paliTIPITAKA Volume 27 - Sutta Pitaka 19

¹³ Cakkavākajātakaṃ [1453] Vaṇṇavā abhirūposi ghano sañjātarohito cakkavāka surūposi vippasannamukhindriyo. [1454] Pāṭīnaṃ pāvusaṃ macchaṃ balajjaṃ ^3- muñjarohitaṃ gaṅgātīre nisinnosi ^4- evaṃ bhuñjasi bhojanaṃ. [1455] Na vāhametaṃ bhuñjāmi jaṅgalānūdakāni vā aññatra sevālapaṇakā aññaṃ ^5- me samma bhojanaṃ. [1456] Na vāhametaṃ saddahāmi cakkavākassa bhojanaṃ ahampi samma bhuñjāmi gāme loṇikatelikaṃ. [1457] Manussesu kataṃ bhattaṃ sucimaṃsūpasecanaṃ @Footnote: ¹ Ma. chetvā. Sī. Yu. jhatvā . ² Ma. sataṃ . ³ Ma. balajaṃ. Sī. Yu. vālajaṃ. @⁴ Ma. gaṅgāya tīre nisinno . ⁵ Sī. Ma. etaṃ. Na ca me tādiso vaṇṇo cakkavāka yathā tuvaṃ. [1458] Sampassaṃ attani veraṃ hiṃsāya ^1- mānusiṃ pajaṃ utrasto ghasasī bhīto tena vaṇṇo tavediso. [1459] Sabbalokaviruddhosi dhaṅka pāpena kammunā laddho piṇḍo na pīṇeti tena vaṇṇo tavediso. [1460] Ahampi samma bhuñjāmi ahiṃsaṃ sabbapāṇinaṃ appossukko nirāsaṅko asoko akutobhayo. [1461] So karassu ānubhāvaṃ vītivattassu sīliyaṃ ahiṃsāya caraṃ ^2- loke piyo hohisi mammiva. [1462] Yo na hanti na ghāteti na jināti na jāpaye mettaṃ so sabbabhūtesu veraṃ tassa na kenacīti cakkavākajātakaṃ terasamaṃ. ----------

The Pali Tipitaka in Roman Character Volume 27 page 295-296. http://84000.org/tipitaka/pali/roman_item_s.php?book=27&item=1453&items=10 Classified by [Item Number] :- http://84000.org/tipitaka/pali/roman_item_s.php?book=27&item=1453&items=10&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1453&items=10 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1453&items=10 Study Atthakatha :- http://84000.org/tipitaka/attha/attha.php?b=27&i=1453 The Pali Atthakatha in Thai :- http://84000.org/tipitaka/atthapali/read_th.php?B=39&A=10399 The Pali Atthakatha in Roman :- http://84000.org/tipitaka/atthapali/read_rm.php?B=39&A=10399 Contents of The Tipitaka Volume 27 http://84000.org/tipitaka/read/?index_27