paliTIPITAKA Volume 27 - Sutta Pitaka 19

⁴ Uddālakajātakaṃ [1907] Kharājinā jaṭilā paṅkadantā dummakkharūpā ye mantaṃ ^2- japanti kacci nu te mānusake payoge idaṃ vidū parimuttā apāyā. @Footnote: ¹ Ma. mitte. Sī. mette . ² Sī. Yu. dummukharūpā ye me. [1908] Pāpāni kammāni kareyya ^1- rāja bahussuto ce na careyya dhammaṃ sahassavedopi na taṃ paṭicca dukkhā pamuñce caraṇaṃ apatvā. [1909] Sahassavedopi na taṃ paṭicca dukkhā pamuñce caraṇaṃ apatvā maññāmi vedā aphalā bhavanti sasaṃyamaṃ caraṇaññeva saccaṃ. [1910] Naheva vedā aphalā bhavanti sasaṃyamaṃ caraṇaññeva saccaṃ kittiñca pappoti adhicca vede santiṃ puṇeti ^2- caraṇena danto. [1911] Bhaccā mātā pitā bandhu ^3- yena jāto svayeva ^4- so uddālako ahaṃ bhoto sotthiyakulavaṃsato ^5-. [1912] Kathaṃ bho brāhmaṇo hoti kathaṃ bhavati kevalī kathañca parinibbānaṃ dhammaṭṭho kinti vuccati. [1913] Niraṃ katvā aggimādāya brāhmaṇo āposiñcaṃ yajaṃ usseti yūpaṃ evaṅkaro brāhmaṇo hoti khemī dhamme ṭhitaṃ tena amāpayiṃsu. @Footnote: ¹ Ma. karetha . ² Sī. punoti. Ma. puṇāti. Yu. puneti . ³ Ma. bandhū. @⁴ Ma. sayeva . ⁵ Ma. sotthiyākulavaṃsako. [1914] Na suddhi secanena atthi napi kevalī brāhmaṇo na ceva khanti soraccaṃ ^1- napi so parinibbuto. [1915] Kathaṃ bho ^2- brāhmaṇo hoti kathaṃ bhavati kevalī kathañca parinibbānaṃ dhammaṭṭho kinti vuccati. [1916] Akhettabandhu amamo nirāso nillobhapāpo bhavalobhakhīṇo evaṅkaro brāhmaṇo hoti khemī dhamme ṭhitaṃ tena amāpayiṃsu. [1917] Khattiyā brāhmaṇā vessā suddā caṇḍālapukkusā sabbeva soratā dantā sabbeva parinibbutā sabbesaṃ sītibhūtānaṃ atthi seyyotha ^3- pāpiyo. [1918] Khattiyā brāhmaṇā vessā suddā caṇḍālapukkusā sabbeva soratā dantā sabbeva parinibbutā sabbesaṃ sītibhūtānaṃ natthi seyyotha ^3- pāpiyo. [1919] Khattiyā brāhmaṇā vessā suddā caṇḍālapukkusā sabbeva soratā dantā sabbeva parinibbutā sabbesaṃ sītibhūtānaṃ natthi seyyotha ^3- pāpiyo pasatthaṃ ^4- carasi brahmaññaṃ sotthiyakulavaṃsataṃ. [1920] Nānārattehi vatthehi vimānaṃ bhavati chāditaṃ na tesaṃ chāyā vatthānaṃ so rāgo anupajjatha @Footnote: ¹ Ma. na khantī nāpi soraccaṃ . ² Ma. so . ³ Sī. Yu. seyyova . ⁴ Ma. panatthaṃ. Evameva manussesu yadā sujjhanti māṇavā na tesaṃ jātiṃ pucchanti ^1- dhammamaññāya subbatāti. Uddālakajātakaṃ catutthaṃ. ----------

The Pali Tipitaka in Roman Character Volume 27 page 374-377. http://84000.org/tipitaka/pali/roman_item_s.php?book=27&item=1907&items=14 Classified by [Item Number] :- http://84000.org/tipitaka/pali/roman_item_s.php?book=27&item=1907&items=14&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1907&items=14 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1907&items=14 Study Atthakatha :- http://84000.org/tipitaka/attha/attha.php?b=27&i=1907 The Pali Atthakatha in Thai :- http://84000.org/tipitaka/atthapali/read_th.php?B=40&A=5636 The Pali Atthakatha in Roman :- http://84000.org/tipitaka/atthapali/read_rm.php?B=40&A=5636 Contents of The Tipitaka Volume 27 http://84000.org/tipitaka/read/?index_27