[62] |62.8| Padumuttaro nama jino sabbadhammana paragu
vivekakamo sambuddho gacchate anilanjase.
|62.9| Avidure himavantassa mahajatassaro ahu
tattha me bhavanam asi punnakammena samyutam.
|62.10| Bhavana nikkhamitvana 1- addasam lokanayakam
indivaramva jalitam adittamva hutasanam.
|62.11| Vijanam 2- addasam puppham pujayissanti nayakam
sakam cittam pasadetva avandim satthuno aham.
|62.12| Mamam sisamanim gayha pujayim lokanayakam
imaya manipujaya vipako hotu bhaddako.
|62.13| Padumuttaro lokavidu ahutinam patiggaho
antalikkhe thito sattha imam gatham 3- abhasatha.
|62.14| So te ijjhatu sankappo labhatu vipulam sukham
imaya manipujaya anubhohi mahayasam.
|62.15| Idam vatvana sambuddho 4- jalajuttamanamako
agamasi buddhasettho yassa cittam panihitam.
|62.16| Satthikappani devindo devarajjamakarayim
anekasatakkhattunca cakkavatti ahosaham.
@Footnote: 1 Ma. Yu. abhinikkhamma. 2 Ma. vijinam naddasam puppham. Yu. ... naddasam puppham.
@3 Po. Yu. ima gatha. 4 Ma. Yu. bhagava.
|62.17| Pubbakammam sarantassa devabhutassa me sato
mani nibbattate mayham alokakarano mama.
|62.18| Chalasitisahassani nariyo me pariggaha
vicittavatthabharana amuttamanikundala 1-.
|62.19| Alaramukha hasula susanna tanumajjhima
parivarenti mam niccam manipujayidam phalam.
|62.20| Sonnamaya manimaya lohitankamaya tatha
bhanda 2- me sukata honti yadicchasi 3- pilandhana.
|62.21| Kutagara guha ramma sayananca maharaham
mama sankappamannaya nibbattanti yathicchikam 4-.
|62.22| Labha tesam suladdhanca ye labhanti upassutim
punnakkhettam manussanam osatham 5- sabbapaninam.
|62.23| Mayhampi sukatam kammam yoham adakkhi nayakam
vinipata sumuttomhi pattomhi acalam padam.
|62.24| Yam yam yonupapajjami devattam atha manusam
divasanceva 6- rattinca aloko hoti me sada.
|62.25| Tayeva manipujaya anubhotvana sampada
nanaloko maya dittho pattomhi acalam padam.
|62.26| Satasahasse ito kappe yam manimabhipujayim
duggatim nabhijanami manipujayidam phalam.
@Footnote: 1 Ma. amukka.... 2 Po. Yu. bhanda katakata honti. 3 Yu. yadicchaya.
@Po. yadicchassa. 4 Po. Ma. Yu. yadicchakam. 5 Ma. osadham. 6 Yu. samanta
@sattaranata.
|62.27| Kilesa jhapita mayham bhava sabbe samuhata
nagova bandhanam chetva viharami anasavo.
|62.28| Svagatam vata me asi mama buddhassa santike
tisso vijja anuppatta katam buddhassa sasanam.
|62.29| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma manipujako thero ima gathayo abhasitthati.
Manipujakattherassa apadanam samattam.
Tatiyam ukkasatikattherapadanam (473)
The Pali Tipitaka in Roman Character Volume 33 page 88-90.
http://84000.org/tipitaka/pali/roman_item_s.php?book=33&item=62&items=1&modeTY=2&mode=bracket
Classified by content :-
http://84000.org/tipitaka/pali/roman_item_s.php?book=33&item=62&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=62&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=62&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=33&i=62
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
