paliTIPITAKA Volume 37 - Abhidhamma Pitaka 4

Rūpaṃ rūpāvacarārūpāvacarantikathā [1679] Atthi rūpaṃ rūpāvacaranti . āmantā . samāpattesiyaṃ upapattesiyaṃ diṭṭhadhammasukhavihāraṃ samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ Sampayuttaṃ ekuppādaṃ ekanirodhaṃ ekavatthukaṃ ekārammaṇanti . Na hevaṃ vattabbe .pe. nanu na samāpattesiyaṃ na upapattesiyaṃ na diṭṭhadhammasukhavihāraṃ na samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti . Āmantā . hañci na samāpattesiyaṃ na upapattesiyaṃ na diṭṭhadhamma- sukhavihāraṃ na samāpattesiyena cittena .pe. ekārammaṇaṃ no vata re vattabbe atthi rūpaṃ rūpāvacaranti. [1680] Atthi rūpaṃ arūpāvacaranti . āmantā . Samāpattesiyaṃ upapattesiyaṃ diṭṭhadhammasukhavihāraṃ samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti . na hevaṃ vattabbe .pe. nanu na samāpattesiyaṃ na upapattesiyaṃ na diṭṭhadhammasukhavihāraṃ na samāpattesiyena cittena .pe. ekārammaṇanti . āmantā . hañci na samāpattesiyaṃ na upapattesiyaṃ .pe. ekavatthukaṃ ekārammaṇaṃ no vata re vattabbe atthi rūpaṃ arūpāvacaranti. [1681] Na vattabbaṃ atthi rūpaṃ rūpāvacaraṃ atthi rūpaṃ arūpāvacaranti. Āmantā . nanu kāmāvacarakammassa katattā rūpaṃ kāmāvacaranti . Āmantā . hañci kāmāvacarakammassa katattā rūpaṃ Kāmāvacaraṃ tena vata re vattabbe rūpāvacarakammassa katattā rūpaṃ rūpāvacaraṃ arūpāvacarakammassa katattā rūpaṃ arūpāvacaranti. Rūpaṃ rūpāvacarārūpāvacarantikathā. ------------

The Pali Tipitaka in Roman Character Volume 37 page 570-572. http://84000.org/tipitaka/pali/roman_item_s.php?book=37&item=1679&items=3 Classified by [Item Number] :- http://84000.org/tipitaka/pali/roman_item_s.php?book=37&item=1679&items=3&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=37&item=1679&items=3 Compare with The Royal Version of Thai Tipitaka :- http://84000.org/tipitaka/read/byitem_s.php?book=37&item=1679&items=3 Study Atthakatha :- http://84000.org/tipitaka/attha/attha.php?b=37&i=1679 The Pali Atthakatha in Thai :- http://84000.org/tipitaka/atthapali/read_th.php?B=55&A=6491 The Pali Atthakatha in Roman :- http://84000.org/tipitaka/atthapali/read_rm.php?B=55&A=6491 Contents of The Tipitaka Volume 37 http://84000.org/tipitaka/read/?index_37