อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๑๔.

อวุตฺตาปิ คหิตาเยวาติ เวทิตพฺพา. อุปทฺทุตนฺติ อเนกคฺคฏฺเฐน. ๑- อุปสฺสฏฺฐนฺติ
อุปหตตฺเถน. เสสํ อุตฺตานเมวาติ.
                       สพฺพอนิจฺจวคฺโค ปญฺจโม.
                          ปฐโม ปณฺณาสโก.
                           ----------
                       ๖. ๑. อวิชฺชาวคฺควณฺณนา
           [๕๓-๖๒] อวิชฺชาวคฺเค อวิชฺชาติ จตูสุ สจฺเจสุ อญฺญาณํ. วิชฺชาติ
อรหตฺตมคฺควิชฺชา. อนิจฺจโต ชานโต ปสฺสโตติ ทุกฺขานตฺตวเสนาปิ ชานโต
ปสฺสโต ปหียติเยว, อิทํ ปน อนิจฺจวเสน กถิเต พุชฺฌนกปุคฺคลสฺส อชฺฌาสเยน
วุตฺตํ. เอเสว นโย สพฺพตฺถ. อปิเจตฺถ สญฺโญชนาติ ทส สญฺโญชนานิ.
อาสวาติ จตฺตาโร อาสวา. อนุสยาติ สตฺต อนุสยา. สพฺพุปาทานปริญฺญายาติ
สพฺเพสํ จตุนฺนมฺปิ อุปาทานานํ ตีหิ ปริญฺญาหิ ปริชานนตฺถาย. ปริยาทานายาติ
เขปนตฺถาย. เสสํ สพฺพตฺถ อุตฺตานเมวาติ.
                         อวิชฺชาวคฺโค ปฐโม.
                          ------------
                         ๗. ๒. มิคชาลวคฺค
                       ๑. ปฐมมิคชาลสุตฺตวณฺณนา
            [๖๓] มิคชาลวคฺคสฺส ปฐเม จกฺขุวิญฺเญยฺยาติ จกฺขุวิญฺญาเณน
ปสฺสิตพฺพา. โสตวิญฺเญยฺยาทีสุปิ เอเสว นโย. อิฏฺฐาติ ปริยิฏฺฐา วา โหนฺตุ มา วา
อิฏฺฐารมฺมณภูตาติ อตฺโถ. กนฺตาติ กมนียา. มนาปาติ มนวฑฺฒนกา. ปิยรูปาติ
@เชิงอรรถ: ๑ ก. อเนกตฺตฏฺเฐน


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๔.
http://84000.org/tipitaka/read/attha_page.php?book=13&page=14&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=288&modeTY=2&pagebreak=1
http://84000.org/tipitaka/atthapali/th_line.php?B=13&A=288&modeTY=2&pagebreak=1#p14