Suttantapitake khuddakanikayassa
khuddakapatho
---------
namo tassa bhagavato arahato sammasambuddhassa.
Khuddakapathe saranagamanam
[1] Buddham saranam gacchami dhammam saranam gacchami sangham
saranam gacchami . dutiyampi buddham saranam gacchami dutiyampi dhammam
saranam gacchami dutiyampi sangham saranam gacchami . tatiyampi buddham
saranam gacchami tatiyampi dhammam saranam gacchami tatiyampi sangham
saranam gacchami.
Saranagamanam 1- nitthitam.
--------
Khuddakapathe dasasikkhapadam
[2] Panatipata veramani sikkhapadam samadiyami .
Adinnadana veramani sikkhapadam samadiyami . abrahmacariya
veramani sikkhapadam samadiyami . musavada veramani sikkhapadam
samadiyami . suramerayamajjapamadatthana veramani sikkhapadam
@Footnote: 1 Si. Ma. saranattayam.
Samadiyami . vikalabhojana veramani sikkhapadam samadiyami .
Naccagitavaditavisukadassana veramani sikkhapadam samadiyami .
Malagandhavilepanadharanamandanavibhusanatthana veramani sikkhapadam
samadiyami . uccasayanamahasayana veramani sikkhapadam samadiyami .
Jataruparajatapatiggahana veramani sikkhapadam samadiyami.
Dasasikkhapadam nitthitam.
---------
Khuddakapathe dvattimsakaro
[3] Atthi imasmim kaye kesa loma nakha danta taco
mamsam nharu atthi atthiminjam vakkam hadayam yakanam kilomakam pihakam
papphasam antam antagunam udariyam karisam [1]- pittam semham pubbo
lohitam sedo medo assu vasa khelo simghanika lasika muttam
matthake matthalunganti.
Dvattimsakaro nitthito.
-----------
Khuddakapathe samanerapanha
[4] Ekannama kim sabbe satta aharatthitika . dve
nama kim namanca rupanca . tini nama kim tisso vedana .
@Footnote: 1 Ma. matthalungam.
Cattari nama kim cattari ariyasaccani . panca nama kim
pancupadanakkhandha . cha nama kim cha ajjhattikani ayatanani .
Satta nama kim satta bojjhanga . attha nama kim ariyo
atthangiko maggo . nava nama kim nava sattavasa . dasa
nama kim dasahangehi samannagato arahati vuccatiti.
Samanerapanha 1- nitthita.
-----------
Khuddakapathe mangalasuttam
[5] Evamme sutam . ekam samayam bhagava savatthiyam viharati
jetavane anathapindikassa arame . atha kho annatara devata
abhikkantaya rattiya abhikkantavanna kevalakappam jetavanam
obhasetva yena bhagava tenupasankami upasankamitva bhagavantam
abhivadetva ekamantam atthasi ekamantam thita kho sa devata
bhagavantam gathaya ajjhabhasi.
[6] |6.1| Bahu deva manussa ca mangalani acintayum
akankhamana sotthanam bruhi mangalamuttamam.
|6.2| Asevana ca balanam panditananca sevana
puja ca pujaniyanam 2- etammangalamuttamam.
|6.3| Patirupadesavaso ca pubbe ca katapunnata
@Footnote: 1 Ma. kumarapanha . 2 Ma. pujaneyyanam.
Attasammapanidhi ca etammangalamuttamam.
|6.4| Bahusaccanca sippanca vinayo ca susikkhito
subhasita ca ya vaca etammangalamuttamam.
|6.5| Matapituupatthanam puttadarassa sangaho
anakula ca kammanta etammangalamuttamam.
|6.6| Dananca dhammacariya ca natakananca sangaho
anavajjani kammani etammangalamuttamam.
|6.7| Arati virati papa majjapana ca sannamo
appamado ca dhammesu etammangalamuttamam.
|6.8| Garavo ca nivato ca santutthi ca katannuta
kalena dhammassavanam etammangalamuttamam.
|6.9| Khanti ca sovacassata samanananca dassanam
kalena dhammasakaccha etammangalamuttamam.
|6.10| Tapo ca brahmacariyanca ariyasaccanadassanam
nibbanasacchikiriya ca etammangalamuttamam.
|6.11| Phutthassa lokadhammehi cittam yassa na kampati
asokam virajam khemam etammangalamuttamam.
|6.12| Etadisani katvana sabbatthamaparajita
sabbattha sotthim gacchanti tantesam mangalamuttamanti.
Mangalasuttam nitthitam.
Khuddakapathe ratanasuttam
[7] |7.1| Yanidha bhutani samagatani
bhummani va yani va antalikkhe.
Sabbeva bhuta sumana bhavantu
athopi sakkacca sunantu bhasitam
|7.2| tasma hi bhuta nisametha sabbe
mettam karotha manusiya pajaya.
Diva ca ratto ca haranti ye balim
tasma hi ne rakkhatha appamatta.
|7.3| Yam kinci vittam idha va huram va
saggesu va yam ratanam panitam
na no samam atthi tathagatena
idampi buddhe ratanam panitam.
Etena saccena suvatthi hotu.
|7.4| Khayam viragam amatam panitam
yadajjhaga sakyamuni samahito
na tena dhammena samatthi kinci
idampi dhamme ratanam panitam.
Etena saccena suvatthi hotu.
|7.5| Yambuddhasettho parivannayi sucim
samadhimanantarikannamahu
samadhina tena samo na vijjati
idampi dhamme ratanam panitam.
Etena saccena suvatthi hotu.
|7.6| Ye puggala attha satam pasattha
cattari etani yugani honti
te dakkhineyya sugatassa savaka
etesu dinnani mahapphalani
idampi sanghe ratanam panitam.
Etena saccena suvatthi hotu.
|7.7| Ye suppayutta manasa dalhena
nikkamino gotamasasanamhi
te pattipatta amatam vigayha
laddha mudha nibbutim bhunjamana
idampi sanghe ratanam panitam.
Etena saccena suvatthi hotu.
|7.8| Yathindakhilo pathavim sito siya
catubbhi vatebhi asampakampiyo
tathupamam sappurisam vadami
Yo ariyasaccani avecca passati
idampi sanghe ratanam panitam.
Etena saccena suvatthi hotu.
|7.9| Yeriyasaccani 1- vibhavayanti
gambhirapannena sudesitani
kincapi te honti bhusappamatta
na te bhavam atthamamadiyanti
idampi sanghe ratanam panitam.
Etena saccena suvatthi hotu.
|7.10| Sahavassa dassanasampadaya
tayassu dhamma jahita bhavanti
sakkayaditthi vicikicchitanca
silabbatam vapi yadatthi kinci
|7.11| catuhapayehi ca vippamutto
cha cabhithanani abhabbo katum
idampi sanghe ratanam panitam.
Etena saccena suvatthi hotu.
|7.12| Kincapi so kammam karoti papakam
kayena vacayuda cetasa va
abhabbo so tassa paticchadaya
@Footnote: 1 idani payato pathanti "ye ariyasaccani vibhavayantiti ."
Abhabbata ditthapadassa vutta
idampi sanghe ratanam panitam.
Etena saccena suvatthi hotu.
|7.13| Vanappagumbe yatha phussitagge
gimhanamase pathamasmim gimhe
tathupamam dhammavaram adesayi
nibbanagamim paramam hitaya
idampi buddhe ratanam panitam.
Etena saccena suvatthi hotu.
|7.14| Varo varannu varado varaharo
anuttaro dhammavaram adesayi
idampi buddhe ratanam panitam.
Etena saccena suvatthi hotu.
|7.15| Khinam puranam navam natthi sambhavam
virattacittayatike bhavasmim
te khinabija avirulhichanda
nibbanti dhira yathayampadipo
idampi sanghe ratanam panitam.
Etena saccena suvatthi hotu.
|7.16| Yanidha bhutani samagatani
Bhummani va yaniva antalikkhe
tathagatam devamanussapujitam
buddham namassama suvatthi hotu.
|7.17| Yanidha bhutani samagatani
bhummani va yaniva antalikkhe
tathagatam devamanussapujitam
dhammam namassama suvatthi hotu.
|7.18| Yanidha bhutani samagatani
bhummani va yaniva antalikkhe
tathagatam devamanussapujitam
sangham namassama suvatthi hotu.
Ratanasuttam nitthitam.
-------
Khuddakapathe tirokuddakandam
[8] |8.1| (mattasukhapariccaga passe ce vipulam sukham
caje mattasukham dhiro sampassam vipulam sukham .)
|8.2| tirokuddesu titthanti sandhisinghatakesu ca
dvarabahasu titthanti agantvana sakam gharam.
|8.3| Pahute 1- annapanamhi khajjabhojje upatthite
@Footnote: 1 Ma. pahute.
Na tesam koci sarati sattanam kammapaccaya.
|8.4| Evam dadanti natinam ye honti anukampaka
sucim panitam kalena kappiyam panabhojanam
idam vo natinam hotu sukhita hontu natayo.
|8.5| Te ca tattha samagantva natipeta samagata
pahute 1- annapanamhi sakkaccam anumodare
|8.6| ciram jivantu no nati yesam hetu labhamhase.
Amhakanca kata puja dayaka ca anipphala.
|8.7| Na hi tattha kasi atthi gorakkhettha na vijjati
vanijja tadisi natthi hirannena kayakayam.
Ito dinnena yapenti peta kalakata tahim
|8.8| unnate 2- udakam vuttham yatha ninnam pavattati
evameva ito dinnam petanam upakappati.
|8.9| Yatha varivaha pura paripurenti sagaram
evameva ito dinnam petanam upakappati.
|8.10| Adasi me akasi me natimitta sakha ca me
petanam dakkhinam dajja pubbe katamanussaram.
|8.11| Na hi runnam va soko va yavanna paridevana
na tam petanamatthaya evam titthanti natayo.
|8.12| Ayanca kho dakkhina dinna sanghamhi supatitthita
@Footnote: 1 Ma. pahute . 2 Ma. unname.
Digharattam hitayassa thanaso upakappati.
|8.13| So natidhammo ca ayam nidassito
petanapuja ca kata ulara
balanca bhikkhunamanuppadinnam
tumhehi punnam pasutam anappakanti.
Tirokuddakandam nitthitam.
----------
Khuddakapathe nidhikandam
[9] |9.1| Nidhim nidheti puriso gambhire udakantike
atthe kicce samuppanne atthaya me bhavissati
|9.2| rajato va duruttassa corato pilitassa va
inassa va pamokkhaya dubbhikkhe apadasu va
etadatthaya lokasmim nidhi nama nidhiyyati.
|9.3| Tavassunihito santo gambhire udakantike
na sabbo sabbada yeva tassa tam upakappati
|9.4| nidhi va thana cavati sanna vassa vimuyhati
naga va apanamenti yakkha vapi haranti nam
|9.5| appiya vapi dayada uddharanti apassato
yada punnakkhayo hoti sabbametam vinassati.
|9.6| Yassa danena silena sannamena damena ca
nidhi sunihito hoti itthiya purisassa va
|9.7| cetiyamhi ca sanghe va puggale atithisu va
matari pitari vapi atho jetthamhi bhatari
|9.8| eso nidhi sunihito ajeyyo anugamiko
pahaya gamaniyesu etam adaya gacchati.
|9.9| Asadharanamannesam acoraharano nidhi.
Kayiratha dhiro punnani yo nidhi anugamiko
|9.10| esa devamanussanam sabbakamadado nidhi
yam yam devabhipatthenti sabbametena labbhati
|9.11| suvannata susarata susanthanam 1- surupata
adhipaccam parivaro sabbametena labbhati.
|9.12| Padesarajjam issariyam cakkavattisukham piyam
devarajjampi dibbesu sabbametena labbhati.
|9.13| Manussika ca sampatti devaloke ca ya rati
ya ca nibbanasampatti sabbametena labbhati.
|9.14| Mittasampadamagamma yoniso ce payunjato
vijjavimuttivasibhavo sabbametena labbhati.
|9.15| Patisambhida vimokkha ca ya ca savakaparami
paccekabodhi buddhabhumi sabbametena labbhati.
@Footnote: 1 Ma. susanthana.
|9.16| Evam mahatthika esa yadidam punnasampada
tasma dhira pasamsanti pandita katapunnatanti.
Nidhikandam nitthitam.
-------
Khuddakapathe karaniyamettasuttam
[10] |10.1| Karaniyamatthakusalena yantam santam padam abhisamecca
sakko uju ca suhuju ca suvaco cassa mudu anatimani
|10.2| santussako ca subharo ca appakicco ca sallahukavutti
santindriyo ca nipako ca appagabbho kulesu ananugiddho.
|10.3| Na ca khuddam samacare kinci yena vinnu pare upavadeyyum.
Sukhino va khemino hontu sabbe satta bhavantu sukhitatta
|10.4| yekeci panabhutatthi tasa va thavara va anavasesa
digha va ye mahanta va majjhima rassaka anukathula
|10.5| dittha va ye 1- ca adittha ye 1- ca dure vasanti avidure
bhuta va sambhavesi va sabbe satta bhavantu sukhitatta
|10.6| na paro param nikubbetha natimannetha katthaci nam 2- kinci
byarosana patighasanna nannamannassa dukkhamiccheyya.
|10.7| Mata yatha niyam puttam ayusa ekaputtamanurakkhe
evampi sabbabhutesu manasambhavaye aparimanam
@Footnote: 1 Ma. ye va. 2 Ma. na kinci.
|10.8| Mettanca sabbalokasmim manasambhavaye aparimanam
uddham adho ca tiriyanca asambadham averam asapattam
|10.9| titthancaram nisinno va sayano va yava tassa vigatamiddho
etam satim adhittheyya brahmametam viharam idhamahu 1-.
|10.10| Ditthinca anupagamma silava dassanena sampanno
kamesu vineyya 2- gedham na hi jatu gabbhaseyyam punaretiti.
Mettasuttam nitthitam.
Khuddakapatho samatto.
-------
@Footnote: 1 Ma. viharamidhamahu . 2 Ma. vinaya.
The Pali Tipitaka in Roman Character Volume 25 page 1-14.
http://84000.org/tipitaka/pali/roman_item_s.php?book=25&item=1&items=10&modeTY=2
Classified by [Item Number] :-
http://84000.org/tipitaka/pali/roman_item_s.php?book=25&item=1&items=10&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=1&items=10&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=1&items=10&modeTY=2
Study Atthakatha :-
http://84000.org/tipitaka/attha/attha.php?b=25&i=1
The Pali Atthakatha in Thai :-
http://84000.org/tipitaka/atthapali/read_th.php?B=17&A=1
The Pali Atthakatha in Roman :-
http://84000.org/tipitaka/atthapali/read_rm.php?B=17&A=1
Contents of The Tipitaka Volume 25
http://84000.org/tipitaka/read/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
