paliTIPITAKA Volume 42 - Abhidhamma Pitaka 9

Paccayavāro [453] Saññojanasampayuttaṃ dhammaṃ paccayā saññojanasampayutto dhammo uppajjati hetupaccayā tīṇi paṭiccasadisaṃ . saññojanavippayuttaṃ dhammaṃ paccayā saññojanavippayutto dhammo uppajjati hetupaccayā: yāva paṭisandhi ekaṃ mahābhūtaṃ: vatthuṃ paccayā saññojanavippayuttā khandhā vatthuṃ paccayā uddhaccasahagato moho . saññojanavippayuttaṃ dhammaṃ paccayā saññojanasampayutto

--------------------------------------------------------------------------------------------- page261.

Dhammo uppajjati hetupaccayā: vatthuṃ paccayā saññojanasampayuttā khandhā uddhaccasahagataṃ mohaṃ paccayā sampayuttakā khandhā. {453.1} Saññojanavippayuttaṃ dhammaṃ paccayā saññojanasampayutto ca saññojanavippayutto ca dhammā uppajjanti hetupaccayā: vatthuṃ paccayā saññojanasampayuttā khandhā mahābhūte paccayā cittasamuṭṭhānaṃ rūpaṃ uddhaccasahagataṃ mohaṃ paccayā sampayuttakā khandhā cittasamuṭṭhānañca rūpaṃ . saññojanasampayuttañca saññojanavippayuttañca dhammaṃ paccayā saññojanasampayutto dhammo uppajjati hetupaccayā: saññojanasampayuttaṃ ekaṃ khandhañca vatthuñca paccayā tayo khandhā dve khandhe ... uddhaccasahagataṃ ekaṃ khandhañca mohañca paccayā tayo khandhā dve khandhe .... {453.2} Saññojanasampayuttañca saññojanavippayuttañca dhammaṃ paccayā saññojanavippayutto dhammo uppajjati hetupaccayā: saññojanasampayutte khandhe ca mahābhūte ca paccayā cittasamuṭṭhānaṃ rūpaṃ uddhaccasahagate khandhe ca mohañca paccayā cittasamuṭṭhānaṃ rūpaṃ . Saññojanasampayuttañca saññojanavippayuttañca dhammaṃ paccayā saññojanasampayutto ca saññojanavippayutto ca dhammā uppajjanti hetupaccayā: saññojanasampayuttaṃ ekaṃ khandhañca vatthuñca paccayā tayo khandhā dve khandhe ... Saññojanasampayutte khandhe ca mahābhūte ca paccayā cittasamuṭṭhānaṃ rūpaṃ uddhaccasahagataṃ ekaṃ khandhañca mohañca paccayā tayo khandhā

--------------------------------------------------------------------------------------------- page262.

Cittasamuṭṭhānañca rūpaṃ dve khandhe .... [454] Saññojanasampayuttaṃ dhammaṃ paccayā saññojanasampayutto dhammo uppajjati ārammaṇapaccayā: tīṇi paṭiccasadisā . Saññojanavippayuttaṃ dhammaṃ paccayā saññojanavippayutto dhammo uppajjati ārammaṇapaccayā: yāva paṭisandhi vatthuṃ paccayā saññojanavippayuttā khandhā cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā saññojanavippayuttā khandhā vatthuṃ paccayā uddhaccasahagato moho. {454.1} Saññojanavippayuttaṃ dhammaṃ paccayā saññojanasampayutto dhammo uppajjati ārammaṇapaccayā: vatthuṃ paccayā saññojanasampayuttā khandhā uddhaccasahagataṃ mohaṃ paccayā sampayuttakā khandhā . Saññojanavippayuttaṃ dhammaṃ paccayā saññojanasampayutto ca saññojanasampayutto ca saññojanavippayutto ca dhammā uppajjanti ārammaṇapaccayā: vatthuṃ paccayā uddhaccasahagatā khandhā ca moho ca. {454.2} Saññojanasampayuttañca saññojanavippayuttañca dhammaṃ paccayā saññojanasampayutto dhammo uppajjati ārammaṇapaccayā: saññojanasampayuttaṃ ekaṃ khandhañca vatthuñca paccayā tayo khandhā dve khandhe ... uddhaccasahagataṃ ekaṃ khandhañca mohañca paccayā tayo khandhā dve khandhe .... {454.3} Saññojanasampayuttañca saññojanavippayuttañca dhammaṃ paccayā saññojanavippayutto dhammo uppajjati ārammaṇapaccayā:

--------------------------------------------------------------------------------------------- page263.

Uddhaccasahagate khandhe ca vatthuñca paccayā uddhaccasahagato moho . Saññojanasampayuttañca saññojanavippayuttañca dhammaṃ paccayā saññojanasampayutto ca saññojanavippayutto ca dhammā uppajjanti ārammaṇapaccayā: uddhaccasahagataṃ ekaṃ khandhañca vatthuñca paccayā tayo khandhā moho ca dve khandhe .... [455] Saññojanasampayuttaṃ dhammaṃ paccayā saññojanasampayutto dhammo uppajjati adhipatipaccayā:. Avigatapaccayā:. [456] Hetuyā nava ārammaṇe nava adhipatiyā nava sabbattha nava vipāke ekaṃ āhāre nava avigate nava. [457] Saññojanasampayuttaṃ dhammaṃ paccayā saññojanasampayutto dhammo uppajjati nahetupaccayā: vicikicchāsahagate khandhe paccayā vicikicchāsahagato moho . saññojanasampayuttaṃ dhammaṃ paccayā saññojanavippayutto dhammo uppajjati nahetupaccayā: uddhaccasahagate khandhe paccayā uddhaccasahagato moho . saññojanavippayuttaṃ dhammaṃ paccayā saññojanavippayutto dhammo uppajjati nahetupaccayā: ahetukaṃ saññojanavippayuttaṃ ekaṃ khandhaṃ ... yāva asaññasattā cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā ahetukā saññojanavippayuttā khandhā ca uddhaccasahagato moho ca. {457.1} Saññojanavippayuttaṃ dhammaṃ paccayā saññojanasampayutto dhammo uppajjati nahetupaccayā:

--------------------------------------------------------------------------------------------- page264.

Vatthuṃ paccayā vicikicchāsahagato moho . saññojanasampayuttañca saññojanavippayuttañca dhammaṃ paccayā saññojanasampayutto dhammo uppajjati nahetupaccayā: vicikicchāsahagate khandhe ca vatthuñca paccayā vicikicchāsahagato moho . saññojanasampayuttañca saññojanavippayuttañca dhammaṃ paccayā saññojanavippayutto dhammo uppajjati nahetupaccayā: uddhaccasahagate khandhe ca vatthuñca paccayā uddhaccasahagato moho. Saṅkhittaṃ. [458] Nahetuyā cha naārammaṇe tīṇi naadhipatiyā nava naanantare tīṇi nasamanantare tīṇi naaññamaññe tīṇi naupanissaye tīṇi napurejāte satta napacchājāte nava naāsevane nava nakamme cattāri navipāke nava naāhāre ekaṃ naindriye ekaṃ najhāne ekaṃ namagge ekaṃ nasampayutte tīṇi navippayutte cha nonatthiyā tīṇi novigate tīṇi. [459] Hetupaccayā naārammaṇe tīṇi ... naadhipatiyā nava evaṃ kātabbaṃ. [460] Nahetupaccayā ārammaṇe cha ... sabbattha cha vipāke ekaṃ āhāre cha magge cha avigate cha. Nissayavāropi paccayavārasadiso.

The Pali Tipitaka in Roman Character Volume 42 page 260-264. http://84000.org/tipitaka/pali/roman_item_s.php?book=42&item=453&items=8&pagebreak=1 Classified by [Item Number] :- http://84000.org/tipitaka/pali/roman_item_s.php?book=42&item=453&items=8&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=42&item=453&items=8&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=42&item=453&items=8&pagebreak=1 Study Atthakatha :- http://84000.org/tipitaka/attha/attha.php?b=42&i=453 Contents of The Tipitaka Volume 42 http://84000.org/tipitaka/read/?index_42