ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๖๘.

                        ๒. สีหสุตฺตวณฺณนา *-
      [๑๔๘] ทุติเย วิจกฺขุกมฺมายาติ ปริสาย ปญฺญาย ๑- ปญฺญาจกฺขุํ
วินาเสตุกามตาย. ๒- พุทฺธานํ ปเนส ปญฺญาจกฺขุํ วินาเสตุํ น สกฺโกติ, ปริสาย
เภรวารมฺมณํ สาเวนฺโต วา ทสฺเสนฺโต วา สกฺโกติ. วิชิตาวี นุ มญฺญสีติ กึ
นุ ตฺวํ "วิชิตวิชโย อหนฺ"ติ มญฺญสิ, มา เอวํ มญฺญิ, นตฺถิ ตว ชโย.
ปริสาสูติ อฏฺฐสุ ปริสาสุ. พลปฺปตฺตาติ ทสพลปฺปตฺตา. ทุติยํ.
                        ๓. สกฺกลิกสุตฺตวณฺณนา
     [๑๔๙] ตติเย มนฺทิยา นุ สีเสติ ๓- มนฺทภาเวน โมมูหภาเวน. อุทาหุ
กาเวยฺยมตฺโตติ อุทาหุ ยถา กถิตพฺพํ ๔- จินฺเตนฺโต เตน กตฺตพฺพกาเรน ๕-
มตฺโต สยติ, เอวํ สยสิ. สมฺปจุราติ พหโว. กิมิทํ โสปฺปเส วาติ กสฺมา อิทํ
โสปฺปํ โสปฺปสิเยว. อตฺถํ สเมจฺจาติ อตฺถํ สมาคนฺตฺวา ปาปุณิตฺวา. มยฺหํ หิ
๖- อสงฺคโต นาม สงฺคตวิปนฺโนวาติ ๖- อตฺโถ นตฺถิ. สลฺลนฺติ ติขิณสตฺติสลฺลํ.
ชคฺคํ น สงฺเกมีติ ๗- ยถา เอกจฺโจ สีหปถาทีสุ ชคฺคนฺโต สงฺกติ, ตถา อหํ
ชคฺคนฺโตปิ น สงฺกามิ. นปิ เภมิ โสตฺตุนฺติ ยถา เอกจฺโจ สีหปถาทีสุเยว
สุปิตุํปิ ภายติ, เอวํ อหํ สุปิตุํ น ภายามิ. นานุตปนฺติ มามนฺติ ยถา อาจริยสฺส
วา อนฺเตวาสิกสฺส วา อผาสุเก ชาเต อุทฺเทสปริปุจฺฉาย ฐิตตฺตา อนฺเตวาสึ
รตฺตินฺทิวา ๘- อติกฺกมนฺตา อนุปตนฺติ, เอวํ มํ นานุตปนฺติ. น หิ มยฺหํ กิญฺจิ
อปรินิฏฺฐิตกมฺมํ นาม อตฺถิ. เตเนวาห "หานึ น ปสฺสามิ กุหิญฺจิ โลเก"ติ. ตติยํ.
                       ๔. ปฏิรูปสุตฺตวณฺณนา *-
      [๑๕๐] จตุตฺเถ อนุโรธวิโรเธสูติ ราคปฏิเฆสุ. มา สชฺชิตฺถ ๙- ตทาจรนฺติ
เอตํ ๑๐- ธมฺมกถํ อาจรนฺโต มา ลคฺคิ. ธมฺมกถํ กเถนฺตสฺส หิ เอกจฺเจ
สาธุการํ ททนฺติ, เตสุ ราโค อุปฺปชฺชติ. เอกจฺเจ  อสกฺกจฺจํ สุณนฺติ, เตสุ
@เชิงอรรถ:  ฉ.ม. อยํ ปาโฐ น ทิสฺสติ   ฉ.ม., อิ. วินาเสตุกมฺยตาย
@ ฉ.ม., อิ มนฺทิยา นูติ   ฉ.ม., อิ. กวิ กพฺพํ   ฉ.ม., อิ. กพฺพกรเณน
@๖-๖ ฉ.ม., อิ. อสงฺคโห นาม สงฺคหวิปนฺโน   ฉ.ม., อิ. สงฺเกติ
@ ม., อิ, รตฺติ วา ทิวา วา   ฉ.ม., อิ. สชฺชิตฺโถ   ๑๐ ฉ.ม., อิ. เอวํ
@* ฉ.ม. กินฺนุสีหสุตฺตวณฺณนา     * ฉ.ม. ปติรูปสุตฺต...



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๖๘. http://84000.org/tipitaka/read/attha_page.php?book=11&page=168&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=4382&modeTY=2&pagebreak=1 http://84000.org/tipitaka/atthapali/th_line.php?B=11&A=4382&modeTY=2&pagebreak=1#p168


จบการแสดงผล หน้าที่ ๑๖๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]