[1668] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa hetupaccayena paccayo saṅkiliṭṭhasaṅkilesikā hetū sampayuttakānaṃ
khandhānaṃ hetupaccayena paccayo.
[1669] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa hetupaccayena paccayo saṅkiliṭṭhasaṅkilesikā hetū cittasamuṭṭhānānaṃ
rūpānaṃ hetupaccayena paccayo.
[1670] Saṅkiliṭṭhasaṅkilesiko dhammo saṅkiliṭṭhasaṅkilesikassa ca
asaṅkiliṭṭhasaṅkilesikassa ca dhammassa hetupaccayena paccayo
saṅkiliṭṭhasaṅkilesikā hetū sampayuttakānaṃ khandhānaṃ cittasamuṭṭhānānañca
rūpānaṃ hetupaccayena paccayo.
[1671] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa hetupaccayena paccayo asaṅkiliṭṭhasaṅkilesikā hetū sampayuttakānaṃ
khandhānaṃ cittasamuṭṭhānānañca rūpānaṃ hetupaccayena paccayo
paṭisandhikkhaṇe asaṅkiliṭṭhasaṅkilesikā hetū sampayuttakānaṃ khandhānaṃ
kaṭattā ca rūpānaṃ hetupaccayena paccayo.
[1672] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa hetupaccayena paccayo asaṅkiliṭṭhaasaṅkilesikā
hetū sampayuttakānaṃ khandhānaṃ hetupaccayena paccayo.
[1673] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa hetupaccayena paccayo asaṅkiliṭṭhaasaṅkilesikā hetū
cittasamuṭṭhānānaṃ rūpānaṃ hetupaccayena paccayo.
[1674] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
ca asaṅkiliṭṭhaasaṅkilesikassa ca dhammassa hetupaccayena paccayo
asaṅkiliṭṭhaasaṅkilesikā hetū sampayuttakānaṃ khandhānaṃ
cittasamuṭṭhānānañca rūpānaṃ hetupaccayena paccayo.
[1675] Saṅkiliṭṭhasaṅkilesiko dhammo saṅkiliṭṭhasaṅkilesikassa
Dhammassa ārammaṇapaccayena paccayo rāgaṃ assādeti abhinandati
taṃ ārabbha rāgo uppajjati diṭṭhi uppajjati vicikicchā uppajjati
uddhaccaṃ uppajjati domanassaṃ uppajjati diṭṭhiṃ assādeti
vicikicchaṃ ārabbha uddhaccaṃ ārabbha domanassaṃ ārabbha . yathā
kusalattike vibhattaṃ evaṃ vibhajitabbaṃ.
[1676] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa ārammaṇapaccayena paccayo ariyā pahīne kilese paccavekkhanti
vikkhambhite kilese paccavekkhanti pubbe samudāciṇṇe kilese jānanti
saṅkiliṭṭhasaṅkilesike khandhe aniccato dukkhato anattato vipassanti
cetopariyañāṇena saṅkiliṭṭhasaṅkilesikacittasamaṅgissa cittaṃ jānanti
sekkhā vā puthujjanā vā saṅkiliṭṭhasaṅkilesike khandhe aniccato
dukkhato anattato vipassanti kusale niruddhe vipāko tadārammaṇatā
uppajjati saṅkiliṭṭhasaṅkilesike khandhe assādenti abhinandanti
domanassaṃ uppajjati akusale niruddhe vipāko tadārammaṇatā
uppajjati saṅkiliṭṭhasaṅkilesikā khandhā cetopariyañāṇassa
pubbenivāsānussatiñāṇassa yathākammūpagañāṇassa anāgataṃsañāṇassa
āvajjanāya ārammaṇapaccayena paccayo.
[1677] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa ārammaṇapaccayena paccayo dānaṃ datvā sīlaṃ
Samādiyitvā uposathakammaṃ katvā taṃ paccavekkhati pubbe suciṇṇāni
paccavekkhati jhānā vuṭṭhahitvā jhānaṃ paccavekkhati ariyā gotrabhuṃ
paccavekkhanti vodānaṃ paccavekkhanti cakkhuṃ aniccato dukkhato
anattato vipassanti sotaṃ ... ghānaṃ jivhaṃ kāyaṃ rūpe sadde gandhe
rase phoṭṭhabbe vatthuṃ ... asaṅkiliṭṭhasaṅkilesike khandhe aniccato
dukkhato anattato vipassanti dibbena cakkhunā rūpaṃ passanti
dibbāya sotadhātuyā saddaṃ suṇanti cetopariyañāṇena
asaṅkiliṭṭhasaṅkilesikacittasamaṅgissa cittaṃ jānanti ākāsānañcāyatanaṃ
viññāṇañcāyatanassa ākiñcaññāyatanaṃ nevasaññānāsaññāyatanassa
ārammaṇapaccayena paccayo rūpāyatanaṃ cakkhuviññāṇassa ārammaṇapaccayena
paccayo .pe. phoṭṭhabbāyatanaṃ kāyaviññāṇassa ārammaṇapaccayena
paccayo asaṅkiliṭṭhasaṅkilesikā khandhā iddhividhañāṇassa cetopariyañāṇassa
pubbenivāsānussatiñāṇassa yathākammūpagañāṇassa anāgataṃsañāṇassa
āvajjanāya ārammaṇapaccayena paccayo.
[1678] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa ārammaṇapaccayena paccayo dānaṃ datvā sīlaṃ samādiyitvā
usothakammaṃ katvā taṃ assādeti abhinandati taṃ ārabbha
rāgo uppajjati diṭṭhi uppajjati domanassaṃ uppajjati pubbe
suciṇṇāni assādeti jhānā vuṭṭhahitvā jhānaṃ assādeti cakkhuṃ
Assādeti ... phoṭṭhabbe ... Vatthuṃ ... Asaṅkiliṭṭhasaṅkilesike khandhe
assādeti abhinandati taṃ ārabbha rāgo uppajjati domanassaṃ
uppajjati.
[1679] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa ārammaṇapaccayena paccayo nibbānaṃ maggassa phalassa
ārammaṇapaccayena paccayo.
[1680] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa ārammaṇapaccayena paccayo ariyā maggā vuṭṭhahitvā
maggaṃ paccavekkhanti phalaṃ paccavekkhanti nibbānaṃ paccavekkhanti
nibbānaṃ gotrabhussa vodānassa āvajjanāya ārammaṇapaccayena
paccayo ariyā cetopariyañāṇena asaṅkiliṭṭhaasaṅkilesikacittasamaṅgissa
cittaṃ jānanti asaṅkiliṭṭhaasaṅkilesikā khandhā cetopariyañāṇassa
pubbenivāsānussatiñāṇassa anāgataṃsañāṇassa āvajjanāya
ārammaṇapaccayena paccayo.
[1681] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa adhipatipaccayena paccayo ārammaṇādhipati sahajātādhipati .
Ārammaṇādhipati: rāgaṃ garuṃ katvā assādeti abhinandati taṃ garuṃ
katvā rāgo uppajjati diṭṭhi uppajjati diṭṭhiṃ garuṃ katvā assādeti
abhinandati taṃ garuṃ katvā rāgo uppajjati diṭṭhi uppajjati .
Sahajātādhipati: saṅkiliṭṭhasaṅkilesikādhipati sampayuttakānaṃ khandhānaṃ
Adhipatipaccayena paccayo.
[1682] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa adhipatipaccayena paccayo. Sahajātādhipati: saṅkiliṭṭhasaṅkilesikādhipati
cittasamuṭṭhānānaṃ rūpānaṃ adhipatipaccayena paccayo.
[1683] Saṅkiliṭṭhasaṅkilesiko dhammo saṅkiliṭṭhasaṅkilesikassa ca
asaṅkiliṭṭhasaṅkilesikassa ca dhammassa adhipatipaccayena paccayo .
Sahajātādhipati: saṅkiliṭṭhasaṅkilesikādhipati sampayuttakānaṃ khandhānaṃ
cittasamuṭṭhānānañca rūpānaṃ adhipatipaccayena paccayo.
[1684] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa adhipatipaccayena paccayo ārammaṇādhipati sahajātādhipati .
Ārammaṇādhipati: dānaṃ datvā sīlaṃ samādiyitvā uposathakammaṃ
katvā taṃ garuṃ katvā paccavekkhati pubbe suciṇṇāni garuṃ katvā
paccavekkhati jhānā vuṭṭhahitvā jhānaṃ garuṃ katvā paccavekkhati
sekkhā gotrabhuṃ garuṃ katvā paccavekkhanti vodānaṃ garuṃ katvā
paccavekkhanti . sahajātādhipati: asaṅkiliṭṭhasaṅkilesikādhipati
sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena
paccayo.
[1685] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa adhipatipaccayena paccayo . ārammaṇādhipati: dānaṃ
datvā sīlaṃ samādiyitvā uposathakammaṃ katvā taṃ garuṃ katvā assādeti
Abhinandati taṃ garuṃ katvā rāgo uppajjati diṭṭhi uppajjati
pubbe suciṇṇāni garuṃ katvā assādeti abhinandati jhānā
vuṭṭhahitvā jhānaṃ garuṃ katvā assādeti abhinandati cakkhuṃ garuṃ katvā
assādeti abhinandati phoṭṭhabbe ... vatthuṃ ... Asaṅkiliṭṭhasaṅkilesike
khandhe garuṃ katvā assādeti abhinandati taṃ garuṃ katvā rāgo
uppajjati diṭṭhi uppajjati.
[1686] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa adhipatipaccayena paccayo ārammaṇādhipati
sahajātādhipati . ārammaṇādhipati: nibbānaṃ maggassa phalassa
adhipatipaccayena paccayo . sahajātādhipati: asaṅkiliṭṭhaasaṅkilesikādhipati
sampayuttakānaṃ khandhānaṃ adhipatipaccayena paccayo.
[1687] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa adhipatipaccayena paccayo ārammaṇādhipati sahajātādhipati .
Ārammaṇādhipati: ariyā maggā vuṭṭhahitvā maggaṃ garuṃ katvā
paccavekkhanti phalaṃ garuṃ katvā paccavekkhanti nibbānaṃ garuṃ katvā
paccavekkhanti nibbānaṃ gotrabhussa vodānassa adhipatipaccayena
paccayo . sahajātādhipati: asaṅkiliṭṭhaasaṅkilesikādhipati cittasamuṭṭhānānaṃ
rūpānaṃ adhipatipaccayena paccayo.
[1688] Asaṅkiliṭṭhaasaṅkilesiko dhammo asaṅkiliṭṭha
asaṅkilesikassa ca asaṅkiliṭṭhasaṅkilesikassa ca dhammassa adhipatipaccayena
Paccayo . sahajātādhipati: asaṅkiliṭṭhaasaṅkilesikādhipati sampayuttakānaṃ
khandhānaṃ cittasamuṭṭhānānañca rūpānaṃ adhipatipaccayena paccayo.
[1689] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa anantarapaccayena paccayo purimā purimā saṅkiliṭṭhasaṅkilesikā
khandhā pacchimānaṃ pacchimānaṃ saṅkiliṭṭhasaṅkilesikānaṃ khandhānaṃ
anantarapaccayena paccayo.
[1690] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa anantarapaccayena paccayo saṅkiliṭṭhasaṅkilesikā khandhā
vuṭṭhānassa anantarapaccayena paccayo.
[1691] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa anantarapaccayena paccayo purimā purimā asaṅkiliṭṭhasaṅkilesikā
khandhā pacchimānaṃ pacchimānaṃ asaṅkiliṭṭhasaṅkilesikānaṃ
khandhānaṃ anantarapaccayena paccayo anulomaṃ gotrabhussa anulomaṃ
vodānassa āvajjanā asaṅkiliṭṭhasaṅkilesikānaṃ khandhānaṃ anantarapaccayena
paccayo.
[1692] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa anantarapaccayena paccayo āvajjanā saṅkiliṭṭhasaṅkilesikānaṃ
khandhānaṃ anantarapaccayena paccayo.
[1693] Asaṅkiliṭṭhasaṅkilesiko dhammo asaṅkiliṭṭhaasaṅkilesikassa
dhammassa anantarapaccayena paccayo gotrabhu maggassa vodānaṃ
Maggassa anulomaṃ phalasamāpattiyā nirodhā vuṭṭhahantassa nevasaññānāsaññāyatanaṃ
phalasamāpattiyā anantarapaccayena paccayo.
[1694] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa anantarapaccayena paccayo purimā purimā
asaṅkiliṭṭhaasaṅkilesikā khandhā pacchimānaṃ pacchimānaṃ asaṅkiliṭṭhaasaṅkilesikānaṃ
khandhānaṃ anantarapaccayena paccayo maggo phalassa
phalaṃ phalassa anantarapaccayena paccayo.
[1695] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa anantarapaccayena paccayo phalaṃ vuṭṭhānassa
anantarapaccayena paccayo.
[1696] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa samanantarapaccayena paccayo .pe. ... sahajātapaccayena
paccayo ... aññamaññapaccayena paccayo ... nissayapaccayena paccayo
... upanissayapaccayena paccayo ārammaṇūpanissayo anantarūpanissayo
pakatūpanissayo . pakatūpanissayo: rāgaṃ upanissāya pāṇaṃ hanati
saṅghaṃ bhindati dosaṃ upanissāya pāṇaṃ hanati saṅghaṃ bhindati rāgo ...
Patthanā rāgassa patthanāya upanissayapaccayena paccayo
pāṇātipāto pāṇātipātassa upanissayapaccayena paccayo niyatamicchādiṭṭhi
niyatamicchādiṭṭhiyā upanissayapaccayena paccayo.
[1697] Saṅkiliṭṭhasaṅkilesiko dhammo asaṅkiliṭṭhasaṅkilesikassa
Dhammassa upanissayapaccayena paccayo anantarūpanissayo pakatūpanissayo .
Pakatūpanissayo: rāgaṃ upanissāya dānaṃ deti sīlaṃ
samādiyati uposathakammaṃ karoti jhānaṃ ... vipassanaṃ ... abhiññaṃ
uppādeti samāpattiṃ uppādeti patthanaṃ upanissāya dānaṃ deti
samāpattiṃ uppādeti rāgo ... patthanā saddhāya kāyikassa sukhassa
kāyikassa dukkhassa upanissayapaccayena paccayo pāṇaṃ hantvā
tassa paṭighātatthāya dānaṃ deti sīlaṃ samādiyati uposathakammaṃ karoti
jhānaṃ uppādeti vipassanaṃ uppādeti abhiññaṃ uppādeti samāpattiṃ
uppādeti saṅghaṃ bhinditvā tassa paṭighātatthāya dānaṃ deti
sīlaṃ samādiyati uposathakammaṃ karoti akusalaṃ kammaṃ vipākassa
upanissayapaccayena paccayo.
[1698] Saṅkiliṭṭhasaṅkilesiko dhammo asaṅkiliṭṭhaasaṅkilesikassa
dhammassa upanissayapaccayena paccayo pakatūpanissayo: rāgaṃ upanissāya
maggaṃ uppādeti phalasamāpattiṃ samāpajjati dosaṃ ... patthanaṃ
upanissāya maggaṃ uppādeti phalasamāpattiṃ samāpajjati rāgo ...
Patthanā maggassa phalasamāpattiyā upanissayapaccayena paccayo.
[1699] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo . pakatūpanissayo: saddhaṃ upanissāya dānaṃ
deti samāpattiṃ uppādeti sīlaṃ ... sutaṃ cāgaṃ paññaṃ kāyikaṃ sukhaṃ
Kāyikaṃ dukkhaṃ utuṃ bhojanaṃ ... senāsanaṃ upanissāya dānaṃ deti samāpattiṃ
uppādeti saddhā ... senāsanaṃ saddhāya kāyikassa sukhassa
upanissayapaccayena paccayo kusalaṃ kammaṃ vipākassa upanissayapaccayena
paccayo paṭhamassa jhānassa parikammaṃ paṭhamassa jhānassa
ākiñcaññāyatanaṃ nevasaññānāsaññāyatanassa.
[1700] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo . pakatūpanissayo: saddhaṃ upanissāya mānaṃ
jappeti diṭṭhiṃ gaṇhāti sīlaṃ ... senāsanaṃ upanissāya pāṇaṃ hanati
saṅghaṃ bhindati saddhā ... senāsanaṃ rāgassa patthanāya upanissayapaccayena
paccayo.
[1701] Asaṅkiliṭṭhasaṅkilesiko dhammo asaṅkiliṭṭhaasaṅkilesikassa
dhammassa upanissayapaccayena paccayo anantarūpanissayo pakatūpanissayo .
Pakatūpanissayo: paṭhamassa maggassa parikammaṃ paṭhamassa
maggassa ... dutiyassa tatiyassa catutthassa maggassa upanissayapaccayena
paccayo.
[1702] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo . pakatūpanissayo: paṭhamo maggo
dutiyassa maggassa dutiyo maggo tatiyassa maggassa tatiyo maggo
Catutthassa maggassa catuttho maggo phalasamāpattiyā
upanissayapaccayena paccayo.
[1703] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo . pakatūpanissayo: ariyā
maggaṃ upanissāya anuppannaṃ samāpattiṃ uppādenti uppannaṃ samāpattiṃ
samāpajjanti saṅkhāre aniccato dukkhato anattato vipassanti
maggo ariyānaṃ atthapaṭisambhidāya dhamma ... nirutti ... Paṭibhāṇa ...
Ṭhānāṭhānakosallassa upanissayapaccayena paccayo phalasamāpatti
kāyikassa sukhassa upanissayapaccayena paccayo.
[1704] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa purejātapaccayena paccayo ārammaṇapurejātaṃ vatthupurejātaṃ .
Ārammaṇapurejātaṃ: cakkhuṃ aniccato dukkhato anattato
vipassati sotaṃ ... ghānaṃ jivhaṃ kāyaṃ rūpe sadde gandhe rase
phoṭṭhabbe ... vatthuṃ aniccato dukkhato anattato vipassati dibbena
cakkhunā rūpaṃ passati dibbāya sotadhātuyā saddaṃ suṇāti rūpāyatanaṃ
cakkhuviññāṇassa phoṭṭhabbāyatanaṃ kāyaviññāṇassa purejātaṃ .
Vatthupurejātaṃ: cakkhāyatanaṃ cakkhuviññāṇassa kāyāyatanaṃ
kāyaviññāṇassa purejātapaccayena paccayo vatthu asaṅkiliṭṭhasaṅkilesikānaṃ
khandhānaṃ purejātapaccayena paccayo.
[1705] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa purejātapaccayena paccayo ārammaṇapurejātaṃ vatthupurejātaṃ .
Ārammaṇapurejātaṃ: cakkhuṃ assādeti abhinandati taṃ ārabbha
rāgo uppajjati domanassaṃ uppajjati sotaṃ ... .pe. Phoṭṭhabbe ...
Vatthuṃ assādeti abhinandati taṃ ārabbha rāgo uppajjati domanassaṃ
uppajjati . vatthupurejātaṃ: vatthu saṅkiliṭṭhasaṅkilesikānaṃ khandhānaṃ
purejātapaccayena paccayo.
[1706] Asaṅkiliṭṭhasaṅkilesiko dhammo asaṅkiliṭṭhaasaṅkilesikassa
dhammassa purejātapaccayena paccayo vatthu asaṅkiliṭṭhaasaṅkilesikānaṃ
khandhānaṃ purejātapaccayena paccayo.
[1707] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa pacchājātapaccayena paccayo pacchājātā: saṅkiliṭṭhasaṅkilesikā
khandhā purejātassa imassa kāyassa pacchājātapaccayena paccayo.
[1708] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa pacchājātapaccayena paccayo pacchājātā: asaṅkiliṭṭhasaṅkilesikā
khandhā purejātassa imassa kāyassa pacchājātapaccayena
paccayo.
[1709] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa pacchājātapaccayena paccayo pacchājātā: asaṅkiliṭṭhaasaṅkilesikā
khandhā purejātassa imassa kāyassa pacchājātapaccayena
Paccayo.
[1710] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa āsevanapaccayena paccayo purimā purimā saṅkiliṭṭhasaṅkilesikā
khandhā pacchimānaṃ pacchimānaṃ saṅkiliṭṭhasaṅkilesikānaṃ
khandhānaṃ āsevanapaccayena paccayo.
[1711] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa āsevanapaccayena paccayo purimā purimā .pe. anulomaṃ
gotrabhussa anulomaṃ vodānassa āsevanapaccayena paccayo.
[1712] Asaṅkiliṭṭhasaṅkilesiko dhammo asaṅkiliṭṭhaasaṅkilesikassa
dhammassa āsevanapaccayena paccayo gotrabhu maggassa
vodānaṃ maggassa āsevanapaccayena paccayo.
[1713] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa kammapaccayena paccayo saṅkiliṭṭhasaṅkilesikā cetanā
sampayuttakānaṃ khandhānaṃ kammapaccayena paccayo.
[1714] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa kammapaccayena paccayo sahajātā nānākhaṇikā . sahajātā:
saṅkiliṭṭhasaṅkilesikā cetanā cittasamuṭṭhānānaṃ rūpānaṃ kammapaccayena
paccayo . nānākhaṇikā: saṅkiliṭṭhasaṅkilesikā cetanā
vipākānaṃ khandhānaṃ kaṭattā ca rūpānaṃ kammapaccayena paccayo.
[1715] Saṅkiliṭṭhasaṅkilesiko dhammo saṅkiliṭṭhasaṅkilesikassa ca
Asaṅkiliṭṭhasaṅkilesikassa ca dhammassa kammapaccayena paccayo
saṅkiliṭṭhasaṅkilesikā cetanā sampayuttakānaṃ khandhānaṃ cittasamuṭṭhānānañca
rūpānaṃ kammapaccayena paccayo.
[1716] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa kammapaccayena paccayo sahajātā nānākhaṇikā . sahajātā:
asaṅkiliṭṭhasaṅkilesikā cetanā sampayuttakānaṃ khandhānaṃ
cittasamuṭṭhānānañca rūpānaṃ kammapaccayena paccayo . nānākhaṇikā:
asaṅkiliṭṭhasaṅkilesikā cetanā vipākānaṃ khandhānaṃ kaṭattā ca
rūpānaṃ kammapaccayena paccayo.
[1717] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa kammapaccayena paccayo sahajātā nānākhaṇikā .
Sahajātā: asaṅkiliṭṭhaasaṅkilesikā cetanā sampayuttakānaṃ khandhānaṃ
kammapaccayena paccayo . nānākhaṇikā: asaṅkiliṭṭhaasaṅkilesikā
cetanā vipākānaṃ asaṅkiliṭṭhaasaṅkilesikānaṃ khandhānaṃ kammapaccayena
paccayo.
[1718] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa kammapaccayena paccayo sahajātā: asaṅkiliṭṭhaasaṅkilesikā
cetanā cittasamuṭṭhānānaṃ rūpānaṃ kammapaccayena paccayo.
[1719] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
ca asaṅkiliṭṭhaasaṅkilesikassa ca dhammassa kammapaccayena paccayo
Sahajātā: asaṅkiliṭṭhaasaṅkilesikā cetanā sampayuttakānaṃ khandhānaṃ
cittasamuṭṭhānānañca rūpānaṃ kammapaccayena paccayo.
[1720] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa vipākapaccayena paccayo vipāko asaṅkiliṭṭhasaṅkilesiko
eko khandho tiṇṇannaṃ khandhānaṃ cittasamuṭṭhānānañca rūpānaṃ
vipākapaccayena paccayo dve khandhā dvinnaṃ khandhānaṃ paṭisandhikkhaṇe
asaṅkiliṭṭhasaṅkilesiko eko khandho tiṇṇannaṃ khandhānaṃ kaṭattā ca
rūpānaṃ vipākapaccayena paccayo dve khandhā dvinnaṃ khandhānaṃ khandhā
vatthussa vipākapaccayena paccayo.
[1721] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa vipākapaccayena paccayo vipāko asaṅkiliṭṭhaasaṅkilesiko
eko khandho tiṇṇannaṃ khandhānaṃ vipākapaccayena
paccayo dve khandhā dvinnaṃ khandhānaṃ.
[1722] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa vipākapaccayena paccayo vipākā asaṅkiliṭṭhaasaṅkilesikā
khandhā cittasamuṭṭhānānaṃ rūpānaṃ vipākapaccayena paccayo.
[1723] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
ca asaṅkiliṭṭhaasaṅkilesikassa ca dhammassa vipākapaccayena paccayo
asaṅkiliṭṭhaasaṅkilesiko eko khandho tiṇṇannaṃ khandhānaṃ cittasamuṭṭhānānañca
rūpānaṃ vipākapaccayena paccayo dve khandhā .pe.
[1724] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa āhārapaccayena paccayo tīṇi.
[1725] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa āhārapaccayena paccayo asaṅkiliṭṭhasaṅkilesikā āhārā
sampayuttakānaṃ khandhānaṃ cittasamuṭṭhānānañca rūpānaṃ āhārapaccayena
paccayo paṭisandhikkhaṇe kabaḷiṃkāro āhāro imassa kāyassa
āhārapaccayena paccayo .pe.
[1726] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa āhārapaccayena paccayo tīṇi.
[1727] Saṅkiliṭṭhasaṅkilesiko dhammo saṅkiliṭṭhaasaṅkilesikassa
dhammassa indriyapaccayena paccayo tīṇi . asaṅkiliṭṭhasaṅkilesiko
dhammo asaṅkiliṭṭhasaṅkilesikassa dhammassa indriyapaccayena paccayo
asaṅkiliṭṭhasaṅkilesikā indriyā sampayuttakānaṃ khandhānaṃ cittasamuṭṭhānānañca
rūpānaṃ indriyapaccayena paccayo paṭisandhikkhaṇe cakkhundriyaṃ
cakkhuviññāṇassa kāyindriyaṃ kāyaviññāṇassa indriyapaccayena
paccayo rūpajīvitindriyaṃ kaṭattārūpānaṃ indriyapaccayena paccayo .
Asaṅkiliṭṭhaasaṅkilesiko dhammo tīṇi.
[1728] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa jhānapaccayena paccayo ... maggapaccayena paccayo
... Sampayuttapaccayena paccayo.
[1729] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa vippayuttapaccayena paccayo sahajātaṃ pacchājātaṃ .
Sahajātā: saṅkiliṭṭhasaṅkilesikā khandhā cittasamuṭṭhānānaṃ rūpānaṃ
vippayuttapaccayena paccayo . pacchājātā: saṅkiliṭṭhasaṅkilesikā
khandhā purejātassa imassa kāyassa vippayuttapaccayena paccayo.
[1730] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa vippayuttapaccayena paccayo sahajātaṃ purejātaṃ pacchājātaṃ .
Sahajātā: asaṅkiliṭṭhasaṅkilesikā khandhā cittasamuṭṭhānānaṃ rūpānaṃ
vippayuttapaccayena paccayo paṭisandhikkhaṇe asaṅkiliṭṭhasaṅkilesikā
khandhā kaṭattā ca rūpānaṃ vippayuttapaccayena paccayo khandhā
vatthussa vatthu khandhānaṃ vippayuttapaccayena paccayo . purejātaṃ:
cakkhāyatanaṃ cakkhuviññāṇassa kāyāyatanaṃ kāyaviññāṇassa
vippayuttapaccayena paccayo vatthu asaṅkiliṭṭhasaṅkilesikānaṃ khandhānaṃ
vippayuttapaccayena paccayo . pacchājātā: asaṅkiliṭṭhasaṅkilesikā
khandhā purejātassa imassa kāyassa vippayuttapaccayena paccayo.
[1731] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa vippayuttapaccayena paccayo purejātaṃ: vatthu saṅkiliṭṭhasaṅkilesikānaṃ
khandhānaṃ vippayuttapaccayena paccayo.
[1732] Asaṅkiliṭṭhasaṅkilesiko dhammo asaṅkiliṭṭhaasaṅkilesikassa
dhammassa vippayuttapaccayena paccayo purejātaṃ: vatthu
Asaṅkiliṭṭhaasaṅkilesikānaṃ khandhānaṃ vippayuttapaccayena paccayo.
[1733] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa vippayuttapaccayena paccayo sahajātaṃ pacchājātaṃ .
Sahajātā: asaṅkiliṭṭhaasaṅkilesikā khandhā cittasamuṭṭhānānaṃ rūpānaṃ
vippayuttapaccayena paccayo . pacchājātā: asaṅkiliṭṭhaasaṅkilesikā
khandhā purejātassa imassa kāyassa vippayuttapaccayena paccayo.
[1734] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa atthipaccayena paccayo saṅkiliṭṭhasaṅkilesiko eko khandho
tiṇṇannaṃ khandhānaṃ atthipaccayena paccayo .pe.
[1735] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa atthipaccayena paccayo sahajātaṃ pacchājātaṃ . sahajātā:
saṅkiliṭṭhasaṅkilesikā khandhā cittasamuṭṭhānānaṃ rūpānaṃ atthipaccayena
paccayo . pacchājātā: saṅkiliṭṭhasaṅkilesikā khandhā purejātassa
imassa kāyassa atthipaccayena paccayo.
[1736] Saṅkiliṭṭhasaṅkilesiko dhammo saṅkiliṭṭhasaṅkilesikassa ca
asaṅkiliṭṭhasaṅkilesikassa ca dhammassa atthipaccayena paccayo
saṅkiliṭṭhasaṅkilesiko eko khandho tiṇṇannaṃ khandhānaṃ
cittasamuṭṭhānānañca rūpānaṃ atthipaccayena paccayo dve khandhā ....
[1737] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa atthipaccayena paccayo sahajātaṃ purejātaṃ pacchājātaṃ
Āhāraṃ indriyaṃ . sahajāto: asaṅkiliṭṭhasaṅkilesiko eko khandho
tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo
paṭisandhikkhaṇe asaññasattānaṃ ekaṃ mahābhūtaṃ tiṇṇannaṃ khandhānaṃ
atthipaccayena paccayo .pe. purejātaṃ: cakkhuṃ aniccato dukkhato
anattato vipassati sotaṃ ... .pe. kāyaṃ rūpe phoṭṭhabbe ... Vatthuṃ
aniccato dukkhato anattato vipassati dibbena cakkhunā rūpaṃ passati
dibbāya sotadhātuyā saddaṃ suṇāti rūpāyatanaṃ cakkhuviññāṇassa
phoṭṭhabbāyatanaṃ kāyaviññāṇassa atthipaccayena paccayo cakkhāyatanaṃ
cakkhuviññāṇassa kāyāyatanaṃ kāyaviññāṇassa vatthu asaṅkiliṭṭhasaṅkilesikānaṃ
khandhānaṃ atthipaccayena paccayo . pacchājātā:
asaṅkiliṭṭhasaṅkilesikā khandhā purejātassa imassa kāyassa
atthipaccayena paccayo . kabaḷiṃkāro āhāro imassa kāyassa
rūpajīvitindriyaṃ kaṭattārūpānaṃ atthipaccayena paccayo.
[1738] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa atthipaccayena paccayo purejātaṃ: cakkhuṃ assādeti
abhinandati taṃ ārabbha rāgo uppajjati domanassaṃ uppajjati vatthuṃ
assādeti vatthu saṅkiliṭṭhasaṅkilesikānaṃ khandhānaṃ atthipaccayena
paccayo.
[1739] Asaṅkiliṭṭhasaṅkilesiko dhammo asaṅkiliṭṭhaasaṅkilesikassa
dhammassa atthipaccayena paccayo purejātaṃ: vatthu
Asaṅkiliṭṭhaasaṅkilesikānaṃ khandhānaṃ atthipaccayena paccayo.
[1740] Asaṅkiliṭṭhaasaṅkilesiko dhammo asaṅkiliṭṭhaasaṅkilesikassa
dhammassa atthipaccayena paccayo asaṅkiliṭṭhaasaṅkilesiko
eko khandho tiṇṇannaṃ khandhānaṃ atthipaccayena paccayo.
[1741] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
dhammassa atthipaccayena paccayo sahajātaṃ pacchājātaṃ . sahajātā:
asaṅkiliṭṭhaasaṅkilesikā khandhā cittasamuṭṭhānānaṃ rūpānaṃ atthipaccayena
paccayo . pacchājātā: asaṅkiliṭṭhaasaṅkilesikā khandhā
purejātassa imassa kāyassa atthipaccayena paccayo.
[1742] Asaṅkiliṭṭhaasaṅkilesiko dhammo asaṅkiliṭṭhasaṅkilesikassa
ca asaṅkiliṭṭhaasaṅkilesikassa ca dhammassa atthipaccayena
paccayo asaṅkiliṭṭhaasaṅkilesiko eko khandho tiṇṇannaṃ
khandhānaṃ cittasamuṭṭhānānañca rūpānaṃ atthipaccayena paccayo.
[1743] Asaṅkiliṭṭhasaṅkilesiko ca asaṅkiliṭṭhaasaṅkilesiko ca
dhammā asaṅkiliṭṭhasaṅkilesikassa dhammassa atthipaccayena paccayo
sahajātaṃ pacchājātaṃ āhāraṃ indriyaṃ. Sahajātā: asaṅkiliṭṭhaasaṅkilesikā
khandhā ca mahābhūtā ca cittasamuṭṭhānānaṃ rūpānaṃ atthipaccayena
paccayo . pacchājātā: asaṅkiliṭṭhaasaṅkilesikā khandhā ca
kabaḷiṃkāro āhāro ca imassa kāyassa atthipaccayena paccayo .
Pacchājātā: asaṅkiliṭṭhasaṅkilesikā khandhā ca rūpajīvitindriyañca
Kaṭattārūpānaṃ atthipaccayena paccayo.
[1744] Asaṅkiliṭṭhasaṅkilesiko ca asaṅkiliṭṭhaasaṅkilesiko ca
dhammā asaṅkiliṭṭhaasaṅkilesikassa dhammassa atthipaccayena paccayo
sahajātaṃ purejātaṃ . sahajāto: asaṅkiliṭṭhaasaṅkilesiko eko
khandho ca vatthu ca tiṇṇannaṃ khandhānaṃ atthipaccayena paccayo.
[1745] Saṅkiliṭṭhasaṅkilesiko ca asaṅkiliṭṭhasaṅkilesiko ca
dhammā saṅkiliṭṭhasaṅkilesikassa dhammassa atthipaccayena paccayo sahajātaṃ
purejātaṃ . sahajāto: saṅkiliṭṭhasaṅkilesiko eko khandho ca
vatthu ca tiṇṇannaṃ khandhānaṃ atthipaccayena paccayo dve khandhā.
[1746] Saṅkiliṭṭhasaṅkilesiko ca asaṅkiliṭṭhasaṅkilesiko ca
dhammā asaṅkiliṭṭhasaṅkilesikassa dhammassa atthipaccayena paccayo
sahajātaṃ pacchājātaṃ āhāraṃ indriyaṃ . sahajātā: saṅkiliṭṭhasaṅkilesikā
khandhā ca mahābhūtā ca cittasamuṭṭhānānaṃ rūpānaṃ atthipaccayena
paccayo . pacchājātā: saṅkiliṭṭhasaṅkilesikā khandhā ca kabaḷiṃkāro
āhāro ca purejātassa imassa kāyassa atthipaccayena paccayo .
Pacchājātā: saṅkiliṭṭhasaṅkilesikā khandhā ca rūpajīvitindriyañca
kaṭattārūpānaṃ atthipaccayena paccayo.
[1747] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa natthipaccayena paccayo ... vigatapaccayena paccayo
... Avigatapaccayena paccayo.
[1748] Hetuyā satta ārammaṇe cha adhipatiyā aṭṭha
anantare satta samanantare satta sahajāte nava aññamaññe
tīṇi nissaye terasa upanissaye aṭṭha purejāte tīṇi pacchājāte
tīṇi āsevane tīṇi kamme satta vipāke cattāri āhāre
indriye jhāne magge satta sampayutte tīṇi vippayutte pañca
atthiyā terasa natthiyā satta vigate satta avigate terasa.
[1749] Hetupaccayā adhipatiyā cattāri ... sahajāte satta
aññamaññe tīṇi nissaye satta vipāke cattāri indriye magge
cattāri sampayutte tīṇi vippayutte tīṇi atthiyā avigate satta.
[1750] Hetusahajātanissayaatthiavigatanti satta .
Hetusahajātaaññamaññanissayaatthiavigatanti tīṇi.
Hetusahajātaaññamaññanissayasampayuttaatthiavigatanti tīṇi .
Hetusahajātanissayavippayuttaatthiavigatanti tīṇi.
Hetusahajātanissayavipākaatthiavigatanti cattāri.
Hetusahajātaaññamaññanissayavipākaatthiavigatanti dve .
Hetusahajātaaññamaññanissayavipākasampayuttaatthiavigatanti dve .
Hetusahajātanissayavipākavippayuttaatthiavigatanti dve .
Hetusahajātaaññamaññanissayavipākavippayuttaatthiavigatanti
ekaṃ. Yathā kusalattike evaṃ vitthāretabbaṃ.
Anulomaṃ.
The Pali Tipitaka in Roman Character Volume 40 page 551-573.
http://84000.org/tipitaka/pali/roman_item_s.php?book=40&item=1668&items=83&mode=bracket
Classified by content :-
http://84000.org/tipitaka/pali/roman_item_s.php?book=40&item=1668&items=83
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=40&item=1668&items=83&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=40&item=1668&items=83&mode=bracket
Study Atthakatha :-
http://84000.org/tipitaka/attha/attha.php?b=40&i=1668
Contents of The Tipitaka Volume 40
http://84000.org/tipitaka/read/?index_40
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
