paliTIPITAKA Volume 27 - Sutta Pitaka 19

¹⁰ Mittāmittajātakaṃ [1713] Kāni kammāni kubbānaṃ kathaṃ viññū parakkame amittaṃ jāneyya medhāvī disvā sutvā ca paṇḍito. [1714] Na naṃ umhayate disvā na ca naṃ paṭinandati cakkhūnissa ^2- na dadāti paṭilomañca vattati. [1715] Amitte tassa bhajati mitte tassa na sevati vaṇṇakāme nivāreti akkosante pasaṃsati. [1716] Guyhañca tassa nakkhāti tassa guyhaṃ na gūhati kammaṃ tassa na vaṇṇeti paññassa nappasaṃsati. [1717] Abhave nandati tassa bhave tassa na nandati acchariyaṃ ^3- bhojanaṃ laddhā tassa nuppajjate sati tato naṃ nānukampati ahāsopi ^4- labheyyito. [1718] Iccete soḷasākārā amittasmiṃ patiṭṭhitā yehi amittaṃ jāneyya disvā sutvā ca paṇḍito. [1719] Kāni kammāni kubbānaṃ kathaṃ viññū parakkame @Footnote: ¹ Ma. rājaptto ahaṃ āsiṃ . ² Ma. cakkhūni cassa . ³ Ma. accheraṃ. @⁴ Ma. aho sopi. Mittaṃ jāneyya medhāvī disvā sutvā ca paṇḍito. [1720] Pavutthañcassa ^1- sarati āgataṃ abhinandati tato kelāyiko hoti vācāya paṭinandati. [1721] Mitte tasseva bhajati amitte tassa na sevati akkosante nivāreti vaṇṇakāme pasaṃsati. [1722] Guyhañca tassa akkhāti tassa guyhañca gūhati kammañca tassa vaṇṇeti paññamassa ^2- pasaṃsati. [1723] Bhave ca nandati tassa abhave tassa na nandati acchariyaṃ bhojanaṃ laddhā tassa uppajjate sati tato naṃ anukampati pahāsopi ^3- labheyyito. [1724] Iccete soḷasākārā mittasmiṃ supatiṭṭhitā yehi mittañca jāneyya ^4- disvā sutvā ca paṇḍitoti. Mittāmittajātakaṃ dasamaṃ. ----------- Tassuddānaṃ lahucitta sasāla kasanti puna atha kāma dasakhaluṭṭhānavaro atha kaṇha sukosiya meṇḍavaro padumo puna mittavarena dasa. Dvādasanipātaṃ niṭṭhitaṃ. @Footnote: ¹ Ma. pavutthaṃ tassa . ² Ma. paññaṃ tassa . ³ Ma. aho sopi. @⁴ Yu. - mittaṃ sujāneyya.

The Pali Tipitaka in Roman Character Volume 27 page 340-341. http://84000.org/tipitaka/pali/roman_item_s.php?book=27&item=1713&items=12 Classified by [Item Number] :- http://84000.org/tipitaka/pali/roman_item_s.php?book=27&item=1713&items=12&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1713&items=12 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1713&items=12 Study Atthakatha :- http://84000.org/tipitaka/attha/attha.php?b=27&i=1713 The Pali Atthakatha in Thai :- http://84000.org/tipitaka/atthapali/read_th.php?B=40&A=2909 The Pali Atthakatha in Roman :- http://84000.org/tipitaka/atthapali/read_rm.php?B=40&A=2909 Contents of The Tipitaka Volume 27 http://84000.org/tipitaka/read/?index_27