อรรถกถาเล่มที่ ๑๑ หน้าที่ ๑๗๓.

นาม ปญฺจกามคุณนิทานํ, ตํ ยโตนิทานํ โหตีติ ^๑- เอวํ โย อทฺทกฺขิ. กถํ นเมยฺยาติ โส ชนฺตุ เตสุ ทุกฺขสฺส นิทานภูเตสุ กาเมสุ เกน การเณน นเมยฺย. อุปธึ วิทิตฺวาติ กามคุณอุปธึ "สงฺโค เอโส, ลคฺคนเมตนฺติ เอวํ วิทิตฺวา. ตสฺเสว ชนฺตุ วินยาย สิกฺเขติ ตสฺเสว อุปธิสฺส วินยาย สิกฺเขยฺย. ทสมํ. ทุติโย วคฺโค. ----------- ๓. ตติยวคฺค ๑. สมฺพหุลสุตฺตวณฺณนา [๑๕๗] ตติยวคฺคสฺส ปฐเม ชฏณฺฑุเวนาติ ชฏาจุมฺพิเฏน. ^๒- อชินกฺขิปนิวตฺโถติ สุขุรํ ^๓- อชินจมฺมํ เอกํ นิวตฺโถ เอกํ ปารุโต. อุทุมฺพรทณฺฑนฺติ อปฺปิจฺฉภาวปฺปกาสนตฺถํ อีสกํ วงฺกํ อุทุมฺพรทณฺฑํ คเหตฺวา. เอตทโวจาติ โลเก พฺราหฺมณสฺส วจนํ นาม สุสฺสูสนฺติ, พฺราหฺมเณสุปิ ปพฺพชิตสฺส, ปพฺพชิเตสุปิ มหลฺลกสฺสาติ มหลฺลกพฺราหฺมฺณปพฺพชิตเวสํ คเหตฺวา ปธานภูมิยํ กมฺมํ กโรนฺเต เต ภิกฺขู อุปสงฺกมิตฺวา หตฺเถ อุกฺขิปิตฺวา เอตํ "ทหรา ภวนฺโต"ติอาทิวจนํ อโวจ. โอกมฺเปตฺวาติ หนุเกน อุทรํ ^๔- ปหรนฺโต อโธนตํ กตฺวา. ชิวฺหํ นิลฺลาเฬตฺวาติ กวรมหาชิวฺหํ นีหริตฺวา อุทฺธมโธ อุภยปสฺเสสุ จ ปลาเปตฺวา. ^๕- ติวิสาขนฺติ ติสาขํ. นลาฏิกนฺติ ภกุฏึ, นลาเฏ อุฏฺฐิตํ วลิตฺตยนฺติ อตฺโถ. ปกฺกามีติ ตุเมฺห ชานนฺตานํ วจนํ อกตฺวา อตฺตโนว เตเล ปวิสถาติ ^๖- วตฺวา เอกํ มคฺคํ คเหตฺวา คโต. ปฐมํ. ๒. สมิทฺธิสุตฺตวณฺณนา [๑๕๘] ทุติเย ลาภา วต เม, สุลทฺธํ วต เมติ เอวรูปสฺส สตฺถุ เจว ธมฺมสฺส จ พฺรหฺมจารีนํ จ ลทฺธตฺตา มยฺหํ ลาภา มยฺหํ สุลทฺธนฺติ. โส กิรายสฺมา ปจฺฉา มูลกมฺมฏฺฐานํ สมฺมสิตฺวา "อรหตฺตํ คเหสฺสามี"ติ ปาสาทิกํ ตาว @เชิงอรรถ: ^๑ ฉ.ม. โหติ ^๒ ฉ.ม., อิ. ชฏาจุมฺพฏเกน ^๓ ฉ.ม., อิ. สขุรํ @^๔ ฉ.ม., อิ. อุรํ ^๕ ฉ.ม., อิ.ลาเลตฺวา ^๖ ฉ.ม., อิ. ปจฺจิสฺสถาติ

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๗๓. http://84000.org/tipitaka/read/attha_page.php?book=11&page=173&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=4510&modeTY=2&pagebreak=1 http://84000.org/tipitaka/atthapali/th_line.php?B=11&A=4510&modeTY=2&pagebreak=1#p173