TIPITAKA Volume 26 : PALI ROMAN
Sutta Pitaka Vol 18 : Sutta. Khu. vimāna-petavatthu thera-therīgāthā

[376] |376.587| 7 Vijāneyya sakaṃ atthaṃ   avalokeyyātha pāvacanaṃ
                         yañcettha assa paṭirūpaṃ      sāmaññaṃ ajjhupagatassa.
      |376.588| Mittaṃ idheva 3- kalyāṇaṃ    sikkhā vipulaṃ samādānaṃ
                         sussūsā ca garūnaṃ                etaṃ samaṇassa paṭirūpaṃ.
      |376.589| Buddhesu sagāravatā   dhamme apaciti yathābhūtaṃ
@Footnote: 1 Ma. sambhāseyya .   2 Yu. dukkhassantaṃ .   3 Ma. idha ce. Yu. idha.
                         Saṅghe ca cittikāro           etaṃ samaṇassa paṭirūpaṃ.
      |376.590| Ācāragocare yutto         ājīvo sodhito agārayho
                         cittassa ca saṇṭhapanaṃ 1-    etaṃ samaṇassa paṭirūpaṃ.
      |376.591| Cārittaṃ atha vārittaṃ          iriyāpathiyaṃ pasādaniyaṃ
                         adhicitte ca āyogo         etaṃ samaṇassa paṭirūpaṃ.
      |376.592| Āraññakāni senāsanāni pantāni appasaddāni
                         bhajitabbāni muninā          etaṃ samaṇassa paṭirūpaṃ.
      |376.593| Sīlañca bāhusaccañca       dhammānaṃ pavicayo yathābhūtaṃ
                         saccānaṃ abhisamayo            etaṃ samaṇassa paṭirūpaṃ.
      |376.594| Bhāveyya ca aniccanti        anattasaññaṃ asubhasaññañca
                         lokamhi ca anabhiratiṃ           etaṃ samaṇassa paṭirūpaṃ.
      |376.595| Bhāveyya ca bojjhaṅge       iddhipādāni indriyabalāni
                         aṭṭhaṅgamaggamariyaṃ             etaṃ samaṇassa paṭirūpaṃ.
      |376.596| Taṇhaṃ pajaheyya munī         samūlake āsave padāleyya
                         vihareyya vippamutto         etaṃ samaṇassa paṭirūpanti.
                                                Gotamo thero.
                                                    Uddānaṃ
                          kāḷudāyī ca so thero      ekavihārī ca kappino
                          cūḷapanthako kappo ca       upaseno ca gotamo
                           sattime dasake therā        gāthāyo cettha sattatīti.
                                           Dasakanipāto niṭṭhito.
                                                 -----------
@Footnote: 1 Po. saṇḍāpanaṃ.


             The Pali Tipitaka in Roman Character Volume 26 page 354-355.
http://84000.org/tipitaka/pali/roman_item_s.php?book=26&item=376&items=1
             Classified by [Item Number] :-
http://84000.org/tipitaka/pali/roman_item_s.php?book=26&item=376&items=1&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=26&item=376&items=1
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=26&item=376&items=1
             Study Atthakatha :-
http://84000.org/tipitaka/attha/attha.php?b=26&i=376
             The Pali Atthakatha in Thai :-
http://84000.org/tipitaka/atthapali/read_th.php?B=33&A=5312
             The Pali Atthakatha in Roman :-
http://84000.org/tipitaka/atthapali/read_rm.php?B=33&A=5312
             Contents of The Tipitaka Volume 26
http://84000.org/tipitaka/read/?index_26