ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๓๘๑.

อุทปาทิ. อถ ภควา ปุคฺคลานํ นาคโยนีหิ อุทฺธรณตฺถํ ๑- นาคโยนิโย อาวิกโรนฺโต
อิมํ สุตฺตมาห.
                      ๒-๕๐. ปณีตตรสุตฺตาทิวณฺณนา
    [๓๔๓-๓๙๑] ทุติยาทีสุ โวสฺสฏฺฐกายาติ อหิตุณฺฑิกปริพุทฺธํ ๒- อคเณตฺวา
วิสฺสฏฺฐกายา. ทฺวยการิโนติ ทุวิธการิโน, กุสลากุสลการิโนติ อตฺโถ. สจชฺช
มยนฺติ สเจ อชฺช มยํ. สหพฺยตํ อุปปชฺชตีติ สหภาวํ อาปชฺชติ. ตตฺรสฺส อกุสลํ
อุปปตฺติยา ปจฺจโย โหติ, กุสลํ อุปปนฺนานํ สมฺปตฺติยา. อนฺนนฺติ ขาทนียโภชนียํ.
ปานนฺติ ยงฺกิญฺจิ ปานกํ. วตฺถนฺติ นิวาสนปารุปนํ. ยานนฺติ ฉตฺตุปาหนํ อาทึ กตฺวา
ยงฺกิญฺจิ คมนปจฺจยํ. มาลนฺติ ยงฺกิญฺจิ สุมนมาลาทิปุปฺผํ. คนฺธนฺติ ยงฺกิญฺจิ
จนฺทนาทิคนฺธํ. วิเลปนนฺติ ยงฺกิญฺจิ ฉวิราคกรณํ. เสยฺยาวสถปทีเปยฺยนฺติ
มญฺจปีฐาทิเสยฺยํ เอกภูมิกาทิอาวสถํ วฏฺฏิเตลาทิปทีปูปการณญฺจ เทตีติ อตฺโถ.
เตสํ หิ ทีฆายุกตาย ๓- จ วณฺณวนฺตตาย จ สุขพหุลตาย จ ปตฺถนํ กตฺวา อิมํ ทสวิธํ
ทานวตฺถุํ ทตฺวา ตํ สมฺปตฺตึ อนุภวิตุํ ตตฺถ นิพฺพตฺตนฺติ. เสสํ สพฺพตฺถ
อุตฺตานเมวาติ.
                       นาคสํยุตฺตวณฺณนา นิฏฺฐิตา.
                         --------------
                        ๙. สุปณฺณสํยุตฺตวณฺณนา
    [๓๙๒-๔๓๗] สุปณฺณสํยุตฺเต ปตฺตานํ วณฺณวนฺตตาย ครุฬา สุปณฺณาติ วุตฺตา.
อิธาปิ ปฐมสุตฺตํ ปุริมนเยเนว อตฺถุปฺปตฺติยํ วุตฺตํ. หรนฺตีติ อุทฺธรนฺติ.
@เชิงอรรถ:  สี. อุกฺกณฺฐนตฺถํ     สี....ปริวุตฺถํ
@ สี.,ม. ทีฆายุกภาเว



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๘๑. http://84000.org/tipitaka/read/attha_page.php?book=12&page=381&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=8375&modeTY=2&pagebreak=1 http://84000.org/tipitaka/atthapali/th_line.php?B=12&A=8375&modeTY=2&pagebreak=1#p381


จบการแสดงผล หน้าที่ ๓๘๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]