อรรถกถาเล่มที่ ๑๔ หน้าที่ ๑๑๒.

๑๔. เอตทคฺควคฺค ๑. ปมวคฺค เอตทคฺคปทวณฺณนา [๑๘๘] เอตทคฺเคสุ ปมวคฺคสฺส ปเม เอตทคฺคนฺติ เอตํ อคฺคํ. เอตฺถ จ อยํ อคฺคสทฺโท อาทิโกฏิโกฏฺาสเสฏฺเสุ ทิสฺสติ. "อชฺชตคฺเค สมฺม โทวาริก อาวรามิ ทฺวารํ นิคณฺานํ นิคณฺีนนฺ"ติอาทีสุ ^๑- หิ อาทิมฺหิ ทิสฺสติ. "เตเนว องฺคุลคฺเคน ตํ องฺคุลคฺคํ ปรามเสยฺย, ^๒- อุจฺฉุคฺคํ เวฬุคฺคนฺ"ติอาทีสุ โกฏิยํ. "อมฺพิลคฺคํ วา มธุรคฺคํ วา ติตฺตคฺคํ วา, ^๓- อนุชานามิ ภิกฺขเว วิหารคฺเคน วา ปริเวณคฺเคน วา ภาเชตุนฺ"ติอาทีสุ ^๔- โกฏฺาเส. "ยาวตา ภิกฺขเว สตฺตา อปทา วา ฯเปฯ ตถาคโต เตสํ อคฺคมกฺขายตี"ติอาทีสุ ^๕- เสฏฺเ. สฺวายมิธ โกฏิยํปิ วฏฺฏติ เสฏฺเปิ. เต หิ เถรา อตฺตโน อตฺตโน เสฏฺฏฺาเน ^๖- โกฏิภูตาติ อคฺคา เสฏฺภูตาติปิ. ตสฺมา เอตทคฺคนฺติ เอสา โกฏิ เอโส เสฏฺโติ อยเมตฺถ อตฺโถ. เอเสว นโย สพฺพสุตฺเตสุ. อยญฺจ เอตทคฺเค สนฺนิกฺเขโป นาม จตูหิ การเณหิ ลพฺภติ อตฺถุปฺปตฺติโต อาคมนโต จิณฺณวสิโต คุณาติเรกโตติ. เอตฺถ โกจิ เถโร เอเกน การเณน เอตทคฺคฏฺานํ ลภติ, โกจิ ทฺวีหิ, โกจิ ตีหิ, โกจิ สพฺเพเหว จตูหิปิ อายสฺมา สาริปุตฺตตฺเถโร วิย. โส หิ อตฺถุปฺปตฺติโตปิ มหาปญฺตาย เอตทคฺคฏฺานํ ลภิ อาคมนาทีหิปิ. กถํ? เอกสฺมึ หิ สมเย สตฺถา เชตวนมหาวิหาเร วิหรนฺโต คณฺฑามฺพรุกฺขมูเล ติตฺถิยมถนํ ^๗- ยมกปาฏิหาริยํ ทสฺเสตฺวา "อตีตพุทฺธา @เชิงอรรถ: ^๑ ม.ม. ๑๓/๗๐/๔๗ อุปาลิวาทสุตฺต ^๒ อภิ.ก. ๓๗/๑๐๗๓/๓๔๓ ปจฺจุปนฺนาณกถา @^๓ สํ.ม. ๑๙/๓๗๔/๑๓๑ สูทสุตฺต ^๔ ปาลิ. คาเหตุํ, วิ.จุ. ๗/๓๑๘/๘๙ @^๕ องฺ.จตุกฺก. ๒๑/๓๔/๓๙, ขุ.อิติ. ๒๕/๙๐/๓๐๘ อคฺคปฺปสาทสุตฺต ^๖ ฉ.ม.,อิ. าเน @^๗ ฉ.ม. กณฺฑมฺพรุกฺขมูเล ติตฺถิยมทฺทนํ

เนื้อความอรรถกถาฉบับภาษาบาลี อักษรไทย เล่มที่ ๑๔ หน้าที่ ๑๑๒. http://84000.org/tipitaka/read/attha_page.php?book=14&page=112&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=14&A=2634&pagebreak=1 http://84000.org/tipitaka/atthapali/th_line.php?B=14&A=2634&pagebreak=1#p112