe. {131.4} Yavajivam arahanto musavadam pahaya musavada pativirata saccavadino saccasandha theta paccayika avisamvadaka lokassa ahampajja imanca rattim imanca divasam musavadam pahaya musavada pativirato saccavadi saccasandho theto paccayiko avisamvadako lokassa iminapangena arahatam anukaromi uposatho ca me upavuttho bhavissatiti imina catutthena angena samannagato hoti .pe. {131.5} Yavajivam arahanto suramerayamajjapamadatthanam pahaya suramerayamajjapamadatthana pativirata @Footnote: 1 Si. Yu. iminapi angena. evamuparipi. Ahampajja imanca rattim imanca divasam suramerayamajjapamadatthanam pahaya suramerayamajjapamadatthana pativirato iminapangena arahatam anukaromi uposatho ca me upavuttho bhavissatiti imina pancamena angena samannagato hoti .pe. {131.6} Yavajivam arahanto ekabhattika rattuparata virata vikalabhojana ahampajja imanca rattim imanca divasam ekabhattiko rattuparato virato vikalabhojana iminapangena arahatam anukaromi uposatho ca me upavuttho bhavissatiti imina chatthena angena samannagato hoti .pe. {131.7} Yavajivam arahanto naccagitavaditavisukadassanamalagandha- vilepanadharanamandanavibhusanatthanam 1- pahaya naccagitavaditavisuka- dassanamalagandhavilepanadharanamandanavibhusanatthana pativirata ahampajja imanca rattim imanca divasam naccagitavaditavisukadassana- malagandhavilepanadharanamandanavibhusanatthanam pahaya naccagita- vaditavisukadassanamalagandhavilepanadharanamandanavibhusanatthana pativirato iminapangena arahatam anukaromi uposatho ca me upavuttho bhavissatiti imina sattamena angena samannagato hoti .pe. {131.8} Yavajivam arahanto uccasayanamahasayanam pahaya uccasayanamahasayana pativirata nicaseyyam kappenti mancake va tinasantharake va ahampajja imanca rattim imanca divasam uccasayanamahasayanam pahaya uccasayanamahasayana pativirato nicaseyyam kappemi mancake va tinasantharake va iminapangena arahatam anukaromi uposatho ca me upavuttho bhavissatiti imina atthamena angena samannagato hoti . Evam upavuttho kho bhikkhave atthangasamannagato uposatho mahapphalo hoti mahanisamso mahajutiko mahavippharoti. @Footnote: 1 an. tika. 20/272 nacca... dassana mala.... [132] 42 Atthangasamannagato bhikkhave uposatho upavuttho mahapphalo hoti mahanisamso mahajutiko mahavippharo . katham upavuttho ca bhikkhave atthangasamannagato uposatho mahapphalo hoti mahanisamso mahajutiko mahavippharo idha bhikkhave ariyasavako iti patisancikkhati yavajivam arahanto panatipatam pahaya panatipata pativirata nihitadanda nihitasattha lajji dayapanna sabbapanabhutahitanukampino viharanti ahampajja imanca rattim imanca divasam panatipatam pahaya panatipata pativirato nihitadando nihitasattho lajji dayapanno sabbapanabhutahitanukampi viharami iminapangena arahatam anukaromi upasatho ca me upavuttho bhavissatiti {132.1} imina pathamena angena samannagato hoti .pe. Yavajivam arahanto uccasayanamahasayanam pahaya uccasayanamahasayana pativirata nicaseyyam kappenti mancake va tinasantharake va ahampajja imanca rattim imanca divasam uccasayanamahasayanam pahaya uccasayanamahasayana pativirato nicaseyyam kappemi mancake va tinasantharake va iminapangena arahatam anukaromi uposatho ca me upavuttho bhavissatiti imina atthamena angena samannagato hoti . evam upavuttho kho bhikkhave atthangasamannagato uposatho mahapphalo hoti mahanisamso mahajutiko mahavippharo. {132.2} Kivamahapphalo hoti kivamahanisamso kivamahajutiko kivamahavippharo seyyathapi bhikkhave yo imesam solasannam mahajanapadanam pahutasattananam 1- @Footnote: 1 Ma. pahutarattaratananam. evamuparipi. Issaradhipaccam rajjam kareyya seyyathidam anganam magadhanam kasinam kosalanam vajjinam mallanam cetinam vamsanam kurunam pancalanam macchanam surasenanam assakanam avantinam gandharanam kambojanam atthanga- samannagatassa uposathassa etam kalam nagghati solasim tam kissa hetu kapanam bhikkhave manusakam rajjam dibbam sukham upanidhaya. {132.3} Yani bhikkhave manusakani pannasam vassani catummaharajikanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani panca vassasatani catummaharajikanam devanam ayuppamanam thanam kho panetam bhikkhave vijjati yam idhekacco itthi va puriso va atthangasamannagatam uposatham upavasitva kayassa bheda parammarana catummaharajikanam devanam sahabyatam upapajjeyya idam kho pana metam 1- bhikkhave sandhaya bhasitam kapanam manusakam rajjam dibbam sukham upanidhaya. {132.4} Yam bhikkhave manusakam vassasatam 2- tavatimsanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbam vassasahassam tavatimsanam devanam ayuppamanam thanam kho panetam bhikkhave vijjati yam idhekacco itthi va puriso va atthangasamannagatam uposatham upavasitva kayassa bheda parammarana tavatimsanam devanam sahabyatam upapajjeyya idam kho pana metam bhikkhave sandhaya bhasitam @Footnote: 1 Ma. panetam. evamuparipi . 2 Ma. yani bhikkhave manusakani vassasatani. Kapanam manusakam rajjam dibbam sukham upanidhaya. {132.5} Yani bhikkhave manusakani dve vassasatani yamanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani dve vassasahassani yamanam devanam ayuppamanam thanam kho panetam bhikkhave vijjati yam idhekacco itthi va puriso va atthangasamannagatam uposatham upavasitva kayassa bheda parammarana yamanam devanam sahabyatam upapajjeyya idam kho pana metam bhikkhave sandhaya bhasitam kapanam manusakam rajjam dibbam sukham upanidhaya. {132.6} Yani bhikkhave manusakani cattari vassasatani tusitanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani cattari vassasahassani tusitanam devanam ayuppamanam thanam kho panetam bhikkhave vijjati yam idhekacco itthi va puriso va atthangasamannagatam uposatham upavasitva kayassa bheda parammarana tusitanam devanam sahabyatam upapajjeyya idam kho pana metam bhikkhave sandhaya bhasitam kapanam manusakam rajjam dibbam sukham upanidhaya. {132.7} Yani bhikkhave manusakani attha vassasatani nimmanaratinam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani attha vassasahassani nimmanaratinam devanam ayuppamanam thanam kho panetam bhikkhave vijjati yam idhekacco itthi va puriso va atthangasamannagatam uposatham Upavasitva kayassa bheda parammarana nimmanaratinam devanam sahabyatam upapajjeyya idam kho pana metam bhikkhave sandhaya bhasitam kapanam manusakam rajjam dibbam sukham upanidhaya. {132.8} Yani bhikkhave manusakani solasa vassasatani paranimmitavasavattinam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani solasa vassasahassani paranimmitavasavattinam devanam ayuppamanam thanam kho panetam bhikkhave vijjati yam idhekacco itthi va puriso va atthangasamannagatam uposatham upavasitva kayassa bheda parammarana paranimmitavasavattinam devanam sahabyatam upapajjeyya idam kho pana metam bhikkhave sandhaya bhasitam kapanam manusakam rajjam dibbam sukham upanidhayati. Panam na hanne na cadinnamadiye musa na bhase na ca majjapo siya abrahmacariya virameyya methuna rattim na bhunjeyya vikalabhojanam malam na dharaye na ca gandhamacare mance chamayamva sayetha santhate etanhi atthangikamahuposatham buddhena dukkhantaguna pakasitam cando ca suro 1- ca ubho sudassana @Footnote: 1 Ma. suriyo. evamuparipi. Obhasayanta anuyanti 1- yavata tamonuda te pana antalikkhaga nabhe pabhasanti disa virocana etamhi yam vijjati antare dhanam mutta mani veluriyanca bhaddakam singi suvannam athavapi kancanam yam jatarupam hatakanti vuccati atthangupetassa uposathassa kalampi te nanubhavanti solasim candappabha taraganava 2- sabbe tasma hi nari ca naro ca silava atthangupetam upavassuposatham punnani katvana sukhudrayani anindita saggamupenti thananti. [133] 43 Ekam samayam bhagava savatthiyam viharati pubbarame migaramatupasade . athakho visakha migaramata yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho visakham migaramataram bhagava etadavoca atthangasamannagato visakhe [2]- uposatho upavuttho mahapphalo hoti mahanisamso mahajutiko mahavippharo . katham upavuttho ca visakhe atthangasamannagato @Footnote: 1 Ma. obhasayam anupariyanti. evamuparipi . 2 Ma. - ca. evamuparipi. Uposatho mahapphalo hoti mahanisamso mahajutiko mahavippharo idha visakhe ariyasavako iti patisancikkhati yavajivam arahanto panatipatam pahaya panatipata pativirata nihitadanda nihitasattha lajji dayapanna sabbapanabhutahitanukampino viharanti ahampajja imanca rattim imanca divasam panatipatam pahaya panatipata pativirato nihitadando nihitasattho lajji dayapanno sabbapanabhuta- hitanukampi viharami iminapangena arahatam anukaromi uposatho ca me upavuttho bhavissatiti imina pathamena angena samannagato hoti .pe. {133.1} Yavajivam arahanto uccasayanamahasayanam pahaya uccasayanamahasayana pativirata nicaseyyam kappenti mancake va tinasantharake va ahampajja imanca rattim imanca divasam uccasayanamahasayanam pahaya uccasayanamahasayana pativirato nicaseyyam kappemi mancake va tinasantharake va iminapangena arahatam anukaromi uposatho ca me upavuttho bhavissatiti imina atthamena angena samannagato hoti. Evam upavuttho kho visakhe atthangasamannagato uposatho mahapphalo hoti mahanisamso mahajutiko mahavippharo. {133.2} Kivamahapphalo hoti kivamahanisamso kivamahajutiko kivamahavippharo seyyathapi visakhe yo imesam solasannam mahajanapadanam pahutasattaratananam issaradhipaccam rajjam kareyya seyyathidam anganam magadhanam kasinam kosalanam vajjinam mallanam cetinam vamsanam kurunam pancalanam macchanam Surasenanam assakanam avantinam gandharanam kambojanam atthanga- samannagatassa uposathassa etam kalam nagghati solasim tam kissa hetu kapanam visakhe manusakam rajjam dibbam sukham upanidhaya. {133.3} Yani visakhe manusakani pannasa vassani catummaharajikanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani panca vassasatani catummaharajikanam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana catummaharajikanam devanam sahabyatam upapajjeyya idam kho pana metam visakhe sandhaya bhasitam kapanam manusakam rajjam dibbam sukham upanidhaya. {133.4} Yam visakhe manusakam vassasatam tavatimsanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbam vassasahassam tavatimsanam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana tavatimsanam devanam sahabyatam upapajjeyya idam kho pana metam visakhe sandhaya bhasitam kapanam manusakam rajjam dibbam sukham upanidhaya. {133.5} Yani visakhe manusakani dve vassasatani .pe. Cattari vassasatani .pe. attha vassasatani .pe. solasa vassasatani paranimmitavasavattinam devanam eso eko Rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani solasa vassasahassani paranimmitavasavattinam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana paranimmitavasavattinam devanam sahabyatam upapajjeyya idam kho pana metam visakhe sandhaya bhasitam kapanam manusakam rajjam dibbam sukham upanidhayati. Panam na hanne na cadinnamadiye musa na bhase na ca majjapo siya abrahmacariya virameyya methuna rattim na bhunjeyya vikalabhojanam malam na dharaye na ca gandhamacare mance chamayamva sayetha santhate etanhi atthangikamahuposatham buddhena dukkhantaguna pakasitam cando ca suro ca ubho sudassana obhasayanta anuyanti yavata tamonuda te pana antalikkhaga nabhe pabhasanti disa virocana etamhi yam vijjati antare dhanam Mutta mani veluriyanca bhaddakam singi suvannam athavapi kancanam yam jatarupam hatakanti vuccati atthangupetassa uposathassa kalampi te nanubhavanti solasim candappabha taraganava sabbe tasma hi nari ca naro ca silava atthangupetam upavassuposatham punnani katvana sukhudrayani anindita saggamupenti thananti.The Pali Tipitaka in Roman Character Volume 23 page 253-264. http://84000.org/tipitaka/pali/roman_item_s.php?book=23&item=131&items=3&modeTY=2 Classified by [Item Number] :- http://84000.org/tipitaka/pali/roman_item_s.php?book=23&item=131&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=131&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=131&items=3&modeTY=2 Study Atthakatha :- http://84000.org/tipitaka/attha/attha.php?b=23&i=131 Contents of The Tipitaka Volume 23 http://84000.org/tipitaka/read/?index_23
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]