paliTIPITAKA Volume 27 - Sutta Pitaka 19

⁴ sumaṅgalajātakaṃ [1146] Bhusamhi kuddhoti apekkhiyāna na tāva daṇḍaṃ panayeyya issaro aṭṭhānaso appaṭirūpamattano parassa dukkhāni bhusaṃ udīraye. [1147] Yato ca jāneyya pasādamattano atthaṃ niyuñjeyya parassa dukkaṭaṃ tadāyamatthoti sayaṃ avekkhiya athassa daṇḍaṃ sadisaṃ nivesaye. [1148] Na cāpi jhāpeti paraṃ na attanaṃ amucchito yo nayate nayānayaṃ @Footnote: ¹ Ma. puṇṇāyateneva . ² Ma. yo ca. Yo daṇḍadhāro bhavatīdha issaro sa vaṇṇagutto siriyā na dhaṃsati. [1149] Ye khattiyāse anisammakārino panenti daṇḍaṃ sahasā pamucchitā avaṇṇasaṃyuttā ^1- jahanti jīvitaṃ ito vimuttāpica yanti duggatiṃ. [1150] Dhamme ca ye ariyappavedite ratā anuttarā te vacasā manasā kammunā ca te khantisoraccasamādhisaṇṭhitā ^2- vajanti lokaṃ dubhayaṃ tathāvidhā. [1151] Rājāhamasmi narapamudānamissaro sacepi kujjhāmi ṭhapemi attanaṃ nisedhayanto janataṃ tathāvidhaṃ panemi daṇḍaṃ anukampa yoniso. [1152] Sirī ca lakkhī ca taveva khattiya janādhipa mā vijahi kudācanaṃ akkodhano niccapasannacitto anigho tuvaṃ vassasatāni pālaya. [1153] Guṇehi etehi upehi ^3- khattiya ṭhitamariyavutti ^4- suvaco akodhano @Footnote: ¹ Ma. avaṇṇasaṃyutā . ² Ma. santi ... . ³ Ma. upetha . ⁴ Ma. ṭhitamariyavattī. Sukhī anuppīḷa pasāsa medaniṃ ito vimuttopi vajāhi suggatiṃ. [1154] Evaṃ sunītena ^1- subhāsitena dhammena ñāyena upāyaso nayaṃ nibbāpaye saṅkhubhitaṃ mahājanaṃ mahāva megho salilena medaninti ^2-. Sumaṅgalajātakaṃ catutthaṃ. ---------

The Pali Tipitaka in Roman Character Volume 27 page 242-244. http://84000.org/tipitaka/pali/roman_item_s.php?book=27&item=1146&items=9 Classified by [Item Number] :- http://84000.org/tipitaka/pali/roman_item_s.php?book=27&item=1146&items=9&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1146&items=9 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1146&items=9 Study Atthakatha :- http://84000.org/tipitaka/attha/attha.php?b=27&i=1146 The Pali Atthakatha in Thai :- http://84000.org/tipitaka/atthapali/read_th.php?B=39&A=5683 The Pali Atthakatha in Roman :- http://84000.org/tipitaka/atthapali/read_rm.php?B=39&A=5683 Contents of The Tipitaka Volume 27 http://84000.org/tipitaka/read/?index_27