[162] |162.1| Akankhamana puttaphalam devataya namassati
nakkhattani ca pucchati utusamvaccharani ca.
|162.2| Tassa utusi 1- nhataya hoti gabbhassavakkamo 2-
tena dohalini hoti suhada tena vuccati.
|162.3| Samvaccharam va unam va pariharitva vijayati
tena sa janayantiti janetti tena vuccati.
|162.4| Thanakkhirena gitena angapavuranena ca
rodantam puttam toseti tosenti tena vuccati.
|162.5| Tato vatatape ghore mammam katva udikkhati
darakam appajanantam posenti tena vuccati.
|162.6| Yanca matu dhanam hoti yanca hoti pituddhanam
ubhayampetassa gopeti api puttassa no siya.
|162.7| Evam putta adum putta iti mata vihannati
pamattam paradaresu nissive 3- pattayobbane
sayam puttam anayantam iti mata vihannati.
@Footnote: 1 Ma. utumhi . 2 Ma. gabbhassavokkamo . 3 Ma. nisithe.
|162.8| Evam kicchabhato poso matu aparicarako
matari micchacaritvana nirayam so upapajjati 1-.
|162.9| Evam kicchabhato poso pitu aparicarako
pitari micchacaritvana nirayam so upapajjati.
|162.10| Dhanampi 2- dhanakamanam nassati iti me sutam
mataram aparicaritvana kiccham va so nigacchati.
|162.11| Dhanampi 3- dhanakamanam nassati iti me sutam
pitaram aparicaritvana kiccham va so nigacchati.
|162.12| Anando ca pamodo ca sada hasitakilitam
mataram paricaritvana labbhametam vijanato.
|162.13| Anando ca pamodo ca sada hasitakilitam
pitaram paricaritvana labbhametam vijanato.
|162.14| Dananca piyavacanca 4- atthacariya ca ya idha
samanattata ca dhammesu tattha tattha yatharaham.
|162.15| Ete kho sangaha loke rathassaniva yayato
ete ca sangaha nassu na mata puttakarana
labhetha manam pujam va pita va puttakarana.
|162.16| Yasma ca sangaha ete samavekkhanti 5- pandita
tasma mahattam papponti pasamsa ca bhavanti te.
|162.17| Brahmati matapitaro pubbacariyati vuccare
@Footnote: 1 Ma. sopapajjati. ito param idisameva . 2-3 Ma. dhanapi . 4 Ma. peyyavajjanca.
@5 Ma. sammavekkhanti.
Ahuneyya ca puttanam pajaya anukampaka.
|162.18| Tasma hi te namasseyya sakkareyya ca pandito
annena atho panena vatthena sayanena ca
ucchadanena nhanena padanam dhovanena ca.
|162.19| Taya nam paricariyaya 1- matapitusu pandita
idheva nam pasamsanti pecca sagge pamodatiti.
Sonanandajatakam dutiyam.
--------
Tassuddanam
atha sattatimamhi nipatavare
sabhavantukusavatirajavaro
atha sonasunandavaro ca puna
abhivasita sattatimamhi sute.
Sattatinipatam nitthitam.
--------
@Footnote: 1 Yu. paricariyaya.
The Pali Tipitaka in Roman Character Volume 28 page 65-67.
http://84000.org/tipitaka/pali/roman_item_s.php?book=28&item=162&items=1&modeTY=2
Classified by [Item Number] :-
http://84000.org/tipitaka/pali/roman_item_s.php?book=28&item=162&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=28&item=162&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=28&item=162&items=1&modeTY=2
Study Atthakatha :-
http://84000.org/tipitaka/attha/attha.php?b=28&i=162
The Pali Atthakatha in Thai :-
http://84000.org/tipitaka/atthapali/read_th.php?B=42&A=3626
The Pali Atthakatha in Roman :-
http://84000.org/tipitaka/atthapali/read_rm.php?B=42&A=3626
Contents of The Tipitaka Volume 28
http://84000.org/tipitaka/read/?index_28
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
