ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๓๔.

พฺรหฺมตฺตภาวํ มาเปตฺวา มหาชนสฺส ปสฺสนฺตสฺเสว จนฺทมณฺฑลํ ภินฺทิตฺวา
นิกฺขนฺโต วิย อโหสิ. มหาชโน ทิสฺวา "อิมํ ยญฺญํ ปฏิคฺคเหตุํ มหาพฺรหฺมา
อาคจฺฉตี"ติ ชณฺณุเกหิ ภูมิยํ ปติฏฺฐาย อญฺชลึ ปคฺคยฺห นมสฺสมาโน อฏฺฐาสิ.
พฺราหฺมณา อาหํสุ "ตุเมฺห `มยํ ตกฺเกน กเถมา'ติ มญฺญถ, อิทานิ ปสฺสถ,
อยนฺโน ๑- พฺรหฺมา สหตฺถา ยญฺญํ ปฏิคฺคเหตุํ อาคจฺฉตี"ติ. สกฺโก อาคนฺตฺวา
ทารุจิตกมตฺถเก อากาเส ฐตฺวา "กสฺสายํ สกฺกาโร"ติ ปุจฺฉิ. ตุมฺหากํ ภนฺเต,
ปฏิคฺคณฺหถ โน ยญฺญนฺติ. เตนหิ อาคจฺฉถ, มา ตุลํ ๒- ฉฑฺเฑตฺวา หตฺเถน
ตุลยิตฺถ, อยํ สตฺถา ธุรวิหาเร วสติ, ตํ ปุจฺฉิสฺสาม "กสฺส ทินฺนํ มหปฺผลํ
โหตี"ติ อุภยรฏฺฐวาสิโน คเหตฺวา สตฺถุ สนฺติกํ คนฺตฺวา ปุจฺฉนฺโต เอวมาห.
     ตตฺถ ปุญฺญเปกฺขานนฺติ ปุญฺญํ อิจฺฉนฺตานํ ปุญฺญตฺถิกานํ. โอปธิกํ
ปุญฺญนฺติ อุปธิวิปากํ ปุญฺญํ. สํเฆ ทินฺนํ มหปฺผลนฺติ อริยสํเฆ ทินฺนํ
วิปฺผารวนฺตํ โหติ. เทสนาวสาเน จตุราสีติปาณสหสฺสานิ อมตปานํ ปิวึสุ. ตโต
ปฏฺฐาย มนุสฺสา สพฺพานิ อคฺคทานานิ ภิกฺขุสํฆสฺส อทํสุ. ฉฏฺฐํ.
                       ๗. วนฺทนาสุตฺตวณฺณนา ๓-
     [๒๖๓] สตฺตเม อุฏฺฐาหีติ อุฏฺฐห ฆฏ วายม. วิชิตสงฺคามาติ
ราคาทีนญฺเจว ทฺวาทสโยชนิกสฺส จ มารพลสฺส วิชิตตฺตา ๔- ภควนฺตํ เอวํ
อาลปติ. ปนฺนภาราติ โอหิตกฺขนฺธกิเลสาภิสงฺขารภาร. ๕- ปณฺณรสาย รตฺตินฺติ
ปณฺณรสาย ปุณฺณมาย รตฺตึ. สตฺตมํ.
                    ๘. ปฐมสกฺกนมสฺสนสุตฺตวณฺณนา ๖-
     [๒๖๔] อฏฺฐเม ปุถุทฺทิสาติ จตสฺโส ทิสา จตสฺโส อนุทิสา จ.
ภุมฺมาติ ภูมิวาสิโน. จิรรตฺตสมาหิเตติ อุปจารปฺปนาหิ จิรรตฺตํ สมาหิตจิตฺเต.
วนฺเทติ วนฺทามิ. พฺรหฺมจริยปรายเนติ ทสปิ วสฺสานิ วีสติปิ วสฺสานิ ฯเปฯ
@เชิงอรรถ:  ฉ.ม., อิ. อยํ โว   สี., อิ. มหาตุลํ   ฉ.ม. พุทฺธวนฺทนาสุตฺต...
@ ฉ.ม., อิ. ชิตตฺตา   ก. ปนฺนภาโรติ...อภิสงฺขารภาโร, ฉ.ม.,
@อิ. โอโรปิตขนฺธกิเลสาภิสงฺขารภาร   ฉ.ม. คหฏฺฐวนฺทนาสุตฺต..



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๓๔. http://84000.org/tipitaka/read/attha_page.php?book=11&page=334&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8617&modeTY=2&pagebreak=1 http://84000.org/tipitaka/atthapali/th_line.php?B=11&A=8617&modeTY=2&pagebreak=1#p334


จบการแสดงผล หน้าที่ ๓๓๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]