paliTIPITAKA Volume 3 - Vinaya Pitaka 3

Andhakaravaggassa chatthasikkhapadam [201] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni pacchabhattam kulani upasankamitva samike anapuccha asane @Footnote: ¹ sabbattha vinnuti dissati tam pana parato vakkhamanehi padabhajaniyehi na sameti. @² Ma. Yu. anovassakam. ³ Ma. Yu. sabbattha atikkamentiyati dissati. Abhinisidatipi abhinipajjatipi . manussa thullanandam bhikkhunim hiriyamana asane neva abhinisidanti na abhinipajjanti . manussa ujjhayanti khiyanti vipacenti katham hi nama ayya thullananda pacchabhattam kulani upasankamitva samike anapuccha asane abhinisidissatipi abhinipajjissatipi ^1-. {201.1} Assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. Ta ujjhayanti khiyanti vipacenti katham hi nama ayya thullananda pacchabhattam kulani upasankamitva samike anapuccha asane abhinisidissatipi abhinipajjissatipiti .pe. saccam kira bhikkhave thullananda bhikkhuni pacchabhattam kulani upasankamitva samike anapuccha asane abhinisidatipi abhinipajjatipiti . saccam bhagavati . vigarahi buddho bhagava katham hi nama bhikkhave thullananda bhikkhuni pacchabhattam kulani upasankamitva samike anapuccha asane abhinisidissatipi abhinipajjissatipi netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {201.2} ya pana bhikkhuni pacchabhattam kulani upasankamitva samike anapuccha asane abhinisideyya va abhinipajjeyya va pacittiyanti.

The Pali Tipitaka in Roman Character Volume 3 page 120-121. http://84000.org/tipitaka/pali/roman_item_s.php?book=3&item=201&items=1&modeTY=2 Classified by [Item Number] :- http://84000.org/tipitaka/pali/roman_item_s.php?book=3&item=201&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=201&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=201&items=1&modeTY=2 Study Atthakatha :- http://84000.org/tipitaka/attha/attha.php?b=3&i=201 The Pali Atthakatha in Thai :- http://84000.org/tipitaka/atthapali/read_th.php?B=2&A=11423 The Pali Atthakatha in Roman :- http://84000.org/tipitaka/atthapali/read_rm.php?B=2&A=11423 Contents of The Tipitaka Volume 3 http://84000.org/tipitaka/read/?index_3