อรรถกถาเล่มที่ ๑๑ หน้าที่ ๒๕.

สุปฏิปนฺโน, ปฏิปทา ภทฺทิกา, อิเม จ ปน มหาชนา วฏฺเฏ สุตฺตา นปฺปฏิพุชฺฌนฺตีติ เทวตา อาห. สมฺพุทฺธาติ สมฺมา เหตุนา การเณน พุทฺธา. จตฺตาโร หิ พุทฺธา สพฺพญฺญูพุทฺโธ ปจฺเจกพุทฺโธ จตุสจฺจพุทฺโธ สุตพุทฺโธติ. ตตฺถ สมตึส ปารมิโย ปูเรตฺวา สมฺมาสมฺโพธึ ปตฺโต สพฺพญฺญูพุทฺโธ นาม. กปฺปสตสหสฺสาธิกานิ เทฺว อสงฺเขยฺยานิ ปารมิโย ปูเรตฺวา สยมฺภุตํ ปตฺโต ปจฺเจกพุทฺโธ นาม. อวเสสขีณาสวา จตุสจฺจพุทฺธา นาม. พหุสฺสุโต สุตพุทฺโธ นาม. ^๑- อิมสฺมึ อตฺเถ ตโยปิ ปุริมา วฏฺฏนฺติ. สมฺมทญฺญาติ สมฺมา เหตุนา การเณน ชานิตฺวา. จรนฺติ วิสเม สมนฺติ วิสเม วา โลกสนฺนิวาเส วิสเม วา สตฺตกาเย วิสเม วา กิเลสชาเต สมํ จรนฺตีติ. อปฺปฏิวิทิตสุตฺตวณฺณนา นิฏฺฐิตา. --------------- ๘. สุสมฺมุฏฺฐสุตฺตวณฺณนา [๘] อฏฺฐเม สุสมฺมุฏฺฐาติ ปญฺญาย อปฺปฏิวิทฺธภาเวเนว สมฺมุฏฺฐา. ^๒- ยถา หิ เทฺว เขตฺตานิ กสิตฺวา เอกํ วปิตฺวา พหุธญฺญํ อธิคตสฺส อวาปิตเขตฺตโต อลทฺธํ สนฺธาย "พหุํ เม ธญฺญํ นฏฺฐนฺ"ติ วทนฺโต อลทฺธเมว "นฏฺฐนฺ"ติ วทติ, เอวมิธาปิ อปฺปฏิวิทิตาย ^๓- สุสมฺมุฏฺฐา นาม. อสมฺมุฏฺฐาติ ปญฺญาย ปฏิวิทฺธภาเวเนว อมุฏฺฐา. ^๔- เสสํ ปุริมสทิสเมวาติ. สุสมฺมุฏฺฐสุตฺตวณฺณนา นิฏฺฐิตา. --------------------- ๙. มานกามสุตฺตวณฺณนา [๙] นวเม มานกามสฺสาติ มานํ กาเมนฺตสฺส อิจฺฉนฺตสฺส. ทโมติ เอวรูปสฺส ปุคฺคลสฺส สมาธิปกฺขิโก ทโม นตฺถีติ วทติ. "สจฺเจน ทนฺโต ทมสา อุเปโต, เวทนฺตคู วุสิตพฺรหฺมจริโย"ติ ^๕- เอตฺถ หิ อินฺทฺริยสํวโร ทโมติ วุตฺโต. "ยทิ สจฺจา ทมา จาคา, ขนฺตฺยา ภิยฺโยธ วิชฺชตี"ติ ^๖- เอตฺถ ปญฺญา. "ทาเนน @เชิงอรรถ: ^๑ อิ. พหุสฺสุตา สุตพุทฺธา นาม ^๒ ฉ.ม., อิ. สุนฏฺฐา ^๓ ฉ.ม., อิ. อปฺปฏิวิทิตาว @^๔ ฉ.ม., อิ. อนฏฺฐา ^๕ สํ. สคา. ๑๕/๑๙๕/๒๐๑ สุนฺทริกสุตฺต @^๖ สํ. สคา. ๑๕/๒๔๖/๒๕๙ อาฬวกสุตฺต, ขุ.สุตฺต. ๒๕/๑๙๑/๓๗๐ อาฬวกสุตฺต

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๕. http://84000.org/tipitaka/read/attha_page.php?book=11&page=25&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=638&modeTY=2&pagebreak=1 http://84000.org/tipitaka/atthapali/th_line.php?B=11&A=638&modeTY=2&pagebreak=1#p25