อรรถกถาเล่มที่ ๑๒ หน้าที่ ๒๙๙.

ปฏิสนฺธิอากฑฺฒนสมตฺถตาย วุฑฺฒิอาทีนิ อาปชฺเชยฺย. วิญฺาณุปยนฺติ ปทสฺส อคฺคหเณ การณํ วุตฺตเมว. โวจฺฉิจฺฉตารมฺมณนฺติ ปฏิสนฺธิอากฑฺฒนสมตฺถตาย อภาเวน อารมฺมณํ โวจฺฉิจฺฉติ. ปติฏฺา วิญฺาณสฺสาติ กมฺมวิญฺาณสฺส ปติฏฺา น โหติ. ตทปฺปติฏฺิตนฺติ ตํ อปฺปติฏฺิตํ. อนภิสงฺขจฺจ วิมุตฺตนฺติ ปฏิสนฺธึ อนภิสงฺขริตฺวา วิมุตฺตํ. ปมํ. ๒. พีชสุตฺตวณฺณนา [๕๔] ทุติเย พีชชาตานีติ พีชานิ. มูลพีชนฺติ วจํ วจตฺตํ หลิทฺทํ สิงฺคิเวรนฺติ เอวมาทิ. ขนฺธพีชนฺติ อสฺสตฺโถ นิโคฺรโธติ เอวมาทิ. ผลุพีชนฺติ อุจฺฉุ เวฬุ นโฬติ เอวมาทิ. อคฺคพีชนฺติ อชฺชุกํ ผณิชฺชกนฺติ เอวมาทิ. พีชพีชนฺติ สาลิวีหิอาทิ ปุพฺพณฺณญฺเจว มุคฺคมาสาทิ อปรณฺณญฺจ. อกฺขณฺฑานีติ อภินฺนานิ. ภินฺนกาลโต ปฏฺาย พีชํ พีชตฺถาย น อุปกปฺปติ. อปูติกานีติ อุทกเตมเนน อปูติกานิ. ปูติพีชํ หิ พีชตฺถาย น อุปกปฺปติ. อวาตาตปหตานีติ วาเตน จ อาตเปน จ น หตานิ, นิโรชตํ น ปาปิตานิ. นิโรชํ หิ กสฏํ พีชํ พีชตฺถาย น อุปกปฺปติ. สาราทานีติ คหิตสารานิ ปติฏฺิตสารานิ. นิสฺสารญฺหิ พีชํ พีชตฺถาย น อุปกปฺปติ. สุขสยิตานีติ จตฺตาโร ^๑- มาเส โกฏฺเ ปกฺขิตฺตนิยาเมเนว สุขํ สยิตานิ. ปวีติ เหฏฺา ปติฏฺานปวี. อาโปติ อุปริเสฺนหอาโป. จตสฺโส วิญฺาณฏฺิติโยติ กมฺมวิญฺาณสฺส อารมฺมณภูตา รูปาทโย จตฺตาโร ขนฺธา. เต หิ อารมฺมณวเสน ปติฏฺาภูตตฺตา ปวีธาตุสทิสา. นนฺทิราโค สิเนหนฏฺเน อาโปธาตุสทิโส. วิญฺาณํ สาหารนฺติ สปฺปจฺจยํ กมฺมวิญฺาณํ. ตํ หิ พีชํ วิย ปวิยํ อารมฺมณปวิยํ วิรุหติ. ทุติยํ. ๓. อุทานสุตฺตวณฺณนา [๕๕] ตติเย อุทานํ อุทาเนสีติ พลวโสมนสฺสสมุฏฺานํ อุทานํ อุทาหริ. กึ นิสฺสาย ปเนส ภควโต อุปฺปนฺโนติ. สาสนสฺส นิยฺยานิกภาวํ. กถํ? เอวํกิรสฺส @เชิงอรรถ: ^๑ สี.,ม. เต จตฺตาโร

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๙๙. http://84000.org/tipitaka/read/attha_page.php?book=12&page=299&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=6574&pagebreak=1 http://84000.org/tipitaka/atthapali/th_line.php?B=12&A=6574&pagebreak=1#p299