TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

page139.
                                 Ekapannaso kanikaravaggo
                        pathamam tinikanikarapupphiyattherapadanam (501)
     [91] |91.1| Sumedho nama sambuddho  dvattimsavaralakkhano
                          vivekakamo sambuddho       himavantam upagami.
               |91.2| Ajjhogahetva himavantam  aggo karuniko muni
                          pallankam abhujitvana       nisidi purisuttamo.
               |91.3| Vijjadharo tada asim        antalikkhacaro aham
                          tisulam sukatam gayha             gacchami ambare tada.
               |91.4| Pabbatagge yatha aggi     punnamayeva candima
                          vane obhasate buddho      salarajava phullito.
               |91.5| Vanato 1- nikkhamitvana    buddharamsabhidhavare
                          nalaggivannasankasa     disva cittam pasadayim.
               |91.6| Vicinam addasam puppham          kanikaram devagandhikam
                          tini pupphani adaya      buddhasettham apujayim.
               |91.7| Buddhassa anubhavena       tini pupphani me tada
                          uddhamvanta adhopatta    chayam kubbanti satthuno.
               |91.8| Tena kammena sukatena       cetanapanidhihi ca
                          jahitva manusam deham         tavatimsam agacchaham.
@Footnote: 1 Yu. vanagga.
---------------------------------------------------------------------------------------------
page140.
              |91.9| Tattha me sukatam byamham       kanikariti nayati
                          satthiyojanamubbiddham         timsayojanavitthatam.
           |91.10| Sahassakandam 1- sattagendu 2-  dhajalu haritamayo
                         satasahassaniyyuha            byamhe patubhavimsu me.
           |91.11| Sonnamaya manimaya       lohitankamayapica
                         phalikapica pallanka          yenicchaka yathicchakam.
           |91.12| Maharahanca sayanam            tulikam 3- vikatissakam
                         uddhalomikaekantam           bibbohanasamayutam.
           |91.13| Bhavana nikkhamitvana         caranto devacarikam
                         yada icchami gamanam          devasanghapurakkhato.
           |91.14| Pupphassa hettha titthami  upari chadanam mama
                         samanta yojanasatam            kanikarehi chaditam.
           |91.15| Satthi turiyasahassani         sayam patam upatthahum
                         parivarenti mam niccam           rattindivamatandita.
           |91.16| Tattha naccehi gitehi          talehi vaditehi ca
                         ramami khiddaratiya          modami kamakamiham.
           |91.17| Tattha bhutva pivitva ca      modami tidase tada
                         nariganehi sahito            modami byamhamuttame.
           |91.18| Satanam pancakkhattunca     devarajjamakarayim
                         satanam tinikkhattunca       cakkavatti ahosaham.
@Footnote: 1 Yu. sahassakando. 2 Ma. satabhendu. 3 Ma. Yu. tulika vikatiyutam.
---------------------------------------------------------------------------------------------
page141.
           |91.19| Padesarajjam vipulam               gananato sankhayam
                         bhavabhave samsaranto            mahabhogam 1- labhamaham.
           |91.20| Bhoge me unata natthi       buddhapujayidam phalam
                         duve bhave samsarami              devatte atha manuse.
           |91.21| Annam gatim na janami       buddhapujayidam phalam
                         duve kule pajayami           khattiye capi brahmane.
           |91.22| Nice kule na jayami 2-     buddhapujayidam phalam
                         hatthiyanam assayanam         sivikam sandamanikam.
           |91.23| Labhami sabbamevetam          buddhapujayidam phalam
                         dasiganam dasaganam            nariyo samalankata.
           |91.24| Labhami sabbamevetam           buddhapujayidam phalam
                         koseyyakambaliyani         khomakappasikani ca.
           |91.25| Labhami sabbamevetam           buddhapujayidam phalam
                         navavattham navaphalam                 navaggarasabhojanam.
           |91.26| Labhami sabbamevetam           buddhapujayidam phalam
                         ime 3- khada ime 3- bhunja  imamhi sayane saya.
           |91.27| Labhami sabbamevetam           buddhapujayidam phalam
                         sabbattha pujito homi        yaso accuggato 4- mama.
           |91.28| Mahesakkho 5- sada homi   abhejjapariso sada
                         natinam uttamo homi        buddhapujayidam phalam.
@Footnote: 1 Yu. mahabhoge. 2 Yu. janami. 3 Ma. imam. 4 Ma. abbhuggato.
@5 Ma. Yu. mahapakkho.
---------------------------------------------------------------------------------------------
page142.
           |91.29| Sitam unham na janami        parilaho na vijjati
                         atho cetasikam dukkham            hadaye me na vijjati.
           |91.30| Suvannavanno hutvana    samsarami bhavabhave
                         vevanniyam 1- na janami   buddhapujayidam phalam.
           |91.31| Devaloka cavitvana          sukkamulena codito
                         savatthiyam pure jato         mahasale suaddhake.
           |91.32| Pancakamagune hitva      pabbajim anagariyam
                         jatiya sattavassoham         arahattam apapunim.
           |91.33| Upasampadayi buddho         gunamannaya cakkhuma
                         taruno pujaniyoham              buddhapujayidam phalam.
           |91.34| Dibbacakkhum visuddham me        samadhikusalo aham
                         abhinnaparamippatto    buddhapujayidam phalam.
           |91.35| Patisambhida anuppatto    iddhipadesu kovido
                         saddhamme 2- paramippatto  buddhapujayidam phalam.
           |91.36| Timsakappasahassamhi           yam buddhamabhipujayim
                         duggatim nabhijanami         buddhapujayidam phalam.
           |91.37| Kilesa jhapita mayham       bhava sabbe samuhata
                         nagova bandhanam chetva      viharami anasavo.
           |91.38| Svagatam vata me asi          mama buddhassa santike
                         tisso vijja anuppatta   katam buddhassa sasanam.
@Footnote: 1 Yu. duvannikam. 2 Ma. dhammesu.
---------------------------------------------------------------------------------------------
page143.
           |91.39| Patisambhida catasso         vimokkhapica atthime
                         chalabhinna sacchikata       katam buddhassa sasananti.
          Ittham sudam ayasma tinikanikarapupphiyo thero ima gathayo abhasitthati.
                           Tinikanikarapupphiyattherassa apadanam samattam.
                             Dutiyam ekapattadayakattherapadanam (502)
     [92] |92.40| Nagare hamsavatiya           kumbhakaro ahosaham
                         addasam virajam buddham             oghatinnamanasavam.
           |92.41| Sukatam mattikapattam           buddhasetthassadasaham
                         pattam datva bhagavato         ujubhutassa tadino.
           |92.42| Bhave nibbattamanoham        sonnathale labhamaham
                         rupimaye ca sovanne          tattike 1- ca manimaye.
           |92.43| Patiya 2- paribhunjami    punnakammassidam phalam
                         yasasava 3- janananca      aggabhuto 4- ca homaham.
           |92.44| Yathapi bhaddake khette       vijam appampi ropitam
                         samma dharam pavassante 5- phalam toseti kassakam.
           |92.45| Tathevidam pattadanam            buddhakhettamhi ropitam
                         pitidhare pavassante          phalam me 6- tosayissati.
           |92.46| Yavata khetta vijjanti     sanghapica ganapica
                         buddhakhettasamo natthi        sukhado 7- sabbapaninam.
@Footnote: 1 Po. Yu. tattake. 2 Ma. Yu. patiyo. 3 Ma. Yu. yasananaca dhanananca.
@4 Yu. pattabhuto. 5 Ma. Yu. pavacchante. Yu. samma dhare pavecchante. 6 Ma. mam.
@7 Po. sukhado tattha paninam. Yu. sukhadanatthapaninam.
---------------------------------------------------------------------------------------------
page144.
           |92.47| Namo te purisajanna         namo te purisuttama
                         ekapattam daditvana          pattomhi acalam padam.
           |92.48| Ekanavute ito kappe        yam pattamadadim tada
                         duggatim nabhijanami         pattadanassidam phalam.
           |92.49| Kilesa jhapita mayham       bhava sabbe samuhata
                         nagova bandhanam chetva      viharami anasavo.
           |92.50| Svagatam vata me asi          mama buddhassa santake
                         tisso vijja anuppatta   katam buddhassa sasanam.
           |92.51| Patisambhida catasso         vimokkhapica atthime
                         chalabhinna sacchikata       katam buddhassa sasananti.
Ittham sudam ayasma ekapattadayako thero ima gathayo abhasitthati.
                    Ekapattadayakattherassa apadanam samattam.
                 Tatiyam kasumarikaphaladayakattherapadanam (503)
     [93] |93.52| Kanikaramva jotantam       nisinnam pabbatantare
                         addasam virajam buddham             lokajettham narasabham
           |93.53| pasannacitto sumano          sire katvana anjalim
                         kasumarikamadaya           buddhasetthassadasaham.
           |93.54| Ekattimse ito kappe       yam phalam adadim tada
                         duggatim nabhijanami         phaladanassidam phalam.
---------------------------------------------------------------------------------------------
page145.
           |93.55| Kilesa jhapita mayham      bhava sabbe samuhata
                         nagova bandhanam chetva      viharami anasavo.
           |93.56| Svagatam vata me asi         mama buddhassa santike
                         tisso vijja anuppatta  katam buddhassa sasanam.
           |93.57| Patisambhida catasso         vimokkhapica atthime
                         chalabhinna sacchikata       katam buddhassa sasananti.
Ittham sudam ayasma kasumarikaphaladayako thero ima gathayo abhasitthati.
                   Kasumarikaphaladayakattherassa apadanam samattam.
                        Catuttham avataphaliyattherapadanam (504)
     [94] |94.58| Sahassaramsi bhagava         sayambhu aparajito
                         viveka vutthahitvana          gocarayabhinikkhami.
           |94.59| Phalahattho aham disva        upaganchim narasabham
                         pasannacitto sumano         avatam adadim phalam.
           |94.60| Catunavute ito kappe         yam phalam adadim tada
                         duggatim nabhijanami         phaladanassidam phalam.
           |94.61| Kilesa jhapita mayham      bhava sabbe samuhata
                         nagova bandhanam chetva      viharami anasavo.
           |94.62| Svagatam vata me asi         mama buddhassa santike
                         tisso vijja anuppatta   katam buddhassa sasanam.
---------------------------------------------------------------------------------------------
page146.
           |94.63| Patisambhida catasso         vimokkhapica atthime
                         chalabhinna sacchikata       katam buddhassa sasananti.
         Ittham sudam ayasma avataphaliyo thero ima gathayo abhasitthati.
                          Avataphaliyattherassa apadanam samattam.
                         Pancamam caraphaliyattherapadanam 1- (505)
     [95] |95.64| Suvannavannam sambuddham   ahutinam patiggaham
                         rathiyam patipajjantam             caraphalamadasaham.
           |95.65| Ekanavute ito kappe       yam phalam adadim tada
                         duggatim nabhijanami         phaladanassidam phalam.
           |95.66| Kilesa jhapita mayham      bhava sabbe samuhata
                         nagova bandhanam chetva      viharami anasavo.
           |95.67| Svagatam vata me asi         mama buddhassa santike
                         tisso vijja anuppatta   katam buddhassa sasanam.
           |95.68| Patisambhida catasso         vimokkhapica atthime
                         chalabhinna sacchikata       katam buddhassa sasananti.
                   Ittham sudam ayasma caraphaliyo thero ima gathayo abhasitthati.
                               Caraphaliyattherassa apadanam samattam.
@Footnote: 1 Ma. padaphaliyatthera.... Yu. paraphaliyatthera....
---------------------------------------------------------------------------------------------
page147.
                        Chattham matulungaphaladayakattherapadanam (506)
     [96] |96.69| Kanikaramva jalitam         punnamayeva candimam
                         jalantam diparukkhamva            addasam lokanayakam.
           |96.70| Matulungaphalam gayha          adasim satthuno aham
                         dakkhineyyassa virassa      pasanno sehi panibhi.
           |96.71| Ekattimse ito kappe      yam phalam adadim tada
                         duggatim nabhijanami        phaladanassidam phalam.
           |96.72| Kilesa jhapita mayham     bhava sabbe samuhata
                         nagova bandhanam chetva     viharami anasavo.
           |96.73| Svagatam vata me asi        mama buddhassa santike
                         tisso vijja anuppatta katam buddhassa sasanam.
           |96.74| Patisambhida catasso        vimokkhapica atthime
                         chalabhinna sacchikata      katam buddhassa sasananti.
        Ittham sudam ayasma matulungaphaladayako thero ima gathayo abhasitthati.
                            Matulungaphaladayakattherassa apadanam samattam.
                            Sattamam ajjelaphaladayakattherapadanam (507)
     [97] |97.75| Ajino 1- nama sambuddho     himavante vasi tada
                         caranena ca sampanno       samadhikusalo muni.
@Footnote: 1 Ma. Yu. ajjuno.
---------------------------------------------------------------------------------------------
page148.
           |97.76| Kumbhamattam gahetvana      anjalim 1- jivajivakam
                         chattapannam gahetvana    adasim satthuno aham.
           |97.77| Catunavute ito kappe       yam phalam adadim tada
                         duggatim nabhijanami        phaladanassidam phalam.
           |97.78| Kilesa jhapita mayham     bhava sabbe samuhata
                         nagova bandhanam chetva    viharami anasavo.
           |97.79| Svagatam vata me asi        mama buddhassa santike
                         tisso vijja anuppatta  katam buddhassa sasanam.
           |97.80| Patisambhida catasso        vimokkhapica atthime
                         chalabhinna sacchikata      katam buddhassa sasananti.
Ittham sudam ayasma ajjelaphaladayako thero ima gathayo abhasitthati.
                     Ajjelaphaladayakattherassa apadanam samattam.
                     Atthamam amoraphaliyattherapadanam 2- (508)
     [98] |98.81| Suvannavannam sambuddham    ahutinam patiggaham
                         rathiyam patipajjantam           amoram 3- adadim phalam.
           |98.82| Ekanavute ito kappe      yam phalam adadim tada
                         duggatim nabhijanami        phaladanassidam phalam.
           |98.83| Kilesa jhapita mayham     bhava sabbe samuhata
                         nagova bandhanam chetva     viharami anasavo.
@Footnote: 1 Ma. Yu. ajelam. 2 Ma. amoda.... 3 Ma. amodamadadim.
---------------------------------------------------------------------------------------------
page149.
           |98.84| Svagatam vata me asi        mama buddhassa santike
                         tisso vijja anuppatta katam buddhassa sasanam.
           |98.85| Patisambhida catasso        vimokkhapica atthime
                         chalabhinna sacchikata      katam buddhassa sasananti.
          Ittham sudam ayasma amoraphaliyo thero ima gathayo abhasitthati.
                           Amoraphaliyattherassa apadanam samattam.
                           Navamam talaphaliyattherapadanam (509)
     [99] |99.86| Sataramsi nama bhagava     sayambhu aparajito
                         viveka vutthahitvana        gocarayabhinikkhami.
           |99.87| Phalahattho aham disva       upaganchim narasabham
                         pasannacitto sumano        talaphalamadasaham.
           |99.88| Catunavute ito kappe       yam phalam adadim tada
                         duggatim nabhijanami        phaladanassidam phalam.
           |99.89| Kilesa jhapita mayham     bhava sabbe samuhata
                         nagova bandhanam chetva     viharami anasavo.
           |99.90| Svagatam vata me asi        mama buddhassa santike
                         tisso vijja anuppatta  katam buddhassa sasanam.
           |99.91| Patisambhida catasso        vimokkhapica atthime
                         chalabhinna sacchikata     katam buddhassa sasananti.
---------------------------------------------------------------------------------------------
page150.
   Ittham sudam ayasma talaphaliyo thero ima gathayo abhasitthati.
                          Talaphaliyattherassa apadanam samattam.
                    Dasamam nalikeraphaladayakattherapadanam (510)
     [100] |100.92| Nagare bandhumatiya    aramiko aham tada
                           addasam virajam buddham         gacchantam anilanjase.
           |100.93| Nalikeraphalam gayha        buddhasetthassadasaham
                            akase thitako santo   patigganhi mahayaso.
           |100.94| Pitisanjanano 1- mayham  ditthadhammasukhavaho
                            phalam buddhassa datvana   vippasannena cetasa.
           |100.95| Adhiganchim tada pitim       vipulanca sukhuttamam
                            uppajjateva ratanam        nibbattassa tahim 2- tahim.
           |100.96| Ekanavute ito kappe    yam phalam adadim tada
                            duggatim nabhijanami     phaladanassidam phalam.
           |100.97| Dibbacakkhum visuddham me    samadhikusalo aham
                            abhinnaparamippatto  phaladanassidam phalam.
           |100.98| Kilesa jhapita mayham   bhava sabbe samuhata
                            nagova bandhanam chetva  viharami anasavo.
           |100.99| Svagatam vata me asi      mama buddhassa santike
@Footnote: 1 Ma. Yu. sabbattha vittasanjanano. 2 Yu. yahim.
---------------------------------------------------------------------------------------------
page151.
                            Tisso vijja anuppatta   katam buddhassa sasanam.
      |100.100| Patisambhida catasso        vimokkhapica atthime
                         chalabhinna sacchikata      katam buddhassa sasananti.
Ittham sudam ayasma nalikeraphaladayako thero ima gathayo abhasitthati.
                         Nalikeraphaladayakattherassa apadanam samattam.
                                       Uddanam
                kanikaranca patto ca         kasumari tathavato
                caraphali matulungo             ajjelamorameva ca.
                Talam tatha nalikeram            gathayo ganitapiha
                ekam gathasatam hoti            unadhikavivajjitam.
                          Kanikaravaggo ekapannaso.
                                  ---------------------


             The Pali Tipitaka in Roman Character Volume 33 page 139-151.
http://84000.org/tipitaka/pali/roman_item_s.php?book=33&item=91&items=10&pagebreak=1&modeTY=2
             Classified by [Item Number] :-
http://84000.org/tipitaka/pali/roman_item_s.php?book=33&item=91&items=10&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=91&items=10&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=91&items=10&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=33&i=91
             Contents of The Tipitaka Volume 33
http://84000.org/tipitaka/read/?index_33