paliTIPITAKA Volume 3 - Vinaya Pitaka 3

Tuvattavaggassa pancamasikkhapadam [272] Tena samayena buddho bhagava savatthiyam viharati jetavane anathapindikassa arame . tena kho pana samayena bhadda kapilani sakete vassam upagata hoti. Sa kenacideva karaniyena ^[2]- thullanandaya bhikkhuniya santike dutam pahesi sace me ayya thullananda upassayam dadeyya gaccheyyamaham ^3- savatthinti . thullananda bhikkhuni evamaha agacchatu dassamiti . athakho ^4- bhadda kapilani saketa savatthim agamasi . thullananda bhikkhuni bhaddaya kapilaniya upassayam adasi . tena kho pana samayena thullananda bhikkhuni bahussuta hoti bhanika visarada pattha dhammim katham katum . bhaddapi kapilani bahussuta hoti bhanika visarada pattha dhammim katham katum ularasambhavita . manussa ayya bhadda kapilani bahussuta bhanika visarada pattha dhammim katham katum ularasambhavitati bhaddam @Footnote: ¹ Ma. Yu. antevasim. ² Ma. etthantare ubbalha iti dissati. ³ Ma. Yu. @agaccheyyamaham. ⁴ Ma. saiti dissati.

--------------------------------------------------------------------------------------------- page154.

Kapilanim pathamam payirupasitva paccha thullanandam bhikkhunim payirupasanti . Thullananda bhikkhuni issapakata ima kira appiccha santuttha pavivitta asamsattha ya ima sannattibahula vinnattibahula viharantiti kupita anattamana bhaddam kapilanim upassaya nikkaddhi. {272.1} Ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda ayyaya bhaddaya kapilaniya upassayam datva kupita anattamana nikkaddhissatiti .pe. saccam kira bhikkhave thullananda bhikkhuni bhaddaya kapilaniya upassayam datva kupita anattamana nikkaddhatiti ^1- . saccam bhagavati. Vigarahi buddho bhagava katham hi nama bhikkhave thullananda bhikkhuni bhaddaya kapilaniya upassayam datva kupita anattamana nikkaddhissati netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {272.2} ya pana bhikkhuni bhikkhuniya upassayam datva kupita anattamana nikkaddheyya va nikkaddhapeyya va pacittiyanti. [273] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . bhikkhuniyati annaya bhikkhuniya . Upassayo nama kavatabaddho vuccati . datvati sayam datva . Kupita anattamanati anabhiraddha ahatacitta khilajata . nikkaddheyyati @Footnote: ¹ Ma. Yu. nikkaddhiti.

--------------------------------------------------------------------------------------------- page155.

Gabbhe gahetva pamukham nikkaddhati apatti pacittiyassa . Pamukham gahetva bahi nikkaddhati apatti pacittiyassa . ekena payogena bahukepi dvare atikkameti apatti pacittiyassa . Nikkaddhapeyyati annam anapeti apatti dukkatassa . sakim anatta bahukepi dvare atikkameti apatti pacittiyassa. [274] Upasampannaya upasampannasanna upassayam datva kupita anattamana nikkaddhati va nikkaddhapeti va apatti pacittiyassa . upasampannaya vematika upassayam datva kupita anattamana nikkaddhati va nikkaddhapeti va apatti pacittiyassa . Upasampannaya anupasampannasanna upassayam datva kupita anattamana nikkaddhati va nikkaddhapeti va apatti pacittiyassa . Tassa parikkharam nikkaddhati va nikkaddhapeti va apatti dukkatassa . akavatabaddha nikkaddhati va nikkaddhapeti va apatti dukkatassa . tassa parikkharam nikkaddhati va nikkaddhapeti va apatti dukkatassa . anupasampannam kavatabaddha va akavatabaddha va nikkaddhati va nikkaddhapeti va apatti dukkatassa . Tassa parikkharam nikkaddhati va nikkaddhapeti va apatti dukkatassa . anupasampannaya upasampannasanna apatti dukkatassa . anupasampannaya vematika apatti dukkatassa . Anupasampannaya anupasampannasanna apatti dukkatassa.

--------------------------------------------------------------------------------------------- page156.

[275] Anapatti alajjinim nikkaddhati va nikkaddhapeti va tassa parikkharam nikkaddhati va nikkaddhapeti va ummattikam nikkaddhati va nikkaddhapeti va tassa parikkharam nikkaddhati va nikkaddhapeti va bhandanakarikam ... Kalahakarikam ... Vivadakarikam ... Bhassakarikam ... sanghe adhikaranakarikam nikkaddhati va nikkaddhapeti va tassa parikkharam nikkaddhati va nikkaddhapeti va antevasinim va saddhiviharinim va nasammavattantim nikkaddhati va nikkaddhapeti va tassa parikkharam nikkaddhati va nikkaddhapeti va ummattikaya adikammikayati. --------

The Pali Tipitaka in Roman Character Volume 3 page 153-156. http://84000.org/tipitaka/pali/roman_item_s.php?book=3&item=272&items=4&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=3&item=272&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=272&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=272&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=3&i=272 The Pali Atthakatha in Thai :- http://84000.org/tipitaka/atthapali/read_th.php?B=2&A=11565 The Pali Atthakatha in Roman :- http://84000.org/tipitaka/atthapali/read_rm.php?B=2&A=11565 Contents of The Tipitaka Volume 3 http://84000.org/tipitaka/read/?index_3