paliTIPITAKA Volume 36 - Abhidhamma Pitaka 3

[38] Katamo ca puggalo sammasambuddho idhekacco puggalo pubbe ananussutesu dhammesu samam saccani abhisambujjhati tattha ca sabbannutam papunati balesu ca vasibhavam ayam vuccati puggalo sammasambuddho. [39] Katamo ca puggalo paccekasambuddho idhekacco puggalo pubbe ananussutesu dhammesu samam saccani abhisambujjhati na ca tattha sabbannutam papunati na ca balesu vasibhavam ayam vuccati puggalo paccekasambuddho. [40] Katamo ca puggalo ubhatobhagavimutto idhekacco puggalo attha vimokkhe kayena phusitva viharati pannaya cassa disva asava parikkhina honti ayam vuccati puggalo ubhatobhagavimutto. [41] Katamo ca puggalo pannavimutto idhekacco puggalo na heva kho attha vimokkhe kayena phusitva viharati pannaya cassa disva asava parikkhina honti ayam vuccati puggalo pannavimutto. [42] Katamo ca puggalo kayasakkhi idhekacco puggalo attha vimokkhe kayena phusitva viharati pannaya cassa disva Ekacce asava parikkhina honti ayam vuccati puggalo kayasakkhi. [43] Katamo ca puggalo ditthippatto idhekacco puggalo idam dukkhanti yathabhutam pajanati ayam dukkhasamudayoti yathabhutam pajanati ayam dukkhanirodhoti yathabhutam pajanati ayam dukkhanirodhagamini patipadati yathabhutam pajanati tathagatappavedita cassa dhamma pannaya vodittha honti vocarita pannaya cassa disva ekacce asava parikkhina honti ayam vuccati puggalo ditthippatto. [44] Katamo ca puggalo saddhavimutto idhekacco puggalo idam dukkhanti yathabhutam pajanati ayam dukkhasamudayoti yathabhutam pajanati ayam dukkhanirodhoti yathabhutam pajanati ayam dukkhanirodhagamini patipadati yathabhutam pajanati tathagatappavedita cassa dhamma pannaya vodittha honti vocarita pannaya cassa disva ekacce asava parikkhina honti no ca kho yatha ditthippattassa ayam vuccati puggalo saddhavimutto. [45] Katamo ca puggalo dhammanusari yassa puggalassa sotapattiphalasacchikiriyaya patipannassa pannindriyam adhimattam hoti pannavahim pannapubbangamam ariyamaggam bhaveti ayam vuccati puggalo dhammanusari . sotapattiphalasacchikiriyaya patipanno puggalo dhammanusari. Phaletthito ditthippatto. [46] Katamo ca puggalo saddhanusari yassa puggalassa sotapattiphalasacchikiriyaya patipannassa saddhindriyam adhimattam hoti saddhavahim saddhapubbangamam ariyamaggam bhaveti ayam vuccati puggalo saddhanusari . sotapattiphalasacchikiriyaya patipanno puggalo saddhanusari. Phaletthito saddhavimutto. [47] Katamo ca puggalo sattakkhattumparamo idhekacco puggalo tinnam sannojananam parikkhaya sotapanno hoti avinipatadhammo niyato sambodhiparayano so sattakkhattum deve ca manuse ca sandhavitva samsaritva dukkhassantam karoti ayam vuccati puggalo sattakkhattumparamo. [48] Katamo ca puggalo kolamkolo idhekacco puggalo tinnam sannojananam parikkhaya sotapanno hoti avinipatadhammo niyato sambodhiparayano so dve va tini va kulani sandhavitva samsaritva dukkhassantam karoti ayam vuccati puggalo kolamkolo. [49] Katamo ca puggalo ekabiji idhekacco puggalo tinnam sannojananam parikkhaya sotapanno hoti avinipatadhammo niyato sambodhiparayano so ekamyeva manusakam bhavam nibbattetva dukkhassantam karoti ayam vuccati puggalo ekabiji. [50] Katamo ca puggalo sakadagami idhekacco puggalo tinnam sannojananam parikkhaya ragadosamohanam tanutta sakadagami Hoti sakideva imam lokam agantva dukkhassantam karoti ayam vuccati puggalo sakadagami. [51] Katamo ca puggalo anagami idhekacco puggalo pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka ayam vuccati puggalo anagami. [52] Katamo ca puggalo antaraparinibbayi idhekacco puggalo pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka so uppannam va samanantara appattam va vemajjham ayuppamanam ariyamaggam sanjaneti uparitthimanam sannojananam pahanaya ayam vuccati puggalo antaraparinibbayi. [53] Katamo ca puggalo upahaccaparinibbayi idhekacco puggalo pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka so atikkamitva vemajjham ayuppamanam upahacca va kalakiriyam ariyamaggam sanjaneti uparitthimanam sannojananam pahanaya ayam vuccati puggalo upahaccaparinibbayi. [54] Katamo ca puggalo asankharaparinibbayi idhekacco puggalo pancannam orambhagiyanam sannojananam parikkhaya opapatiko hoti Tattha parinibbayi anavattidhammo tasma loka so asankharena ariyamaggam sanjaneti uparitthimanam sannojananam pahanaya ayam vuccati puggalo asankharaparinibbayi. [55] Katamo ca puggalo sasankharaparinibbayi idhekacco puggalo pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka so sasankharena ariyamaggam sanjaneti uparitthimanam sannojananam pahanaya ayam vuccati puggalo sasankharaparinibbayi. [56] Katamo ca puggalo uddhamsoto akanitthagami idhekacco puggalo pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka so aviha cuto atappam gacchati atappa cuto sudassam gacchati sudassa cuto sudassim gacchati sudassiya cuto akanittham gacchati akanitthe ariyamaggam sanjaneti uparitthimanam sannojananam pahanaya ayam vuccati puggalo uddhamsoto akanitthagami. [57] Katamo ca puggalo sotapanno sotapattiphalasacchikiriyaya patipanno tinnam sannojananam pahanaya patipanno puggalo sotapattiphalasacchikiriyaya patipanno yassa puggalassa tini sannojanani pahinani ayam vuccati puggalo sotapanno . kamaragabyapadanam tanubhavaya patipanno puggalo sakadagamiphalasacchikiriyaya patipanno Yassa puggalassa kamaragabyapada tanubhuta ayam vuccati puggalo sakadagami . kamaragabyapadanam anavasesappahanaya patipanno puggalo anagamiphalasacchikiriyaya patipanno yassa puggalassa kamaragabyapada anavasesa pahina ayam vuccati puggalo anagami. Ruparagaaruparagamanauddhaccaavijjaya anavasesappahanaya patipanno puggalo arahattaphalasacchikiriyaya patipanno yassa puggalassa ruparago aruparago mano uddhaccam avijja anavasesa pahina ayam vuccati puggalo araha. Ekakaniddeso nitthito. --------

The Pali Tipitaka in Roman Character Volume 36 page 145-150. http://84000.org/tipitaka/pali/roman_item_s.php?book=36&item=553&items=20&modeTY=2 Classified by [Item Number] :- http://84000.org/tipitaka/pali/roman_item_s.php?book=36&item=553&items=20&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=36&item=553&items=20&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=36&item=553&items=20&modeTY=2 Study Atthakatha :- http://84000.org/tipitaka/attha/attha.php?b=36&i=553 The Pali Atthakatha in Thai :- http://84000.org/tipitaka/atthapali/read_th.php?B=55&A=729 The Pali Atthakatha in Roman :- http://84000.org/tipitaka/atthapali/read_rm.php?B=55&A=729 Contents of The Tipitaka Volume 36 http://84000.org/tipitaka/read/?index_36