อรรถกถาเล่มที่ ๑๒ หน้าที่ ๖๙.

เสกฺขาติ สตฺต เสกฺขา. ปุถูติ เตเยว สตฺต ชเน สนฺธาย ปุถูติ วุตฺตํ. อิธาติ อิมสฺมึ สาสเน. นิปโกติ เนปกฺกํ วุจฺจติ ปญฺา, ตาย สมนฺนาคโต ^๑- นิปโก, ตฺวํ ปณฺฑิโต ปพฺรูหีติ ยาจติ. อิริยนฺติ วุตฺตึ อาจารํ โคจรํ วิหารํ ปฏิปตฺตึ. มาริสาติ ภควนฺตํ อาลปติ. เสกฺขานญฺจ สงฺขาตธมฺมานญฺจ ขีณาสวานญฺจ ปฏิปตฺตึ มยา ปุจฺฉิโต ปณฺฑิต มาริส มยฺหํ กเถหีติ อยเมตฺถ สงฺเขปตฺโถ. ตุณฺหี อโหสีติ กสฺมา ยาวตติยํ ปุฏฺโ ตุณฺหี อโหสิ, กึ ปเญฺห กงฺขติ, อุทาหุ อชฺฌาสเยติ. อชฺฌาสเย กงฺขติ, โน ปเญฺห. เอวํ กิรสฺส อโหสิ "สตฺถา มํ เสกฺขาเสกฺขานํ อาคมนียปฏิปทํ กถาเปตุกาโม, สา จ ขนฺธวเสน ธาตุวเสน อายตนวเสน ปจฺจยาการวเสนาติ พหูหิ การเณหิ สกฺกา กเถตุํ, กถํ กเถนฺโต นุ โข สตฺถุ อชฺฌาสยํ คเหตฺวา กเถตุํ สกฺขิสฺสามี"ติ. อถ สตฺถา จินฺเตสิ "เปตฺวา มํ อญฺโ ปตฺตํ อาทาย จรนฺโต สาวโก นาม ปญฺาย สาริปุตฺตสโม นตฺถิ, อยมฺปิ มยา ปญฺหํ ปุฏฺโ ยาวตติยํ ตุณฺหี เอว, ปเญฺห นุ โข กงฺขติ, อุทาหุ อชฺฌาสเย"ติ. อถ "อชฺฌาสเย"ติ ตฺวา ปญฺหกถนตฺถาย นยํ ททมาโน ภูตมิทนฺติ สาริปุตฺต ปสฺสสีติ อาห. ตตฺถ ภูตนฺติ ชาตํ นิพฺพตฺตํ, ขนฺธปญฺจกสฺเสตํ นามํ. อิติ สตฺถา "ปญฺจกฺขนฺธวเสน สาริปุตฺต อิมํ ปญฺหํ กเถหี"ติ เถรสฺส นยํ เทติ. สห นยทาเนน ปน เถรสฺส ตีเร ิตปุริสสฺส วิวโฏ เอกงฺคโณ มหาสมุทฺโท วิย นยสเตน นยสหสฺเสน ปญฺหพฺยากรณํ อุปฏฺาสิ. อถ นํ พฺยากโรนฺโต ภูตมิทนฺติ ภนฺเตติอาทิมาห. ตตฺถ ภูตมิทนฺติ อิทํ นิพฺพตฺตํ ขนฺธปญฺจกํ. สมฺมปฺปญฺาย ปสฺสตีติ ^๒- สห วิปสฺสนาย มคฺคปญฺาย สมฺมา ปสฺสติ. ปฏิปนฺโน @เชิงอรรถ: ^๑ ม. สมนฺนาคตํ ตถาคตํ, ฉ.,อิ. สมนฺนาคตตฺตา ^๒ อิ. ปสฺสโต

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๖๙. http://84000.org/tipitaka/read/attha_page.php?book=12&page=69&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=1529&pagebreak=1 http://84000.org/tipitaka/atthapali/th_line.php?B=12&A=1529&pagebreak=1#p69