Suttantapitake khuddakanikayassa
apadanam
--------------
namo tassa bhagavato arahato sammasambuddhassa.
Dvacattalisamo bhaddalivaggo
pathamam bhaddalittherapadanam (411)
[1] /apa./ |1.1| Sumedho nama sambuddho aggo karuniko muni
vivekakamo lokaggo himavantam upagami.
|1.2| Ajjhogahetva himavantam 1- sumedho lokanayako
pallankam abhujitvana nisidi purisasabho 2-.
|1.3| Samadhim so samapanno sumedho lokanayako
sattarattindivam buddho nisidi purisuttamo.
|1.4| Kharikajam 3- gahetvana vanamajjhogahim aham
tatthaddasasim sambuddham oghatinnamanasavam.
|1.5| Sammajjanim gahetvana sammajjitvana assamam
catudande thapetvana akasim mandapam tada.
|1.6| Salapuppham gahetvana mandapam chadayim aham
pasannacitto sumano avandim lokanayakam 4-.
@Footnote: 1 Ma. Yu. himavam . 2 Ma. Yu. purisuttamo . 3 Ma. kharibharam. ito param
@idisameva . 4 Ma. Yu. abhivandim tathagatam.
|1.7| Yam vadanti sumedhoti bhuripannam sumedhasam
bhikkhusanghe nisiditva ima gatha abhasatha.
|1.8| Buddhassa giramannaya sabbe deva samagamum
asamsayam buddhasettho dhammam deseti cakkhuma.
|1.9| Sumedho nama sambuddho ahutinam patiggaho
devasanghe nisiditva ima gatha abhasatha.
|1.10| Yo me sattaham mandapam dharayi salachadanam 1-
tamaham kittayissami sunatha mama bhasato.
|1.11| Devabhuto manusso va hemavanno bhavissati
pahutabhogo hutvana kamabhogi bhavissati.
|1.12| Satthi nagasahassani sabbalankarabhusita
suvannakaccha matanga hemakappanivasasa 2-.
|1.13| Arulha gamaniyebhi tomarankusapanibhi
sayam pato upatthanam agacchissantimam naram.
Tehi nagehi parivuto ramissati ayam naro
|1.14| satthi assasahassani sabbalankarabhusita.
Ajaniya ca 3- jatiya sindhava sighabahana
|1.15| arulha gamaniyebhi indiyacapadharibhi.
Parivaressantimam niccam buddhapujayidam phalam
|1.16| satthi rathasahassani sabbalankarabhusita.
@Footnote: 1 Ma. Yu. salachaditam . 2 Ma. hemakappanavasasa. ito param idisameva.
@3 Ma. Yu. va.
Dipa athopi veyyaggha sannaddha ussitaddhaja
|1.17| arulha gamaniyebhi capahatthehi cammibhi 1-.
Parivaressantimam niccam buddhapujayidam phalam
|1.18| satthi gamasahassani paripunnani sabbaso.
Pahutadhanadhannani susamiddhani sabbaso
sada patubhavissanti buddhapujayidam phalam.
|1.19| Hatthi assa ratha patti sena ca caturangini
parivaressantimam niccam buddhapujayidam phalam.
|1.20| Attharase kappasate devaloke ramissati
sahassakkhattum raja ca cakkavatti bhavissati.
|1.21| Satanam tinikkhattum ca devarajjam karissati
padesarajjam vipulam gananato asankhayam 2-.
|1.22| Timsakappasahassamhi okkakakulasambhavo
gotamo nama namena sattha loke bhavissati.
|1.23| Tassa dhammesu dayado oraso dhammanimmito
sabbasave parinnaya viharami anasavo.
|1.24| Timsakappasahassamhi addasam lokanayakam
etthantaram upadaya gavesim amatampadam.
|1.25| Labha mayham suladdham me yamaham nami 3- sasanam
tisso vijja anuppatta katam buddhassa sasanam.
@Footnote: 1 Ma. Yu. vammibhi. ito param idisameva. 2 Ma. Yu. asankhiyam. ito param idisameva.
@3 Ma. Yu. nasi.
|1.26| Namo te purisajanna namo te purisuttama
nanam patikittetvana 1- pattomhi amatampadam.
|1.27| Yam yam yonupapajjami devattam atha manusam
sabbattha sukhito homi phalamme nanakittane.
|1.28| Idam pacchimakam mayham carimo vattati bhavo
nagova bandhanam chetva viharami anasavo.
|1.29| Kilesa jhapita mayham bhava sabbe samuhata
nagova bandhanam chetva viharami anasavo.
|1.30| Svagatam vata me asi mama buddhassa santike
tisso vijja anuppatta katam buddhassa sasanam.
|1.31| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma bhaddali thero ima gathayo abhasitthati.
Bhaddalittherassa apadanam samattam.
Dutiyam ekachattiyattherapadanam (412)
[2] |2.32| Candabhaganaditire assamo sukato mama
susuddhapulinakinno pannasala sumapita.
|2.33| Uttanakula nadika supatittha manorama
macchakacchapasampanna sumsumaranisevita.
@Footnote: 1 Ma. Yu. tava nanam pakittetva.
|2.34| Accha mayuradipi ca karavika ca salika
kujjanti sabbada ete sobhayanta mamassamam.
|2.35| Kokila manjubhani ca hamsa ca madhurassara
abhikujjanti te tattha sobhayanta mamassamam.
|2.36| Siha byaggha varaha ca baka kokataracchayo 1-
giriduggamhi 2- nadenti sobhayanta mamassamam.
|2.37| Enimiga ca sarabha bheranda sukara bahu
giriduggamhi nadenti sobhayanta mamassamam.
|2.38| Uddalaka ca campaka patali sinduvarika
adhimutta 3- asoka ca sobhayanta mamassamam.
|2.39| Ankola yuthika ceva sattapanna 4- bimbijalika
kanika kanikara ca pupphanti mama assame 5-.
|2.40| Naga sala ca salala pundarikettha pupphita
dibba gandha sampavanta sobhanti mama assame.
|2.41| Asattha 6- asana cettha mahanama ca pupphita
sala ca kangupuppha ca sobhanti mama assame.
|2.42| Amba jambu ca tilaka nipa 7- ca salakalyani
dibba gandha sampavanta sobhayanti mamassamam.
|2.43| Asoka ca kapittha ca bhaginimala 8- ca pupphita
dibba gandha sampavanta sobhayanti mamassamam.
@Footnote: 1 Ma. acchakokataracchaka . 2 Yu. giriduggampi . 3 Ma. Yu. atimutta. ito param
@idisameva . 4 Ma. Yu. sattasi . 5 Ma. sobhayanta mamassamam . 6 Ma. Yu. ajjuna.
@7 Ma. nimba . 8 Ma. girimalettha pupphita. Yu. bhaginimalettha.
|2.44| Kadamba kadali ceva isimugga ca ropita
dhuvam phalani dharenti sobhayanti mamassamam.
|2.45| Haritaka amalaka amba jambu vibhedaka 1-
kola bhallataka bella 2- phalino mama assame.
|2.46| Avidure pokkharani supatittha manorama
mandalakehi sanchanna padumuppalakehi ca.
|2.47| Gabbham ganhanti paduma anne pupphanti kesari
opattakannika ceva pupphanti mama assame.
|2.48| Pathina pavusa maccha valaja 3- munjarohita
acchodakamhi vicaram sobhayanti mamassamam.
|2.49| Nayita ambagandhi ca anukule ca ketaka
dibba gandha sampavanta sobhayanti mamassamam.
|2.50| Madhubhimsehi savanti 4- khirasappimulalibhi
dibba gandha sampavanta sobhayanti mamassamam.
|2.51| Pulina sobhana tattha akinna jalasevita
opuppha 5- pupphita seta sobhayanti mamassamam.
|2.52| Jatabharabharita ca ajinuttaravasino
vakaciradhara sabbe sobhayanti mamassamam.
|2.53| Yugamattamapekkhanta nipaka santavuttino
kamagedhe 6- anapekkha vasanti mama assame.
@Footnote: 1 Ma. Yu. vibhitaka. sabbattha idisameva . 2 Ma. billa. sabbattha idisameva.
@3 Ma. balaja. yu jalaja. sabbattha idisameva. 4 Ma. Yu. madhubhisamha savati.
@5 Ma. opuppha--santi. Yu. ovatta--santi. 6 Ma. kamabhoge.
|2.54| Parulhakacchanakhaloma pankadanta rajassira
rajojalladhara sabbe vasanti mama assame.
|2.55| Abhinnaparamippatta antalikkhe carava te
uggacchanta nabham ete sobhayanti mamassamam.
|2.56| Tehi sissehi parivuto vasami pavane 1- tada
rattindivam na janami jhanaratisamappito 2-.
|2.57| Bhagava tamhi samaye atthadassi mahamuni
tamandhakaram nasento uppajji lokanayako.
|2.58| Atha annataro sisso aganchi mama santike
mante ajjhetukamo so chalangam nama lakkhanam.
|2.59| Buddho loke samuppanno atthadassi mahamuni
catusaccam pakasento desesi amatampadam.
|2.60| Tutthahattho pamudito dhammantaraganasayo 3-
assama abhinikkhamma idam vacanamabravim.
|2.61| Buddho loke samuppanno dvattimsavaralakkhano
etha sabbe gamissama sammasambuddhasantike.
|2.62| Ovadapatikara te saddhamme paramim gata
sadhuti sampaticchimsu uttamattham gavesaka.
|2.63| Jatabharabharita te ajinuttaravasino
uttamattham gavesanta nikkhamimsu vana tada.
@Footnote: 1 Ma. vipine. sabbattha idisameva . 2 Ma. Yu. sada jhanasamappito.
@3 Ma. Yu. dhammantaragatasayo.
|2.64| Bhagava tamhi samaye atthadassi mahayaso
catusaccam pakasento desesi amatampadam.
|2.65| Setacchattam gahetvana buddhasetthassa dharayim
ekaham dharayitvana buddhasettham avandiham.
|2.66| Atthadassi tu bhagava lokajettho narasabho
bhikkhusanghe nisiditva ima gatha abhasatha.
|2.67| Yo me chattamadharesi pasanno sehi panibhi
tamaham kittayissami sunatha mama bhasato.
|2.68| Imassa jayamanassa devatte atha manuse
dharissanti sada chattam chattadanassidam phalam.
|2.69| Sattasattatikappani devaloke ramissati
sahassakkhattum raja ca cakkavatti bhavissati.
|2.70| Sattasattatikkhattunca devarajjam karissati
padesarajjam vipulam gananato asankhayam
|2.71| attharase kappasate gotamo sakyapungavo
tamandhakaram nasento upajjissati cakkhuma.
|2.72| Tassa dhammesu dayado oraso dhammanimmito
sabbasave parinnaya nibbayissatinasavo.
|2.73| Yato aham kammamakam 1- chattam buddhassa dharayim
etthantare na janami setacchattam adharitam.
@Footnote: 1 Yu. kammakam tam.
|2.74| Idam pacchimakam mayham carimo vattate bhavo
chattadharanamajjasi matthake 1- niccakalikam.
|2.75| Aho me sukatam kammam atthadassissa tadino
sabbasavaparikkhino natthi dani punabbhavo.
|2.76| Kilesa jhapita mayham bhava sabbe samuhata
nagova bandhanam chetva viharami anasavo.
|2.77| Svagatam 2- vata me asi mama buddhassa santike
tisso vijja anuppatta katam buddhassa sasanam.
|2.78| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma ekachattiyo thero ima gathayo abhasitthati.
Ekachattiyattherassa apadanam samattam.
The Pali Tipitaka in Roman Character Volume 33 page 1-9.
http://84000.org/tipitaka/pali/roman_item_s.php?book=33&item=1&items=2&modeTY=2
Classified by [Item Number] :-
http://84000.org/tipitaka/pali/roman_item_s.php?book=33&item=1&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=1&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=1&items=2&modeTY=2
Study Atthakatha :-
http://84000.org/tipitaka/attha/attha.php?b=33&i=1
The Pali Atthakatha in Thai :-
http://84000.org/tipitaka/atthapali/read_th.php?B=50&A=5478
The Pali Atthakatha in Roman :-
http://84000.org/tipitaka/atthapali/read_rm.php?B=50&A=5478
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
