9 Tacchasūkarajātakaṃ
[1975] Yadesamānā vicarimhā pabbatāni vanāni ca
@Footnote: 1 Ma. te te . 2 Ma. tesampahaṃ . 3 Sī. patto. Ma. pattā. 4 Ma.
@dukkhā sa pamucci.
Anvesaṃ vipule 1- ñātī teme adhigatā mayā.
Bahuṃ cidaṃ mūlaphalaṃ bhakkho cāyaṃ anappako
rammā cimā girinajjo 2- phāsuvāso bhavissati.
Idhevāhaṃ vasissāmi saha sabbehi ñātibhi
appossukko nirāsaṅkī asoko akutobhayo.
[1976] Aññañhi leṇaṃ pariyesa sattu no idha vijjati
so taccha sūkare hanti idhāgantvā varaṃ varaṃ.
[1977] Ko numhākaṃ idha sattu ko ñātī susamāgate
duppadhaṃse 3- padhaṃseti taṃ me akkhāhi pucchito.
[1978] Uddhaggarājī migarājā balī dāṭhāvudho migo
so taccha sūkare hanti idhāgantvā varaṃ varaṃ.
[1979] Na no dāṭhā na vijjanti balaṃ kāye samohitaṃ
sabbe samaggā hutvāna vasaṃ kāhāma ekakaṃ.
[1980] Hadayaṅgamaṃ kaṇṇasukhaṃ vācaṃ bhāsasi tacchaka
yopi yuddhe pālayetha 4- taṃpi pacchā hanāmase.
[1981] Pāṇātipātā virato nusajja 5-
abhayaṃ nu te sabbabhūtesu dinnaṃ
dāṭhā nu te migaviriya 6- na santi
yo saṅghapatto kapaṇova jhāyasi.
@Footnote: 1 Ma. vicariṃ . 2 Sī. Yu. girinadiyo . 3 Sī. Yu. appadhaṃse . 4 Ma. palāyeyya.
@5 Ma. nu ajja . 6 Ma. migavadhāya.
[1982] Na me dāṭhā na vijjanti balaṃ kāye samohitaṃ
ñātī ca disvāna samaṅgi ekato
tasmā ca jhāyāmi vanamhi ekako.
Imassudaṃ yanti disādisaṃ 1- pure
bhayaṭṭitā leṇagavesino puthū
tedāni saṅgamma vasanti ekato
yatthaṭṭhitā duppasahajja te mayā
pariṇāyakasampannā sahitā ekavādino
te maṃ samaggā hiṃseyyuṃ tasmā nesaṃ na patthaye 2-.
[1983] Ekova indo asure jināti
ekova seno hanti dije pasayha
ekova byaggho migasaṅghapatto
varaṃ varaṃ hanti balañhi tādisaṃ.
[1984] Naheva indo na seno napi byaggho migādhipo
samagge sahite ñātī byaggho 3- na kurute vase.
[1985] Kumbhilakā sakuṇikā 4- saṅghino gaṇacārino
sammodamānā ekajjhaṃ uppatanti uyyanti 5- ca.
Tesañca ḍiyamānānaṃ 6- ekettha apasakkati 7-
tañca seno nitāleti veyyagghiyeva sā gati.
@Footnote: 1 Ma. disodisaṃ . 2 Yu. apatthave . 3 Ma. na byagghe. Sī. Yu. byagghe ca.
@4 Ma. sakuṇakā . 5 Ma. ḍayanti ca . 6 bandhiyamānānantipi pāṭho. Sī. ḍayhamānānaṃ.
@Ma. ḍayamānānaṃ . 7 Sī. Yu. apavattati.
[1986] Ussāhito jaṭilena luddenāmisacakkhunā
dāṭhī dāṭhīsu pakkhandi maññamāno yathā pure.
[1987] Sādhu sambahulā ñātī api rukkhā araññajā
sūkarehi samaggehi byaggho ekāyane hato.
[1988] Brāhmaṇañceva byagghañca ubho hantvāna sūkarā
ānandino pamoditā 1- mahānādamanādisuṃ 2-.
[1989] Te sudumbaramūlasmiṃ 3- sūkarā susamāgatā
tacchakaṃ abhisiñciṃsu tvaṃ no rājāsi issaroti.
Tacchasūkarajātakaṃ navamaṃ.
------------
The Pali Tipitaka in Roman Character Volume 27 page 391-394.
http://84000.org/tipitaka/pali/roman_item_s.php?book=27&item=1975&items=15
Classified by [Item Number] :-
http://84000.org/tipitaka/pali/roman_item_s.php?book=27&item=1975&items=15&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=27&item=1975&items=15
Compare with The Royal Version of Thai Tipitaka :-
http://84000.org/tipitaka/read/byitem_s.php?book=27&item=1975&items=15
Study Atthakatha :-
http://84000.org/tipitaka/attha/attha.php?b=27&i=1975
The Pali Atthakatha in Thai :-
http://84000.org/tipitaka/atthapali/read_th.php?B=40&A=6889
The Pali Atthakatha in Roman :-
http://84000.org/tipitaka/atthapali/read_rm.php?B=40&A=6889
Contents of The Tipitaka Volume 27
http://84000.org/tipitaka/read/?index_27
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
