paliTIPITAKA Volume 23 - Sutta Pitaka 15

[137] 47 Ekaṃ samayaṃ bhagavā sāvatthiyaṃ viharati pubbārāme migāramātupāsāde . athakho visākhā migāramātā .pe. Ekamantaṃ nisīdi. Ekamantaṃ nisinnaṃ kho visākhaṃ migāramātaraṃ bhagavā etadavoca aṭṭhahi kho visākhe dhammehi samannāgato mātugāmo kāyassa bhedā parammaraṇā manāpakāyikānaṃ devānaṃ sahabyataṃ upapajjati . katamehi aṭṭhahi idha visākhe mātugāmo yassa mātāpitaro bhattuno denti atthakāmā hitesino anukampakā anukampaṃ upādāya tassa hoti pubbuṭṭhāyinī pacchānipātinī kiṃkārapaṭissāvinī manāpacārinī piyavādinī .pe. cāgavatī @Footnote: ¹ Ma. issācārenātipi.

--------------------------------------------------------------------------------------------- page274.

Kho pana hoti vigatamalamaccherena cetasā agāraṃ ajjhāvasati muttacāgī payatapāṇī vossaggaratā yācayogā dānasaṃvibhāgaratā. Imehi kho visākhe aṭṭhahi dhammehi samannāgato mātugāmo kāyassa bhedā parammaraṇā manāpakāyikānaṃ devānaṃ sahabyataṃ upapajjatīti. Yo naṃ bharati sabbadā niccaṃ ātāpi ussuko taṃ sabbakāmaharaṃ posaṃ bhattāraṃ nātimaññati na cāpi sotthi bhattāraṃ issāvādena rosaye bhattu ca garuno sabbe paṭipūjeti paṇḍitā uṭṭhāhikā analasā saṅgahitaparijjanā bhattu manāpañcarati sambhataṃ anurakkhati yā evaṃ vattati nārī bhattu chandavasānugā manāpā nāma te devā yattha sā upapajjatīti.

The Pali Tipitaka in Roman Character Volume 23 page 273-274. http://84000.org/tipitaka/pali/roman_item_s.php?book=23&item=137&items=1&pagebreak=1 Classified by [Item Number] :- http://84000.org/tipitaka/pali/roman_item_s.php?book=23&item=137&items=1&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=137&items=1&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=137&items=1&pagebreak=1 Study Atthakatha :- http://84000.org/tipitaka/attha/attha.php?b=23&i=137 Contents of The Tipitaka Volume 23 http://84000.org/tipitaka/read/?index_23